ചാവക്കാട്: ഒരുമനയൂരിൽ ബി.ജെ.പി പ്രവർത്തകനെ ആക്രമിച്ച കേസിൽ രണ്ട് സി.പി.എം പ്രവർത്തകർ അറസ്റ്റിൽ. കണ്ണിക്കുത്തി കണ്ടമ്പുള്ളി മഹേഷ് (33), മുത്തമ്മാവ് കറുത്തേടത്ത് നിബിൻ (22) എന്നിവരെയാണ് ചാവക്കാട് പൊലീസ് അറസ്റ്റ് ചെയ്തത്.
ഒരുമനയൂർ മാങ്ങോട്ടുപറമ്പ് പെരുമ്പള്ളി പടിയിൽ ബി.ജെ.പി പ്രവർത്തകൻ മാങ്ങോട്ടുപടി പൂവന്തറ രാജേഷിെൻറ മകൻ ജീവ‍െൻറ (19) സ്ഥലത്തുണ്ടായ വഴി തർക്കമാണ് സംഘർഷത്തിനുകാരണം. പ്രതികളായ മഹേഷ്, നിബിൻ എന്നിവരുൾപ്പടെ മൂന്നുപേർ ചേർന്ന് നടത്തിയ ആക്രമണത്തിൽ ജീവൻ പരിക്കേറ്റ് ചികിത്സയിലാണ്.
ചാവക്കാട് എസ്.എച്ച്.ഒ അനിൽകുമാർ ടി. മേപ്പിള്ളിയുടെ നേതൃത്വത്തിൽ എസ്.ഐമാരായ യു.കെ. ഷാജഹാൻ, സുനിൽ, കെ.പി. ആനന്ദ്, എ.എസുമാരായ കെ.ആർ. സജിത്ത്കുമാർ, സുധാകരൻ, ബിന്ദുരാജ്, സി.പി.ഒമാരായ സുബീഷ്, മിഥുൻ എന്നിവരടങ്ങുന്ന സംഘമാണ് പ്രതികളെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.