പൂവണിഞ്ഞ ഒരു പൂതിയുടെ കഥ

മൂ​ന്ന് വ​ർ​ഷം മു​മ്പ്​ 2019 ഒ​ക്ടോ​ബ​റി​ൽ മ​ക്ക​ൾ​ക്കൊ​പ്പം താ​മ​സി​ക്കാ​ൻ നാ​ട്ടി​ൽ നി​ന്ന് യു.​എ.​ഇ​യി​ലേ​ക്ക് വി​മാ​നം ക​യ​റു​മ്പോ​ൾ മ​ന​സ്സി​ൽ ചി​ല ആ​ഗ്ര​ഹ​ങ്ങ​ൾ കു​റി​ച്ചി​ട്ടി​രു​ന്നു. വ​ലി​യ ആ​ഗ്ര​ഹ​ങ്ങ​ളൊ​ന്നു​മ​ല്ല. കൊ​ച്ചു​കൊ​ച്ചു ആ​ഗ്ര​ഹ​ങ്ങ​ൾ. ഒ​ന്ന് - ദു​ബൈ​യി​ൽ നി​ന്ന് അ​ബൂ​ദ​ബി​യി​ലേ​ക്ക് ബ​സി​ൽ യാ​ത്ര ചെ​യ്യ​ണം. മ​ക​ൾ​ക്കൊ​പ്പം കാ​റി​ൽ അ​ങ്ങോ​ട്ട് യാ​ത്ര ചെ​യ്ത​പ്പോ​ൾ തോ​ന്നി​യ ഒ​രു ചി​ന്ന പൂ​തി​യാ​ണ്.

ര​ണ്ട്- ഗ്ലോ​ബ​ൽ വി​ല്ലേ​ജി​ലെ അ​ല​ങ്കാ​ര​ങ്ങ​ൾ കാ​ണാ​ൻ അ​ക​ത്തു​ക​യ​റ​ണം. അ​തി​ന് മു​ന്നി​ലൂ​ടെ പ​ല​പ്പോ​ഴാ​യി യാ​ത്ര ചെ​യ്യു​മ്പോ​ൾ മ​ന​സ്സി​ൽ മൊ​ട്ടി​ട്ട ആ​ഗ്ര​ഹ​മാ​ണ്. മൂ​ന്ന്- ദു​ബൈ​യി​ലെ ഖു​ർ​ആ​നി​ക് പാ​ർ​ക്കി​ൽ പോ​ക​ണം. വി​ശു​ദ്ധ ഖു​ർ​ആ​നി​ൽ പ​രാ​മ​ർ​ശി​ക്കു​ന്ന സ​സ്യ​ല​താ​ദി​ക​ളെ ഒ​ന്നി​ച്ചു ചേ​ർ​ത്ത പാ​ർ​ക്കി​നെ കു​റ​ച്ച് കേ​ട്ട​റി​ഞ്ഞ​പ്പോ​ൾ തു​ട​ങ്ങി​യ​താ​ണ് ഈ ​സ്വ​പ്നം.

നാ​ല്-​യു.​എ.​ഇ​യു​ടെ അ​തി​ർ​ത്തി ക​ട​ന്ന് ഒ​മാ​നി​ലേ​ക്ക് കാ​റി​ലൊ​ന്ന് യാ​ത്ര ചെ​യ്യ​ണം. മ​ക​ന്‍റെ ഭാ​ര്യ​യും മ​ക്ക​ളും ഒ​മാ​നി​ലാ​യ​തി​നാ​ൽ പ​ല ത​വ​ണ പ്ര​ശാ​ന്ത സു​ന്ദ​ര​മാ​യ ആ ​രാ​ജ്യ​ത്തേ​ക്ക് വി​മാ​ന​ത്തി​ൽ പോ​യി​ട്ടു​ണ്ട്. മ​രു​മ​ക​ളും പേ​ര​ക്കു​ട്ടി​ക​ളു​മു​ള്ള ഇ​ബ്ര എ​ന്ന ഗ്രാ​മീ​ണ സൗ​ന്ദ​ര്യ​മു​ള്ള പ​ട്ട​ണ​ത്തെ വ​ലി​യ ഇ​ഷ്ട​വു​മാ​ണ്. പ​ക്ഷേ, മ​ക​ൻ ഇ​ട​ക്ക് കാ​റി​ൽ അ​ങ്ങോ​ട്ട് പോ​കു​മ്പോ​ൾ തോ​ന്നി​യ ആ​ഗ്ര​ഹ​മാ​ണ് അ​വ​നോ​ടൊ​പ്പം ഒ​രി​ക്ക​ൽ കാ​റി​ൽ ഒ​മാ​നി​ലേ​ക്ക് പ​റ​പ്പി​ച്ചു പോ​ക​ണം എ​ന്ന​ത്.

ദു​ബൈ ന​ഗ​രം 2020 നെ ​വ​ര​വേ​ൽ​ക്കാ​ൻ അ​ണി​ഞ്ഞൊ​രു​ങ്ങു​മ്പോ​ഴാ​ണ് 2019 ഡി​സം​ബ​റി​ൽ ചൈ​ന​യി​ലെ വൂ​ഹാ​നി​ൽ കൊ​റോ​ണ എ​ന്ന രോ​ഗം പ​ട​രു​ന്നു എ​ന്ന വാ​ർ​ത്ത​ക​ൾ ആ​ദ്യം കേ​ട്ട​ത്. അ​ത് ചൈ​ന​യി​ലാ​ണ​ല്ലോ എ​ന്ന് ആ​ശ്വ​സി​ക്കു​ക​യാ​യി​രു​ന്നു ആ​ദ്യം. പ​ക്ഷേ, ദി​വ​സ​ങ്ങ​ൾ വേ​ണ്ടി വ​ന്നി​ല്ല കോ​വി​ഡ് 19 എ​ന്ന മ​ഹാ​മാ​രി ലോ​കം മു​ഴു​വ​ൻ പ​ട​ർ​ന്നു​പി​ടി​ക്കാ​ൻ. എ​ങ്ങും കോ​വി​ഡി​ൽ കൊ​ഴി​ഞ്ഞു​വീ​ണ മ​ര​ണ​ത്തി​ന്‍റെ ക​ണ​ക്കു​ക​ൾ. രാ​ജ്യ​ങ്ങ​ൾ അ​തി​ർ​ത്തി​ക​ൾ കൊ​ട്ടി​യ​ട​ക്കു​ന്നു, വി​മാ​ന​ങ്ങ​ൾ പ​റ​ക്ക​ൽ നി​ർ​ത്തി. എ​ങ്ങും നി​യ​ന്ത്ര​ണ​ങ്ങ​ൾ, ലോ​ക്ഡൗ​ൺ, ക്വാ​റ​ന്‍റീ​ൻ, മാ​സ്ക്... അ​ങ്ങ​നെ​യ​ങ്ങ​നെ ലോ​കം മു​ഴു​വ​ൻ ക​ദ​നം നി​റ​യു​ന്ന നാ​ളു​ക​ളി​ൽ ഞാ​ൻ എ​ന്‍റെ കൊ​ച്ചു​മോ​ഹ​ങ്ങ​ളെ ചു​രു​ട്ടി കു​ട്ട​യി​ലി​ട്ടു. മ​ന​സ്സ് മു​ഴു​വ​ൻ പ്രാ​ർ​ഥ​ന​യി​ലേ​ക്ക് വ​ഴി മാ​റി.

മ​ക്ക​ളൊ​ക്കെ ഓ​ഫി​സി​ൽ പോ​ക്ക് നി​ർ​ത്തി വ​ർ​ക്ക് ഫ്രം ​ഹോ​മി​ലേ​ക്ക് മാ​റി. സ്കൂ​ൾ പ​ഠ​നം ക്ലാ​സ്​ മു​റി​ക​ൾ ഉ​പേ​ക്ഷി​ച്ച് ഓ​ൺ​ലൈ​നി​ലേ​ക്ക് മാ​റി. കോ​വി​ഡി​നെ പ്ര​തി​രോ​ധി​ക്കാ​ൻ ദു​ബൈ-​അ​ബൂ​ദ​ബി അ​തി​ർ​ത്തി​യി​ൽ വ​ൻ സ​ന്നാ​ഹ​ങ്ങ​ൾ. ഒ​രേ രാ​ജ്യ​മാ​ണെ​ങ്കി​ലും ദു​ബൈ​യി​ൽ നി​ന്ന് അ​ബൂ​ദ​ബി​യി​ലേ​ക്ക് പോ​കാ​ൻ കോ​വി​ഡ് ബാ​ധ​യി​ല്ലെ​ന്ന് തെ​ളി​യി​ക്ക​ണം. പ​രി​ശോ​ധ​ന വേ​ണം, സ​ർ​ട്ടി​ഫി​ക്ക​റ്റ് വേ​ണം. അ​തി​ർ​ത്തി​യി​ൽ പ​രി​ശോ​ധ​ന വേ​ണം.

ചി​ല​പ്പോ​ൾ അ​ബൂ​ദ​ബി​യി​ലെ​ത്തി​യാ​ൽ ഒ​രാ​ഴ്ച​യി​ലോ അ​തി​ല​ധി​ക​മോ ക്വാ​റ​ന്‍റീ​നി​ൽ ക​ഴി​യ​ണം. ദു​ബൈ​യി​ൽ നി​ന്ന് അ​ബൂ​ദ​ബി​യി​ലേ​ക്ക് ബ​സി​ൽ പോ​വു​ക എ​ന്ന എ​ന്‍റെ ആ​ദ്യ ആ​ഗ്ര​ഹ​ത്തെ​യും ഞാ​ൻ അ​ക്കാ​ല​ത്ത് ച​വ​റ്റു​കു​ട്ട​യി​ലേ​ക്ക് ഇ​ട്ടു. പോ​ക​ണ​മെ​ന്ന് ആ​ഗ്ര​ഹി​ച്ച ഗ്ലോ​ബ​ൽ വി​ല്ലേ​ജും ഖു​ർ​ആ​നി​ക്ക് പാ​ർ​ക്കു​മെ​ല്ലാം അ​ട​ച്ചി​ട്ട​ക​ഥ​ക​ൾ പി​ന്നാ​ലെ വ​ന്നു. രാ​ജ്യാ​തി​ർ​ത്തി​ക​ൾ അ​ട​ച്ച കൂ​ട്ട​ത്തി​ൽ യു.​എ.​ഇ-​ഒ​മാ​ൻ അ​തി​ർ​ത്തി​യും നീ​ണ്ട​കാ​ല​ത്തേ​ക്ക് അ​ട​ച്ചു. ഞാ​നും ആ​ഗ്ര​ഹി​ച്ച കൊ​ച്ചു സ്വ​പ്ന​ങ്ങ​ൾ​ക്ക് താ​ഴി​ട്ടു. പ്രാ​ർ​ഥ​ന​ക​ളി​ൽ കോ​വി​ഡും അ​തി​ന്‍റെ ഇ​ര​ക​ളും ന​ഷ്ട​ങ്ങ​ൾ താ​ങ്ങേ​ണ്ടി വ​ന്ന​വ​രും മാ​ത്ര​മാ​യി. അ​തി​നി​ടെ, പ്രി​യ​പ്പെ​ട്ട പ​ല​രെ​യും കോ​വി​ഡ് കൊ​ണ്ടു​പോ​യി. അ​വ​ർ​ക്ക് പ​ട​ച്ച​വ​ൻ സ്വ​ർ​ഗം ന​ൽ​ക​ട്ടെ…

മാ​സ്ക് ധ​രി​ച്ചും ഇ​ട​ക്കി​ടെ സാ​നി​റ്റൈ​സ​റും സു​ര​ക്ഷി​ത​ത്വം ഉ​റ​പ്പു​വ​രു​ത്താ​നു​ള്ള ജാ​ഗ്ര​ത​ക്കി​ട​യി​ൽ 2020 എ​ന്ന വ​ർ​ഷ​വും 2021 എ​ന്ന വ​ർ​ഷ​വും ക​ട​ന്നു​പോ​യി. ഇ​ട​ക്ക് കോ​വി​ഡി​നെ പ്ര​തി​രോ​ധി​ക്കാ​ൻ വാ​ക്സി​നു​മെ​ത്തി. സ​ന്ദ​ർ​ശ​ക വി​സ​യി​ലാ​ണെ​ങ്കി​ലും വാ​ക്സി​ൻ വി​ത​ര​ണ​ത്തി​ന്‍റെ തു​ട​ക്ക​ത്തി​ൽ എ​നി​ക്കും കി​ട്ടി ര​ണ്ട് ഡോ​സ് ചൈ​ന​യു​ടെ സി​നോ​ഫാം. 2022 എ​ത്തി​യ​തോ​ടെ കോ​വി​ഡ് സം​ഹാ​ര താ​ണ്ഡ​വ​മൊ​ക്കെ കു​റ​ഞ്ഞ വാ​ർ​ത്ത​ക​ളെ​ത്തി തു​ട​ങ്ങി.

ഡെ​ൽ​റ്റ​യും ഒ​മി​ക്രോ​ണു​മൊ​ക്കെ​യാ​യി വ​ക​ഭേ​ദ​ങ്ങ​ൾ ഭീ​ഷ​ണി തു​ട​ർ​ന്നെ​ങ്കി​ലും ലോ​കം മ​ഹാ​മാ​രി​യെ നേ​രി​ടാ​ൻ പ​ഠി​ച്ചി​രി​ക്കു​ന്നു. ദു​ബൈ ന​ഗ​രം ഈ ​വെ​ല്ലു​വി​ളി​ക​ൾ​ക്കെ​ല്ലാം ഇ​ട​യി​ൽ എ​ക്സ്പോ 2020 എ​ന്ന ആ​ഗോ​ള മേ​ള​യെ വ​ര​വേ​റ്റു. മാ​ർ​ച്ചി​ൽ റ​മ​ദാ​ന് തൊ​ട്ടു​മു​മ്പ്​ കോ​വി​ഡ് കാ​ല​ത്ത് ലോ​കം മു​ഴു​വ​ൻ സം​ഗ​മി​ച്ച ആ​ഗോ​ള മേ​ള​ക്ക് മ​നോ​ഹ​ര​മാ​യ സ​മാ​പ​ന​വും കു​റി​ച്ചു.

കോ​വി​ഡി​ന്‍റെ പി​ടി അ​യ​ഞ്ഞ​പ്പോ​ൾ ച​വ​റ്റു​കു​ട്ട​യി​ലേ​ക്കി​ട്ട ആ ​കൊ​ച്ചു​കൊ​ച്ചു സ​ന്തോ​ഷ​ങ്ങ​ൾ ഞാ​ൻ തി​രി​ച്ചെ​ടു​ക്കു​ക​യാ​ണ്. അ​ങ്ങ​നെ ആ​ദ്യം നി​റ​വേ​റി​യ​ത് നാ​ലാ​മ​ത്തെ ആ​ഗ്ര​ഹ​മാ​ണ്. ദു​ബൈ​യി​ൽ നി​ന്ന് ഒ​മാ​നി​ലേ​ക്ക് കാ​റി​ലൊ​രു യാ​ത്ര. റ​മ​ദാ​നി​ൽ 600 കി​ലോ​മീ​റ്റ​ർ റോ​ഡ് യാ​ത്ര. ആ​ഗ്ര​ഹ​മാ​ണെ​ങ്കി​ലും വെ​ല്ലു​വി​ളി​ക​ൾ കു​റ​ച്ച് ആ​ശ​ങ്ക​സൃ​ഷ്ടി​ച്ചി​രു​ന്നു. എ​ങ്കി​ലും 2022 ഏ​പ്രി​ൽ ഒ​മ്പ​തി​ന് ര​ണ്ടും ക​ൽ​പി​ച്ച് മ​ക​നോ​ടൊ​പ്പം ഞാ​ൻ നാ​ലാം ആ​ഗ്ര​ഹ​സാ​ഫ​ല്യ​ത്തി​ന് ഇ​റ​ങ്ങി​ത്തി​രി​ച്ചു. വൈ​കീ​ട്ട് അ​​ഞ്ചോ​ടെ​യാ​ണ് അ​ജ്മാ​നി​ൽ നി​ന്ന് ഒ​മാ​നി​ലേ​ക്ക് പു​റ​പ്പെ​ട്ട​ത്. ഹ​ത്ത​യി​ലെ യു.​എ.​ഇ- ഒ​മാ​ൻ അ​തി​ർ​ത്തി എ​ത്തു​ന്ന​തി​ന് അ​ൽ​പം മു​മ്പേ നോ​മ്പ് തു​റ​ക്കാ​ൻ സ​മ​യ​മാ​യി. വാ​ഹ​നം റോ​ഡ​രി​കി​ലേ​ക്ക് മാ​റ്റി നി​ർ​ത്തി ഈ​ത്ത​പ്പ​ഴ​വും വെ​ള്ള​വും കൊ​ണ്ട് നോ​മ്പ് തു​റ​ന്നു. കു​റ​ച്ചു​കൂ​ടി മു​ന്നോ​ട്ടു യാ​ത്ര​ചെ​യ്ത് ഹ​ത്ത​യി​ൽ എ​ത്താ​റാ​യ​പ്പോ​ൾ പെ​ട്രോ​ൾ പ​മ്പി​ൽ ക​ണ്ട റ​സ്​​റ്റാ​റ​ന്‍റി​ൽ നി​ന്ന് ഭ​ക്ഷ​ണ​വും ക​ഴി​ച്ചു.

യു.​എ.​ഇ​യു​ടെ അ​തി​ർ​ത്തി​യി​ൽ നി​ന്ന് എ​ക്സി​റ്റ് അ​ടി​ച്ചു. യു.​എ.​ഇ​യി​ൽ നി​ന്ന് പു​റ​ത്തു​പോ​കാ​ൻ 35 ദി​ർ​ഹം എ​ക്സി​റ്റ് ഫീ​സ് ന​ൽ​ക​ണം. അ​തൊ​രു പു​തി​യ അ​റി​വാ​യി​രു​ന്നു. വ​ണ്ടി​യി​ൽ നി​ന്ന് പു​റ​ത്തി​റ​ങ്ങാ​തെ ഇ​തെ​ല്ലാം സാ​ധി​ക്കാം. തൊ​ട്ട​ടു​ത്ത് ഒ​മാ​ൻ എ​ന്ന രാ​ജ്യം. അ​പ്പോ​ഴാ​ണ് നി​ര​ന്ത​രം ഈ ​അ​തി​ർ​ത്തി​യി​ലൂ​ടെ യാ​ത്ര ചെ​യ്തി​രു​ന്ന മ​ക​ൻ ഒ​രു കാ​ര്യം പ​റ​ഞ്ഞ​ത്.

നേ​ര​ത്തേ യു.​എ.​ഇ അ​തി​ർ​ത്തി ക​ട​ന്ന് പ​ത്ത് കി​ലോ​മീ​റ്റ​റോ​ളം യാ​ത്ര ചെ​യ്താ​ണ് ഒ​മാ​ന്‍റെ ചെ​ക്ക്പോ​സ്റ്റും വി​സ അ​ടി​ക്കു​ന്ന കേ​ന്ദ്ര​വു​മു​ണ്ടാ​യി​രു​ന്ന​ത്. അ​ൽ വ​ജാ​ജ എ​ന്ന സ്ഥ​ല​ത്തു​ണ്ടാ​യി​രു​ന്ന ആ ​ചെ​ക്ക്പോ​സ്റ്റ് എ​ല്ലാം മാ​റ്റി ഇ​പ്പോ​ൾ ഹ​ത്ത​യി​ൽ ത​ന്നെ​യാ​ണ് ഒ​മാ​ന്‍റെ വി​സ സ്റ്റാ​മ്പ് ചെ​യ്യ​ലും ക​സ്റ്റം​സ് പ​രി​ശോ​ധ​ന​യു​മെ​ല്ലാം. എ​നി​ക്ക് മാ​ത്ര​മ​ല്ല, സ്ഥി​രം യാ​ത്ര ചെ​യ്യു​ന്ന മ​ക​നും പു​തി​യ കേ​ന്ദ്രം പു​തി​യ അ​നു​ഭ​വം സ​മ്മാ​നി​ച്ചു. ക​സ്റ്റം​സി​ന്‍റെ പ​രി​ശോ​ധ​ന​യും മ​റ്റ് നി​യ​മ ന​ട​പ​ടി​ക​ളും പൂ​ർ​ത്തി​യാ​ക്കി വീ​ണ്ടും യാ​ത്ര. പ​ക​ൽ ശോ​ഭ പൂ​ർ​ണ​മാ​യും അ​പ്പോ​ഴേ​ക്കും മാ​റി​യി​ട്ടു​ണ്ട്. റോ​ഡി​ന് ഇ​രു​വ​ശ​വും ക​രി​ഭൂ​തം ക​ണ​ക്കെ ചാ​ഞ്ഞും ച​രി​ഞ്ഞും കാ​ണു​ന്ന കൂ​റ്റ​ൻ മ​ല​നി​ര​ക​ൾ.

ബാ​ത്തി​ന എ​ക്സ്പ്ര​സ് വേ ​എ​ന്ന ഒ​മാ​ന്‍റെ പു​തി​യ ഹൈ​വേ​യി​ലേ​ക്ക് ഞ​ങ്ങ​ൾ പ്ര​വേ​ശി​ച്ചു. റോ​ഡി​ന് ഇ​രു​വ​ശ​വും ഒ​ന്നും കാ​ണാ​നി​ല്ല. ഇ​രു​ട്ടി​ൽ കാ​റി​ന്‍റെ വെ​ളി​ച്ചം ത​ട്ടി പ്ര​തി​ഫ​ലി​ക്കു​ന്ന റോ​ഡി​ലെ റി​ഫ്ല​ക്ട​റു​ക​ളും ചി​ല​യി​ട​ങ്ങ​ളി​ൽ മാ​ത്രം വ​ഴി വി​ള​ക്കു​ക​ളു​മു​ണ്ട്. ഒ​ര​റ്റം മു​ത​ൽ മ​റ്റേ അ​റ്റം വ​രെ നീ​ണ്ടു​കി​ട​ക്കു​ന്ന ഹൈ​പ​വ​ർ വൈ​ദ്യു​തി ക​മ്പി​ക​ൾ. അ​തി​ൽ രാ​ത്രി ഇ​ട​ക്കി​ടെ തെ​ളി​യു​ന്ന ചു​വ​ന്ന വെ​ളി​ച്ചം.

പ​ക്ഷേ, വ​ള​രെ അ​ക​ലെ പ​ഴ​യ ഹൈ​വേ​യി​ൽ നി​ന്നു​ള്ള വെ​ളി​ച്ചം കാ​ണാം. ഇ​ട​ക്ക് ക​ട​ന്നു​വ​രു​ന്ന മ​റ്റു വാ​ഹ​ന​ങ്ങ​ള​ല്ലാ​തെ മ​റ്റൊ​ന്നും ഈ ​പാ​ത​യി​ൽ കാ​ണാ​നി​ല്ല. നാ​ലു​മ​ണി​ക്കൂ​റോ​ളം ഇ​ത് മാ​ത്ര​മെ കാ​ണാ​നു​ള്ളൂ എ​ന്ന് മ​ക​ൻ എ​നി​ക്ക് മു​ന്ന​റി​യി​പ്പ് ന​ൽ​കി​യി​രു​ന്നു. സ്ട്രീ​റ്റ് ലൈ​റ്റു​ക​ളി​ല്ലാ​ത്ത ഹൈ​വേ​യു​ടെ ഭാ​ഗ​ങ്ങ​ളി​ലൂ​ടെ ക​ട​ന്നു​പോ​കു​മ്പോ​ൾ വ​ല്ലാ​ത്തൊ​രു ഭീ​തി. റോ​ഡി​ന് അ​പ്പു​റ​വു​മി​പ്പു​റ​വും എ​ന്താ​ണ്, മു​ന്നി​ൽ വ​രാ​നി​രി​ക്കു​ന്ന​ത് എ​ന്താ​ണ് എ​ന്നി​ങ്ങ​നെ ചി​ന്ത​ക​ൾ കാ​ടു​ക​യ​റു​ന്ന​തി​നി​ടെ വാ​ഹ​നം ഏ​താ​ണ്ട് മ​ണി​ക്കൂ​റി​ൽ 130 കി.​മീ സ്പീ​ഡി​ൽ മു​ന്നോ​ട്ടു പ​റ​പ​റ​ക്കു​ന്നു. ഒ​മാ​നി​ലെ മ​നു​ഷ്യ​രെ​യും ജീ​വി​ത​ത്തെ​യും ക​ണ്ട് യാ​ത്ര ചെ​യ്യ​ണ​മെ​ങ്കി​ൽ പ​ഴ​യ ഹൈ​വേ​യാ​ണ​ത്രേ ന​ല്ല​ത്. പ​ക്ഷേ, ഈ ​വേ​ഗ​ത്തി​ൽ കാ​ർ പ​റ​പ്പി​ക്കാ​നാ​വി​ല്ല. ചി​ന്ത​ക​ൾ കാ​ടു​ക​യ​റു​ന്ന​തി​നി​ടെ മ​സ്ക​ത്ത് ന​ഗ​ര​ത്തി​ന്‍റെ സാ​മീ​പ്യം അ​റി​യി​ക്കാ​നെ​ന്ന പോ​ലെ റോ​ഡി​ൽ തി​ര​ക്ക് വ​ർ​ധി​ച്ചു.

സ്ഥ​ല​ങ്ങ​ൾ പ​ല​തും രാ​ത്രി വെ​ളി​ച്ച​ത്തി​ൽ ക​ണ്ടു​തു​ട​ങ്ങി. ബാ​ത്തി​ന എ​ക്സ്പ്ര​സ് വേ​യി​ൽ നി​ന്ന് മ​സ്ക​ത്ത് എ​ക്സ്പ്ര​സ് വേ. ​പി​ന്നെ, റു​സൈ​ൽ-​ബി​ദ് ബി​ദ് റോ​ഡ്. ഈ ​വ​ഴി​ക​ളെ​ല്ലാം പ​ഴ​യ യാ​ത്ര​ക​ളി​ൽ ക​ണ്ട ഓ​ർ​മ​ക​ളു​ണ്ട്. യാ​ത്ര പി​ന്നീ​ട് പു​തി​യ ബി​ദ്ബി​ദ് സൂ​ർ ഹൈ​വേ​യി​ലേ​ക്ക് ക​യ​റി. ആ​ദ്യ​മാ​യി ഒ​മാ​നി​ലേ​ക്ക് വ​രു​മ്പോ​ൾ മ​രു​മ​ക​ളും പേ​ര​ക്കു​ട്ടി​ക​ളും താ​മ​സി​ക്കു​ന്ന ഇ​ബ്ര​യി​ലേ​ക്കു​ള്ള യാ​ത്ര എ​തി​രെ വാ​ഹ​നം വ​രു​ന്ന ടു ​വേ റോ​ഡി​ലൂ​ടെ​യാ​യി​രു​ന്നു.

വ​ലി​യ റി​സ്കു​ള്ള യാ​ത്ര​യാ​യി​രു​ന്നു. ഇ​ന്ന് അ​തെ​ല്ലാം മാ​റി​യി​രി​ക്കു​ന്നു. ന​ല്ല സു​ര​ക്ഷി​ത​മാ​യി യാ​ത്ര ചെ​യ്യാ​വു​ന്ന പാ​ത. വ​ള​ഞ്ഞ് പു​ള​ഞ്ഞ് ഒ​ട്ട​ക​ത്തെ​യും ക​ഴു​ത​ക​ളെ​യും വ​ഴി​യി​ൽ കാ​ണു​ന്ന പ​ഴ​യ പേ​ടി​പ്പെ​ടു​ത്തു​ന്ന വൈ​ൻ​ഡി​ങ് റോ​ഡി​ന് പ​ക​രം ര​ണ്ട് വ​ലി​യ തു​ര​ങ്ക​ങ്ങ​ൾ. അ​തി​ലൂ​ടെ​യെ​ല്ലാം യാ​ത്ര ചെ​യ്ത് രാ​ത്രി പ​ന്ത്ര​ണ്ട​ര​യോ​ടെ ഞ​ങ്ങ​ൾ ഇ​ബ്ര​യി​ലെ പ്രി​യ​പ്പെ​ട്ട​വ​ർ​ക്ക് അ​രി​കി​ലെ​ത്തി. പേ​ര​ക്കു​ട്ടി​ക​ളെ​യും മ​രു​മ​ക​ളെ​യും ക​ണ്ട് സ​ന്തോ​ഷ​ത്തി​നൊ​പ്പം മ​ന​സ്സി​ൽ സൂ​ക്ഷി​ച്ച ഒ​രാ​ഗ്ര​ഹം പൂ​വ​ണി​ഞ്ഞ സ​ന്തോ​ഷം വേ​റെ…​നാ​ല് ദി​വ​സം ഇ​ബ്ര​യി​ൽ ത​ങ്ങി​യാ​ണ് വീ​ണ്ടും അ​ജ്മാ​നി​ലെ​ത്തി​യ​ത്. ഇ​നി ബാ​ക്കി​യു​ള്ള മൂ​ന്ന് ആ​ഗ്ര​ഹ​ങ്ങ​ൾ… അ​തും പ​ട​ച്ച​വ​ൻ നി​റ​വേ​റ്റി ത​രു​മാ​യി​രി​ക്കും.