പൂർണതയുടെ സൗന്ദര്യം തേടി

സ്കൂ​ൾ അ​വ​ധി​ക്കാ​ലം ക​ഴി​യാ​നി​നി ദി​വ​സ​ങ്ങ​ൾ മാ​ത്രം, ഒ​രു പു​തി​യ അ​ധ്യ​യ​ന വ​ർ​ഷം സ​മാ​ഗ​ത​മാ​വു​ക​യാ​ണ്. പു​ത്ത​നു​ടു​പ്പി​ലും പു​തു​മോ​ടി​യി​ലും അ​ര​ങ്ങു​ത​ക​ർ​ക്കാ​ൻ ഒ​രു​ങ്ങു​ക​യാ​ണ് എ​ല്ലാ​വ​രും. കു​ട്ടി​ക​ളെ​പ്പോ​ലെ അ​ധ്യാ​പ​ക​രും ര​ക്ഷി​താ​ക്ക​ളു​മെ​ല്ലാം ഉ​ത്സാ​ഹ​ത്തി​ലാ​ണ്.

ഈ ​വ​ർ​ഷം ന​ന്നാ​യി പ​ഠി​ക്ക​ണ​മെ​ന്നും മി​ക​ച്ച വി​ജ​യ​ങ്ങ​ൾ സ്വ​ന്ത​മാ​ക്ക​ണ​മെ​ന്നും വി​ദ്യാ​ർ​ഥി​ക​ളെ​ല്ലാം ഉ​റ​ച്ച ശ​പ​ഥ​മെ​ടു​ക്കു​ന്ന നേ​ര​മാ​ണി​ത്. ഒ​രു വ​ർ​ഷ​ത്തേ​ക്കു​ള്ള സ്കൂ​ളി​ന്‍റെ പ്ര​വ​ർ​ത്ത​ന ക​ല​ണ്ട​ർ ത​യാ​റാ​ക്കി അ​ത​നു​സ​രി​ച്ച് കൃ​ത്യ​മാ​യി പോ​ക​ണ​മെ​ന്ന് അ​ധ്യാ​പ​ക​രും തീ​രു​മാ​നി​ക്കു​ന്നു. അ​വ​ധി​ക്കാ​ല​ത്ത് ല​ഭി​ച്ച അ​ധ്യാ​പ​ക പ​രി​ശീ​ല​ന​ത്തി​ൽ നി​ന്നു​ള്ള അ​റി​വും ഉ​ൾ​ക്കാ​ഴ്ച​ക​ളും ക്ലാ​സ് മു​റി​യി​ലേ​ക്ക് പ​ക​ർ​ത്താ​ൻ മി​ക്ക അ​ധ്യാ​പ​ക​രും ഈ ​കാ​ല​യ​ള​വി​ൽ ആ​ത്മാ​ർ​ഥ​മാ​യി ശ്ര​മി​ക്കാ​റു​മു​ണ്ട്. പ​ഠ​നാ​നു​ബ​ന്ധ പ്ര​വ​ർ​ത്ത​ന​ങ്ങ​ൾ​ക്കാ​യു​ള്ള വി​വി​ധ ക്ല​ബു​ക​ളും കൂ​ട്ടാ​യ്മ​ക​ളും ഈ ​വേ​ള​യി​ൽ പ്ര​വ​ർ​ത്ത​നം തു​ട​ങ്ങും. പൊ​തു​വി​ദ്യാ​ഭ്യാ​സ സെ​ക്ര​ട്ട​റി​യാ​യി​രി​ക്കെ പൂ​ത്തി​രി ക​ത്തി​ച്ച​തു​പോ​ലു​ള്ള, സ്കൂ​ളു​ക​ളി​ലെ ഈ ​ആ​വേ​ശ​വും ക​ർ​മോ​ത്സു​ക​ത​യും നേ​രി​ൽ അ​നു​ഭ​വി​ച്ചി​ട്ടു​ണ്ട്. പ​ക്ഷേ, പ​ല​പ്പോ​ഴും പ​ല കു​ട്ടി​ക​ളു​ടെ​യും കാ​ര്യ​ത്തി​ൽ ഈ ​ആ​വേ​ശം ഓ​ണ​പ്പ​രീ​ക്ഷ​ക്ക​പ്പു​റം ക​ട​ക്കാ​റി​ല്ല.

ഒ​ന്നാം ക്ലാ​സ് മു​ത​ലേ എ​ന്‍റെ വി​ദ്യാ​ഭ്യാ​സ രീ​തി​യും ഇ​ങ്ങ​നെ​യൊ​ക്കെ ത​ന്നെ​യാ​യി​രു​ന്നു. ജൂ​ൺ, ജൂ​ലൈ മാ​സ​ങ്ങ​ൾ എ​ല്ലാ​വ​രെ​യും​പോ​ലെ എ​ല്ലാം ഗം​ഭീ​ര​മാ​യി, കൃ​ത്യ​ത​യോ​ടെ ന​ട​ക്കു​ന്ന കാ​ല​മാ​ണ്. ക്ലാ​സു​ക​ൾ കൃ​ത്യ​മാ​യി ശ്ര​ദ്ധി​ച്ച്, പാ​ഠ​ങ്ങ​ൾ അ​ന്ന​ന്ന് പ​ഠി​ച്ച്, നോ​ട്ടു​ക​ൾ കൃ​ത്യ​മാ​ക്കി, ഹോം ​വ​ർ​ക്കു​ക​ൾ യ​ഥാ​സ​മ​യം പൂ​ർ​ത്തീ​ക​രി​ച്ച് ന​ന്നാ​യി മു​ന്നോ​ട്ടു​പോ​കും. അ​തി​ന്‍റെ ഫ​ലം ഓ​ണ​പ്പ​രീ​ക്ഷ​യി​ൽ കാ​ണാ​നു​മു​ണ്ടാ​കും. ഓ​ണാ​ഘോ​ഷ​വും ഓ​ണ​സ​ദ്യ​യും അ​വ​ധി​ക്കാ​ല​വും ക​ഴി​ഞ്ഞ് ഫ​ലം വ​രു​മ്പോ​ൾ മി​ക​ച്ച റാ​ങ്കും സ​മ്മാ​ന​ങ്ങ​ളും നി​റ​യെ കൈ​ക​ളി​ലെ​ത്തും.

പി​ന്നീ​ട് ആ ​നേ​ട്ട​ത്തി​ൽ അ​ഭി​ര​മി​ച്ച് ഒ​ര​ൽ​പം അ​മ​ർ​ന്നി​രു​ന്നു​പോ​കു​ന്ന സ​മ​യ​മാ​ണ്. അ​പ്പോ​ഴേ​ക്ക് മേ​ള​ക​ളും തു​ട​ങ്ങും. ശ​ര​ത്കാ​ല​മെ​ത്തു​ന്ന​തോ​ടെ അ​ന്ത​രീ​ക്ഷ​ത്തി​ലും ന​മ്മു​ടെ​യു​ള്ളി​ലും ഒ​രു ത​ണു​പ്പ്​ വ​രും. എ​ന്നെ സം​ബ​ന്ധി​ച്ച് ന​ഷ്ട​സ്വ​പ്ന​ങ്ങ​ളു​ടെ കാ​ല​മാ​ണ് ഡി​സം​ബ​ർ. ജി​ല്ല ക​ലോ​ത്സ​വ​ത്തി​ൽ മാ​റ്റു​ര​ച്ച് പ​രാ​ജ​യ​പ്പെ​ട്ട്​ സം​സ്ഥാ​ന യു​വ​ജ​നോ​ത്സ​വ​ത്തി​ൽ ഇ​ടം​കി​ട്ടാ​തെ പോ​കു​ന്ന സ​ങ്ക​ട​കാ​ലം.

അ​ർ​ധ​വാ​ർ​ഷി​ക പ​രീ​ക്ഷാ​ഫ​ലം വ​രു​മ്പോ​ൾ മാ​ർ​ക്കി​ലും റാ​ങ്കി​ലും കു​റ​ച്ച്​ പി​ന്നി​ൽ​പോ​കു​ന്ന​തും പ​തി​വാ​യി​രു​ന്നു. അ​തി​ലെ​ല്ലാം ഉ​പ​രി മൊ​ത്ത​ത്തി​ൽ ഒ​രു ഉ​ന്മേ​ഷ​ക്കു​റ​വ് ദൃ​ശ്യ​മാ​കും. എ​ങ്ങ​നെ​യെ​ങ്കി​ലും ഈ ​വ​ർ​ഷ​മൊ​ന്ന് ക​ഴി​ഞ്ഞു​പോ​ക​ണേ എ​ന്ന പ്രാ​ർ​ഥ​ന വാ​ർ​ഷി​ക​പ്പ​രീ​ക്ഷ​വ​രെ നീ​ളും. പി​ന്നെ സ​ന്തോ​ഷം നി​റ​ഞ്ഞ അ​വ​ധി​ക്കാ​ല​മാ​യി. ചു​ട്ടു​പ​ഴു​ത്ത പാ​ല​ക്കാ​ട​ൻ വെ​യി​ലി​ൽ പ​ന്തു​ക​ളി​ച്ചും ഉ​ല്ല​സി​ച്ചും ന​ട​ന്ന മ​ധ്യ​വേ​ന​ല​വ​ധി​ക്കാ​ലം മ​നോ​ഹ​ര​മാ​യി​രു​ന്നു. മേ​യ് ഒ​ന്ന് ഫ​ല​മ​റി​യു​ന്ന ദി​വ​സ​മാ​ണ്. സാ​ധാ​ര​ണ, വാ​ർ​ഷി​ക പ​രീ​ക്ഷ​യു​ടെ മാ​ർ​ക്കോ റാ​ങ്കോ പു​റ​ത്തു​വി​ടാ​റി​ല്ല. പ​ക്ഷേ, അ​ധ്യാ​പ​ക​രെ സോ​പ്പി​ട്ട് അ​ത് അ​റി​യു​ന്ന ഒ​രു രീ​തി എ​നി​ക്കു​ണ്ടാ​യി​രു​ന്നു. ഓ​ണ​ത്തി​ന്‍റെ ഫ​ലം എ​വ​റ​സ്റ്റ് കൊ​ടു​മു​ടി പോ​ലെ​യെ​ങ്കി​ൽ അ​ൽ​പം ഉ​യ​രം കു​റ​ഞ്ഞ കാ​ഞ്ച​ൻ‌​ജം​ഗ പോ​ലെ​യാ​കും വാ​ർ​ഷി​ക പ​രീ​ക്ഷാ​ഫ​ലം.

ഇ​തി​ങ്ങ​നെ ഏ​റെ​ക്കാ​ലം ആ​വ​ർ​ത്തി​ച്ചു. ക​ലാ​ല​യ കാ​ല​വും ക​ഴി​ഞ്ഞ് സി​വി​ൽ സ​ർ​വി​സി​ലേ​ക്ക് വ​ന്ന​പ്പോ​ഴാ​ണ് എ​ന്‍റെ സ​മീ​പ​ന​ത്തി​ലെ പ്ര​ശ്ന​ങ്ങ​ൾ മ​ന​സ്സി​ലാ​യി​ത്തു​ട​ങ്ങി​യ​ത്. ആ ​തി​രി​ച്ച​റി​വ് ഔ​ദ്യോ​ഗി​ക ജീ​വി​ത​ത്തി​ലും സാ​മൂ​ഹി​ക ജീ​വി​ത​ത്തി​ലും കാ​ര്യ​മാ​യ മാ​റ്റ​മു​ണ്ടാ​ക്കി. ചെ​യ്യാ​നു​ള്ള ഒ​രു ജോ​ലി​യും അ​ടു​ത്ത ദി​വ​സ​ത്തേ​ക്ക് മാ​റ്റി​വെ​ക്ക​രു​തെ​ന്ന് എ​ന്നെ പ​ഠി​പ്പി​ച്ച​ത് ഈ ​തി​രി​ച്ച​റി​വാ​ണ്. ഇ​ട​ക്ക് ല​ഭി​ക്കു​ന്ന അം​ഗീ​കാ​ര​ങ്ങ​ളി​ൽ അ​ഭി​ര​മി​ക്കാ​തെ, ചെ​യ്ത് തീ​ർ​ക്കാ​നു​ള്ള ജോ​ലി​ക​ൾ കൃ​ത്യ​മാ​യും സ​മ​യ​ബ​ന്ധി​ത​മാ​യും ചെ​യ്യാ​ൻ ദൈ​വാ​നു​ഗ്ര​ഹ​ത്താ​ൽ ഇ​ന്നെ​നി​ക്ക് വ​ലി​യൊ​ര​ള​വോ​ളം സാ​ധി​ക്കു​ന്നു. ആ​ഴ്ച​യി​ലെ മു​ഴു​വ​ൻ ദി​വ​സ​വും ക​ർ​മോ​ത്സു​ക​നാ​കാ​ൻ അ​ത് എ​ന്നെ പ്രാ​പ്ത​നാ​ക്കു​ന്നു.

അ​ധ്യ​യ​ന വ​ർ​ഷ​ത്തി​ന്റെ ഈ ​ആ​രം​ഭ വേ​ള​യി​ൽ, ക​ഴി​ഞ്ഞ അ​ധ്യ​യ​ന വ​ർ​ഷ​ത്തി​ലെ ജൂ​ൺ ഒ​ന്നി​ലേ​ക്ക് തി​രി​ഞ്ഞു​നോ​ക്ക​ണ​മെ​ന്നാ​ണ് വി​ദ്യാ​ർ​ഥി​ക​ളോ​ടും അ​ധ്യാ​പ​ക​രോ​ടും എ​ന്റെ അ​ഭ്യ​ർ​ഥ​ന. നാം ​ന​മു​ക്കു​വേ​ണ്ടി, ന​മ്മു​ടെ സ്കൂ​ളി​നു​വേ​ണ്ടി നി​ശ്ച​യി​ച്ച ല​ക്ഷ്യ​ങ്ങ​ൾ ഏ​തെ​ല്ലാം, അ​തി​ലേ​തെ​ല്ലാം സാ​ക്ഷാ​ത്ക​രി​ക്കാ​ൻ സാ​ധി​ച്ചു, പ​രി​മി​തി​ക​ൾ എ​ന്തെ​ല്ലാ​മാ​യി​രു​ന്നു എ​ന്ന് പ​രി​ശോ​ധി​ക്ക​ണം. ഇ​ങ്ങ​നെ​യൊ​രു സ്വ​യം വി​ല​യി​രു​ത്ത​ലി​ന് സ​ന്ന​ദ്ധ​മാ​കു​മ്പോ​ഴാ​ണ് ന​മ്മു​ടെ മു​ന്നോ​ട്ടു​ള്ള പ്ര​യാ​ണം കു​റ്റ​മ​റ്റ​താ​വു​ക. തു​ട​ക്കം മി​ക​ച്ച​താ​ക്കാ​ൻ ആ​ർ​ക്കും സാ​ധി​ക്കും. അ​ത് നി​ല​നി​ർ​ത്താ​ൻ ക​ഴി​യു​ന്നി​ട​ത്താ​ണ് യ​ഥാ​ർ​ഥ വി​ജ​യം. ആ​സൂ​ത്ര​ണം, ദീ​ർ​ഘ​വീ​ക്ഷ​ണം, ജാ​ഗ്ര​ത, സ്ഥി​രോ​ത്സാ​ഹം എ​ന്നി​വ​യു​ണ്ടെ​ങ്കി​ൽ തു​ട​ക്ക​വും മ​ധ്യ​വും ഒ​ടു​ക്ക​വു​മെ​ല്ലാം ഗം​ഭീ​ര​മാ​ക്കാം. നാം ​യാ​ത്ര ആ​രം​ഭി​ച്ചി​ട്ടേ​യു​ള്ളൂ. ദൂ​ര​മേ​റെ പോ​കാ​നു​ണ്ട്. ചെ​റി​യ നേ​ട്ട​ങ്ങ​ളി​ൽ, പ​ഴ​യ കു​ട്ടി​ക്ക​ഥ​യി​ലെ മു​യ​ലി​നെ​പ്പോ​ലെ വി​ശ്ര​മി​ക്കാ​തെ യാ​ത്ര തു​ട​ർ​ന്നു​കൊ​ണ്ടേ​യി​രി​ക്കു​ക. അ​ങ്ങ​നെ തു​ട​ക്ക​ത്തെ​പോ​ലെ ഒ​ടു​ക്ക​വും ഉ​ജ്ജ്വ​ല​മാ​കു​ന്ന ഒ​രു അ​ധ്യ​യ​ന വ​ർ​ഷം എ​ല്ലാ​വ​ർ​ക്കും ആ​ശം​സി​ക്കു​ന്നു.

പ്ര​ശ​സ്ത ആം​ഗ​ലേ​യ ക​വി പി.​ബി. ഷെ​ല്ലി​യു​ടെ വ​രി​ക​ൾ അ​തീ​വ ഹൃ​ദ്യ​മാ​ണ്.

ശ​ര​ത്​​കാ​ലം വ​ന്നെ​ത്തു​മ്പോ​ൾ വ​സ​ന്തം അ​ത്ര അ​ക​ലെ​യാ​കു​മോ?