ബംഗളൂരു: ജി 20 സമ്മേളനം നടക്കുന്നതിനാൽ ജൂലൈ എട്ടിന് ഉച്ചക്ക് രണ്ട് വരെ ഹോട്ടൽ താജ് വെസ്റ്റ് എൻഡ് നിൽക്കുന്ന വിവിധ ഭാഗങ്ങളിൽ ഡ്രോൺ അടക്കമുള്ളവയുടെ പ്രവർത്തനം നിരോധിച്ചു. ജി-20 സ്പേസ് ഇക്കോണമി ലീഡേഴ്സ് സമ്മേളനം ജൂലൈ ആറുമുതൽ ഏഴ് വരെയാണ് ബംഗളൂരു റേസ് കോഴ്സ് റോഡിലെ ഹോട്ടൽ താജിൽ നടക്കുക.
സമ്മേളനത്തിൽ പങ്കെടുക്കാനെത്തുന്ന വിദേശപ്രതിനിധികളടക്കം ഈ ഹോട്ടലിലാണ് താമസിക്കുന്നത്. ഇതിനാലാണ് പ്രദേശം താൽക്കാലിക പറക്കൽ നിരോധിത മേഖലയായി പ്രഖ്യാപിച്ചതെന്ന് പൊലീസ് അറിയിച്ചു.
ഡ്രോൺ, ആളില്ലാ ചെറുആകാശ വാഹനങ്ങൾ, ൈഗ്ലഡർ എയർക്രാഫ്റ്റ്, വിമാനങ്ങൾ എന്നിവ ഈ ദിവസങ്ങളിൽ ഹോട്ടൽ താജ് വെസ്റ്റ് എൻഡിന്റെ ഒരു കിലോമീറ്റർ ചുറ്റളവിൽ പറത്തരുത്. ബംഗളൂരു പൊലീസ് മേധാവി ബി. ദയാനന്ദയാണ് ഉത്തരവിറക്കിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.