കൊണ്ടോട്ടി: വിമാനയാത്രക്കിടെ ലൈംഗികാതിക്രമം നേരിട്ടെന്ന യുവതിയുടെ പരാതിയില്‍ പെരിന്തല്‍മണ്ണ സ്വദേശിക്കെതിരെ കരിപ്പൂര്‍ പൊലീസ് കേസെടുത്ത് അന്വേഷണം ആരംഭിച്ചു. ഒമാന്‍-കരിപ്പൂര്‍ ചാര്‍ട്ടേഡ് വിമാനത്തിലാണ് യുവതിക്കെതിരെ ലൈംഗികാതിക്രമം നടന്നത്.
സെക്ഷൻ 354 പ്രകാരമാണ് പെരിന്തല്‍മണ്ണ സ്വദേശിക്കെതിരെ കേസെടുത്തത്. വ്യാഴാഴ്ച രാത്രി മസ്‌കത്തിൽനിന്നാണ് വിമാനം പുറപ്പെട്ടത്. യാത്ര തുടങ്ങിയ ശേഷം ലൈറ്റ് ഓഫാക്കിയത് മുതല്‍ തൊട്ടടുത്ത സീറ്റിലിരുന്ന അറുപതുകാരൻ ലൈംഗികമായി അപമാനിക്കാന്‍ ശ്രമിച്ചെന്നാണ് തിരൂര്‍ സ്വദേശിനിയായ യുവതിയുടെ പരാതി.
വെള്ളിയാഴ്ച പുലര്‍ച്ച 4.30നാണ് വിമാനം കരിപ്പൂരിലെത്തിയത്. വിമാനമിറങ്ങിയ ഉടന്‍ യുവതി ഭര്‍ത്താവിനെ വിവരമറിയിച്ചു. തുടര്‍ന്ന് ഭര്‍ത്താവ് ഇ-മെയിലില്‍ മലപ്പുറം എസ്.പിക്ക് പരാതി നല്‍കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.