സു​ശാ​സ​ൻ ബാ​ബു​വി​ന്​ അ​ത്ര എ​ളു​പ്പ​മ​ല്ല കാ​ര്യ​ങ്ങ​ൾ

ബിഹാറിലെ തെരഞ്ഞെടുപ്പ്​ രാഷ്​ട്രീയം എന്നും ജാതിസമവാക്യങ്ങളിൽ ചുറ്റിത്തിരിയുകയായിരുന്നു. അതിന്നും അങ്ങനെത്തന്നെ. ബിഹാറിലെ ജാതിരാഷ്​ട്രീയത്തിന്​ ശക്തമായൊരു ചരിത്രമുണ്ട്​. ബ്രിട്ടീഷ്​ഭരണത്തിലെ മൊണ്ടേഗു-ചെംസ്​ഫോർഡ്​ ഭരണപരിഷ്​കാരത്തെ തുടർന്ന്​ നടന്ന 1922ലെ പ്രവിശ്യ കൗൺസിൽ തെരഞ്ഞെടുപ്പിൽ വോട്ട്​ ചെയ്യാനുള്ള അവകാശം ബ്രിട്ടീഷുകാർക്ക്​ നികുതി നൽകുന്നവർക്കു മാത്രമായിരുന്നു. ഭൂവുടമകളിൽ ഏറിയ പങ്കും മേൽജാതിക്കാരായതിനാൽ അവർക്കേ നികുതിദായകരാകാൻ അവസരമുണ്ടായുള്ളൂ. സമ്മതിദാനാവകാശവും അവരിൽ പരിമിതപ്പെട്ടു. ജനസംഖ്യയിൽ ഭൂരിപക്ഷമുണ്ടായിരുന്നിട്ടും ദലിതുകൾക്കും പിന്നാക്കക്കാർക്കും വോട്ടവകാശം നിഷേധിക്കപ്പെട്ടു.

വോട്ടുകൾ മേൽജാതിക്കാരായ സമ്പന്നവിഭാഗത്തിനു തീറെഴുതപ്പെട്ടതിനാൽ പ്രവിശ്യാ കൗൺസിലുകളിൽ മേൽജാതിക്കാരുടെ പ്രതിനിധികൾ മാത്രമാണുണ്ടായിരുന്നത്​. 1928 ഡിസംബർ ഒമ്പതിന്​ ബിഹാർ-ഒഡിഷ മേഖലയിലെ ഭരണപരിഷ്​കാരപ്രവർത്തനങ്ങൾക്ക്​ മേൽനോട്ടം വഹിച്ചിരുന്ന ജെ.ജെ.എ. ഹബ്ബാക്​ ഇന്ത്യൻ സ്​റ്റാറ്റ്യൂട്ടറി കമീഷൻ സെക്രട്ടറിക്ക്​ അയച്ച റിപ്പോർട്ടിൽ ജാതിസന്തുലനത്തിലെ പ്രശ്​നങ്ങൾ ചൂണ്ടിക്കാണിക്കുന്നുണ്ട്​.

ജനസംഖ്യയിൽ 13 ശതമാനം മാത്രമുള്ള മേൽജാതിക്കാർക്കാണ്​ പ്രവിശ്യ കൗൺസി​ലിൽ 65 ശതമാനം പ്രാതിനിധ്യം എന്ന്​ റിപ്പോർട്ട്​ പറയുന്നു. ബിഹാറിലെ ജാതിരാഷ്​ട്രീയത്തിന്​ നൂറ്റാണ്ടിനും പിറകിലേക്ക്​ പഴക്കമുണ്ടെന്നാണ്​ ഇത്​ തെളിയിക്കുന്നത്​. ഇതിൽനിന്നു പാഠമുൾക്കൊണ്ടാണ്​ 1990 ൽ ലാലു പ്രസാദ്​ യാദവ്​ പതിറ്റാണ്ടുകളുടെ ഭരണപാരമ്പര്യമുള്ള കോൺഗ്രസ്​ ഗവൺമെൻറിനെ അധികാരത്തിൽനിന്നു തൂത്തെറിഞ്ഞത്​.

രാഷ്​ട്രീയ ജനതാദൾ (ആർ.ജെ.ഡി) ദലിത്​-പിന്നാക്കവിഭാഗങ്ങളെയും ബി.ജെ.പി മുന്നാക്കജാതികളെയും പ്രതിനിധാനം ചെയ്യുന്നുവെന്നതാണ്​ ബിഹാറിലെ പൊതുചിത്രം. സ്വന്തമായ വോട്ട്​ബാങ്ക്​ ഉണ്ടെന്നു പറയാനാവാത്ത ജനതാദൾ (യുനൈറ്റഡ്) തെരഞ്ഞെടുപ്പുകളിൽ തരംപോലെ വിവിധ വംശീയകാർഡുകൾ ഇറക്കുകയാണ്​ പതിവ്​.

ബിഹാറിൽ പട്ടികജാതിക്കാർക്ക്​ 38 സീറ്റുകൾ സംവരണം ചെയ്​തിരിക്കുന്നു. കഴിഞ്ഞ രണ്ടു പതിറ്റാണ്ടുകളിലെ ഇൗ സീറ്റുകളിലെ ജയപരാജയങ്ങൾ ശ്രദ്ധിച്ചാൽ ഏതെങ്കിലും ഒരു പാർട്ടിയിലേക്കുമാത്രം ദലിതുകളും പിന്നാക്കവിഭാഗങ്ങളും കേ​ന്ദ്രീകരിച്ചതായി കാണാനാവില്ല. 1995ലെ നിയമസഭ തെരഞ്ഞെടുപ്പിൽ ജനതാദൾ 30 സീറ്റുകൾ നേടിയപ്പോൾ ബി.ജെ.പിക്ക്​ നാലെണ്ണം നേടാനേ കഴിഞ്ഞുള്ളൂ.

2000ത്തോടെ ജനതാദൾ രണ്ടായി. ലാലുപ്രസാദ്​ യാദവ്​ ആർ​.ജെ.ഡി രൂപവത്​കരിച്ചു. മറുഭാഗത്ത്​ നിതീഷ്​കുമാർ ജനതാദൾ യുനൈറ്റഡിന്​ രൂപംനൽകി. ആ വർഷം നടന്ന തെരഞ്ഞെടുപ്പിൽ ലാലുവി​െൻറ പാർട്ടി സംവരണസീറ്റുകളിൽ 25എണ്ണം നേടിയപ്പോൾ ബി.ജെ.പിക്ക്​ എ​െട്ടണ്ണം കിട്ടി. ജനതാദൾ-യുവിന്​ രണ്ടു സീറ്റുകൾ മാത്രം. ബാക്കി കോൺഗ്രസും ഝാർഖണ്ഡ്​ മുക്​തിമോർച്ചയും ബി.എസ്​.പിയും പങ്കുവെച്ചു.

2005 ആയതോടെ ദലിത്​ പിന്നാക്കവിഭാഗങ്ങൾക്ക്​ ലാലുവി​െൻറ കാര്യത്തിൽ സംശയമായി. നിതീഷ്​കുമാറായിരിക്കും കൂടുതൽ ഭേദം എന്നുകണ്ട്​ അങ്ങോട്ടു മാറി. അതിനു ചെറിയ ഫലവും കണ്ടു. 2005ലെ തെരഞ്ഞെടുപ്പിൽ ജെ.ഡി.യു ഒമ്പതു സീറ്റുകൾ നേടി. ആർ.ജെ.ഡിക്ക്​ കിട്ടിയത്​ 12. ബി.ജെ.പി ആറു സീറ്റുകളും നേടി. നിതീഷിന്​ മതിയായ ഭൂരിപക്ഷം ഇല്ലാതായതിനാൽ അതേ വർഷം ഒക്​ടോബറിൽ സംസ്​ഥാനം രണ്ടാമതും തെരഞ്ഞെടുപ്പിലേക്കു നീങ്ങിയത്​ ജെ.ഡി.യുവും ബി.ജെ.പിയും സഖ്യമായി.

സഖ്യം തൂത്തുവാരിയത്​ ലാലുവി​െൻറ കാൽച്ചുവട്ടിലെ മണ്ണുനീക്കി. അവർക്ക്​ ഏഴു സീറ്റുകൾ മാത്രമാണ്​ ലഭിച്ചത്​. അങ്ങനെ ദലിതുകളും പിന്നാക്കക്കാരും ലാലുവിനെ കൈവിട്ടു. 2010ലെ നിയമസഭ തെരഞ്ഞെടുപ്പിൽ ഇൗ പുതിയ സഖ്യത്തിൽനിന്ന്​ ബി.ജെ.പി വൻകൊയ്​ത്ത്​ നടത്തി. അവർ 18 സീറ്റുനേടി 19 എണ്ണം നേടിയ ജെ.ഡി.യുവി​െൻറ ഒപ്പത്തിനൊപ്പമെത്തി.

2013ൽ സഖ്യസമവാക്യം തിരുത്തി ബി.ജെ.പിയെ കൈവിട്ട്​ ജെ.ഡി.യു പിന്നെയും ലാലുവിനൊപ്പം കൂടി. 2015ലെ തെരഞ്ഞെടുപ്പിൽ കോ​ൺഗ്രസിനെയും ചേർത്ത്​ വിശാലമുന്നണിയായി തെരഞ്ഞെടുപ്പിനെ നേരിട്ടപ്പോൾ 38 സംവരണസീറ്റുകളിൽ ബി.ജെ.പിക്ക്​ അഞ്ചേ നേടാനായുള്ളൂ. ജെ.ഡി.യു 11ഉം ആർ.ജെ.ഡി 13ഉം നേടിയപ്പോൾ കോൺഗ്രസും ചില്ലറ നേട്ടങ്ങളുണ്ടാക്കി. ഇൗ തെരഞ്ഞെടുപ്പ്​ ഫലങ്ങളെ 2010ലേതുമായി താരതമ്യം ചെയ്​താൽ ദലിത്​, പിന്നാക്കവിഭാഗങ്ങൾ നിതീഷി​െൻറ കൂടെ ചേർന്നു എന്നു വ്യക്തമാകും.

ഭരണത്തിലേറിയതോടെ ദലിത്-പിന്നാക്ക വോട്ട്​ബാങ്കിൽ കണ്ണുവെച്ച്​ നിതീഷ്​ പ്രവർത്തനം തുടങ്ങിയത്​ ഫലംചെയ്​തുവെന്നാണ്​ രാഷ്​ട്രീയനിരീക്ഷകരുടെ അഭി​പ്രായം. ഇത്​ ചോരാ​തെ പോകാൻ ബദ്ധശ്രദ്ധനായിരിക്കുന്നുണ്ട്​ അദ്ദേഹം. ജാതി അധിഷ്​ഠിത ജനസംഖ്യ കണ​ക്കെടുപ്പിന്​ കേന്ദ്രത്തോട്​ അദ്ദേഹം ആവശ്യമുന്നയിച്ചത്​ ഇതി​െൻറ ഭാഗമാണ്​. പട്ടികജാതി-വർഗനിയമത്തി​നു കീഴിൽ രജിസ്​റ്റർ ചെയ്യപ്പെട്ട കേസുകളിൽ നടപടി ദ്രുതഗതിയിൽ പൂർത്തിയാക്കാൻ നിതീഷ്​ ഉത്തരവിട്ടതും ദലിത്​, പിന്നാക്കവോട്ടിൽ കണ്ണുവെച്ചുതന്നെ. പട്ടികജാതിക്കാരൻ കൊല്ലപ്പെട്ടാൽ കുടുംബത്തിലൊരാൾക്ക്​ ഗവൺമെൻറ്​ ജോലി എന്നൊരു പ്രഖ്യാപനം കഴിഞ്ഞ മാസം നടത്തിയതും ഇൗ 'പ്രീണനനയ'ത്തി​െൻറ ഭാഗംതന്നെ.

ലാലുവിനെക്കുറിച്ച്​ ബിഹാറിൽ പറയാറുള്ള ഒരു തമാശയുണ്ട്​. ഗ്രാമീണമേഖലകളിൽ അദ്ദേഹം സന്ദർശനത്തിനു പോകു​േമ്പാൾ വാഹനവ്യൂഹത്തിനു പിറകിൽ ഒരു വാട്ടർ ടാങ്കറും ഉണ്ടാകും. ദലിത്​ കോളനി വഴി കടന്നുപോകു​േമ്പാൾ വല്ല കുട്ടികളെയും തുണിയുടുക്കാതെ കണ്ടാൽ വാട്ടർ ടാങ്കറിൽനിന്നു പൈപ്പ്​ നേരെ പിടിച്ച്​ കുട്ടിയെ കുളിപ്പിക്കും. ഏതു ദലിത്​ വീട്ടിലും കയറി അവരോടൊപ്പം ഒരു പന്തിയിലിരുന്ന്​ അവർ കൊടുക്കുന്ന ഭക്ഷണം കഴിക്കാനും അദ്ദേഹത്തിനു മടിയില്ല.

നിതീഷ്​കുമാർ മുഖ്യമന്ത്രിയായപ്പോൾ അദ്ദേഹവും ദലിത്​ കോളനികളി​ലെത്തി, റിപ്പബ്ലിക്​ദിനത്തിൽ പതാകയുയർത്താൻ. ലാലുവിനെപ്പോലെ നിതീഷും പിന്നാക്കജാതിക്കാർക്ക്​ ചില ജനപ്രിയ വാഗ്​ദാനങ്ങളൊക്കെ നൽകിയെങ്കിലും അതൊന്നും കാര്യമായി നിലത്തിറങ്ങിയില്ല എന്നതാണ്​ ശരി. ജനങ്ങൾക്കിടയിൽ അദ്ദേഹത്തെക്കുറിച്ച്​ സമ്മിശ്ര പ്രതികരണമാണുള്ളത്​. അതിനാൽ നിലവിലെ സാഹചര്യത്തിൽ ഒരു പ്രവചനം അസാധ്യമാണ്​ എന്നുതന്നെ പറയണം. എന്നാൽ ഒന്നുണ്ട്​; ദലിതുകളും പിന്നാക്കവിഭാഗങ്ങളും വ്യാമോഹങ്ങൾ വെടിഞ്ഞാൽ സുശാസൻ ബാബു (മികച്ച ഭരണാധികാരി)വായി സ്വയംപ്രഖ്യാപിച്ച നിതീഷിന്​ തെരഞ്ഞെടുപ്പിൽ സാരമായ പരിക്കേൽക്കാനിടയുണ്ട്​.