ബംഗളൂരു: ബംഗളൂരുവിൽനിന്ന് കേരളത്തിന്റെ വിവിധ ഭാഗങ്ങളിലേക്കുള്ള ബസുകളിൽ വാരാന്ത്യങ്ങളിലെ ടിക്കറ്റ് നിരക്ക് കേരള ആർ.ടി.സി 40-50 ശതമാനം വരെ വർധിപ്പിച്ചു. നേരത്തേ ഫ്ലെക്സി അടിസ്ഥാനത്തിൽ 15-30 ശതമാനം വരെ ഉയർത്തിയ നിരക്കാണ് വീണ്ടും കൂട്ടിയത്.ബംഗളൂരുവിൽനിന്ന് കേരളത്തിലേക്ക് വെള്ളിയാഴ്ചകളിലും തിരിച്ച് ഞായറാഴ്ചകളിലുമാണ് കേരള ആർ.ടി.സി, സ്വിഫ്റ്റ് ബസുകളിൽ അധിക നിരക്ക് നൽകേണ്ടത്.
പുതിയ ടിക്കറ്റ് നിരക്ക് ഓൺലൈനിൽ കഴിഞ്ഞദിവസം നിലവിൽവന്നു.ഒരു ദിശയിലേക്ക് ബസുകൾ കാലിയായി ഓടുന്നതിന്റെ നഷ്ടം കുറക്കുന്നതിന്റെ ഭാഗമായാണ് നിരക്ക് ഉയർത്തിയതെന്നാണ് വിശദീകരണം.കഴിഞ്ഞ ഓണം, പൂജ, ദീപാവലി, ക്രിസ്മസ്, പെരുന്നാൾ സീസണുകളിൽ സ്പെഷൽ ബസുകളിൽ 40 ശതമാനം അധികനിരക്കിനു പുറമെ എൻഡ് ടു എൻഡ് ടിക്കറ്റും ഏർപ്പെടുത്തിയിരുന്നു.
പരീക്ഷ സീസണായതിനാൽ ഫെബ്രുവരി, മാർച്ച് മാസങ്ങളിൽ പ്രവൃത്തിദിവസങ്ങളിൽ യാത്രക്കാരുടെ എണ്ണം കുറവാണ്.വാരാന്ത്യങ്ങളിലും ഉത്സവസീസണുകളിലും സ്വകാര്യ ബസുകൾ കൊള്ള നിരക്ക് ഈടാക്കുമ്പോൾ സാധാരണക്കാർ കൂടുതലായി ആശ്രയിക്കുന്ന കേരള ആർ.ടി.സി ബസുകളിലും ടിക്കറ്റ് നിരക്ക് കുത്തനെ ഉയർത്തിയതിൽ യാത്രക്കാർക്ക് അമർഷമുണ്ട്.
തിരുവനന്തപുരം: ഗജരാജ സ്ലീപ്പർ (നാഗർകോവിൽ വഴി)-2460 രൂ പ(1600 രൂപ), ഗജരാജ സ്ലീപ്പർ (സേലം, ആലപ്പുഴ വഴി)-2791 രൂപ(1700രൂപ), സീറ്റർ കം സ്ലീപ്പർ നോൺ എ.സി (മൈസൂരു, കോട്ടയം വഴി)-1851 രൂപ (1321).സീറ്റർ കം സ്ലീപ്പർ എ.സി (സേലം, കോട്ടയം വഴി)-2451രൂപ (1491), എ.സി മൾട്ടി ആക്സിൽ (മൈസൂരു, കോട്ടയം വഴി)- 2471(1500 രൂപ), എ.സി മൾട്ടി ആക്സിൽ (മൈസൂരു, ആലപ്പുഴ വഴി) -2511 രൂപ (1531 രൂപ), എ.സി മൾട്ടി ആക്സിൽ (സേലം, കോട്ടയം വഴി)-2391 രൂപ (1460).
എറണാകുളം: ഗജരാജ സ്ലീപ്പർ (സേലം വഴി)-2020 രൂപ(1231)് എ.സി സീറ്റർ (സേലം വഴി)-1511രൂപ (920), ഡീലക്സ് (മൈസൂരു, കോഴിക്കോട് വഴി)-1211 രൂപ (864), തൃശൂർ: എ.സി സീറ്റർ (സേലം വഴി)-1340 രൂപ( 820)് എ.സി സീറ്റർ (മൈസൂരു, കോഴിക്കോട് വഴി)-1251(760), ഡീലക്സ്(സേലം വഴി)-981രൂപ (701).കോഴിക്കോട്: എ.സി സീറ്റർ (ബത്തേരി വഴി)-980 രൂപ(600),ഡീലക്സ്: (മാനന്തവാടി വഴി)-861 രൂപ(614) ,എക്സ്പ്രസ്: (ബത്തേരി വഴി)-626 രൂപ(447)സൂപ്പർഫാസ്റ്റ്: (ബത്തേരി വഴി)-451 രൂപ(451) പത്തനംതിട്ട: എ.സി സീറ്റർ (സേലം, കോട്ടയം വഴി)-1751രൂപ (1071), കൊട്ടാരക്കര ഡീലക്സ് (മൈസൂരു, കോഴിക്കോട് വഴി)-1491രൂപ (1064), തിരുവല്ല ഡീലക്സ് (സേലം, ആലപ്പുഴ വഴി)-1281രൂപ (914 രൂപ), കോട്ടയം എ.സി സീറ്റർ (മൈസൂരു, നിലമ്പൂർ വഴി)-1371രൂപ( 840 രൂപ), പാലാ ഡീലക്സ്(മൈസൂരു, നിലമ്പൂർ വഴി) -1121രൂപ (798), പാലക്കാട് ഡീലക്സ് (സേലം വഴി)-851രൂപ (604), നിലമ്പൂർ ഡീലക്സ് (ഗൂഡല്ലൂർ വഴി)-701രൂപ (498), ഗുരുവായൂർ ഡീലക്സ് (നിലമ്പൂർ വഴി)-961രൂപ (688), ഇരിങ്ങാലക്കുട ഡീലക്സ് (നിലമ്പൂർ വഴി)-931രൂപ (668), കണ്ണൂർ ഡീലക്സ് (തലശ്ശേരി വഴി)- 781രൂപ (554), പയ്യന്നൂർ ഡീലക്സ് (കണ്ണൂർ വഴി)-831രൂപ (594), കാഞ്ഞങ്ങാട് ഡീലക്സ് (ചെറുപുഴ വഴി)-871രൂപ (624), കാസർകോട് എക്സ്പ്രസ് (സുള്ള്യ വഴി)-641രൂപ (460)
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.