സഖാവെ, ഇവ​രെ ഞാന്‍ നിന്നെയേല്‍പ്പിക്കുന്നു

അ​പൂ​ർ​വ​മാ​യൊ​രു ജീ​വി​ത​ക​ഥ​യാ​ണി​ത്. പൊ​ലീ​സി​നാ​ൽ കൊ​ല്ല​പ്പെ​ടു​മെ​ന്ന്​ ഉ​റ​പ്പാ​യ​പ്പോ​ൾ, തന്‍റെ ക​ര​ൾ പാ​തി​യാ​യ ഭാ​ര്യ​യെ​യും ര​ണ്ടു പി​ഞ്ചു​മ​ക്ക​ളെ​യും ശേ​ഷി​ക്കു​ന്ന കാ​ലം പോ​റ്റ​ണ​മെ​ന്ന്​ ആ​വ​ശ്യ​പ്പെ​ട്ട ഒ​രു വി​പ്ല​വ​കാ​രി​യു​ടെ ക​ഥ. അ​തുകേ​ട്ട്​ മ​റു​ത്തൊ​ന്നും പ​റ​യാ​തെ അത്​ ശി​ര​സ്സാ​വ​ഹി​ച്ച ഒ​രു നെ​യ്​​ത്തു​കാ​ര​ൻ യു​വാ​വിന്‍റെയും അ​ങ്ങ​നെ മ​റ്റൊ​രു ത​ണ​ലി​ലേ​ക്ക്​ പ​റി​ച്ചു ന​ട​പ്പെ​ട്ട ഒ​രു വീ​ട്ട​മ്മ​യു​ടെ​യും കൂ​ടി ക​ഥ​.   

നെയ്ത്തുകാരന്‍ പറയുന്നു
ത​ണ്ടാ​ശ്ശേരി രാ​ഘ​വ​ൻ എ​ന്ന വി​പ്ല​വ​കാ​രി ഏ​ൽ​പി​ച്ച, അ​ദ്ദേ​ഹ​ത്തിന്‍റെ പ​ത്​​നി​യെ​യും കു​ഞ്ഞു​ങ്ങ​ളെ​യും സ്​​നേ​ഹ സം​ര​ക്ഷ​ണ​ങ്ങ​ളു​ടെ ഉൗ​ടും​പാ​വും നെ​യ്​​ത്​ ഒ​രാ​യു​സ്സു മു​ഴു​വ​ൻ സം​ര​ക്ഷി​ച്ച​ത്, ആ​ശാ​നെ​ന്നും സ്വാ​മി​യെ​ന്നും നാ​ട്ടു​കാ​ർ വി​ളി​ക്കു​ന്ന ഗം​ഗാ​ധ​ര​നാ​ശാ​ൻ. പ്രാ​യം 95ലെ​ത്തി നി​ൽ​ക്കു​ന്ന ഗം​ഗാ​ധ​ര​നാ​ശാ​ൻ വാ​ർ​ധ​ക്യ പീ​ഡ​ക​ൾ​ക്കി​ടയി​ലും അ​ക്കാ​ല​ത്തെ ഒാ​ർ​ത്തെ​ടു​ക്കു​ക​യാ​ണ്. കാ​ല​ത്തിന്‍റെ കു​ത്തൊ​ഴു​ക്കി​ൽ​പെ​ട്ട്​ മാ​യാ​ത്ത ആ ​ഒാ​ർ​മ​ക​ളി​ലൂ​ടെ...

‘കൊ​ല്ലം ജി​ല്ല​യു​ടെ വ​ട​ക്കേ​യ​റ്റ​ത്താ​ണ്​ ഞ​ങ്ങ​ളു​ടെ നാ​ടാ​യ ശൂ​ര​നാ​ട്. അ​വി​ട​ത്തെ പ്ര​മാ​ണി കു​ടും​ബ​മാ​യ ‘തെ​ന്ന​ല’​ക്കാ​രു​ടെ കൊ​ടി​യ ചൂ​ഷ​ണ​ത്തി​ൽ നാ​ട്ടു​കാ​ർ പൊ​റു​തി​മു​ട്ടി​യ കാ​ലം. പ​ണി​ചെ​യ്​​താ​ൽ കൂ​ലി കൊ​ടു​ക്കി​ല്ല. വ​സ്​​ത്രം ധ​രി​ക്കാ​ൻ അ​നു​വ​ദി​ക്കി​ല്ല. പു​ര​യി​ട​ത്തി​ൽ കു​ഴി കു​ത്തി അ​തി​ൽ തേ​ക്കി​ല​ വെ​ച്ച്​ വി​ള​മ്പി​യ ക​ഞ്ഞി വേ​ണം കു​ടി​ക്കാ​ൻ. 

അ​വ​ർ ത​ല്ലി​യാ​ൽ ഒ​ന്നു ക​ര​യാ​ൻ ​പോ​ലും നി​ൽ​ക്കാ​തെ തി​രി​ഞ്ഞു ന​ട​ന്നോ​ണം. ഇൗ ​അ​നീ​തി​ക​ൾ​ക്കെ​തി​രെ, സ​മീ​പ​നാ​ടാ​യ ആ​ല​പ്പു​ഴ​യി​ലെ വ​ള്ളി​കു​ന്ന​ത്തു​നി​ന്നെ​ത്തി​യ തോ​പ്പി​ൽ ഭാ​സി​യും ശ​ങ്ക​ര​നാ​രാ​യ​ണ​ൻ ത​മ്പി​യും പു​തു​പ്പ​ള്ളി രാ​ഘ​വ​നും ഞ​ങ്ങ​ളെ സം​ഘ​ടി​പ്പി​ച്ചു. കൊ​ടി​യ അ​നീ​തി​ക്കെ​തി​രെ ഞ​ങ്ങ​ൾ പ്ര​തി​ക​രി​ക്കാ​ൻ തീ​രു​മാ​നി​ച്ചു. 1949 ഡി​സം​ബ​ർ 27ന്​ ​തെ​ന്ന​ല കു​ടും​ബം ലേ​ല​ത്തി​നെ​ടു​ത്ത ഉ​ള്ള​ന്നൂ​ർ കു​ള​ത്തി​ൽ​നി​ന്ന്​ ഞ​ങ്ങ​ൾ തീ​രു​മാ​നി​ച്ച പ്ര​കാ​രം തോ​ർ​ത്ത്​ ഉ​പ​യോ​ഗി​ച്ച്​ മീ​ൻ പി​ടി​ച്ചു. ഇ​ത​റി​ഞ്ഞ തെ​ന്ന​ല​ക്കാ​ർ കോ​പി​ച്ചു. അ​ടൂ​രി​ലാണ്​ അ​ന്ന്​ പൊ​ലീ​സ്​ സ്​​റ്റേ​ഷ​ൻ. അ​വി​ടെ നി​ന്ന്​ സ​ബ്​ ഇ​ൻ​സ്​​പെ​ക്​​ട​ർ മാ​ത്യു​വിന്‍റെ നേ​തൃ​ത്വ​ത്തി​ൽ പൊ​ലീ​സ്​ എ​ത്തി. ഡി​സം​ബ​ർ 31ന്​ ​ഉ​ച്ച​ക്ക്​ പൊ​ലീ​സി​ന്​ തെ​ന്ന​ല​യി​ൽ വി​ഭ​വ​സ​മൃ​ദ്ധ​മാ​യ സ​ദ്യ ന​ൽ​കി. അ​ന്ന്​ രാ​ത്രി അ​വ​ർ ഞ​ങ്ങ​ളെ തേ​ടി​യി​റ​ങ്ങി. തെ​ന്ന​ല​ക്കാ​ർ​ക്കെ​തി​രെ പ്ര​തി​ക​രി​ച്ച ശൂ​ര​നാ​െ​ട്ട ക​മ്യൂ​ണി​സ്​​റ്റ്​ സെ​ല്ലി​നെ ഇ​ല്ലാ​യ്​​മ ചെ​യ്യു​ക​യാ​യി​രു​ന്നു അ​വ​രു​ടെ ല​ക്ഷ്യം.

എന്നാൽ, ആ ​രാ​ത്രി കി​ഴ​ക​ട പാ​ട​ത്ത്​ സ​ബ്​ ഇ​ൻ​സ്​​പെ​ക്​​ട​ർ മാ​ത്യു​വും നാ​ലു പൊ​ലീ​സു​കാ​രും മ​രി​ച്ചു​വീ​ണു. അ​തി​നു​മു​മ്പു​ള്ള പ​ക​ലും രാ​ത്രി​യും ഞ​ങ്ങ​ളു​ടെ വീ​ടു​ക​ളി​ൽ ക​യ​റി പൊ​ലീ​സ്​ കാ​ണി​ച്ച അ​തി​ക്ര​മ​ത്തി​നു​ള്ള ക​മ്യൂ​ണി​സ്​​റ്റ്​ സെ​ല്ലിെ​ൻ​റ മ​റു​പ​ടി കൂ​ടി​യാ​യി​രു​ന്നു ആ ​കൊ​ല​പാ​ത​ക​ങ്ങ​ൾ. അ​ന്ന്​ തി​രു​വി​താം​കൂ​ർ സ്​റ്റേറ്റാണ്. പ​റ​വൂ​ർ ടി.​കെ. നാ​രാ​യ​ണ​പി​ള്ള​യാ​ണ്​ പ്രധാനമന്ത്രി. ‘ശൂ​ര​നാ​ട്​ എ​ന്നൊ​രു​ ദേ​ശം ഇ​നി വേ​ണ്ട’ എ​ന്ന്​ അ​ദ്ദേ​ഹം 1950 ജ​നു​വ​രി ഒ​ന്നി​ന്​ പ്ര​ഖ്യാ​പി​ച്ചു. നൂ​റു​ക​ണ​ക്കി​ന്​ പൊ​ലീ​സു​കാ​ർ ശൂ​ര​നാ​ടെ​ന്ന ചെ​റു​ഗ്രാ​മ​ത്തി​ലെ​ത്തി പൊ​യ്​​ക​യി​ൽ മു​ക്കി​ൽ ക്യാ​മ്പ്​ തു​റ​ന്നു. ക​മ്യൂ​ണി​സ്​​റ്റ്​ സെ​ല്ലി​ലെ യു​വാ​ക്ക​ളെ തേ​ടി വീ​ടു​ക​ളി​ലെ​ത്തി സ്​​ത്രീ​ക​ളെ​യും കു​ഞ്ഞു​ങ്ങ​ളെ​യും വൃ​ദ്ധ മാ​താ​പി​താ​ക്ക​ളെ​യും ഉ​പ​ദ്ര​വി​ച്ചു. പെ​ണ്ണു​ങ്ങ​ളെ ബ​ലാ​ത്സം​ഗം ചെ​യ്​​തു. ഇ​തോ​ടെ, ശൂ​ര​നാ​ട്​ സം​ഭ​വ​ത്തി​ലെ പ്ര​ധാ​ന പ്ര​തി​യാ​യ ത​ണ്ടാ​ശ്ശേരി രാ​ഘ​വ​ൻ കീ​ഴ​ട​ങ്ങാ​ൻ തീ​രു​മാ​നി​ച്ചു. അ​ദ്ദേ​ഹം ജ​നു​വ​രി 16ന്​ ​കീ​ഴ​ട​ങ്ങാ​ൻ പോ​കു​ന്ന വ​ഴി എ​ന്നെ​ത്തേ​ടി ഞ​ങ്ങ​ളു​ടെ മ​ഞ്ഞാ​ടി​യി​ൽ വീ​ട്ടി​ലെ​ത്തി.
 

"സഖാവേ... എന്‍െറ കരള്‍പാതി നെന്നെയേല്‍പിക്കുന്നു'
26 പ്ര​തി​ക​ളാ​ണ്​ ശൂ​ര​നാ​ട്​ സം​ഭ​വ​ത്തി​ൽ ഉ​ണ്ടാ​യി​രു​ന്ന​ത്. എ​ല്ലാ ഒ​രു​ക്ക​ങ്ങ​ളി​ലും ഞാ​ൻ ഉ​ൾ​പ്പെ​ട്ടി​രു​ന്നെ​ങ്കി​ലും എന്‍റെ പ്രാ​യ​ക്കു​റ​വും പ​തി​ഞ്ഞ സ്വ​ഭാ​വ​വും കാ​ര​ണം പൊ​ലീ​സിന്‍റെ ശ്ര​ദ്ധ​യി​ൽ​പെ​ടാ​തെ​ പോ​യി. അ​തു​കൊ​ണ്ടു ത​ന്നെ പ്ര​തി​യാ​യി​ല്ല. കു​റ്റി​പ്പു​റം ച​ന്ത​യി​ൽ വി​ൽ​ക്കാ​ൻ വേ​ണ്ടി വീ​ട്ടി​ൽ മു​രി​ങ്ങ​ക്കാ​യ പ​റി​ച്ചു​കൊ​ണ്ടു നി​ൽ​ക്കു​ക​യാ​യി​രു​ന്നു ഞാ​ൻ. ‘എ​ടാ ഗം​ഗാ​ധ​രാ’ എ​ന്ന വി​ളി​കേ​ട്ട്​ ഞാ​ൻ തി​രി​ഞ്ഞു​നോ​ക്കി​യ​പ്പോ​ൾ സ​ഖാ​വ്​ ത​ണ്ടാ​ശ്ശേ​രി രാ​ഘ​വ​ൻ. അ​ന്ന​ദ്ദേ​ഹ​ത്തി​ന്​ 38 വ​യ​സ്സ്​​ വ​രും ആ​റ​ടി​യി​ല​ധി​കം പൊ​ക്കം. ഘ​നഗം​ഭീ​ര​മാ​യ ശ​ബ്​​ദം. കൈ​ലി​യും ബ​നി​യ​നു​മാ​ണ്​ വേ​ഷം. തോ​ളി​ലൊ​രു തോ​ർ​ത്ത്​ ഇ​ട്ടി​ട്ടു​ണ്ട്.

ഞാ​ൻ അ​ടു​ത്തേ​ക്ക്​ ചെ​ന്നു അ​രി​കി​ൽ ചേ​ർ​ത്തു​നി​ർ​ത്തി വ​ല​തു കൈ​യെ​ടു​ത്ത്​ എന്‍റെ തോ​ളി​ൽ ​െവ​ച്ചി​ട്ടു പ​റ​ഞ്ഞു. ‘സ​രോ​ജി​നി​യെ​യും കു​ഞ്ഞു​ങ്ങ​ളെ​യും അ​വ​ർ വ​ല്ലാ​തെ ഉ​പ​ദ്ര​വി​ക്കു​ന്നു. ര​ണ്ടാ​ഴ്​​ച​ക്കി​ട​ക്ക്​ 50​ലേ​റെ ത​വ​ണ  പൊ​ലീ​സ്​ എ​ന്നെ​ത്തേ​ടി വീ​ട്ടി​ൽ ചെ​ന്നു. സ​രോ​ജി​നി​യെ മു​ടി​ക്ക്​ കു​ത്തി​പ്പി​ടി​ച്ച്​ നി​ല​ത്ത​ടി​ച്ചു. അ​വ​ളു​ടെ ത​ല​പൊ​ട്ടി. ഇ​നി​യും ഞാ​ൻ ഒ​ളി​വി​ൽ ക​ഴി​ഞ്ഞാ​ൽ അ​വ​ർ എന്‍റെ സ​​േ​രാ​ജി​നി​യെ​യും കു​ഞ്ഞു​ങ്ങ​ളെ​യും കൊ​ല്ലും. ഞാ​ൻ കീ​ഴ​ട​ങ്ങാ​ൻ പോ​വു​കയാ​ണ്. എ​​ന്നെ കി​ട്ടി​യാ​ൽ അ​വ​ർ ഇ​ടി​ച്ചു കൊ​ല്ലും. ഇ​നി ന​മ്മ​ൾ ക​ണ്ടെ​ന്നു​വ​രി​ല്ല. എ​ന്നെ അ​വ​ർ കൊ​ന്നാ​ൽ എന്‍റെ സ​രോ​ജി​നി​യെ​യും കു​ഞ്ഞു​ങ്ങ​ളെ​യും നീ ​സം​ര​ക്ഷി​ക്ക​ണം’. ഇ​ത്ര​യും പ​റ​ഞ്ഞ​പ്പോ​ഴേ​ക്കും ത​ണ്ടാ​ശ്ശേ​രി വി​തു​മ്പി. തോ​ളി​ൽ കി​ട​ന്ന തോ​ർ​ത്തുകൊ​ണ്ട്​ അ​ദ്ദേ​ഹം ക​ര​ച്ചി​ൽ ക​ടി​ച്ച​മ​ർ​ത്താ​ൻ ശ്ര​മി​ച്ചു. എ​ന്നി​ട്ട്​ നെ​ഞ്ചു​യ​ർ​ത്തി വ​ട​ക്കോ​ട്ട്​ ന​ട​ന്നു​പോ​യി. പൊ​യ്​​ക​യി​ൽ മു​ക്കി​ലെ പൊ​ലീ​സ്​ ക്യാ​മ്പി​ലേ​ക്ക്. എ​ന്തു​പ​റ​യ​ണ​മെ​ന്ന​റി​യാ​തെ ഞാ​ന​ത്​ നോ​ക്കി നി​ന്നു.

രണ്ടാം നാള്‍ എത്തിയ മരണവാര്‍ത്ത
ത​ണ്ടാ​ശ്ശേ​രി​യെ അ​ന്നു ത​ന്നെ പൊ​ലീ​സ്​ അ​ടൂ​രി​ലേ​ക്ക്​ കൊ​ണ്ടു​പോ​യി. പൊ​യ്​​ക​യി​ൽ മു​ക്കി​ലെ നാ​ട്ടു​കാ​ർ പ​റ​ഞ്ഞ​റി​ഞ്ഞ​താ​ണ്. ര​ണ്ടു ദി​വ​സം ക​ഴി​ഞ്ഞ്, ജ​നു​വ​രി 18 ഉ​ച്ച​യോ​ടെ ത​ണ്ടാ​ശ്ശേ​രി പൊ​ലീ​സ്​ ലോ​ക്ക​പ്പി​ൽ കൊ​ല്ല​പ്പെ​ട്ട വാ​ർ​ത്ത​യെ​ത്തി. ​ശൂ​ര​നാ​ട്​ ര​ക്ത​സാ​ക്ഷി ദി​ന​മാ​യി ക​മ്യൂ​ണി​സ്​​റ്റ്​ പാ​ർ​ട്ടി​ക​ൾ സം​യു​ക്ത​മാ​യി ആ​ച​രി​ക്കു​ന്ന​ത്​ ഇൗ ​ദി​വ​സ​മാ​ണ്. പി​ന്നാ​ലെ കാ​ഞ്ഞി​ര​പ്പ​ള്ളി വ​ട​ക്ക്​ പു​രു​ഷോ​ത്ത​മ​ക്കു​റു​പ്പും പാ​യ്​​ക്കാ​ലി​ൽ ഗോ​പാ​ല പി​ള്ള​യും മ​ഠ​ത്തി​ൽ ഭാ​സ്​​ക​ര​ൻ നാ​യ​രും ക​ള​ക്കാ​ട്ടു​ത​റ പ​ര​മേ​ശ്വ​ര​ൻ നാ​യ​രും പൊ​ലീ​സ്​ ലോ​ക്ക​പ്പി​ലും ജ​യി​ലു​ക​ളി​ലു​മാ​യി ര​ക്ത​സാ​ക്ഷി​ത്വം വ​രി​ച്ചു. ശേ​ഷി​ച്ച 21 പ്ര​തി​ക​ളെ​യും കോ​ട​തി ഇ​ര​ട്ട ജീ​വ​പ​ര്യ​ന്ത​ത്തി​ന്​ ശി​ക്ഷി​ച്ചു. 1957ൽ ​ഇ.​എം.​എ​സ്​ സ​ർ​ക്കാ​ർ അ​ധി​കാ​ര​ത്തി​ലെ​ത്തി​യ​പ്പോ​ൾ ഇ​വ​രെ​യെ​ല്ലാം ​േമാ​ചി​പ്പി​ച്ചു.  ഇ​വ​രി​ൽ ഒ​രാ​ൾപോ​ലും ഇ​ന്ന്​ ജീ​വി​ച്ചി​രി​ക്കു​ന്നി​ല്ല. എ​ല്ലാ​റ്റി​നും സാ​ക്ഷി​യാ​യ ഞാ​ൻ മാ​ത്രം ശേ​ഷി​ക്കു​ന്നു. തി​രി​ഞ്ഞു​നോ​ക്കു​േ​മ്പാ​ൾ അ​ഭി​മാ​നം തോ​ന്നു​ന്നുവെങ്കി​ലും പാ​ർ​ട്ടി​യു​ടെ പി​ള​ർ​പ്പ്​ ഇ​ന്നും വ​ല്ലാ​തെ വേ​ദ​നി​പ്പി​ക്കു​ന്നു. പി​ള​ർ​ന്ന​ത​ല്ല​ല്ലോ, പി​ള​ർ​ന്ന്​ ന​ശി​ച്ചു എ​ന്നു പ​റ​യു​ന്ന​താ​വും ശ​രി...
 

സഖാവ് ഏല്‍പിച്ച ചുമതലയിലേക്ക്
ത​ണ്ടാ​ശ്ശേരി​യു​ടെ ര​ക്ത​സാ​ക്ഷി​ത്വ​ത്തോ​ടെ അ​ദ്ദേ​ഹ​ത്തിന്‍റെ കു​ടും​ബം തീ​ർ​ത്തും അ​നാ​ഥ​മാ​യിരുന്നു. 31 വ​യ​സ്സു​ള്ള ഭാ​ര്യ സ​രോ​ജി​നി​യും അ​ഞ്ചു​വ​യ​സ്സു​കാ​ര​​ൻ ​സോ​മ​രാ​ജ​നും കൈ​ക്കു​ഞ്ഞാ​യ വി​ശ്വ​നാ​ഥ​നും അ​ട​ങ്ങു​ന്ന കു​ടും​ബ​ത്തിന്‍റെ സം​ര​ക്ഷ​ണം ഞാ​ൻ ഏ​റ്റെ​ടു​ത്തു. നെ​യ്​​ത്തും കു​ടി​പ്പ​ള്ളി​ക്കൂ​ടം ന​ട​ത്ത​ലു​മാ​യി​രു​ന്നു എന്‍റെ തൊ​ഴി​ൽ. കു​റ​ഞ്ഞൊ​രു​കാ​ലം മൂ​ല​പ്പാ​ട്ട്​ ​ക്ഷേ​ത്ര​ത്തി​ലെ ശാ​ന്തി​ക്കാ​ര​നു​മാ​യി. ആ ​കു​ടും​ബ​ത്തെ ഞാ​ൻ സ​ഖാ​വ്​ ആ​വ​ശ്യ​പ്പെ​ട്ട പ്ര​കാ​രം ത​ന്നെ നോ​ക്കി സം​ര​ക്ഷി​ച്ചു.

നാ​ലാ​ണ്ട്​ ക​ഴി​ഞ്ഞ​പ്പോ​ൾ ഞ​ങ്ങ​ൾ വി​വാ​ഹി​ത​രാ​യി. എ​നി​ക്ക​ന്ന്​ 32 വ​യ​സ്സാ​യി​രു​ന്നു. ത​ണ്ടാ​ശ്ശേ​രി​യു​ടെ വി​ധ​വ​ക്ക്​ 35ഉം. 1956​ൽ ഞ​ങ്ങ​ൾ​ക്ക്​ മൂ​ത്ത​മ​ക​ൾ സു​ഷ​മ ജ​നി​ച്ചു. പി​ന്നെ സു​ധ​യും ത​മ്പാ​നും സു​ഗ​ന്ധി​യും. ത​ണ്ടാ​ശ്ശേ​രി​ക്ക്​ മ​റ്റൊ​രു ബ​ന്ധ​ത്തി​ൽ സു​ഷ​മ എ​ന്നൊ​രു മ​ക​ൾ ഉ​ണ്ടാ​യി​രു​ന്നു. അ​ങ്ങ​നെ ഞ​ങ്ങ​ൾ​ക്ക്​ ഏ​ഴ്​ മ​ക്ക​ൾ. സോ​മ​രാ​ജ​ന്​ ഇ​പ്പോ​ൾ 71 വ​യ​സ്സാ​യി. സോ​മ​രാ​ജ​നും വി​ശ്വ​നാ​ഥ​നും ത​മ്പാ​നും കൂ​ടി മൈ​സൂ​രു​വി​ൽ ഒ​ന്നി​ച്ച്​ ബി​സി​ന​സ്​ ചെ​യ്യു​ന്നു. സു​ധ​യോ​ടൊ​പ്പ​മാ​ണ്​ ഞാ​ൻ.

പൊ​ലീ​സ്​ ന​ട​ത്തി​യ കൊ​ടി​യ പീ​ഡ​ന​ങ്ങ​ളു​ടെ ശേ​ഷി​പ്പ്​ 2015 ഡി​സം​ബ​ർ 17ന്​ ​മ​രി​ക്കു​ന്ന​തു വ​രെ​യും സ​രോ​ജി​നി​യെ വേ​ട്ട​യാ​ടി​യി​രു​ന്നു. മു​ടി​ക്ക്​​ കു​ത്തി​പ്പി​ടി​ച്ച്​ നി​ല​ത്ത​ടി​ച്ച​പ്പോ​ൾ ത​ല പൊ​ട്ടി​യ പാ​ട്​ മ​ര​ണംവ​രെ​യും അ​വ​രു​ടെ ത​ല​യി​ൽ ഉ​ണ്ടാ​യി​രു​ന്നു. ഇ​ത്ര​യേ​റെ ത്യാ​ഗം സ​ഹി​ച്ച സ​രോ​ജി​നി​യോ​ടും മ​ക്ക​ളോ​ടും പാ​ർ​ട്ടി​യും പാ​ർ​ട്ടി ന​യി​ച്ച സ​ർ​ക്കാ​റു​ക​ളും ഒ​രു നീ​തി​യും കാ​ണി​ച്ചി​ല്ല. ത​ണ്ടാ​ശ്ശേ​രി​യു​ടെ ചോ​ര​യി​ലൂ​ടെ ച​വി​ട്ടി ജീ​വി​ത വി​ജ​യ​ങ്ങ​ളു​ടെ പ​ടി ക​യ​റി​യവ​രും പ​ഴ​യ​തൊ​ക്കെ മ​റ​ന്നു. ‘​പ​ഴ​കെ​പ്പ​ഴ​കെ പാ​ലും പു​ളി​ക്കും’ എ​ന്ന​ല്ലേ ചൊ​ല്ല്​ -ഗം​ഗാ​ധ​ര​നാ​ശാ​ൻ പ​റ​ഞ്ഞുനി​ർ​ത്തി.