തീ​ര​ദേ​ശ ജി​ല്ല​ക​ളി​ൽ ക​ന​ത്ത മ​ഴ; മൂ​ന്നു​മ​ര​ണം

ബം​ഗ​ളൂ​രു: സം​സ്ഥാ​ന​ത്ത് തീ​ര​ദേ​ശ ജി​ല്ല​ക​ളി​ൽ ക​ന​ത്ത മ​ഴ​യി​ൽ വ​ൻ നാ​ശം, തി​ങ്ക​ളാ​ഴ്ച വ​രെ മൂ​ന്നു​പേ​രാ​ണ് മ​ഴ​ക്കെ​ടു​തി​യി​ൽ മ​രി​ച്ച​ത്. ദ​ക്ഷി​ണ​ക​ന്ന​ട, ഉ​ഡു​പ്പി, ഉ​ത്ത​ര​ക​ന്ന​ട ജി​ല്ല​ക​ളി​ൽ ചൊ​വ്വാ​ഴ്ച രാ​വി​ലെ 8.30 വ​രെ റെ​ഡ് അ​ല​ർ​ട്ട് പ്ര​ഖ്യാ​പി​ച്ചി​ട്ടു​ണ്ട്. ചൊ​വ്വാ​ഴ്ച 204.5 മി​ല്ലി മീ​റ്റ​റി​ന് മു​ക​ളി​ൽ മ​ഴ പെ​യ്യു​മെ​ന്നും കാ​ലാ​വ​സ്ഥ നി​രീ​ക്ഷ​ണ​കേ​ന്ദ്രം അ​റി​യി​ച്ചു. ഉ​ഡു​പ്പി ജി​ല്ല​യി​ൽ ഗോ​കു​ൽ​ദാ​സ് ​പ്ര​ഭു, ശ​ര​ത്കു​മാ​ർ, 13കാ​രി ര​ച​ന എ​ന്നി​വ​രാ​ണ് മ​രി​ച്ച​ത്.

കൊ​ല്ലൂ​ർ അ​ര​സി​ന​ഗു​ണ്ടി വെ​ള്ള​ച്ചാ​ട്ടം വീ​ക്ഷി​ക്കു​ന്ന​തി​നി​ടെ തെ​ന്നി​വീ​ണ് സൗ​പ​ർ​ണി​ക ന​ദി​യി​ൽ ഒ​ഴു​ക്കി​ൽ​പെ​ട്ടാ​ണ് ശി​വ​മൊ​ഗ്ഗ സ്വ​ദേ​ശി മു​നി​സ്വാ​മി​യു​ടെ മ​ക​ൻ ശ​ര​ത്കു​മാ​ർ (23) മ​രി​ച്ച​ത്. കൂ​ട്ടു​കാ​ർ​ക്കൊ​പ്പം വി​ഡി​യോ​ക്ക് പോ​സ് ചെ​യ്യു​ന്ന​തി​നി​ടെ​യാ​ണ് യു​വാ​വ് വീ​ണ​ത്. ഉ​ഡു​പ്പി ജി​ല്ല​യി​ലെ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ​ക്ക് ജി​ല്ല ഭ​ര​ണ​കൂ​ടം ചൊ​വ്വാ​ഴ്ച അ​വ​ധി പ്ര​ഖ്യാ​പി​ച്ചി​ട്ടു​ണ്ട്. ദ​ക്ഷി​ണ ക​ന്ന​ട ജി​ല്ല​യി​ലെ ക​ദ​ബ താ​ലൂ​ക്കി​ലും സു​ള്ള്യ താ​ലൂ​ക്കി​ലും അ​വ​ധി ന​ൽ​കി​യി​ട്ടു​ണ്ട്.

ക​ന​ത്ത മ​ഴ​യി​ൽ സം​സ്ഥാ​ന​ത്തെ വി​വി​ധ ജി​ല്ല​ക​ളി​ൽ ക​ന​ത്ത നാ​ശം തു​ട​രു​ക​യാ​ണ്. കു​ട​ക്, ഉ​ത്ത​ര ക​ന്ന​ട ജി​ല്ല​ക​ളി​ൽ സ്കൂ​ളു​ക​ൾ​ക്ക് ക​ഴി​ഞ്ഞ ദി​വ​സം അ​വ​ധി ന​ൽ​കി​യി​രു​ന്നു. ധാ​ർ​വാ​ർ​ഡ് ജി​ല്ല​യി​ൽ ക​ന​ത്ത ന​ഷ്ട​മു​ണ്ടാ​യി​ട്ടു​ണ്ട്. താ​ഴ്ന്ന പ്ര​ദേ​ശ​ങ്ങ​ൾ വെ​ള്ള​ത്തി​ലാ​ണ്. തൊ​ഴു​ത്തി​ന്റെ ഭി​ത്തി ത​ക​ർ​ന്ന് ക​ഴി​ഞ്ഞ ദി​വ​സം പോ​ത്ത് ച​ത്തു. ചി​ക്ക​മ​ഗ​ളൂ​രു​വി​ലെ ഹെ​ബ്ബ​ലെ പാ​ലം വെ​ള്ള​ത്തി​ന​ടി​യി​ലാ​യി.

ദ​ക്ഷി​ണ ക​ന്ന​ട ജി​ല്ല​യി​ലെ ബ​ന്ത്വാ​ളി​ൽ പാ​ല​ത്തി​ൽ വെ​ള്ളം ക​യ​റി​യ​തി​നെ തു​ട​ർ​ന്ന് കു​ടു​ങ്ങി​യ പി​ക്ക​പ്പ് വാ​ൻ നാ​ട്ടു​കാ​രാ​ണ് ക​ര​​ക്കെ​ത്തി​ച്ച​ത്. ഹാ​സ​ൻ ജി​ല്ല​യി​ൽ ക​ന​ത്ത മ​ഴ​യി​ൽ ദേ​ശീ​യ​പാ​ത 75ൽ ​മ​ണ്ണി​ടി​ഞ്ഞു. തും​ഗ​ഭ​ദ്ര അ​ണ​ക്കെ​ട്ടി​ൽ ജ​ല​നി​ര​പ്പ് കൂ​ടി​യ​തോ​ടെ വെ​ള്ളം തു​റ​ന്നു​വി​ട്ടി​രു​ന്നു. ബെ​ള​ഗാ​വി ജി​ല്ല​യി​ലും നാ​ശ​ന​ഷ്ട​മു​ണ്ട്. ധാ​ർ​വാ​ർ​ഡ് ജി​ല്ല​യി​ൽ ക​ന​ത്ത മ​ഴ​യി​ൽ 24 വീ​ടു​ക​ൾ​ക്ക് കേ​ടു​പാ​ട് സം​ഭ​വി​ച്ചു. ക​ന്നു​കാ​ലി​ക​ൾ​ക്കും ജീ​വ​ഹാ​നി ഉ​ണ്ടാ​യി​ട്ടു​ണ്ട്.

അ​തി​നി​ടെ സം​സ്ഥാ​ന​ത്തി​ന്റെ വി​വി​ധ ഭാ​ഗ​ങ്ങ​ളി​​ലെ മ​ഴ​ക്കെ​ടു​തി സം​ബ​ന്ധി​ച്ച് മു​ഖ്യ​മ​ന്ത്രി സി​ദ്ധ​രാ​മ​യ്യ ചീ​ഫ് സെ​ക്ര​ട്ട​റി വ​ന്ദി​ത ശ​ർ​മ​യോ​ട് റി​പ്പോ​ർ​ട്ട് ആ​വ​ശ്യ​പ്പെ​ട്ടി​ട്ടു​ണ്ട്. വി​വി​ധ ജി​ല്ല​ക​ളി​ലെ നാ​ശ​ന​ഷ്ട​ങ്ങ​ൾ സം​ബ​ന്ധി​ച്ച വി​വ​ര​ങ്ങ​ളാ​ണ് ആ​വ​ശ്യ​പ്പെ​ട്ടി​രി​ക്കു​ന്ന​ത്.