അമ്മ മാലാഖ

‘ചു​ണ്ടി​ലൂ​റു​ന്ന ചി​രി​യു​മാ​യ്
ക​ളി​യ്ക്കു​മെ​ന്നോ​മ​ലെ ക​ണ്ടു-
കൊ​തി​യ​ട​ങ്ങു​ന്നി​ല്ലീ​യ​മ്മ​യ്ക്കു..
ഒ​രു മാ​ത്ര കൂ​ടി 
ഞാ​നൊ​ന്നെ​ടു​ത്തോ​ട്ടെ...
ഒ​രു വേ​ള കൂ​ടി ഞാ​നൊ​ന്നു​മ്മ 
വെ​യ്ക്ക​ട്ടെ....
(അ​മ്മ​ത​ൻ രോ​ദ​നം: -​സ്മി​ത അ​നി​ൽ)

ഇ​തൊ​രു അ​മ്മ​യെ​ഴു​തി​യ വ​രി​ക​ളാ​ണ്. മു​പ്പ​ത് ദി​വ​സം മാ​ത്രം പ്രാ​യ​മു​ള്ള മ​ക​ളെ പി​രി​ഞ്ഞ് സൗ​ദി​ അ​റേ​ബ്യ​യി​ലെ ആ​ശു​പ​ത്രി​യി​ലേ​ക്ക് മാ​ല​ാഖ​ക്കു​പ്പാ​യ​മ​ണി​ഞ്ഞ് പോ​കേ​ണ്ടി വ​ന്ന ഒ​ര​മ്മ. ഹൃ​ദ​യ​ര​ക്തം പേ​ന​യി​ൽ നി​റ​ച്ചെ​ഴു​തി​യ വ​രി​ക​ൾ​ക്ക് സ​മൂ​ഹ​മാ​ധ്യ​മ​ത്തി​ൽ ഏ​റെ ആ​രാ​ധ​ക​രു​ണ്ടാ​യി. ജീ​വി​തം ക​രു​പ്പി​ടി​പ്പി​ക്കാ​നാ​യി നി​ർ​ബ​ന്ധ പ്ര​വാ​സ ജീ​വി​തം ഏ​റ്റു​വാ​ങ്ങി​യ നി​ര​വ​ധി സ്ത്രീ​ക​ൾ ക​വ​യി​ത്രി​യെ അ​ന്വേ​ഷി​ച്ചു. 

പ​ത്ത​നം​തി​ട്ട ജി​ല്ല​യി​ലെ തി​രു​വ​ല്ല അ​പ്പ​ർ​ കുട്ട​നാ​ട്ടി​ൽ മ​ണി​മ​ല​യാ​റ്റി​ൻ തീ​ര​ത്തെ വീ​ട്ടി​ൽനി​ന്ന് ക​ട​ലി​ന​ക്ക​രെ​യു​ള്ള രാ​ജ്യ​ത്തേ​ക്ക് പോ​കേ​ണ്ടിവ​ന്ന സ്മി​ത അ​നി​ലാ​ണ് ഈ ​അ​മ്മ. സൗ​ദി​ മ​ന്ത്രാ​ല​യ​ത്തി​ന് കീ​ഴി​ലെ റി​യാ​ദ് ദ​വാ​ദ്മി​യി​ലെ തി​ര​ക്കേ​റി​യ ആ​ശു​പ​ത്രി​യി​ൽ ആ​തു​ര​സേ​വ​നം ന​ട​ത്തു​ക​യാ​ണി​വ​ർ. വീ​തി​യേ​റി​യ പാ​ത​ക​ളി​ൽ മ​ര​ണ​പ്പാ​ച്ചി​ൽ ന​ട​ത്തി അ​പ​ക​ട​ത്തി​ൽ​പ്പെ​ടു​ന്ന​വ​ർ ഏ​റെ​​െയ​ത്തു​ന്ന ആ​ശു​പ​ത്രി​യാ​ണി​ത്. ചോ​ര​യും ക​ണ്ണീ​രും നി​ല​വി​ളി​ക​ളും കൂ​ട്ടി​നു​ള്ള ഇ​ൻറ​ൻ​സീ​വ് കെ​യ​ർ യൂ​നി​റ്റി​ലാ​ണ്  സ്മി​ത​യു​ടെ ജോ​ലി. രാ​പ്പക​ൽ വേ​ദ​ന​യു​മാ​യി കൂ​ട്ടി​രി​ക്കേ​ണ്ടി വ​ന്ന​പ്പോ​ൾ സ്വ​ന്തം വേ​ദ​ന​ക​ൾ വ​രി​ക​ളി​ലൂ​ടെ പ​ക​ർ​ത്താ​ൻ തു​ട​ങ്ങി. 

‘അ​ർ​ബു​ദ വി​ലാ​പം’, ‘ഒ​രു മ​ഴ​ക്കാ​ല​ത്തി​ന്‍റെ ഓ​ർ​മ​യ്ക്ക് ‘, ‘ക​ണി​യൊ​രു​ക്കു​ന്ന ക​ർ​ണി​കാ​രം’, ‘രാ​ധ​ത​ൻ പ​രി​ഭ​വം’ എ​ന്നി​ങ്ങ​നെ നി​ര​വ​ധി ക​വി​ത​ക​ളും ഭ​ക്തി​ഗാ​ന​ങ്ങ​ളും സ്മി​ത​യു​ടെ തൂ​ലി​ക​യി​ൽ നി​ന്നു പി​റ​ന്നു. മ​ല​യാ​ളി സ​ഹ​പ്ര​വ​ർ​ത്ത​ക​രു​ടെ​യും ഫേ​സ്ബു​ക്ക്​​സു​ഹൃ​ത്തു​ക്ക​ളു​ടെ​യും പ്രോ​ത്സാ​ഹ​നം കൂ​ടി​യാ​യ​പ്പോ​ൾ സ്മി​ത​യി​ലെ എ​ഴു​ത്തു​കാ​രി ഉ​ണ​രു​ക​യാ​യി​രു​ന്നു. ഫേ​സ്ബുക്ക്​ കൂ​ട്ടാ​യ്​മയാ​യ ദി​ശ ​ക​ലാ​സാ​ഹി​ത്യ​വേ​ദി​യി​ലാ​ണ് ത​​​​​​​​െൻറ ക​വി​ത​ക​ൾ പ്ര​സി​ദ്ധീ​ക​രി​ച്ചു പോ​ന്ന​ത് ക​ർ​ഷ​ക​നാ​യ പു​രു​ഷോ​ത്ത​മ​ന്‍റെ​യും സു​ലോ​ച​ന​യു​ടെ​യും മൂ​ത്ത മ​ക​ളാ​ണ് സ്മി​ത.

സ്‌​കൂ​ൾ കാ​ല​ത്തുത​ന്നെ ര​ച​നാ​ മ​ത്സ​ര​ങ്ങ​ളി​ൽ മി​ടു​ക്കി​യാ​യി​രു​ന്നു. ഹൈ​ദ​രാ​ബാ​ദി​ൽ നി​ന്ന് ന​ഴ്‌​സി​ങ് ഡി​പ്ലോ​മ​ പൂ​ർ​ത്തി​യാ​ക്കി. 2007ലാ​ണ് ആ​ദ്യ​മാ​യി ജോ​ലി തേ​ടി ഗ​ൾ​ഫി​ൽ പോ​യ​ത്. അ​തി​ന് മു​മ്പ് ഡ​ൽ​ഹി​യി​ലും മും​ബൈ​യി​ലും ജോ​ലി നോ​ക്കി​യി​രു​ന്നു. ഗ​ൾ​ഫി​ൽ ത​ന്നെ ജോ​ലി​യു​ണ്ടാ​യി​രു​ന്ന ചെ​ങ്ങ​ന്നൂ​ർ പാ​ണ്ട​നാ​ട് സ്വ​ദേ​ശി അ​നി​ൽ​കു​മാ​റി​നെ വി​വാ​ഹം ക​ഴി​ച്ചു. 2009ലാ​ണ് ആ​ദ്യ​ത്തെ ക​ൺ​മ​ണി പി​റ​ന്ന​ത്. മ​ക​ൾ നി​വേ​ദ്യ​ക്ക് മു​പ്പ​ത് ദി​വ​സം മാ​ത്രം പ്രാ​യ​മു​ണ്ടാ​യി​രു​ന്ന​പ്പോ​ൾ സ്മി​ത​ക്ക് വീ​ണ്ടും ആ​ശു​പ​ത്രി​യി​ലേ​ക്ക് പോ​കേ​ണ്ടി വ​ന്നു.

കു​ഞ്ഞി​ന് 11 മാ​സം പ്രാ​യ​മു​ള്ള​പ്പോ​ഴാ​ണ് പി​ന്നീ​ട് തി​രി​ച്ചെ​ത്തു​ന്ന​ത്. സൗ​ദി​യി​ലെ ആ​ശു​പ​ത്രിയി​ൽ പ​ത്ത് വ​ർ​ഷം പൂ​ർ​ത്തി​യാ​ക്കി​യ​തി​ന് അ​ധി​കൃ​ത​ർ പ്ര​ത്യേ​കം ഉ​പ​ഹാ​രം ന​ൽ​കി ആ​ദ​രി​ച്ചു. ഭ​ർ​ത്താ​വ് അ​നി​ൽ​കു​മാ​ർ ഇ​പ്പോ​ൾ നാ​ട്ടി​ൽ ജോ​ലി ചെ​യ്യു​ക​യാ​ണ്. നി​വേ​ദ്യ​യെ​ക്കൂ​ടാ​തെ അ​ന​ന്തു അ​നി​ൽ എ​ന്നൊ​രു മ​ക​നും ഇ​വ​ർ​ക്കു​ണ്ട്. മ​ക​ൾ തി​രു​വ​ല്ല അ​മൃ​ത വി​ദ്യാ​ല​യ​ത്തി​ൽ നാ​ലാം ക്ലാ​സി​ലാ​ണ്. അ​ന​ന്തു ബി​ലീ​വേ​ഴ്‌​സ് ച​ർ​ച്ച് സ്‌​കൂ​ളി​ലെ യു.​കെ.​ജി വി​ദ്യാ​ർ​ഥി​യും. 

ക​ഴി​ഞ്ഞ ഒ​രു വ​ർ​ഷ​ത്തി​നി​ടെ മു​പ്പ​തോ​ളം ക​വി​ത​ക​ളെ​ഴു​തി​യി​ട്ടു​ണ്ട് സ്മി​ത. ജോ​ലി​ക്കി​ടെ വീ​ണു കി​ട്ടു​ന്ന ഒ​ഴി​വു സ​മ​യ​ങ്ങ​ളി​ലാ​ണ് ര​ച​ന. ഇ​തു​വ​രെ എ​ഴു​തി​യ​വ അ​മ്പ​തോ​ളം വ​രും. സമൂ​ഹ മാ​ധ്യ​മ​ങ്ങ​ളി​ലാ​ണ് സ്മി​ത ക​വി​ത​ക​ൾ ആഘോഷിച്ചത്​. നാ​ട്ടി​ൽ വ​രു​മ്പോ​ൾ ഇ​തെ​ല്ലാം സ​മാ​ഹ​രി​ച്ച് പു​സ്ത​ക രൂ​പ​ത്തി​ലാ​ക്കാ​നു​ള്ള ശ്ര​മ​ത്തി​ലാ​ണ്. സാ​മ്പ​ത്തി​ക പ്ര​തി​സ​ന്ധി​ക​ളെ​ല്ലാം അ​വ​സാ​നി​ച്ചാ​ൽ മ​ക്ക​ളെ മാ​റോ​ട് ചേ​ർ​ക്കു​ന്ന ഒ​ര​മ്മ​യാ​യി നാ​ട്ടി​ൽ ത​ന്നെ ക​ഴി​യ​ണ​മെ​ന്നാ​ണ് സ്മി​ത​യു​ടെ ആ​ഗ്ര​ഹം.