ബംഗളൂരു: കേരള സമാജം ഓണാഘോഷങ്ങളുടെ ഭാഗമായി ലുലു ഗ്രൂപ്പുമായി ചേർന്ന് സംഘടിക്കുന്ന പൂക്കള മത്സരവും ശ്രീമാൻ-ശ്രീമതി മത്സരവും സെപ്റ്റംബർ 21ന് നടക്കും.
രാജാജി നഗറിലുള്ള ലുലു മാളിൽ ഞായറാഴ്ച രാവിലെ ഒമ്പതിന് ആരംഭിക്കുന്ന പൂക്കള മത്സരം മൂന്നു മണിക്കൂര്‍ നീണ്ടുനില്‍ക്കും. ടീമുകൾ രാവിലെ എട്ടിന് റിപ്പോർട്ട് ചെയ്യണം. ശ്രീമാൻ -ശ്രീമതി മത്സരത്തിൽ പങ്കെടുക്കുന്നവർ രാവിലെ 11ന് റിപ്പോർട്ട് ചെയ്യണം. പൂക്കള മത്സരത്തിൽ ഒന്നാം സമ്മാനത്തിന് അർഹരാകുന്നവർക്ക് അരലക്ഷം രൂപയുടെയും രണ്ടാംസ്ഥാനത്തിന് കാൽലക്ഷം രൂപയുടെയും മൂന്നാം സ്ഥാനത്തിന് 15,000 രൂപയുടെയും സമ്മാനങ്ങൾ നൽകും. ശ്രീമാൻ -ശ്രീമതി മത്സത്തിൽ യഥാക്രമം ഒന്നും രണ്ടും മൂന്നും സ്ഥാനക്കാർക്ക് ഒരു ലക്ഷം, അര ലക്ഷം, 30,000 രൂപയുടെ സമ്മാനങ്ങൾ നൽകും. പങ്കെടുക്കാന്‍ ആഗ്രഹിക്കുന്നവര്‍ സെപ്റ്റംബർ 20ന് മുമ്പ് രജിസ്റ്റർ ചെയ്യണമെന്ന് സംഘാടകർ അറിയിച്ചു. കൂടുതൽ വിവരങ്ങൾക്കും രജിസ്ട്രേഷനും +91 87926 87607, +91 91108 00205 എന്നീ നമ്പറുകളിൽ ബന്ധപ്പെടണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.