താളിയോലയിൽ നിറയും രാമായണശീല്​

ക​ക്കോ​ടി: രാ​മാ​യ​ണ മാ​സാ​രം​ഭ​ത്തി​ന് ദി​വ​സ​ങ്ങ​ൾ​ക്ക് മു​ന്നേ ക​ക്കോ​ടി മോ​രീ​ക്ക​ര മേ​ലാ​ൽ മോ​ഹ​ന​ന് ഒ​രു​ക്കം തു​ട​ങ്ങ​ണം. യൂ​ട്യൂ​ബ് തി​ര​ഞ്ഞ് ന​ല്ല രാ​മാ​യ​ണ പാ​രാ​യ​ണം വീ​ട്ടി​ൽ കേ​ൾ​പ്പി​ക്കു​ന്ന ഇ​ക്കാ​ല​ത്ത് മേ​ലാ​ൽ മോ​ഹ​ന​നും കു​ടും​ബ​വും പൂ​ർ​വി​ക​ർ അ​നു​വ​ർ​ത്തി​ച്ച ശീ​ല​ത്തി​ന് ഒ​ട്ടും മാ​റ്റം വ​രു​ത്തി​യി​ട്ടി​ല്ല. ത​ല​മു​റ​ക​ൾ കൈ​മാ​റി​ക്കി​ട്ടി​യ താ​ളി​യോ​ല​യി​ൽ വി​ര​ചി​ത രാ​മാ​യ​ണം വാ​യി​ച്ചു​കൊ​ണ്ടാ​ണ് ക​ർ​ക്ക​ട​ക മാ​സാ​രം​ഭ​ത്തി​ന് തു​ട​ക്കം​കു​റി​ക്കു​ന്ന​ത്.

ത​ന്റെ മു​ത്ത​ച്ഛ​ന്‍ കു​ട്ട​ൻ പെ​രു​വ​ണ്ണാ​നി​ൽ​നി​ന്നാ​ണ് ഇ​ത് കൈ​മാ​റി​ക്കി​ട്ടി​യ​ത് എ​ന്നു മാ​ത്ര​മെ അ​റി​യൂ. പ്ര​ദേ​ശ​ത്തെ പ്ര​മാ​ണി​മാ​രു​ടെ വീ​ടു​ക​ളി​ൽ രാ​മാ​യ​ണ പാ​രാ​യ​ണം ന​ട​ത്തി​യി​രു​ന്ന​ത് കു​ട്ട​ൻ പെ​രു​മ​ണ്ണാ​നാ​യി​രു​ന്നു. വ​റു​തി​ക്കാ​ല ക​ർ​ക്ക​ട​ക​ത്തെ മ​റി​ക​ട​ക്കാ​ൻ ഉ​പ​ജീ​വ​ന​ത്തി​നാ​യി അ​ഞ്ചി​ട​ങ്ങ​ഴി നെ​ല്ലും തേ​ച്ച് കു​ളി​ച്ച് വ​രാ​ൻ ഒ​രു കു​പ്പി എ​ണ്ണ​യും കോ​ടി മു​ണ്ടും പ്ര​തി​ഫ​ല​വും ഓ​രോ വീ​ട്ടി​ൽ നി​ന്നും പ്ര​മാ​ണി​മാ​ർ കൊ​ടു​ത്തി​രു​ന്ന ക​ഥ പി​താ​വ് പ​റ​ഞ്ഞ​ത് മോ​ഹ​ന​ന് ഓ​ർ​മ​യു​ണ്ട്.

താ​ളി​യോ​ല രാ​മാ​യ​ണ​ത്തി​ലാ​യി​രു​ന്നു പി​താ​വ് അ​പ്പു​ക്കു​ട്ടി വൈ​ദ്യ​ർ പാ​രാ​യ​ണം ന​ട​ത്തി​യി​രു​ന്ന​ത്. 1955 ൽ ​രാ​മാ​യ​ണ​ത്തി​ന്റെ പു​സ്ത​ക പ​ക​ർ​പ്പും പി​താ​വ് വാ​ങ്ങി ഉ​പ​യോ​ഗി​ച്ചി​രു​ന്നു. ആ ​പു​സ്ത​ക​വും മോ​ഹ​ന​ന്റെ നി​ധി പേ​ട​ക​ത്തി​ലു​ണ്ട്. ഇ​ദ്ദേ​ഹ​ത്തി​ന്റെ ശേ​ഖ​ര​ത്തി​ലു​ണ്ടാ​യി​രു​ന്ന അ​മൂ​ല്യ​മാ​യ നി​ര​വ​ധി താ​ളി​യോ​ല ഗ്ര​ന്ഥ​വും പേ​ട​ക​ങ്ങ​ളും മോ​ഹ​ന​ൻ സൂ​ക്ഷി​ക്കു​ന്നു​ണ്ട്. ഇ​ട​ക്ക് ഇ​വ പൊ​ടി ത​ട്ടി​യും ജൈ​വ ലാ​യ​നി​ക​ളും ഇ​ല​ച്ചാ​ർ​ത്തു​ക​ളും തേ​ച്ച് വെ​യി​ലേ​ൽ​പ്പി​ക്കും. അ​ക്ഷ​ര​ങ്ങ​ൾ​ക്ക് കൂ​ടു​ത​ൽ മി​ഴി​വേ​കാ​ൻ മ​ഞ്ഞ​ളും ചി​ല പ്ര​ത്യേ​ക പ​ച്ചി​ല​ക​ളു​മാ​ണ് തേ​ക്കു​ന്ന​ത്. അ​തി​നാ​ൽ തെ​ളി​ഞ്ഞു വ​രു​ന്ന നാ​രാ​യ​ക്കു​റി​ക​ൾ ക​ണ്ണി​ന് വ​ലി​യ പ്ര​യാ​സ​മി​ല്ലാ​ത്ത​വ​ർ​ക്ക് എ​ളു​പ്പം വാ​യി​ക്കാ​നാ​വും.

1985 ൽ ​അ​നാ​രോ​ഗ്യ​ത്താ​ൽ രാ​മാ​യ​ണ പാ​രാ​യ​ണം ന​ട​ത്താ​ൻ മോ​ഹ​ന​നോ​ട് പി​താ​വ് ആ​വ​ശ്യ​പ്പെ​ടു​ക​യാ​യി​രു​ന്നു. അ​ന്നു​മു​ത​ൽ രാ​മാ​യ​ണ പാ​രാ​യ​ണ​വും വി​ല​പ്പെ​ട്ട താ​ളി​യോ​ല ഗ്ര​ന്ഥ​ങ്ങ​ളും മോ​ഹ​ന​ന്റെ കി​ട​പ്പു​മു​റി​യി​ലും ജീ​വി​ത​ത്തി​ലും ഇ​ടം​പി​ടി​ച്ചു. മോ​ട്ടോ​ർ വാ​ഹ​ന വ​കു​പ്പി​ൽ​നി​ന്ന് ജൂ​നി​യ​ർ സൂ​പ്ര​ണ്ടാ​യി വി​ര​മി​ച്ച മോ​ഹ​ന​ൻ നി​ര​വ​ധി അം​ഗീ​കാ​ര​ങ്ങ​ൾ നേ​ടി​യ നാ​ട​ക ന​ട​നും ഫു​ട്ബാ​ൾ സം​ഘാ​ട​ക​നു​മാ​ണ്.