തിരുവനന്തപുരം: ആർ.എസ്.എസ് –ബി.ജെ.പി നേതൃത്വത്തിന്‍റെ അറിവോടെ സി.പി.എം കണ്ണൂർ ജില്ലാ സെക്രട്ടറി പി. ജയരാജനെ വധിക്കാൻ പദ്ധതിയുണ്ടെന്ന് പൊലീസ് റിപ്പോർട്ട്. വാളാങ്കിച്ചാൽ മോഹനൻ വധകേസ് പ്രതി പ്രനൂപാണ് ജയരാജനെ വധിക്കാനുള്ള ക്വട്ടേഷൻ എടുത്തിരിക്കുന്നത്. കതിരൂർ മനോജ്, ധർമടത്തെ രമിത്ത് വധകേസുകളിലെ പ്രതികാര നടപടിയായാണ് ക്വട്ടേഷനെന്നും പൊലീസ് റിപ്പോർട്ടിൽ ചൂണ്ടിക്കാട്ടുന്നു.
വധഭീഷണിയുടെ പശ്ചാത്തലത്തിൽ കണ്ണൂർ എസ്.പി ജില്ലയിലെ എല്ലാ പൊലീസ് സ്റ്റേഷനുകളിലേക്കും അടിയന്തര സന്ദേശം അയച്ചിട്ടുണ്ട്. അതേസമയം, വധഭീഷണിയുണ്ടെന്ന പൊലീസ് റിപ്പോര്‍ട്ടിനോട് പ്രതികരിക്കാൻ പി. ജയരാജന് തയാറായില്ല.
പി. ജയരാജന് വധഭീഷണി ഉണ്ടെന്ന റിപ്പോർട്ട് നാടകം മാത്രമെന്ന് ബി.ജെ.പി നേതാവ് വി. മുരളീധരൻ പ്രതികരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.