ബംഗളൂരു: കേരള സമാജം മാഗഡി റോഡ് സോൺ ഓണാഘോഷം ‘ഓണോത്സവ് 202’ നവംബർ 10 രാവിലെ 10ന് സീഗേഹള്ളി എസ്.വി ഹാളിൽ നടക്കും. ഉച്ചക്ക് നടക്കുന്ന പൊതുസമ്മേളനം കേന്ദ്രമന്ത്രി ശോഭ കരന്തലാജെ ഉദ്ഘാടനം ചെയ്യും. സോൺ ചെയർമാൻ അനിൽകുമാർ അധ്യക്ഷതവഹിക്കും. കേരള സ്പീക്കർ ഷംസീർ മുഖ്യാതിഥിയാകും.
യശ്വന്ത്പുര എം.എൽ.എ എസ്.ടി. സോമശേഖർ, കായംകുളം എം.എൽ.എ യു. പ്രതിഭ, സിനിമ താരം സന്തോഷ്‌ കീഴാറ്റൂർ എന്നിവർ വിശിഷ്ടാതിഥികളാകും. കേരള സമാജം കുടുംബാംഗങ്ങൾ അവതരിപ്പിക്കുന്ന കലാപരിപാടികൾ, ഓണസദ്യ, ചെണ്ട-വയലിൽ ഫ്യൂഷൻ, ആരോസ് അവതരിപ്പിക്കുന്ന നൃത്ത പരിപാടികൾ, ചലച്ചിത്ര പിന്നണി ഗായകരായ മധു ബാലകൃഷ്ണന്‍, അഖിലാ ആനന്ദ്, അതുൽ നറുകര, അനന്യ ദിനേശ്, അതിഥി ദിനേശ് എന്നിവര്‍ അവതരിപ്പിക്കുന്ന സൂപ്പർ മെഗാഷോ എന്നിവ ഉണ്ടായിരിക്കുമെന്ന് സോൺ കൺവീനർ ലിജു, ആഘോഷ കമ്മറ്റി കൺവീനർ സനൽകുമാർ എന്നിവർ അറിയിച്ചു. പ്രവേശനം സൗജന്യമാണ്. വിശദവിവരങ്ങൾക്ക്: +91 89043 34810, 99169 89911.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.