ക​ന്ന​ട സാ​ഹി​ത്യ സ​മ്മേ​ള​ന​ത്തി​ന് മാ​ണ്ഡ്യ​യി​ൽ തു​ട​ക്കം

ബം​​ഗ​ളൂ​രു: ക​ന്ന​ട സാ​ഹി​ത്യ പ​രി​ഷ​ത്ത് സം​ഘ​ടി​പ്പി​ക്കു​ന്ന 87ാമ​ത് അ​ഖി​ല ഭാ​ര​ത ക​ന്ന​ട സാ​ഹി​ത്യ സ​മ്മേ​ള​ന​ത്തി​ന് മാ​ണ്ഡ്യ​യി​ൽ തു​ട​ക്ക​മാ​യി. സ​മ്മേ​ള​ന അ​ധ്യ​ക്ഷ​ൻ ച​ന്ന​ബ​സ​പ്പ​യു​ടെ സാ​ന്നി​ധ്യ​ത്തി​ൽ മാ​ണ്ഡ്യ ജി​ല്ല ചു​മ​ത​ല​യു​ള്ള മ​ന്ത്രി​യും സ​മ്മേ​ള​ന സ്വാ​​ഗ​ത​സം​ഘം ചെ​യ​ർ​മാ​നു​മാ​യ ച​ലു​വ​ര​യ​സ്വാ​മി ദേ​ശീ​യ പ​താ​ക​യു​യ​ർ​ത്തി​ക്കൊ​ണ്ട് സ​മ്മേ​ള​ന​ത്തി​ന് തു​ട​ക്കം​കു​റി​ച്ചു.

തു​ട​ർ​ന്ന് ന​ട​ന്ന ച​ട​ങ്ങി​ൽ മു​ഖ്യ​മ​ന്ത്രി സി​ദ്ധ​രാ​മ​യ്യ സ​മ്മേ​ള​ന​ത്തി​​ന്റെ ഉ​ദ്ഘാ​ട​നം നി​ർ​വ​ഹി​ച്ചു. സ​മ്മേ​ള​ന​ത്തെ സാ​ഹി​ത്യ പ്രേ​മി​ക​ൾ​ക്കു​ള്ള ക​ന്ന​ട ഹ​ബ്ബെ​ന്ന് വി​ശേ​ഷി​പ്പി​ച്ച മു​ഖ്യ​മ​ന്ത്രി സാ​ഹി​ത്യ -സാം​സ്കാ​രി​ക മേ​ഖ​ല​ക​ളി​ൽ ക​ർ​ണാ​ട​ക​യെ അ​ട​യാ​ള​പ്പെ​ടു​ത്തു​ന്ന​തി​ൽ മാ​ണ്ഡ്യ എ​ന്ന നാ​ട് നി​ർ​ണാ​യ​ക പ​ങ്കു​വ​ഹി​ച്ചി​ട്ടു​ണ്ടെ​ന്ന് പ​റ​ഞ്ഞു.

ആ​ധു​നി​ക മാ​ണ്ഡ്യ​യു​ടെ ശി​ൽ​പി​ക​ളാ​യ മൈ​സൂ​ർ ഭ​ര​ണാ​ധി​ക​ളാ​യി​രു​ന്ന രാ​ജ​കു​ടും​ബാ​ം​ഗം ഹൈ​ദ​ര​ലി​യെ​യും ടി​പ്പു സു​ൽ​ത്താ​നേ​യും അ​ദ്ദേ​ഹം അ​ഭി​ന​ന്ദി​ക്കു​ക​യും ചെ​യ്തു.

സ​മ്മേ​ള​ന​ത്തോ​ട​നു​ബ​ന്ധി​ച്ച് നാ​ടി​​ന്റെ സാം​സ്കാ​രി​ക വൈ​വി​ധ്യ​ത്തെ അ​ട​യാ​ള​പ്പെ​ടു​ത്തു​ന്ന ക​ലാ​പ​രി​പാ​ടി​ക​ൾ അ​ര​ങ്ങേ​റി​യ ഘോ​ഷ​യാ​ത്ര​ക്ക് പൊ​തു​ജ​ന​ങ്ങ​ളി​ൽ​നി​ന്ന് വ​ൻ വ​ര​വേ​ൽ​പാ​ണ് ല​ഭി​ച്ച​ത്. മൂ​ന്നു ദി​വ​സ​ങ്ങ​ളി​ലാ​യി ന​ട​ക്കു​ന്ന സ​മ്മേ​ള​ന​ത്തി​ൽ ഒ​രു ല​ക്ഷ​ത്തോ​ളം പ്ര​തി​നി​ധി​ക​ൾ പ​ങ്കെ​ടു​ക്കും.

സാ​ഹി​ത്യ - സാം​സ്കാ​രി​ക പ്ര​വ​ർ​ത്ത​ക​ർ പ​ങ്കെ​ടു​ക്കു​ന്ന ച​ർ​ച്ച​ക​ൾ, സം​വാ​ദ​ങ്ങ​ൾ, പ്ര​ഭാ​ഷ​ണ​ങ്ങ​ൾ, സാം​സ്കാ​രി​ക സ​മ്മേ​ള​ന​ങ്ങ​ൾ എ​ന്നി​വ സ​മ്മേ​ള​ന​ത്തി​ലു​ണ്ടാ​കും.

ക​ന്ന​ട സാ​ഹി​ത്യ സ​മ്മേ​ള​നം ഉ​ദ്ഘാ​ട​ന ച​ട​ങ്ങി​ൽ മു​ൻ പ്ര​സി​ഡ​​ന്റ് പ്ര​ഫ. ദൊ​ഡ്ഡ​രം​​ഗ ​ഗൗ​ഡ, ഡോ. ​നി​ർ​മ​ലാ​ന​ന്ദ​നാ​ഥ സ്വാ​മി, ക​ന്ന​ട സാ​ഹി​ത്യ പ​രി​ഷ​ത് പ്ര​സി​ഡ​​ന്റ് മ​ഹേ​ഷ് ജോ​ഷി, ജ്ഞാ​ന​പീ​ഠ ജേ​താ​വ് ച​ന്ദ്ര​ശേ​ഖ​ര ക​മ്പാ​ർ, സ്പീ​ക്ക​ർ യു.​ടി. ഖാ​ദ​ർ, കാ​ർ​ഷി​ക മ​ന്ത്രി ച​ലു​വ​ര​യ​സ്വാ​മി, സാം​സ്കാ​രി​ക മ​ന്ത്രി ശി​വ​രാ​ജ് എ​സ്, സാ​മൂ​ഹി​ക ക്ഷേ​മ മ​ന്ത്രി മ​ഹാ​ദേ​വ​പ്പ, എം.​എ​ൽ.​എ​മാ​രാ​യ പി. ​ര​വി​കു​മാ​ർ, ര​മേ​ശ് ബാ​ബു, ന​രേ​ന്ദ്ര സ്വാ​മി, എം.​എ​ൽ.​സി അം​​ഗ​ങ്ങ​ളാ​യ മ​ദ്ദു മാ​ദ​​ഗൗ​ഡ, ദി​നേ​ശ് ​ഗൂ​ളി​​ഗൗ​ഡ തു​ട​ങ്ങി​യ​വ​ർ പ​ങ്കെ​ടു​ത്തു.