ഹലീമ അബൂദയ്യ; ര​ണ്ട് ന​ക്ബ​ക​ളു​ടെ ര​ക്ത​സാ​ക്ഷി

കു​ടി​യേ​റി​വ​ന്ന​വ​രുടെ ഭീ​ക​ര​ത​ക്ക് ഗ​സ്സ​യി​ലെ ഹ​ലീ​മയും പ​ല​വ​ട്ടം സാ​ക്ഷി​യാ​യി. ക​ടു​ത്ത പ്ര​തി​സ​ന്ധി​ക​ൾക്ക് നടുവിലും ഉ​റ​ച്ച മ​​ന​സ്സോ​ടെ അ​വ​ർ അ​തി​െന നേരിട്ടു. എ​ന്നാ​ൽ, ഒ​രു വ​ർ​ഷം തി​ക​യു​ന്ന ഇ​സ്രാ​യേ​ൽ അ​ധി​നി​വേ​ശം വീ​ണ്ടു​മെ​ത്തി​യ​തോ​ടെ അ​വ​ർക്ക് പിന്നെയും പലായനം ചെയ്യേണ്ടിവന്നു. ഒ​രി​ക്ക​ല​ല്ല, 10 ത​വ​ണ. ഒടുവിൽ ഗസ്സയിലെ ദുരിതത്തീയിൽനിന്ന് മരണത്തിലേക്കായിരുന്നു ഹ​ലീ​മയുടെ പലായനം

ഹ​ലീ​മ അ​ബൂ​ദ​യ്യ​ക്ക് ചെ​റു​പ്പ​മാ​യി​രു​ന്നു അ​ന്ന് പ്രാ​യം. മൂ​ന്ന് കു​ഞ്ഞു​ങ്ങ​ളു​ടെ ഉ​മ്മ. അ​ഭ​യം തേ​ടി​യ​ണ​യു​ന്നൊ​രു വീ​ടോ നാ​ടോ ആ​ലോ​ചി​ക്കാ​ന​റി​യാ​ത്ത, എ​ല്ലാ പ്ര​യാ​സ​ങ്ങ​ളും ഒ​രു​നാ​ൾ അ​വ​സാ​നി​ച്ച് ന​ല്ല​പു​ല​രി പി​റ​ക്കു​മെ​ന്ന പ്ര​തീ​ക്ഷ ഹൃ​ദ​യ​ത്തോ​ടു ചേ​ർ​ത്തു​വെ​ച്ച ശ​രാ​ശ​രി ഫ​ല​സ്തീ​നി​യു​ടെ പ്ര​തീ​കം. ബ്രി​ട്ടീ​ഷ് സാ​മ്രാ​ജ്യ​ത്വ​ത്തെ കൂ​ട്ടു​പി​ടി​ച്ച് അ​യ​ൽ​പ​ക്ക​ങ്ങ​ളി​ലൊ​ക്കെ​യും ക്രൂ​ര​ത​ക​ൾ തു​ട​ർ​ന്ന സ​യ​ണി​സ്റ്റ് മി​ലീ​ഷ്യ​ക​ൾ ഒ​രു നാ​ൾ ത​ന്നെ​യും തേ​ടി​യെ​ത്തു​മെ​ന്ന് അ​ല്ലെ​ങ്കി​ലും അ​വ​രെ​ങ്ങ​നെ ഓ​ർ​ക്കാ​ൻ? വി​ധി പ​ക്ഷേ, കാ​ത്തു​വെ​ച്ച​ത് മ​റ്റൊ​ന്നാ​യി​രു​ന്നു.

1948ൽ ​ഫ​ല​സ്തീ​ൻ ഗ്രാ​മ​ങ്ങ​ളി​ലു​ട​നീ​ളം ന​ട​ത്തി​യ വം​ശീ​യ പ്ര​ക്ഷാ​ള​ന​ത്തി​നി​ടെ ഹ​ലീ​മ​യെ​യും കു​ടും​ബ​ത്തെ​യും അ​വ​ർ സ്വ​ന്തം നാ​ട്ടി​ൽ​നി​ന്നും വീ​ട്ടി​ൽ​നി​ന്നും ഇ​റ​ക്കി​വി​ട്ടു. ഒ​ന്നാം ന​ക്ബ​യി​ലെ പ​തി​നാ​യി​ര​ക്ക​ണ​ക്കി​ന് ഇ​ര​ക​ളി​ലൊ​രു​വ​ളാ​യി പ​ലാ​യ​ന​പ​ർ​വം അ​വി​ടെ തു​ട​ങ്ങി​യ അ​വ​ർ ഒ​ടു​വി​ൽ ക​ഴി​ഞ്ഞ ദി​വ​സം ഇ​സ്രാ​യേ​ൽ ക്രൂ​ര​ത​ക​ളു​ടെ എ​ണ്ണി​യാ​ലൊ​ടു​ങ്ങാ​ത്ത ക​ഥ​ക​ളു​ടെ ന​ടു​ക്കു​ന്ന നേ​ർ​ചി​ത്ര​മാ​യി, പ​ട്ടി​ണി​യും പ​രി​വ​ട്ട​വും മ​ല്ലി​ടാ​നാ​വാ​തെ ഗ​സ്സ​യി​ലെ ഇ​ടു​ങ്ങി​യ ത​മ്പു​ക​ളി​ലൊ​ന്നി​ൽ യാ​ത്ര​യാ​യി.. പ്രാ​യം 90ക​ളു​ടെ അ​വ​സാ​ന​ത്തി​ലെ​ത്തി​നി​ൽ​ക്കെ അ​വ​സാ​ന യാ​ത്ര.

പി​ന്നി​ട്ടു​പോ​ന്ന നീ​റു​ന്ന അ​നു​ഭ​വ​ങ്ങ​ളു​ടെ വ​ലി​യ ഭാ​ണ്ഡം മു​മ്പൊ​രി​ക്ക​ൽ അ​വ​ർ പ​ങ്കു​വെ​ച്ചി​രു​ന്നു. ഗ​സ്സ​യി​ൽ​ത​ന്നെ​യു​ള്ള ദെ​യ്ർ സു​നൈ​ദി​ലാ​യി​രു​ന്നു കു​ടും​ബ സ​മേ​തം ഹ​ലീ​മ​യു​ടെ താ​മ​സം. രാ​ജ്യം മൊ​ത്തം വെ​ട്ടി​പ്പി​ടി​ക്കു​ക​യെ​ന്ന ദു​ര​യോ​ടെ സ​യ​ണി​സ്റ്റ് മി​ലീ​ഷ്യ​ക​ൾ അ​വി​ടെ​യു​മെ​ത്തി ഭീ​ക​ര​ത തീ​ർ​ത്ത​പ്പോ​ൾ എ​ല്ലാം വി​ട്ടെ​റി​ഞ്ഞ് ആ​ദ്യ പ​ലാ​യ​നം ന​ട​ത്തി. തോ​ക്കി​ൻ മു​ന​യി​ൽ കാ​റു​ക​ളി​ൽ ക​യ​റ്റി നാ​ടു​ക​ട​ത്ത​പ്പെ​ട്ട അ​വ​ർ ഗ​സ്സ അ​തി​ർ​ത്തി​യോ​ടു ചേ​ർ​ന്ന ഒ​രി​ട​ത്ത് മൂ​ന്നു ദി​വ​സം ക​ഴി​ച്ചു​കൂ​ട്ടി. പി​ന്നീ​ട് കൂ​ടു​ത​ൽ സു​ര​ക്ഷി​ത​മാ​യ അ​ൽ​പം ദൂ​രെ ഒ​രി​ട​​ത്തേ​ക്ക് മാ​റി. മൂ​ന്നു​കു​ട്ടി​ക​ളു​ള്ള ഹ​ലീ​മ ഗ​ർ​ഭി​ണി​യു​മാ​യി​രു​ന്നു. ജീ​വി​ത​ത്തി​ലെ ഏ​റ്റ​വും ക​ടു​ത്ത നാ​ളു​ക​ൾ അ​തോ​ടെ പി​ന്നി​ട്ടു​വെ​ന്ന് തീ​ർ​ച്ച​യാ​യും അ​വ​ർ ക​ണ​ക്കു​കൂ​ട്ടി.

ഒ​റ്റ​വ​ർ​ഷം, പ​ലാ​യ​നം 10 വ​ട്ടം

പ​ല​ദേ​ശ​ങ്ങ​ളി​ൽ​നി​ന്ന് കു​ടി​യേ​റി​വ​ന്ന​വ​ർ കി​ട്ടി​യ​തൊ​ന്നും തി​ക​യാ​തെ ത​ങ്ങ​ളു​ടെ നാ​ടും വെ​ട്ടി​പ്പി​ടി​ക്കു​ന്ന ഭീ​ക​ര​ത​ക്ക് ഗ​സ്സ​യി​ലെ ഹ​ലീ​മ കു​ടും​ബ​വും പ​ല​വ​ട്ടം സാ​ക്ഷി​യാ​യി. അ​പ്പോ​ഴൊ​ക്കെ​യും ക​ടു​ത്ത പ്ര​തി​സ​ന്ധി​ക​ളെ ഉ​റ​ച്ച മ​​ന​സ്സോ​ടെ നേ​രി​ട്ട് അ​വ​ർ അ​വി​ടെ ത​ന്നെ ക​ഴി​ച്ചു​കൂ​ട്ടി. എ​ന്നാ​ൽ, ഒ​രു വ​ർ​ഷം തി​ക​യു​ന്ന ഇ​സ്രാ​യേ​ൽ അ​ധി​നി​വേ​ശം ദം​ഷ്ട്ര​ക​ൾ നീ​ട്ടി ക​ഴി​ഞ്ഞ ഒ​ക്ടോ​ബ​റി​ൽ വീ​ണ്ടു​മെ​ത്തി​യ​തോ​ടെ പ്രാ​യ​മേ​റെ ചെ​ന്ന് അ​വ​ശ​ത​ക്ക​ടി​മ​യാ​യ അ​വ​ർ വീ​ട്ടി​ൽ​നി​ന്ന് പു​റ​ത്താ​ക്ക​പ്പെ​ട്ടു. ഒ​രി​ക്ക​ല​ല്ല, 10 ത​വ​ണ.

ഓ​രോ ത​വ​ണ​യും ആ​കാ​ശ​ത്തു​നി​ന്ന് വി​മാ​ന​ങ്ങ​ൾ പ​റ​ത്തി​വി​ടു​ന്ന നോ​ട്ടീ​സു​ക​ളും മൊ​ബൈ​ൽ വ​ഴി​യെ​ത്തി​യ സ​ന്ദേ​ശ​ങ്ങ​ളു​മാ​യി​രു​ന്നു ഹ​ലീ​മ ഉ​മ്മ​ക്കും കു​ടും​ബ​ത്തി​നും കി​ട​പ്പാ​ടം​വി​ട്ട് ഓ​ടാ​നു​ള്ള തി​ട്ടൂ​ര​ങ്ങ​ൾ. വ​ട​ക്കു​പ​ടി​ഞ്ഞാ​റ​ൻ ഗ​സ്സ സി​റ്റി​യി​ലെ അ​ൽ​ത​വാ​മി​ലു​ള്ള വീ​ട് ബോം​ബി​ട്ട് നാ​മാ​വ​ശേ​ഷ​മാ​ക്കി​യ​പ്പോ​ൾ ആ​ദ്യം പു​റ​പ്പെ​​ട്ടോ​ടി​യ​ത് കു​റ​ച്ച​ക​ലെ​യു​ള്ള ഒ​രു വീ​ട്ടി​ലേ​ക്കാ​യി​രു​ന്നു. മ​റ്റ് അ​യ​ൽ​വാ​സി​ക​ൾ​ക്കൊ​പ്പം ആ ​വീ​ടി​ന്റെ ത​റ​യി​ലാ​യി താ​മ​സം. റെ​ഡ് ക്രോ​സി​ന്റെ സ​ഹാ​യം തേ​ടി​യെ​ങ്കി​ലും അ​വ​ർ കൈ​മ​ല​ർ​ത്തി. ഒ​രി​ക്ക​ൽ രോ​ഗി​യാ​യ ആ​ളെ കൂ​ട്ടാ​ൻ വ​ന്ന ആം​ബു​ല​ൻ​സ് പോ​ലും ഇ​സ്രാ​യേ​ൽ ബോം​ബി​ട്ട് ത​ക​ർ​ത്ത​തി​ന് സാ​ക്ഷി​ക​ളാ​യ​തി​നാ​ൽ അ​തി​ലേ​റെ പ്ര​തീ​ക്ഷി​ച്ചു​മി​ല്ല. വ​ട​ക്ക​ൻ ഗ​സ്സ വി​ട്ട് ല​ക്ഷ​ങ്ങ​ൾ പ​ലാ​യ​നം ചെ​യ്​​ത​പ്പോ​ൾ ഈ ​ഉ​മ്മ​യെ കൂ​ട്ടി യാ​ത്ര​യാ​കി​ല്ലെ​ന്ന് ക​ണ്ട് അ​വി​ടെ​ത​ന്നെ ക​ഴി​ച്ചു​കൂ​ട്ടാ​നാ​യി​രു​ന്നു കു​ടും​ബ​ത്തി​ന്റെ തീ​രു​മാ​നം.

ശ​രാ​ശ​രി 500ലേ​റെ ട്ര​ക്കു​ക​ൾ ദി​വ​സ​വും ഭ​ക്ഷ​ണ​വും മ​രു​ന്നു​മാ​യെ​ത്തി​യ ഗ​സ്സ തു​രു​ത്തി​ൽ ഒ​രു ട്ര​ക്കു​പോ​ലും എ​ത്താ​ത്ത ദി​ന​ങ്ങ​ൾ. ഭ​ക്ഷ​ണം ന​ൽ​കി​യ ഏ​ജ​ൻ​സി​ക​ൾ​ക്കും ആ​ളു​ക​ൾ​ക്കും മേ​ൽ തെ​ര​ഞ്ഞു​പി​ടി​ച്ച് ബോം​ബു​ക​ൾ വ​ർ​ഷി​ച്ച സ​മാ​ന​ത​ക​ളി​ല്ലാ​ത്ത ഇ​സ്രാ​യേ​ൽ ഭീ​ക​ര​ത. 20 ല​ക്ഷ​ത്തി​ലേ​റെ മ​നു​ഷ്യ​ർ​ക്കെ​തി​രെ പ​ട്ടി​ണി ആ​യു​ധ​മാ​ക്കി​യ​പ്പോ​ൾ കു​ടി​വെ​ള്ളം പോ​ലും കി​ട്ടാ​ക്ക​നി​യാ​യി. മ​ര​ണം അ​ക​റ്റാ​ൻ ക​ട​ലി​ലെ ഉ​പ്പു​വെ​ള്ളം കു​ടി​ച്ച് രോ​ഗി​ക​ളാ​യ​ത് നി​ര​വ​ധി പേ​ർ. അ​വ​ശ്യ ചി​കി​ത്സ അ​നു​വ​ദി​ക്ക​പ്പെ​ടാ​തെ ഇ​ഞ്ചി​ഞ്ചാ​യി മ​രി​ച്ചു​വീ​ണ​വ​ർ. ഒ​ടു​വി​ൽ 97കാ​രി​യാ​യ ഹ​ലീ​മ ഉ​മ്മ​യെ​യും മ​ര​ണം വ​ന്നു​വി​ളി​ച്ചു. ആ​കെ​യു​ണ്ടാ​യി​രു​ന്ന ഭ​ക്ഷ​ണ​മാ​യ, കാ​ലി​ക​ളു​ടെ തീ​റ്റ​യി​ൽ​നി​ന്നു​ണ്ടാ​ക്കി​യ ബ്രെ​ഡ് ക​ഴി​ക്കാ​ൻ ശ​രീ​ര​ത്തി​നാ​കാ​തെ വ​ന്നാ​യി​രു​ന്നു മ​ര​ണം. മ​നു​ഷ്യ മ​നഃ​സാ​ക്ഷി എ​ത്ര​കാ​ല​മെ​ടു​ത്ത് വി​ശ​ദീ​ക​രി​ച്ചാ​ലും ഉ​ത്ത​ര​മാ​കാ​ത്ത മ​ഹാ​ക്രൂ​ര​ത​ക​ൾ​ക്ക് മു​ന്നി​ൽ അ​വ​ർ അ​ങ്ങ​നെ ര​ക്ത​സാ​ക്ഷി​ത്വം വ​രി​ച്ചു.

വ​ല്യു​മ്മ​യു​ടെ അ​വ​സാ​ന നാ​ളു​ക​ൾ എ​ത്ര ഹൃ​ദ​യ​ഭേ​ദ​ക​മാ​യി​രു​ന്നു​വെ​ന്ന് പ​രി​ച​രി​ച്ച് കൂ​ടെ​യു​ണ്ടാ​യി​രു​ന്ന അ​ഫ്നാ​ൻ അ​ബൂ ഖും​സാ​ൻ പ​റ​യു​ന്നു​ണ്ട്. ഹ​ലീ​മ ഉ​മ്മാ​ക്ക് അ​ൾ​ഷൈ​മേ​ഴ്സ് ബാ​ധ കൂ​ടു​ത​ൽ മൂ​ർഛി​ച്ച് ആ​ളു​ക​ളെ തി​രി​ച്ച​റി​യാ​നാ​കാ​തെ​യാ​യി. സ്വ​ന്തം മ​ക​ൻ ത​​ന്റെ പി​താ​വാ​ണെ​ന്ന് വ​രെ അ​വ​ർ​ക്ക് തോ​ന്നി. ഒ​ന്നാം ന​ക്ബയി​ൽ പ​ടി​യി​റ​ങ്ങി​യ വീ​ടി​നോ​ടു ചേ​ർ​ന്നു​ണ്ടാ​യി​രു​ന്ന തോ​ട്ട​ത്തി​ന്റെ വി​ശേ​ഷ​ങ്ങ​ളൊ​ക്കെ​യാ​യി അ​വ​രു​ടെ ചോ​ദ്യം.

1948ലെ ​ന​ക്ബ കാ​ല​ത്ത് ഖും​സാ​ന്റെ പി​താ​വി​നെ​യാ​യി​രു​ന്നു ഹ​ലീ​മ ഉ​മ്മ ഗ​ർ​ഭം ചു​മ​ന്ന​ത്. ഇ​ത്ത​വ​ണ അ​വ​ർ വീ​ണ്ടും കു​ടി​​യി​റ​ക്ക​പ്പെ​ട്ട​പ്പോ​ൾ പാ​തി ത​ള​ർ​ന്ന ശ​രീ​ര​വു​മാ​യി 76കാ​ര​നാ​യ മ​ക​നാ​യി​രു​ന്നു അ​വ​രെ പ​ല​യി​ട​ത്താ​യി ചു​മ​ന്ന​ത്. വീ​ൽ​ചെ​യ​റി​ലി​ലി​രു​ത്തി പേ​ര​മ​ക്ക​ളു​ടെ സ​ഹാ​യ​ത്തോ​ടെ​യാ​യി​രു​ന്നു ഈ ​യാ​ത്ര​ക​ൾ. ഇ​വ​യ​ത്ര​യും അ​വ​സാ​നി​പ്പി​ച്ചാ​യി​രു​ന്നു അ​ടു​ത്തി​ടെ ഹ​ലീ​മ ഉ​മ്മ​യു​ടെ മ​ട​ക്കം.

ന​ക്ബ

1882ൽ ​സെ​മി​റ്റി​ക് വി​രു​ദ്ധ ക്രൂ​ര​ത​ക​ളി​ൽ പൊ​റു​തി​മു​ട്ടി കി​ഴ​ക്ക​ൻ യൂ​റോ​പി​ൽ​നി​ന്നും റ​ഷ്യ​യി​ൽ​നി​ന്നും ജൂ​ത​ർ കൂ​ട്ട​മാ​യി ഫ​ല​സ്തീ​നി​ലേ​ക്ക് പ​ലാ​യ​നം ആ​രം​ഭി​ക്കു​ന്ന​തോ​ടെ​യാ​ണ് സം​ഘ​ർ​ഷ​ങ്ങ​ളു​ടെ തു​ട​ക്കം. 1896ൽ ​ഓ​സ്ട്രി​യ​ൻ ത​ല​സ്ഥാ​ന​മാ​യ വി​യ​ന്ന​യി​ൽ പ്ര​വ​ർ​ത്തി​ച്ചു​വ​ന്ന മാ​ധ്യ​മ പ്ര​വ​ർ​ത്ത​ക​നാ​യ തി​യോ​ഡ​ർ ഹെ​ർ​സ​ൽ ‘ഡ​ർ ജൂ​ഡ​ൻ​സ്റ്റാ​റ്റ്’ അ​ഥ​വാ ‘ജൂ​ത രാ​ഷ്ട്രം’ എ​ന്ന​ ഗ്ര​ന്ഥം പു​റ​ത്തി​റ​ക്കു​ന്ന​തോ​ടെ രാ​ഷ്ട്രീ​യ സ​യ​ണി​സ​ത്തി​ന് ഔ​ദ്യോ​ഗി​ക നാ​ന്ദി​യാ​യി. യൂ​റോ​പി​​ൽ ജൂ​ത​ർ അ​നു​ഭ​വി​ക്കു​ന്ന കൊ​ടി​യ പീ​ഡ​ന​ങ്ങ​ൾ​ക്ക് അ​റു​തി​യാ​യി​രു​ന്നു പ്ര​ഖ്യാ​പി​ത ല​ക്ഷ്യം. ഉ​ഗാ​ണ്ട​യും അ​ർ​ജ​ന്റീ​ന​യു​മ​ട​ക്കം പ​ല രാ​ജ്യ​ങ്ങ​ളി​ലാ​കാ​മെ​ന്ന് തു​ട​ക്ക​ത്തി​ൽ സാ​ധ്യ​ത​ക​ളു​ണ​ർ​ന്ന ജൂ​ത രാ​ഷ്ട്രം ബ്രി​ട്ടീ​ഷ് അ​നു​ഗ്ര​ഹാ​ശി​സ്സു​ക​ളോ​ടെ ഫ​ല​സ്തീ​നി​ൽ ത​ന്നെ​യാ​ക​ട്ടെ​യെ​ന്ന് അ​ന്തി​മ തീ​ർ​പി​ലെ​ത്തി. നേ​ര​ത്തെ ഫ​ല​സ്തീ​നി​ൽ ജൂ​ത സാ​ന്നി​ധ്യം മൂ​ന്ന് ശ​ത​മാ​നം മാ​ത്ര​മാ​യി​രു​ന്നു.

യി​ഷൂ​വ് എ​ന്നു വി​ളി​ക്ക​പ്പെ​ട്ട അ​വ​ർ​ക്ക് ഫ​ല​സ്തീ​നി​ൽ ജൂ​ത രാ​ഷ്ട്ര സ്ഥാ​പ​നം ഒ​ട്ടും താ​ൽ​പ​ര്യ​മു​ള്ള​താ​യി​രു​ന്നി​ല്ല. എ​ന്നാ​ൽ, നാ​ലു നൂ​റ്റാ​ണ്ട് നീ​ണ്ടു​നി​ന്ന ഉ​സ്മാ​നി​യ ഖി​ലാ​ഫ​ത്തി​ന് അ​ന്ത്യം കു​റി​ക്ക​പ്പെ​ടു​ന്ന അ​​തേ സ​മ​യ​ത്ത് ബ്രി​ട്ട​നും ഫ്രാ​ൻ​സും ത​മ്മി​ൽ 1916ൽ ​ര​ഹ​സ്യ​മാ​യി ഒ​പ്പു​വെ​ച്ച സൈ​ക്സ്-​പി​കോ ക​രാ​ർ പ്ര​കാ​രം ഫ​ല​സ്തീ​ൻ ഉ​ൾ​പ്പെ​ടു​ന്ന​പ്ര​ദേ​ശം ബ്രി​ട്ടീ​ഷ് അ​ധീ​ന​ത​യി​ലാ​യി. ഫ​ല​സ്തീ​നി​ൽ ജൂ​ത രാ​ഷ്ട്ര സ്ഥാ​പ​ന വാ​ഗ്ദാ​ന​വു​മാ​യി 1917ൽ ​ബാ​ൽ​ഫ​ർ പ്ര​ഖ്യാ​പ​ന​വും വ​ന്നു. ഒ​ന്നാം ലോ​ക യു​ദ്ധ​ത്തി​ൽ ബ്രി​ട്ടീ​ഷ് വി​ജ​യ​ത്തി​ൽ വ​ലി​യ പ​ങ്കു​വ​ഹി​ച്ച സ​യ​ണി​സ്റ്റ് നേ​താ​വ് ചെ​യിം വെ​യ്സ്മാ​ന്റെ (വെ​യ്സ്മാ​ൻ പ്ര​ഥ​മ ഇ​സ്രാ​യേ​ൽ പ്ര​സി​ഡ​ന്റു​മാ​യി) സ​മ്മ​ർ​ദ​ങ്ങ​ൾ​ക്ക് വ​ഴ​ങ്ങി ബ്രി​ട്ടീ​ഷ് പ്ര​ധാ​ന​മ​ന്ത്രി ലോ​യ്ഡ് ജോ​ർ​ജും മു​ൻ വി​ദേ​ശ​കാ​ര്യ മ​ന്ത്രി ആ​ർ​ത​ർ ബാ​ൽ​ഫ​റും ചേ​ർ​ന്നാ​യി​രു​ന്നു ഫ​ല​സ്തീ​നി​ൽ ജൂ​ത രാ​ഷ്ട്രം ഉ​ണ്ടാ​ക്കു​മെ​ന്ന് ഔ​ദ്യോ​ഗി​ക​മാ​യി പ്ര​ഖ്യാ​പ​നം ന​ട​ത്തി​യ​ത്.

മൂ​ന്നു പ​തി​റ്റാ​ണ്ട് കാ​ലം ബ്രി​ട്ടീ​ഷ് വാ​ഴ്ച നി​ല​നി​ന്ന ഫ​ല​സ്തീ​നി​ലേ​ക്ക് ജൂ​ത​ർ ഒ​ഴു​കി​യെ​ത്തി. 1922നും 1935​നു​മി​ട​യി​ൽ ജൂ​ത ജ​ന​സം​ഖ്യ ഒ​മ്പ​തി​ൽ​നി​ന്ന് 27 ശ​ത​മാ​ന​മാ​യി ഉ​യ​ർ​ന്നു. ഇ​വ​ർ​ക്ക് സൗ​ക​ര്യ​മൊ​രു​ക്കി ബ്രി​ട്ടീ​ഷ് നേ​തൃ​ത്വ​ത്തി​ൽ ഫ​ല​സ്തീ​നി​ക​ളു​ടെ കു​ടി​യൊ​ഴി​പ്പി​ക്ക​ൽ നി​ർ​ബാ​ധം തു​ട​ർ​ന്നു​കൊ​ണ്ടി​രു​ന്നു. ജ​ർ​മ​നി​യി​ലെ നാ​സി വാ​ഴ്ച​ക്കാ​ലം ശ​രി​ക്കും ഫ​ല​സ്തീ​നി​ലെ ജൂ​ത കു​ടി​യേ​റ്റ​ത്തി​ന്റെ കൂ​ടി​യാ​യി​രു​ന്നു. ജ​ർ​മ​നി​യി​ൽ​നി​ന്ന് മാ​ത്ര​മ​ല്ല, യൂ​റോ​പി​ലെ വി​വി​ധ മേ​ഖ​ല​ക​ളി​ൽ​നി​ന്നും പ​തി​നാ​യി​ര​ങ്ങ​ൾ ഫ​ല​സ്തീ​ൻ ല​ക്ഷ്യ​മി​ട്ട് ക​പ്പ​ലേ​റി​യെ​ത്തി. ഇ​തി​നെ​തി​രെ ന​ട​ന്ന അ​റ​ബ് സ​മ​രം ര​ക്ത​രൂ​ഷി​ത​മാ​യി അ​ടി​ച്ച​മ​ർ​ത്തി​യ ബ്രി​ട്ടീ​ഷു​കാ​ർ ഇ​ന്ത്യ​യി​ൽ സ്വാ​ത​ന്ത്ര്യ​സ​മ​ര​ത്തോ​ട് കാ​ണി​ച്ച അ​ത്ര​യോ അ​തി​ലേ​റെ​യോ ഭീ​ക​ര​മാ​യ മാ​ർ​ഗ​ങ്ങ​ളി​ൽ നേ​രി​ട്ടു. ആ​യി​ര​ങ്ങ​ൾ വ​ധി​ക്ക​പ്പെ​ട്ടു. പ്ര​മു​ഖ നേ​താ​ക്ക​ൾ നാ​ടു​ക​ട​ത്ത​പ്പെ​ട്ടു.

ആ​യി​ര​ങ്ങ​ൾ കോ​ൺ​സ​ൻ​ട്രേ​ഷ​ൻ ക്യാ​മ്പു​ക​ളി​ലാ​യി. കാ​ര്യ​ങ്ങ​ൾ വേ​ഗ​ത്തി​ലാ​ക്കി 1940ക​ളി​ൽ സ​യ​ണി​സ്റ്റ് മി​ലീ​ഷ്യാ വി​ഭാ​ഗ​ങ്ങ​ൾ ബ്രി​ട്ടീ​ഷ് കേ​ന്ദ്ര​ങ്ങ​ൾ​ക്കു നേ​രെ ആ​ക്ര​മ​ണം കു​ടി ന​ട​ത്തി​യ​തോ​ടെ ഫ​ല​സ്തീ​നി​ലെ കോ​ള​നി വാ​ഴ്ച അ​വ​സാ​നി​പ്പി​ക്കു​ക​യാ​ണെ​ന്നും ഇ​നി യു.​എ​ന്നി​ന് കൈ​മാ​റു​ക​യാ​ണെ​ന്നും 1947ൽ ​ബ്രി​ട്ട​ൻ പ്ര​ഖ്യാ​പി​ച്ചു. എ​ന്നാ​ൽ, മൂ​ന്നി​ലൊ​ന്ന് ജ​ന​സം​ഖ്യ​യും ആ​റി​ലൊ​ന്ന് ഭൂ​മി​യും മാ​ത്ര​മു​ള്ള ജൂ​ത​ർ​ക്ക് 55 ശ​ത​മാ​നം ഭൂ​മി​യും മൂ​ന്നി​ൽ ര​ണ്ടു​ള്ള ഫ​ല​സ്തീ​നി​ക​ൾ​ക്ക് അ​വ​ശേ​ഷി​ച്ച​തും ന​ൽ​കി രാ​ഷ്ട്ര വി​ഭ​ജ​ന​മാ​യി​രു​ന്നു യു.​എ​ൻ ന​ട​പ്പാ​ക്കി​യ​ത്. പ്ര​ധാ​ന പ​ട്ട​ണ​ങ്ങ​ൾ, ഹൈ​ഫ മു​ത​ൽ ജ​ഫ്ഫ വ​രെ തീ​​ര​ദേ​ശ​ങ്ങ​ൾ എ​ന്നി​വ​യെ​ല്ലാം ജൂ​ത രാ​ഷ്ട്ര​ത്തി​ന്റെ ഭാ​ഗ​മാ​ക്കി​യാ​യി​രു​ന്നു കീ​റി​മു​റി​ക്ക​ൽ.

55 എ​ന്ന​ത് മു​ഴു​വ​നാ​ക്കാ​നാ​യി ഇ​റ​ങ്ങി​ത്തി​രി​ച്ച സ​യ​ണി​സ്റ്റ് ശ​ക്തി​ക​ൾ കൂ​ട്ട​ക്കു​രു​തി​യു​മാ​യി ഇ​റ​ങ്ങി. 1947നും 1949​നു​മി​ട​യി​ൽ ഏ​ഴ​ര ല​ക്ഷം ഫ​ല​സ്തീ​നി​ക​ളാ​ണ് രാ​ജ്യം വി​ട്ട് പ​ല​ദേ​ശ​ങ്ങ​ളി​ലും രാ​ജ്യ​ങ്ങ​ളി​ലു​മാ​യി അ​ഭ​യാ​ർ​ഥി​ക​ളാ​യ​ത്. ച​രി​ത്ര​പ​ര​മാ​യി ഫ​ല​സ്തീ​ൻ നാ​മം പേ​റു​ന്ന മ​ണ്ണി​ന്റെ 78 ശ​ത​മാ​ന​വും സ​യ​ണി​സ്റ്റ് അ​ധി​നി​വേ​ശ​ത്തി​നു കീ​ഴി​ലാ​യി. 530 ഗ്രാ​മ​ങ്ങ​ൾ ചു​ട്ടെ​രി​ച്ചു. അ​വി​ട​ങ്ങ​ളി​ലു​ൾ​​പ്പെ​ടെ വം​ശീ​യ പ്ര​ക്ഷാ​ള​നം ന​ട​ത്തി. 70ഓ​ളം കൂ​ട്ട​ക്കൊ​ല​ക​ള​ട​ക്കം മൊ​ത്തം 15,000 ഓ​ളം പേ​ർ ര​ക്ത​സാ​ക്ഷി​ക​ളാ​യി. ഏ​ഴ​ര ല​ക്ഷം ​പേ​ർ അ​ഭ​യാ​ർ​ഥി​ക​ളാ​യി. ഒ​ന്നാം ന​ക്ബ അ​വി​ടെ പി​റ​ക്കു​ക​യാ​യി​രു​ന്നു. 1948നു ​ശേ​ഷം 1967ലും 1971​ലു​മ​ട​ക്കം പ​ല​വ​ട്ടം അ​ധി​നി​വേ​ശ​ങ്ങ​ൾ ന​ട​ന്നു. ഏ​ഴ​ര ല​ക്ഷ​മാ​യി​രു​ന്ന അ​ഭ​യാ​ർ​ഥി​ക​ളി​പ്പോ​ൾ 75 ല​ക്ഷ​ത്തി​ലെ​ത്തി​നി​ൽ​ക്കു​ന്നു.

1948ലെ ​യു.​എ​ൻ വി​ഭ​ജ​ന പ​ദ്ധ​തി​യി​ൽ 55 ശ​ത​മാ​നം ഭൂ​മി അ​നു​വ​ദി​ച്ച​ത് ഇ​പ്പോ​ൾ 85 ശ​ത​മാ​ന​ത്തി​ലു​മെ​ത്തി​നി​ൽ​ക്കു​ന്നു. 23 ല​ക്ഷം ഫ​ല​സ്തീ​നി​ക​ൾ വ​സി​ച്ച ലോ​ക​ത്തെ ‘തു​റ​ന്ന ജ​യി​ലാ’​യ ഗ​സ്സ​യെ ചാ​മ്പ​ലാ​ക്കു​ന്ന​തി​നൊ​പ്പം 30 ല​ക്ഷ​ത്തി​ലേ​റെ ഫ​ല​സ്തീ​നി​ക​ളു​ള്ള കി​ഴ​ക്ക​ൻ ജ​റൂ​സ​ലം, വെ​സ്റ്റ് ബാ​ങ്ക് എ​ന്നി​വി​ട​ങ്ങ​ളി​ലും കു​ടി​യൊ​ഴി​പ്പി​ക്ക​ലും ന​ര​വേ​ട്ട​യും ത​കൃ​തി​യാ​ണി​പ്പോ​ൾ. എ​ണ്ണ​മ​റ്റ സൈ​നി​ക ചെ​ക്പോ​യി​ന്റു​ക​ളും കൂ​റ്റ​ൻ മ​തി​ലു​ക​ളും തീ​ർ​ത്ത് സ​ഞ്ചാ​രം പോ​ലും മു​ട​ക്ക​പ്പെ​ട്ട​വ​രു​ടെ മ​ണ്ണ് ലോ​ക​ത്ത് ​വേ​റെ​യു​ണ്ടാ​കി​ല്ല.

.