ഈസ്റ്റ് കൾച്ചറൽ അസോസിയേഷൻ സുവർണ ജൂബിലി ആഘോഷങ്ങളുടെ കൊടിയേറ്റ് ചടങ്ങിൽനിന്ന്
ബംഗളൂരു: ഈസ്റ്റ് കൾച്ചറൽ അസോസിയേഷൻ ഓണാഘോഷത്തിന് കൊടിയേറി. ഇന്ദിര നഗറിലെ ഇ.സി.എ ഓഫിസ് പരിസരത്തു നടന്ന ചടങ്ങിൽ സുവർണ ജൂബിലി ആഘോഷങ്ങളുടെ കൊടിയേറ്റം ബംഗളൂരു സെൻട്രൽ എം.പി പി.സി. മോഹൻ നിർവഹിച്ചു.
തുടർന്ന് തിരുവിഴ വിജു എസ്. ആനന്ദ്, വൈക്കം സുമോദ് എന്നിവരുടെ സംഗീത പരിപാടി അരങ്ങേറി. ഒറ്റപ്പാലം ഹരി, വെണ്ണിമല അനു, തുറവൂർ കമ്മത്ത് ബ്രദേഴ്സും സംഘവും എന്നിവരുടെ പഞ്ചവാദ്യവും നടന്നു.
മെഗാ ഓണാഘോഷങ്ങൾ സെപ്റ്റംബർ 21, 22 തീയതികളിൽ നടക്കും. 21ന് ആഘോഷ പരിപാടികൾ ഡോ. രാജു നാരായണ സ്വാമി ഉദ്ഘാടനം ചെയ്യും. നടിയും ദേശീയ അവാർഡ് ജേതാവുമായ സുരഭി ലക്ഷ്മി വിശിഷ്ടാതിഥിയാവും. അംഗങ്ങളുടെ കലാപരിപാടികൾ അരങ്ങേറും. 22ന് രാവിലെ പൂക്കള മത്സരത്തോടെ പരിപാടികൾ ആരംഭിക്കും. ഓണസദ്യ, ഓട്ടന്തുള്ളൽ, നൃത്തപരിപാടികൾ എന്നിവയുണ്ടാകും. വൈകീട്ട് എം.ജി. ശ്രീകുമാറും സംഘവും അവതരിപ്പിക്കുന്ന സംഗീത പരിപാടി അരങ്ങേറും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.