ബംഗളൂരു: കർണാടക സ്റ്റേറ്റ് ഫുട്ബാൾ അസോസിയേഷന് (കെ.എസ്.എഫ്.എ) കീഴിൽ ബി.ഡി.എഫ്.എ സംഘടിപ്പിക്കുന്ന പ്രഥമ ചീഫ് മിനിസ്റ്റേഴ്സ് കപ്പ് ഫുട്ബാൾ ടൂർണമെന്റിൽ ബുധനാഴ്ച നടന്ന മത്സരങ്ങളിൽ ബ്യാടരായനപുര, സി.വി. രാമൻ നഗർ മണ്ഡലങ്ങൾക്ക് ജയം. ബാംഗ്ലൂർ ഫുട്ബാൾ സ്റ്റേഡിയത്തിൽ നടന്ന ആദ്യ മത്സരത്തിൽ ബ്യാടരായനപുര മറുപടിയില്ലാത്ത 10 ഗോളിന് ചാമരാജ് പേട്ടിനെ വീഴ്ത്തി. പ്രവരുത്, ഗബ്രിയേൽ നീൽ എന്നിവർ ഇരട്ട ഗോളുകൾ നേടി. രാകേഷ്, സ്റ്റീഫൻരാജ് എന്നിവരുടെ സെൽഫ് ഗോളുകളും ചാമരാജ് പേട്ടിന് വിനയായി.
വൈകീട്ട് മൂന്നിന് നടന്ന രണ്ടാം മത്സരത്തിൽ സി.വി. രാമൻ നഗർ ഒന്നിനെതിരെ രണ്ടു ഗോളുകൾക്ക് പുലികേശി നഗറിനെ തോൽപിച്ചു. നിഖിൽ, ഗോഡ്‍വിൻ എന്നിവർ വിജയികൾക്കായി സ്കോർ ചെയ്തു. സേവേശ്വർ പുലികേശിനഗറിനായി ആശ്വാസ ഗോൾ നേടി. വ്യാഴാഴ്ച ഉച്ചക്ക് 1.30ന് യെലഹങ്ക മണ്ഡലവും മഹാലക്ഷ്മി ലേഔട്ട് മണ്ഡലവും തമ്മിൽ ഏറ്റുമുട്ടും. വൈകീട്ട് മൂന്നിന് നടക്കുന്ന രണ്ടാം മത്സരത്തിൽ ശിവാജി നഗർ മണ്ഡലവും കെ.ആർ പുരം മണ്ഡലവും തമ്മിൽ മത്സരിക്കും. ബംഗളൂരുവിലെ നിയോജക മണ്ഡലങ്ങളെ പ്രതിനിധാനംചെയ്ത് 17 ടീമുകളാണ് ടൂർണമെന്റിൽ മാറ്റുരക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.