ദേവനന്ദൻ
ബംഗളൂരു: ബംഗളൂരുവില്‍ ട്രെയിനില്‍നിന്ന് വീണ് ഗുരുതര പരിക്കേറ്റ് ചികിത്സയിലിരുന്ന മലയാളി യുവാവ് തിങ്കളാഴ്ച മരിച്ചു. ഇടുക്കി നെടുങ്കണ്ടത്തിനടുത്ത് തൂക്കുപാലം എം.ജി.എം മന്ദിരത്തില്‍ റിട്ട. ഹെഡ് പോസ്റ്റ്മാസ്റ്റർ ജി. സുനിലിന്‍റെ മകന്‍ ദേവനന്ദനാണ് (നന്ദു -22) മരിച്ചത്. ഞായറാഴ്ച രാവിലെ 10.30ഓടെ സോലദേവനഹള്ളി റെയിൽവേ സ്‌റ്റേഷന്‍ പ്ലാറ്റ്ഫോമിന് മുകളിലാണ് ദേവനന്ദനെ വീണ് പരിക്കേറ്റ നിലയില്‍ കാണപ്പെട്ടത്. തിങ്കളാഴ്ച പുലർച്ച നാലോടെ മരണം സംഭവിക്കുകയായിരുന്നു. ആലുവ യു.സി കോളജില്‍ എം.എ പരീക്ഷ എഴുതിയിരിക്കുകയാണ്. ഡിഗ്രിക്ക് ചെന്നൈയിലാണ് പഠിച്ചത്.
മാതാവ്: അനിത കുമാരി (ഹെഡ്മിസ്ട്രസ്, എന്‍.എസ്.എസ്.എ ഹൈസ്‌കൂള്‍ മണ്ണൂര്‍, മൂവാറ്റുപുഴ). സഹോദരി: ഡോ. ദേവി (ജർമനി). സംസ്‌കാരം ചൊവ്വാഴ്ച ഉച്ചക്ക് 2.30ന് വീട്ടുവളപ്പില്‍.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.