ബംഗളൂരു: പ്രസിദ്ധമായ ബാരാചുക്കി വെള്ളച്ചാട്ടം കേന്ദ്രീകരിച്ച് ജലപതോത്സവം സംഘടിപ്പിച്ചു. മൺസൂൺ ടൂറിസം പ്രോത്സാഹിപ്പിക്കുന്നതിന്റെ ഭാഗമായി സംഘടിപ്പിച്ച ജലപതോത്സവത്തിന്റെ ഭാഗമായി വെള്ളച്ചാട്ടം ദേശീയ പതാകയുടെ വർണമണിഞ്ഞത് സന്ദർശകർക്ക് ആസ്വാദ്യകരമായ അനുഭവമായി. കഴിഞ്ഞദിവസം നടന്ന ചടങ്ങിൽ മുഖ്യമന്ത്രി സിദ്ധരാമയ്യ ജലപതോത്സവത്തിന്റെ ഉദ്ഘാടനം നിർവഹിച്ചു.
10 വർഷത്തിന് ശേഷമാണ് ബാരാചുക്കി ജലപതോത്സവം സംഘടിപ്പിക്കുന്നത്. സിദ്ധരാമയ്യ മുഖ്യമന്ത്രിയായിരിക്കെ 2014ലാണ് അവസാനമായി ബാരാചുക്കിയിൽ ജലപതോത്സവം നടന്നത്. ലേസർ ലൈറ്റ് ഷോ, സൗണ്ട് ഷോ, സാംസ്കാരിക പരിപാടികൾ, നാടൻ കലാപരിപാടികൾ തുടങ്ങിയവ ഒരുക്കിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.