ലഖ്നോ: മത പ്രഭാഷകനും ഇസ്ലാമിക് റിസർച് ഫൗേണ്ടഷൻ സ്ഥാപകനുമായ സാക്കിർ നായികിനെ അറസ്റ്റ് ചെയ്യണമെന്നാവശ്യപ്പെട്ട് സന്നദ്ധ സംഘടനയായ വിശ്വഹിന്ദു പരിഷത്തിെൻറ നിയന്ത്രണത്തിലുള്ള ഹിന്ദു ജാഗരൺ മഞ്ച് രംഗത്ത്. സംഘടനയുടെ വൈസ് പ്രസിഡൻറ് അജ്ജു ചൗഹാൻ ഇതു സംബന്ധിച്ച നിവേദനം ഉത്തർപ്രദേശിലെ പർവാത് പൊലീസ് സ്റ്റേഷനിൽ നൽകിയിട്ടുണ്ട്.
'മുംബൈ ആസ്ഥാനമായി പ്രവർത്തിക്കുന്ന സാക്കിർ നായിക്കിെൻറ സന്നദ്ധ സംഘടനയെക്കുറിച്ചും അവർക്ക് ലഭിക്കുന്ന വിദേശ സഹായത്തെക്കുറിച്ചും അറിയേണ്ടതുണ്ട്. ദേശവിരുദ്ധ പ്രവർത്തനങ്ങൾക്ക് പ്രേരിപ്പിക്കുന്ന തരത്തിൽ സാക്കിർ നായിക് ഭീകര പ്രവർത്തനത്തിൽ പങ്കാളിയായി. ഇത്തരം പ്രവർത്തനങ്ങൾ മതസ്പർദയുണ്ടാക്കി രാജ്യത്തെ നശിപ്പിക്കുമെന്നും ഹിന്ദുവിൽ നിന്നും ഇസ്ലാമിലേക്കുള്ള മതപരിവർത്തനത്തിന് ആക്കം കൂട്ടുമെന്നും ചൗഹാൻ ആരോപിച്ചു.'
ധാക്കയിലെ റസ്റ്റോറൻറിൽ ആക്രമണം നടത്തിയ ഭീകരർ സാക്കിർ നായിക്കിെൻറ പ്രഭാഷണങ്ങൾ ഫേസ്ബുക് പേജിൽ പോസ്റ്റ് ചെയ്തതായി ബംഗ്ലാദേശ് ദിനപത്രം റിപ്പോർട്ട് െചയ്തതോടെയാണ് മാധ്യമങ്ങളും കേന്ദ്രസർക്കാരും സാക്കിറിനെതിരെ തിരിഞ്ഞത്. എന്നാൽ, ഏതന്വേഷണത്തെയും സ്വാഗതം െചയ്യുന്നതായും തെൻറ വാക്കുകൾ സന്ദർഭത്തിൽ നിന്ന് അടർത്തിയെടുത്തതാണെന്നും സാക്കിർ നായിക് വ്യക്തമാക്കിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.