ടെ​ക്കി​യു​ടെ ആ​ത്മ​ഹ​ത്യ: ഭാ​ര്യാ മാ​താ​വും സ​ഹോ​ദ​ര​നും അ​റ​സ്റ്റി​ൽ

ബം​ഗ​ളൂ​രു: ന​ഗ​ര​ത്തി​ൽ ഐ.​ടി ജീ​വ​ന​ക്കാ​ര​നാ​യ അ​തു​ൽ സു​ഭാ​ഷി​ന്റെ ആ​ത്മ​ഹ​ത്യ​യു​മാ​യി ബ​ന്ധ​പ്പെ​ട്ട കേ​സി​ൽ ഭാ​ര്യാ​മാ​താ​വി​നെ​യും ഭാ​ര്യാ സ​ഹോ​ദ​ര​നെ​യും ബം​ഗ​ളൂ​രു പൊ​ലീ​സ് യു.​പി​യി​ൽ​നി​ന്ന് അ​റ​സ്റ്റ് ചെ​യ്തു. അ​തു​ലി​ന്റെ ആ​ത്മ​ഹ​ത്യ കു​റി​പ്പി​ന്റെ അ​ടി​സ്ഥാ​ന​ത്തി​ൽ സ​ഹോ​ദ​ര​ൻ ന​ൽ​കി​യ പ​രാ​തി​യി​ലാ​ണ് ബം​ഗ​ളൂ​രു പൊ​ലീ​സ് കേ​സ് ര​ജി​സ്റ്റ​ർ ചെ​യ്ത് അ​ന്വേ​ഷ​ണ​മാ​രം​ഭി​ച്ച​ത്.

ക​ഴി​ഞ്ഞ​ദി​വ​സം അ​ന്വേ​ഷ​ണ സം​ഘം യു.​പി​യി​ൽ ജൗ​ൻ​പൂ​രി​ലെ അ​തു​ലി​ന്റെ ഭാ​ര്യ നി​കി​ത സിം​ഗാ​നി​യ​യു​ടെ വീ​ട്ടി​ലെ​ത്തി​യെ​ങ്കി​ലും ഇ​വ​ർ ഒ​ളി​വി​ൽ പോ​യി​രു​ന്നു. തു​ട​ർ​ന്നാ​ണ് നി​കി​ത​യു​ടെ മാ​താ​വ് നി​ഷ സിം​ഗാ​നി​യ, സ​ഹോ​ദ​ര​ൻ അ​നു​രാ​ഗ് സിം​ഗാ​നി​യ എ​ന്നി​വ​രെ അ​ന്വേ​ഷ​ണ സം​ഘം അ​റ​സ്റ്റ് ചെ​യ്ത​ത്. വെ​ള്ളി​യാ​ഴ്ച രാ​വി​ലെ പൊ​ലീ​സ് എ​ത്തു​ന്ന വി​വ​ര​മ​റി​ഞ്ഞ് ഇ​വ​ർ വീ​ടു​പൂ​ട്ടി ഇ​റ​ങ്ങി​യി​രു​ന്നു. വീ​ട്ടി​ൽ നോ​ട്ടീ​സ് പ​തി​ച്ച പൊ​ലീ​സ് സം​ഘം വ​ഴി​യി​ൽ​വെ​ച്ച് ഇ​രു​വ​രെ​യും പി​ടി​കൂ​ടി. ഇ​രു​വ​രെ​യും ബം​ഗ​ളൂ​രു​വി​ലെ​ത്തി​ച്ച് വി​ശ​ദ​മാ​യി ചോ​ദ്യം ചെ​യ്യും.

ഭാ​ര്യ​യു​ടെ​യും അ​വ​രു​ടെ വീ​ട്ടു​കാ​രു​ടെ​യും പീ​ഡ​നം സ​ഹി​ക്കാ​​നാ​വാ​തെ​യാ​ണ് താ​ൻ ആ​ത്മ​ഹ​ത്യ ചെ​യ്യു​ന്ന​തെ​ന്ന് അ​വ​സാ​ന സ​ന്ദേ​ശ​ത്തി​ൽ അ​തു​ൽ സു​ഭാ​ഷ് വെ​ളി​പ്പെ​ടു​ത്തി​യി​രു​ന്നു. 24 പേ​ജു​ള്ള കു​റി​പ്പും 81 മി​നി​റ്റ് ദൈ​ർ​ഘ്യ​മു​ള്ള വി​ഡി​യോ​യും ത​യാ​റാ​ക്കി​വെ​ച്ചാ​ണ് അ​തു​ൽ സു​ഭാ​ഷ് ആ​ത്മ​ഹ​ത്യ ചെ​യ്ത​ത്.

ഇ​വ സോ​ഷ്യ​ൽ മീ​ഡി​യ​യി​ൽ വ​ൻ ച​ർ​ച്ച​ക്ക് വ​ഴി​വെ​ച്ചി​രു​ന്നു. രാ​ജ്യ​ത്തെ സ്ത്രീ​പ​ക്ഷ നി​യ​മ​ങ്ങ​ൾ ദു​രു​പ​യോ​ഗം ചെ​യ്യ​പ്പെ​ടു​ന്ന​ത് സം​ബ​ന്ധി​ച്ചും പു​രു​ഷ നീ​തി​യെ​ക്കു​റി​ച്ചു​മു​ള്ള ച​ർ​ച്ച​യി​ലേ​ക്ക് ഇ​ത് വ​ഴി​യൊ​രു​ക്കി. സ്ത്രീ​ധ​ന പീ​ഡ​നം ന​ട​ത്തി​യെ​ന്ന് ക​ള്ള​ക്കേ​സു​ണ്ടാ​ക്കി ത​ന്നെ കു​ടു​ക്കാ​ൻ ശ്ര​മി​ക്കു​ക​യാ​ണെ​ന്നും കേ​സി​ൽ​നി​ന്ന് ഒ​ഴി​വാ​ക്കാ​ൻ മൂ​ന്നു​കോ​ടി രൂ​പ നി​കി​ത ആ​വ​ശ്യ​പ്പെ​ട്ടെ​ന്നും അ​തു​ൽ ആ​രോ​പി​ച്ചി​രു​ന്നു. ആ​ത്മ​ഹ​ത്യ പ്രേ​ര​ണ കു​റ്റം ചു​മ​ത്തി ബം​ഗ​ളൂ​രു മാ​റ​ത്ത​ഹ​ള്ളി പൊ​ലീ​സ് ര​ജി​സ്റ്റ​ർ ചെ​യ്ത കേ​സി​ലാ​ണ് അ​റ​സ്റ്റ് ന​ട​ന്ന​ത്.

ര​ണ്ടു ടീ​മാ​യാ​ണ് കേ​സ​ന്വേ​ഷ​ണം പു​രോ​ഗ​മി​ക്കു​ന്ന​തെ​ന്ന് ബം​ഗ​ളൂ​രു സി​റ്റി പൊ​ലീ​സ് ക​മീ​ഷ​ണ​ർ ബി. ​ദ​യാ​ന​ന്ദ അ​റി​യി​ച്ചു. കേ​സി​ൽ തെ​ളി​വു​ക​ൾ ശേ​ഖ​രി​ച്ചു​കൊ​ണ്ടി​രി​ക്കു​ക​യാ​ണ്. അ​ർ​ഹ​ത​പ്പെ​ട്ട​വ​ർ​ക്ക് നീ​തി ല​ഭ്യ​മാ​ക്കു​മെ​ന്നും ക​മീ​ഷ​ണ​ർ വ്യ​ക്ത​മാ​ക്കി.