പശ്ചിമേഷ്യയിൽ ചൈ​ന​യു​ടെ ബാ​ധ്യ​ത​ക​ൾ

സൗദി-ഇറാൻ ക​രാ​ർ ​പശ്ചിമേഷ്യയിൽ ചൈ​ന​യു​ടെ പ​ദ​വി ഉ​യ​ർത്തിയെന്ന്​ നിസ്സംശയം പറയാം.​ കേ​വ​ല​മാ​യ സാ​മ്പ​ത്തി​ക​ശ​ക്തി എ​ന്ന പ​രി​ഗ​ണ​ന​യി​ൽനി​ന്നു​ മാ​റി രാ​ഷ്ട്രീ​യ-​ന​യ​ത​ന്ത്രത​ല​ത്തി​ൽ അ​വ​ഗ​ണി​ക്കാ​ൻപ​റ്റാ​ത്ത ശ​ക്തി​യാ​യി ബെയ്​ജിങ് അം​ഗീ​ക​രി​ക്ക​പ്പെ​ട്ടി​രി​ക്കു​ന്നു. 2023ൽ ​ഇ​റാന്റെ​യും ജി.​സി.​സി രാ​ഷ്ട്ര​ങ്ങ​ളു​ടെ​യും ഉച്ച​കോ​ടി ചൈ​ന​യി​ൽ ചേ​രു​ന്ന​തോ​ടെ ഇ​ത് ഒ​ന്നു​കൂ​ടി വ്യ​ക്ത​മാ​കു​ന്ന​താ​ണ്. ഇ​തുവ​രെ​യും, പ​ശ്ചി​മേ​ഷ്യ​യി​ൽ സ്വാ​ധീ​ന​മു​റ​പ്പി​ച്ച​ത് അ​മേ​രി​ക്ക മാ​ത്ര​മാ​യി​രു​ന്നു. ന​യ​ത​ന്ത്ര​രം​ഗ​ങ്ങ​ളി​ൽ റ​ഷ്യ​യും ശ്ര​ദ്ധി​ക്ക​പ്പെ​ട്ടി​രു​ന്നു. എ​ന്നാ​ൽ, ഇ​തി​നു മാ​റ്റം വ​ന്നി​രി​ക്കു​ന്നു

വി​ഹ്വ​ല​മാ​യ അ​ന്ത​രീ​ക്ഷ​ത്തി​ലാ​ണ് ഏ​പ്രി​ൽ മാ​സം ക​ട​ന്നുപോ​യ​ത്. ഏ​പ്രി​ൽ അഞ്ചിന് ​പ്ര​കോ​പ​നം ഒ​ന്നു​മി​ല്ലാ​തെ​യാ​ണ് ബൈ​ത്തു​ൽ മു​ഖ​ദ്ദ​സി​ൽ കയറി ഇ​സ്രാ​യേ​ൽ ആ​ക്ര​മ​ണം ന​ട​ത്തി​യ​ത്. ഒ​ട്ട​ന​വ​ധി യു​വജനങ്ങൾക്ക്​ പ​രി​ക്കുപ​റ്റി. നാ​നൂ​റി​ലേ​റെ പേ​ർ ത​ട​വി​ലാ​യി. ഫല​സ്തീ​നിനും ഇ​സ്രാ​യേ​ലി​നു​മി​ട​യി​ൽ ഒരു യുദ്ധസാധ്യതതന്നെ ഉടലെടുത്തു. വെ​സ്റ്റ് ബാ​ങ്കി​ൽ ര​ണ്ട് ഇ​സ്രാ​യേ​ലി വ​നി​ത​ക​ളും ഒ​രു ഇ​റ്റാ​ലി​യ​ൻ ടൂ​റി​സ്റ്റും തോ​ക്കി​നി​ര​യാ​യി. ഒരു ഇ​സ്രാ​യേ​ലി​ മാ​താ​വി​നും ഏ​താ​നും ടൂ​റി​സ്റ്റു​ക​ൾ​ക്കും പ​രി​ക്കുപ​റ്റി. അക്രമങ്ങൾ ഏ​റെ നീ​ണ്ടുനി​ന്നി​ല്ലെ​ന്ന​ത് ഭാ​ഗ്യം. ഏ​പ്രി​ൽ ഏഴിന് ​ആ​ക്ര​മ​ണ​ത്തി​ന് അ​യ​വുവ​ന്നു. യ​ഥാ​ർഥ​ത്തി​ൽ, ഒ​രു സം​ഘ​ട്ട​ന​ത്തി​ന് ഒ​രു​വി​ധ സാ​ധ്യ​ത​യും ഇ​ല്ലാ​തിരിക്കെയാണ്​ ബൈത്തുൽ മുഖദ്ദസിൽ റമദാനിലെ രാ​ത്രി​ന​മ​സ്കാ​രം (ത​റാ​വീ​ഹ്) നിർവഹിക്കുകയായിരുന്ന ഫ​ല​സ്തീ​നി​ക​ളെ ത​ട​സ്സ​പ്പെ​ടു​ത്തിയും പി​ടി​ച്ചു​മാ​റ്റിയും ഇ​സ്രാ​യേ​ലി സൈ​ന്യം പൊടുന്നനെ രംഗപ്രവേശം ചെയ്​തത്​. പല റമദാനുകളിലും അവർ അനുവർത്തിക്കുന്ന രീതിതന്നെയാണിത്​. എ​ങ്കി​ലും, ഇ​ക്കു​റി ഉ​ദ്ദേ​ശി​ച്ച​പോ​ലെ കാ​ര്യ​ങ്ങ​ൾ ന​ട​ന്നി​ല്ല. രാ​ഷ്ട്രീ​യനി​രീ​ക്ഷ​ക​നാ​യ ഒ​റൈ​ബ് അ​ൽ-​റെ​ന്താ​വി കു​റി​ച്ച​ത് ഇ​ങ്ങനെ​യാ​ണ്: ‘‘അ​വ​ർ മ​ല​യെ കീ​ഴ്പ്പെ​ടു​ത്താനാ​ണ് ചെ​ന്ന​ത്. എ​ന്നാ​ൽ, കി​ട്ടി​യ​ത് എ​ലി​യെ​യാ​ണ്!’’

നെത​ന്യാ​ഹു​വിനെ കുഴക്കുന്ന സംഘർഷങ്ങൾ

ഇ​സ്രാ​യേ​ൽ സം​ഘ​ർ​ഷ​ഭ​രി​ത​മാ​ണ്. ആ​ഭ്യ​ന്ത​ര സം​ഘർഷ​ങ്ങ​ൾ ഒ​രു​വ​ശ​ത്ത്. ചു​റ്റു​പാ​ടും ശ​ത്രു​നി​ര. ല​ബ​നാ​നി​ലും ഗസ്സ​യി​ലും മാ​ത്ര​മ​ല്ല, യ​മ​നി​ലും ഇ​റാ​ഖി​ലും ഉ​ൾ​പ്പെ​ടെ- അ​തി​ർ​ത്തി​ക​ളി​ൽ -നെ​ത​ന്യാ​ഹു​വിന്റെ സ​യ​ണി​സ്റ്റ് ഭീ​ക​രാ​ക്ര​മ​ണ​ത്തി​നെ​തി​രെ പ​ട​യൊ​രു​ക്കം ന​ട​ക്കു​ന്നു.

ഇ​തെ​ങ്ങ​നെ ത​ൽ​ക്കാ​ലം അ​തി​ജീ​വി​ക്കു​മെ​ന്ന​താ​യി​രു​ന്നു ഇ​സ്രാ​യേ​ലിന്റെ പ്ര​ശ്നം! ഉ​ട​നെ അ​ദ്ദേ​ഹം മ​ന്ത്രി​മാ​രു​ടെ​യും ഉ​ന്ന​ത ഉ​ദ്യോ​ഗ​സ്ഥ​രു​ടെ​യും യോ​ഗം വി​ളി​ച്ചു. നാ​ഷ​ന​ൽ സെ​ക്യൂ​രി​റ്റി മി​നി​സ്റ്റ​ർ ബെ​ൻ ഗ​വീ​റും യോ​ഗ​ത്തി​ൽ സ​ന്നി​ഹി​ത​നാ​യി​രു​ന്നു. എ​ല്ലാ​വ​രോ​ടു​മാ​യി നെ​ത​ന്യാ​ഹു തു​റ​ന്നുപ​റ​ഞ്ഞു: ‘‘നാ​ലു​പാ​ടു​ക​ളി​ൽനി​ന്നു​മു​ള്ള ബ​ഹു​മു​ഖ​മാ​യ ഒ​രാ​ക്ര​മ​ണ​ത്തി​ലേ​ക്ക് ഇ​സ്രാ​യേ​ൽ വ​ലി​ച്ചി​ഴ​ക്ക​പ്പെ​ടു​ന്ന​ത് അ​പ​ക​ട​ക​ര​മാ​ണ്. അ​ത് ന​മ്മു​ടെ അ​തി​ർ​ത്തി​ക​ളെ ഭേ​ദി​ക്കും. അ​തി​നാ​ൽ, ത​ൽ​ക്കാ​ലം യു​ദ്ധം നി​ർ​ത്തി​വെ​ക്കു​ന്ന​താ​കും ക​ര​ണീ​യം!’’ നെ​ത​ന്യാ​ഹു​വിന്റെ വാ​ക്കു​ക​ൾ ലോ​കം തെല്ല്​ അത്ഭുത​ത്തോ​ടെ​യാ​ണ് കേ​ട്ട​ത്!

ഈ ​ക​ഴി​ഞ്ഞ കാ​ല​മിത്രയും ഇ​സ്രാ​യേ​ൽ, സു​ര​ക്ഷ​യും സ​മൃ​ദ്ധി​യും ആ​സ്വ​ദി​ച്ച​ത് അ​മേ​രി​ക്ക​യു​ടെ രക്ഷാകർതൃത്വത്തിലായിരുന്നു. 2020ൽ ‘​അ​ബ്ര​ഹാം’ ക​രാ​ർ ഒ​പ്പി​ട്ട​തോ​ടെ അ​റ​ബ് രാ​ഷ്ട്ര​ങ്ങ​ളെ വരുതിയിൽ നിർത്താനാകുമെന്നും അവർ നിനച്ചു. അ​ങ്ങ​നെ​യിരിക്കെയാ​ണ് ഇ​സ്രാ​യേ​ൽ ആ​ഭ്യ​ന്ത​രസം​ഘർഷ​ങ്ങ​ളിലേ​ക്ക് വഴുതിവീഴു​ന്ന​ത്. അ​ധി​കാ​രം നി​ല​നി​ർ​ത്തൽ നെ​ത​ന്യാ​ഹു​വി​ന് അ​ത്യാ​വ​ശ്യ​മാ​യി. അ​ഴി​മ​തി ആ​രോ​പ​ണ​വി​ധേ​യ​നാ​യ അ​ദ്ദേ​ഹം അ​ധി​കാ​ര​ത്തി​ൽ തു​ട​രാ​ൻ ക​ണ്ട മാ​ർഗം കോ​ട​തി​ക​ളെ​ത്ത​ന്നെ ഭ​ര​ണ​കൂ​ടനി​യ​ന്ത്ര​ണ​ത്തി​ലാ​ക്കു​ക​യെ​ന്ന​താ​ണ്. ഇ​തി​നെ​തി​രെ​ ജ​ന​ങ്ങ​ൾ പ്ര​തി​ക​രി​ച്ച്​ തെരുവിലിറങ്ങിയതോടെ ഭ​ര​ണ​കൂ​ട​ത്തി​ന്​ ഗതിമുട്ടി. അ​വ​രു​ടെ തൊ​ഴി​ൽ മേ​ഖ​ല​ക​ൾ നി​ശ്ച​ല​മാ​യി. വി​മാ​ന​ത്താ​വ​ള​വും ഹാ​ർ​ബ​റു​ക​ളും അ​ട​ച്ചി​ട്ടു. പ്ര​ക്ഷോ​ഭ​ക​ർ പാ​ർ​ല​മെ​ൻറ് ​(നെ​സ​റ്റ്) വ​ള​ഞ്ഞു. വ​ൻ​കി​ട വ്യ​വ​സാ​യി​ക​ൾ നാ​ടു​വി​ടാ​ൻ തു​ട​ങ്ങി. തൊ​ഴി​ലി​ല്ലാ​യ്മ​യും അ​ര​ക്ഷി​താ​വ​സ്ഥ​യും മു​ന്നി​ൽ​ക​ണ്ട യു​വാ​ക്ക​ളു​ടെ അ​പേ​ക്ഷ​ക​ൾ വി​ദേ​ശ എം​ബ​സി​ക​ളി​ൽ കു​ന്നു​കൂ​ടു​ന്ന​താ​യി റി​പ്പോ​ർ​ട്ടു​ക​ൾ വ​ന്നു. ഇ​തെ​ല്ലാം ഇ​സ്രാ​യേ​ലി​ന്റെ ത​ക​ർച്ച വി​ളി​ച്ചോ​തു​ന്ന കാ​ര്യ​ങ്ങ​ളാ​ണ്. ഈ​യൊ​രു വേ​ള​യി​ലാ​ണ് ചൈ​ന​യു​ടെ സാ​ന്നി​ധ്യ​ത്തി​ൽ സൗ​ദി​യും ഇ​റാ​നും സ​മാ​ധാ​ന ക​രാ​ർ ഒ​പ്പു​വെ​ക്കു​ന്ന​ത്. എ​ങ്ങു​മെ​ത്താ​ത്ത യു​ദ്ധ​ക്കെ​ടു​തി​ക​ളും ഉ​പ​രോ​ധ​വും കാ​ര​ണം വീ​ർ​പ്പു​മു​ട്ടു​ന്ന അ​ന്ത​രീ​ക്ഷ​ത്തി​ൽ ഇ​രുരാ​ഷ്ട്ര​ങ്ങ​ൾ​ക്കും അ​ത് പ്രാ​ണ​വാ​യു ക​ണ​ക്കെ ക​നി​വാ​യ​നു​ഭ​വ​പ്പെ​ട്ടു.

നിർണായകം ഈ നയതന്ത്ര വിജയം

ചൈ​ന​യു​ടെ സാ​ന്നി​ധ്യ​ത്തി​ൽ സ​മ​കാ​ലി​ക രാ​ഷ്ട്രീ​യപ്ര​ശ്ന​ങ്ങ​ൾക്ക്​ പ​രി​ഹാ​രം കാ​ണാ​നും ഭാ​വി​യി​ലേ​ക്ക് ഉ​റ​ച്ച കാ​ൽ​വെ​പ്പു​ക​ൾ ന​ട​ത്താ​നും പ​ശ്ചി​മേ​ഷ്യ​ൻ രാ​ഷ്ട്ര​ങ്ങ​ൾ സ​ന്ന​ദ്ധ​മാ​യ​ത് ഇ​സ്രാ​യേ​ലോ അ​മേ​രി​ക്ക​യോ പ്ര​തീ​ക്ഷി​ച്ചി​രു​ന്നി​ല്ല. വാ​സ്ത​വ​ത്തി​ൽ, ചൈ​ന ഇ​തി​നു​ള്ള ക​രു​നീ​ക്ക​ങ്ങ​ൾ നേ​ര​ത്തേത​ന്നെ തു​ട​ങ്ങി​യി​രു​ന്നു. എ​ന്നാ​ൽ, 2022ന്റെ അ​വ​സാ​നം ചൈ​നീ​സ് പ്ര​സി​ഡ​ന്റ് ഷി ജിൻപിങ് ​സൗദി​ അ​റേ​ബ്യ സ​ന്ദർശി​ച്ച​തോ​ടെ സം​ഗ​തി​ക​ൾ കൂ​ടു​ത​ൽ വ്യ​ക്ത​മാ​യി.

ക​ഴി​ഞ്ഞ ഒ​രു ദ​ശാ​ബ്ദ​മാ​യി മേ​ഖ​ല​യി​ലെ രാ​ഷ്ട്ര​ങ്ങ​ളു​മാ​യെ​ല്ലാം ചൈ​ന സാ​മ്പ​ത്തി​കബ​ന്ധം മെ​ച്ച​പ്പെ​ടു​ത്തി​വ​രുക​യാ​യി​രു​ന്നു. ഇ​തും കാ​ര്യ​ങ്ങ​ൾ എ​ളു​പ്പ​മാ​ക്കി. ഷി ​ജിൻപിങ്ങിന്റെ സ​ന്ദർശ​ന​വേ​ള​യി​ൽത​ന്നെ സൗ​ദി നിരവധി ഉച്ചകോ​ടി​ക​ളും സം​ഘ​ടി​പ്പി​ച്ചു. ഇ​വ അ​റ​ബ് രാ​ഷ്ട്ര​ങ്ങ​ൾ​ക്കെ​ന്ന​പോ​ലെ ചൈ​ന​ക്കും ത​ല​യു​യ​ർ​ത്തിനി​ൽക്കാ​നു​ള്ള അ​വ​സ​രം നൽകി. ഏ​റെ​ക്കാ​ല​മാ​യി സ്വ​രച്ചേർച്ച​യി​ല്ലാ​തെ, പ​ര​സ്പ​രം പ​ഴി​ചാ​രിന​ട​ന്ന സൗ​ദി അ​റേ​ബ്യ​യെ​യും ഇ​റാ​നെ​യും സ്വരുമയിലെത്തിച്ച ക​രാ​റി​ലൂ​ടെ ഇ​രുരാ​ഷ്ട്ര​ങ്ങ​ളും, അ​തി​ലേ​റെ ചൈ​നത​ന്നെ​യും ഏ​റെ ശ്ര​ദ്ധി​ക്ക​പ്പെ​ട്ടു.​ സൗദിയിലേക്ക്​ ഇ​ട​ക്കി​ടെ ഹൂ​തി​ക​ൾ ന​ട​ത്തി​യ വ്യോ​മാ​ക്ര​മ​ണ​ങ്ങ​ൾ​ക്ക് അ​തോ​ടെ പ​രി​ഹാ​ര​മാ​യി. ഇ​ത് സൗദി അ​റേ​ബ്യ​ക്ക് ഒ​ട്ടൊ​ന്നു​മ​ല്ല ആ​ശ്വാ​സം നൽകു​ന്ന​ത്. അ​തേ​സ​മ​യം, ദീ​ർ​ഘ​കാ​ലം അ​മേ​രി​ക്ക ഉ​പ​രോ​ധ​ത്തി​നിട​യാ​ക്കി​യ​തി​നാ​ൽ, സാ​മ്പ​ത്തി​ക പ്ര​തി​സ​ന്ധി​യി​ലാ​യ ഇ​റാ​ന് അ​യ​ൽ​പ​ക്കബ​ന്ധ​ങ്ങ​ൾ തി​രി​ച്ചു​കി​ട്ടി​യ​ത് അ​തി​ലേ​റെ ഗു​ണ​ക​ര​മാ​യി. അ​ത് ഇ​റാന്റെ വ്യാ​പാ​ര​സാ​ധ്യ​ത​ക​ൾ വ​ർ​ധി​പ്പി​ക്കും.

ക​രാ​ർ മി​ഡി​ലീ​സ്റ്റി​ൽ ചൈ​ന​യു​ടെ പ​ദ​വി ഉ​യ​ർത്തിയെന്ന്​ നിസ്സംശയം പറയാം.​ കേ​വ​ല​മാ​യ സാ​മ്പ​ത്തി​ക​ശ​ക്തി എ​ന്ന പ​രി​ഗ​ണ​ന​യി​ൽനി​ന്നു​ മാ​റി രാ​ഷ്ട്രീ​യ-​ന​യ​ത​ന്ത്രത​ല​ത്തി​ൽ അ​വ​ഗ​ണി​ക്കാ​ൻപ​റ്റാ​ത്ത ശ​ക്തി​യാ​യി ബെയ്​ജിങ് അം​ഗീ​ക​രി​ക്ക​പ്പെ​ട്ടി​രി​ക്കു​ന്നു. 2023ൽ ​ഇ​റാന്റെ​യും ജി.​സി.​സി രാ​ഷ്ട്ര​ങ്ങ​ളു​ടെ​യും ഉച്ച​കോ​ടി ചൈ​ന​യി​ൽ ചേ​രു​ന്ന​തോ​ടെ ഇ​ത് ഒ​ന്നു​കൂ​ടി വ്യ​ക്ത​മാ​കു​ന്ന​താ​ണ്. ഇ​തുവ​രെ​യും, പ​ശ്ചി​മേ​ഷ്യ​യി​ൽ സ്വാ​ധീ​ന​മു​റ​പ്പി​ച്ച​ത് അ​മേ​രി​ക്ക മാ​ത്ര​മാ​യി​രു​ന്നു. ന​യ​ത​ന്ത്ര​രം​ഗ​ങ്ങ​ളി​ൽ റ​ഷ്യ​യും ശ്ര​ദ്ധി​ക്ക​പ്പെ​ട്ടി​രു​ന്നു. എ​ന്നാ​ൽ, ഇ​തി​നു മാ​റ്റം വ​ന്നി​രി​ക്കു​ന്നു. ഇ​പ്പോ​ൾ, മി​ഡി​ലീ​സ്റ്റി​ൽ സാ​മ്പ​ത്തി​കരം​ഗ​ത്തും രാ​ഷ്ട്രീ​യ-​ന​യ​ത​ന്ത്ര രം​ഗ​ങ്ങ​ളി​ലും ഒ​രേ​സ​മ​യം സ്വാ​ധീ​ന​മു​ള്ള ശ​ക്തി ചൈ​ന മാ​ത്ര​മാ​ണെ​ന്ന് തെ​ളി​ഞ്ഞി​രി​ക്കു​ന്നു. ഷി ​ജിൻപിങ്, ഭ​ര​ണ​ത്തി​ൽ തന്റെ മൂ​ന്നാ​മൂ​ഴം ത​ര​പ്പെ​ടു​ത്തി​യ​തി​ന് തൊ​ട്ടുശേ​ഷ​മു​ണ്ടാ​ക്കി​യ ശ്ര​ദ്ധേ​യ​മാ​യ ഒ​രു ന​യ​ത​ന്ത്ര നീ​ക്ക​മെ​ന്ന നി​ല​ക്ക് ഇ​ത് പ്ര​ത്യേ​കം പ​രാ​മർശമ​ർ​ഹി​ക്കു​ന്നു.

അസ്​തമിക്കുന്നു യു.എസ്​ അപ്രമാദിത്വം

യുക്രെയ്​ൻ യു​ദ്ധത്തിന്റെ പാ​ർ​ശ്വ​ഫ​ല​ങ്ങ​ളി​ലൊ​ന്ന് അ​ത് പ​ശ്ചി​മേ​ഷ്യ​യെ അ​മേ​രി​ക്ക​യു​ടെ വ​ല​യ​ത്തി​ൽനി​ന്ന്​ മു​ക്തമാ​ക്കി​യെ​ന്ന​താ​ണ്. അ​റ​ബ് രാ​ഷ്ട്ര​ങ്ങ​ൾ വാ​ഷി​ങ്ട​ണിനെ നോ​ക്കു​കു​ത്തി​യാ​ക്കി പു​തി​യ ന​യ​ത​ന്ത്ര​ബ​ന്ധ​ങ്ങ​ൾ​ക്ക് തു​ട​ക്ക​മി​ട്ടു. ഇ​സ്രാ​യേ​ലും അ​മേ​രി​ക്ക​യും അ​ക​റ്റി​നി​ർ​ത്തി​യ ബ​ശ്ശാ​ർ അ​ൽഅ​സ​ദി​ന് യു.​എ.​ഇ ന​ൽ​കി​യ വ​ര​വേ​ൽ​പ് ഓർക്കാ​വു​ന്ന​താ​ണ്. അ​തേ​പ്ര​കാ​രം, മു​ഹ​മ്മ​ദ് ബി​ൻ സ​ൽ​മാ​ൻ ഷി ​ജിൻ​പിങ്ങി​നെ സൗദി അ​റേ​ബ്യ​യി​ലേ​ക്ക് സ്വാ​ഗ​തംചെ​യ്തു. ഇ​തി​ലേ​റെ വാ​ഷി​ങ്ട​ണി​നെ അ​സ്വ​സ്ഥ​മാ​ക്കു​ന്ന​ത്​ എ​ണ്ണവി​പ​ണിയിൽ ഡോ​ള​റി​നു പ​ക​രം ചൈ​ന​യു​ടെ ‘യു​വാ​ൻ’ (yuan) ക​റ​ൻ​സി ഉ​പ​യോ​ഗി​ക്കാ​ൻ തീ​രു​മാ​നി​ച്ച​താണ്​.

യുക്രെയ്നിനെ അ​നു​കൂ​ലി​ക്കു​ന്ന​വ​ർ​ക്കാ​യി യു.​എ​സ് യോ​ഗം വി​ളി​ച്ചു​കൂ​ട്ടി​യ​പ്പോ​ൾ അ​തി​ൽ വെ​റും നാ​ല് അ​റ​ബ് രാ​ഷ്ട്ര​ങ്ങ​ളേ പ​ങ്കുകൊ​ണ്ടു​ള്ളൂ. ഭൂ​രി​പ​ക്ഷം രാ​ഷ്ട്ര​ങ്ങ​ളും റ​ഷ്യ​യെ അ​നു​കൂ​ലി​ക്കു​ക​യോ അ​ല്ലെ​ങ്കി​ൽ മി​ണ്ടാ​തി​രി​ക്കു​ക​യോ ചെ​യ്തു. അ​റ​ബ് രാ​ഷ്ട്ര​ങ്ങ​ളി​ൽ ഒ​രു പു​ത്ത​നു​ണ​ർവ് നാ​മ്പെ​ടു​ക്കു​ന്ന​താ​യി തോ​ന്നു​ന്നു. സ​ഹ​ക​ര​ണ​ത്തി​ലൂ​ടെ മാ​ത്ര​മേ ശ​ക്ത​രാ​കാ​ൻ സാ​ധ്യ​മാ​കൂ എ​ന്ന വ​സ്തു​ത അ​വ​ർ ഉ​ൾ​ക്കൊ​ള്ളു​ക​യാ​ണ്. ഉ​ർ​ദു​ഗാ​ൻ ഡ​മ​സ്ക​സിനെ ​അ​നു​ന​യി​പ്പി​ക്കു​ന്നു. അ​ത് തു​ർ​ക്കിയ​യും സി​റി​യ​യും ത​മ്മി​ൽ സൗ​ഹൃ​ദ​ത്തി​ന്റെ ഒ​രു പു​തി​യ അധ്യാ​യ​ത്തി​ന് തു​ട​ക്ക​മാ​വും. മ​റ്റ് അ​റ​ബ് രാ​ഷ്ട്ര​ങ്ങ​ളും ഇ​തേ പാ​ത പി​ന്തു​ട​ര​ണ​മെ​ന്നാ​ണ് ബ​ശ്ശാ​ർ അ​ൽഅ​സ​ദ് ആ​വ​ശ്യ​പ്പെ​ടു​ന്ന​ത്. അ​ത് ന​ട​ക്കു​മെ​ന്നും സി​റി​യ വീ​ണ്ടും അ​റ​ബ് ലീ​ഗിന്റെ മു​ൻ​നി​ര​യി​ൽ സ്ഥാ​നംപി​ടി​ക്കു​മെ​ന്നും പ്ര​തീ​ക്ഷി​ക്ക​പ്പെ​ടു​ന്നു. ഇ​ത് കു​റി​ക്കു​മ്പോ​ൾ ഏ​താ​നും ജി.​സി.​സി രാ​ഷ്ട്ര​ങ്ങ​ൾ സി​റി​യ​യി​ൽ എംബ​സി​ക​ൾ തു​റ​ക്കു​ന്ന ത​യാ​റെ​ടു​പ്പി​ലാ​ണ്. ​സി​റി​യ​യു​ടെ തി​രി​ച്ചു​വ​ര​വി​ന് സൗ​ദി അ​റേ​ബ്യ​യും യു.​എ.​ഇയും ​ത​ങ്ങ​ളു​ടേ​താ​യ പ​ങ്കുവ​ഹി​ക്കു​മെ​ന്നാ​ണ് മ​ന​സ്സി​ലാ​കു​ന്ന​ത്. സൗദി-ഇറാൻ സൗ​ഹൃ​ദ ക​രാ​റി​ലൂ​ടെ ചൈ​ന ര​ണ്ടു ല​ക്ഷ്യ​ങ്ങ​ൾ കൈ​വ​രി​ക്കു​ന്നു​ണ്ട്. ഒ​ന്നാ​മ​താ​യി ചൈ​ന​യു​ടെ വ​ൻ​ശ​ക്തി എ​ന്ന നി​ലക്കുള്ള അ​പ്ര​മാ​ദി​ത്വം തെ​ളി​യി​ക്ക​പ്പെ​ട്ടി​രി​ക്കു​ന്നു. പ​ശ്ചി​മേ​ഷ്യ​യി​ലെ പ്ര​ശ്ന​ങ്ങ​ൾ പ​രി​ഹ​രി​ക്കാനു​ള്ള ഉ​ത്ത​ര​വാ​ദ​പ്പെ​ട്ട ഒ​രു ശ​ക്തി​യാ​യി ചൈ​ന വ​ള​ർ​ന്നി​രി​ക്കു​ന്നു​വെ​ന്ന പ്ര​ഖ്യാ​പ​ന​മാ​ണി​ത്. ര​ണ്ടാ​മ​താ​യി, ചൈ​ന​യു​ടെ പു​രോ​ഗ​തി​ക്ക് ത​ട​യി​ടാ​ൻ അ​മേ​രി​ക്ക​ക്ക് സാ​ധ്യ​മല്ലെ​ന്നും ഇ​ത് തെ​ളി​യി​ക്കു​ന്നു.

മേ​ഖ​ല​യി​ലെ എ​ല്ലാ രാ​ഷ്ട്ര​ങ്ങ​ളു​മാ​യും ചൈ​ന സൗ​ഹൃ​ദ​ത്തി​ലാ​ണ്. ഇ​റാ​നു​മാ​യി സ​ന്ധി​ചെ​യ്യാ​ൻ സാ​ധി​ച്ച​തുത​ന്നെ അ​തുകൊ​ണ്ടാ​ണ്. ഇ​ത് ചൈ​ന​യെ കൂ​ടു​ത​ൽ ​വ​ലി​യ ന​യ​ത​ന്ത്ര ഉ​ത്ത​ര​വാ​ദി​ത്ത​ങ്ങ​ളി​ലേ​ക്കു ന​യി​ക്കു​ന്നു​ണ്ട്. ഫ​ല​സ്തീ​ൻ-ഇ​സ്രാ​യേ​ൽ പ്ര​ശ്നം പ​രി​ഹ​രി​ക്കു​ന്ന​തി​നാ​യി ബെയ്ജിങ് ശ്ര​മ​ങ്ങ​ൾ തു​ട​ങ്ങി​യി​രു​ന്നു. ഷി ​ജിൻപിങ് ഈ ​വി​ഷ​യ​ത്തി​ൽ നാ​ലു പ​രി​ഹാ​രമാ​ർഗ​ങ്ങ​ൾ ചൂ​ണ്ടി​ക്കാ​ട്ടു​ന്ന ഒ​രു നി​ർദേ​ശം കു​റ​ച്ച് മു​മ്പ് സ​മ​ർ​പ്പി​ച്ചി​രു​ന്നു​വത്രെ. തു​ട​ർ​ന്ന്, ഇ​രുരാ​ഷ്ട്ര​ങ്ങ​ളി​ലെ​യും രാ​ഷ്ട്രീ​യ നേ​താ​ക്ക​ളും പ​ണ്ഡി​ത​രും പ​ങ്കെ​ടു​ക്കു​ന്ന സ​മ്മേ​ള​ന​ങ്ങ​ളും ബെയ്ജിങ്ങിൽ ന​ട​ക്കു​ക​യു​ണ്ടാ​യി. അ​തും ഫലപ്രാപ്​തിയിലെത്ത​ട്ടെയെ​ന്ന് ന​മു​ക്ക് പ്രാ​ർ​ഥി​ക്കാം.