ബംഗളൂരു: ഫെഡറേഷൻ ഓഫ് മറുനാടൻ മലയാളി അസോസിയേഷൻസ്, ഫെയ്മ കർണാടക സംഘടിപ്പിക്കുന്ന വിഷുക്കൈനീട്ടം ശനിയാഴ്ച വൈകീട്ട് 4.30ന് ഇന്ദിരാനഗർ രാഘവേന്ദ്ര മഠത്തിനു സമീപമുള്ള പരിമള സഭാംഗണ ഓഡിറ്റോറിയത്തിൽ നടക്കും. കർണാടക പ്ലാനിങ് ബോർഡ് വൈസ് ചെയർമാൻ പ്രഫ. രാജീവ് ഗൗഡ വിഷുക്കൈനീട്ടം ഉദ്ഘാടനം ചെയ്യും. ഫെയ്മ കർണാടക സംസ്ഥാന പ്രസിഡന്റ് റജികുമാർ അധ്യക്ഷത വഹിക്കും. ഇൻഫോസിസ്‌ കോഫൗണ്ടർ എസ്.ഡി. ഷിബുലാൽ, കുമാരി ഷിബുലാൽ, വൈറ്റ് ഗോൾഡ് ഗ്രൂപ് ചെയർമാൻ സി.ജെ. ബാബു, ഫെയ്മ അഖിലേന്ത്യ ജനറൽ സെക്രട്ടറി ഭൂപേഷ് ബാബു, കസ്റ്റംസ് അഡീഷനൽ കമീഷണർ ഗോപകുമാർ, നർത്തകിയും അഭിനേത്രിയുമായ ശ്രീദേവി ഉണ്ണി, എൻ.ആർ.കെ ഡെവലപ്മെന്റ് ഓഫിസർ റീസ രഞ്ജിത്ത്, മലയാളി സംഘടന ഭാരവാഹികൾ എന്നിവർ സംബന്ധിക്കും. കലാപരിപാടികൾ, വിഷുക്കൈനീട്ടം, അത്താഴം എന്നിവ നടക്കും. പരിപാടിയിൽ പങ്കെടുക്കുന്ന എല്ലാവർക്കും വിഷുക്കൈനീട്ടം നൽകുമെന്ന് സെക്രട്ടറി ജെയ്ജോ ജോസഫ്, ട്രഷറർ അനിൽ കുമാർ, രക്ഷാധികാരി പി.ജി. ഡേവിഡ് എന്നിവർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.