വക്കം അബ്ദുൽ ഖാദർ: രക്തസാക്ഷികളുടെ രാജകുമാരൻ

''പ്രി​യ​പ്പെ​ട്ട പി​താ​വേ, - സ​മാ​ധാ​ന​വും അ​ച​ഞ്ച​ല​വു​മാ​യ ഒ​രു ഹൃ​ദ​യം ന​ൽ​കി പ​ര​മ കാ​രു​ണി​ക​നാ​യ അ​ല്ലാ​ഹു എ​ന്നെ അ​നു​ഗ്ര​ഹി​ച്ചി​രി​ക്കു​ക​യാ​ണ്, എ​ന്റെ​യും നി​ങ്ങ​ളു​ടെ​യും ഈ ​നി​സ്സ​ഹാ​യ​ത​യി​ൽ മു​റു​മു​റു​ക്കു​വാ​നോ മ​ന​ചാ​ഞ്ച​ല്യം കാ​ണി​ക്കു​വാ​നോ പാ​ടി​ല്ല. ഇ​വി​ടെ​യാ​ണ് അ​ല്ലാ​ഹു​വി​ന്റെ അ​ഭീ​ഷ്ട​ത്തി​ൽ സം​തൃ​പ്ത​നാ​യി ആ​ത്മ​ത്യാ​ഗ​ത്തി​നു​ള്ള സ​ന്ദ​ർ​ഭം എ​ന്റെ ജീ​വ​ഹാ​നി​കൊ​ണ്ടാ​ണെ​ങ്കി​ൽ നി​ങ്ങ​ളെ സ​ന്താ​ന​ന​ഷ്ടം കൊ​ണ്ട് അ​ല്ലാ​ഹു പ​രീ​ക്ഷി​ക്കു​ന്ന​ത്, ഞാ​ൻ അ​ധൈ​ര്യ​പ്പെ​ടു​ന്നി​ല്ല. എ​ന്റെ മ​ന​ക്ക​രു​ത്ത്​ വ​ർ​ധി​ക്കു​ന്നു, ഈ ​വാ​ർ​ത്ത നി​ങ്ങ​ളെ അ​തി​ദാ​രു​ണ​മാ​യി ദുഃ​ഖി​പ്പി​ക്കു​മെ​ന്ന് എ​നി​ക്ക​റി​യാം, അ​ല്ലാ​ഹു​വി​ന്റെ നാ​മ​ത്തി​ൽ ഞാ​ൻ നി​ങ്ങ​ളോ​ട​പേ​ക്ഷി​ക്കു​ന്ന​ത് ക​ഴി​യു​ന്ന​തും മ​ന​സ്സി​നെ നി​യ​ന്ത്രി​ച്ച് സ​മാ​ധാ​ന​പ്പെ​ടാ​ൻ മാ​ത്ര​മാ​ണ്. നാം ​നി​സ്സ​ഹാ​യ​രാ​ണെ​ന്നും അ​ല്ലാ​ഹു​വി​ന്റെ സ​ഹാ​യം മാ​ത്ര​മേ​യു​ള്ളൂ എ​ന്നും ഓ​ർ​മി​ക്കു​ക. ഞാ​ൻ എ​ന്ന​ന്നേ​ക്കു​മാ​യി നി​ങ്ങ​ളെ വി​ട്ടു​പി​രി​യു​ന്നു. നാ​ളെ രാ​വി​ലെ ആ​റു മ​ണി​ക്ക് മു​മ്പാ​യി​രി​ക്കും എ​ന്റെ എ​ളി​യ മ​ര​ണം. ധൈ​ര്യ​പ്പെ​ടു​ക. സ​മ​യം അ​തി​ക്ര​മി​ച്ചി​രി​ക്കു​ന്ന​തി​നാ​ൽ ഞാ​ൻ നി​ർ​ത്തു​ന്നു. ഇ​താ മ​ണി പ​ന്ത്ര​ണ്ട​ടി​ക്കാ​ൻ പോ​കു​ന്നു. എ​ന്റെ മ​ര​ണ​ദി​ന​ത്തി​ന്റെ ആ​രം​ഭ​നി​മി​ഷം കാ​ണി​ക്കു​ന്ന അ​ട​യാ​ള ശ​ബ്ദം സൂ​ചി​പ്പി​ക്കാ​ൻ പോ​കു​ന്നു. അ​തെ, റ​മ​ദാ​നി​ലെ ഏ​ഴാം ദി​വ​സ​മാ​യ വെ​ള്ളി​യാ​ഴ്ച രാ​വി​ലെ അ​ഞ്ചു മ​ണി​ക്കും ആ​റു മ​ണി​ക്കും മ​ധ്യേ ഞാ​ൻ മ​രി​ക്കു​ന്നു. വ​ന്ദ്യ​നാ​യ പി​താ​വ്, വാ​ത്സ​ല്യ​നി​ധി​യാ​യ ഉ​മ്മ, ഏ​റ്റ​വും പ്രി​യ​പ്പെ​ട്ട സ​ഹോ​ദ​രീ സ​ഹോ​ദ​ര​ന്മാ​രേ എ​നി​ക്കൊ​രു ആ​ശ്വാ​സ​വ​ച​ന​വും നി​ങ്ങ​ളോ​ട് പ​റ​യാ​നി​ല്ല. ഞാ​ൻ നി​ങ്ങ​ളെ വി​ട്ടു​പി​രി​യു​ന്നു. ന​മു​ക്ക് ത​മ്മി​ൽ മ​ഹ്ഷ​റ​യി​ൽ​വെ​ച്ച് വീ​ണ്ടും കാ​ണാം. ഞാ​ൻ എ​ത്ര​ത്തോ​ളം ധൈ​ര്യ​ത്തോ​ടും സ​ന്തോ​ഷ​ത്തോ​ടും സ​മാ​ധാ​ന​ത്തോ​ടും കൂ​ടി​യാ​ണ് മ​രി​ച്ച​തെ​ന്ന് ദൃ​ക്സാ​ക്ഷി​ക​ളി​ൽ​നി​ന്ന് അ​റി​യു​മ്പോ​ൾ തീ​ർ​ച്ച​യാ​യും നി​ങ്ങ​ൾ സ​ന്തോ​ഷി​ക്കാ​തി​രി​ക്കി​ല്ല. തീ​ർ​ച്ച​യാ​യും അ​ഭി​മാ​നി​ക്കു​ക​ത​ന്നെ ചെ​യ്യും. ഞാ​ൻ നി​ർ​ത്ത​ട്ടെ,

അ​സ്സ​ലാ​മു അ​ലൈ​ക്കും.

വാ​ത്സ​ല്യ മ​ക​ൻ

മു​ഹ​മ്മ​ദ് അ​ബ്ദു​ൽ ഖാ​ദ​ർ

തി​രു​വ​ന​ന്ത​പു​രം ജി​ല്ല​യി​ലെ വ​ക്കം എ​ന്ന ക​ട​ലോ​ര ഗ്രാ​മ​ത്തി​ൽ വാ​വാ​കു​ഞ്ഞു-​ഉ​മ്മു​സ​ൽ​മാ ദ​മ്പ​തി​ക​ളു​ടെ മ​ക​നാ​യി പി​റ​ന്ന മു​ഹ​മ്മ​ദ് അ​ബ്ദു​ൽ​ഖാ​ദ​ർ ര​ക്ത​സാ​ക്ഷി​ത്വ​ത്തി​ന്​ അ​ൽ​പം മു​മ്പ് പി​താ​വി​നെ​ഴു​തി​യ എ​ട്ടു പേ​ജു​ള്ള ക​ത്തി​ന്റെ അ​വ​സാ​ന ഭാ​ഗ​മാ​ണി​ത്. അ​ടി​യു​റ​ച്ച ഏ​ക​ദൈ​വ വി​ശ്വാ​സ​ത്തി​ന്റെ​യും ക​റ​ക​ള​ഞ്ഞ രാ​ജ്യ​സ്നേ​ഹ​ത്തി​ന്റെ​യും ധീ​ര​ത​നി​റ​ഞ്ഞ ഒ​രു പ​ട​നാ​യ​ക​ന്റെ​യും സ്നേ​ഹ​സ​മ്പ​ന്ന​നാ​യ ഒ​രു മ​ക​ന്റെ​യും കോ​രി​ത്ത​രി​പ്പി​ക്കു​ന്ന ശ​ബ്ദം. പി​ൽ​ക്കാ​ല​ത്ത് ഐ.​എ​ൻ.​എ ഹീ​റോ എ​ന്ന​റി​യ​പ്പെ​ട്ട ഖാ​ദ​ർ വി​ദ്യാ​ഭ്യാ​സ കാ​ല​ത്തും ഹീ​റോ​ത​ന്നെ​യാ​യി​രു​ന്നു, അ​തി​മ​നോ​ഹ​ര​മാ​യി പാ​ടി, ക​ലാ കാ​യി​ക​രം​ഗ​ങ്ങ​ളി​ൽ മി​ടു​ക്ക്​ തെ​ളി​യി​ച്ചു, സ​ഹ​പാ​ഠി​ക​ളു​ടെ മ​നം​ക​വ​ർ​ന്നു. മ​ഹാ​ത്മ​ജി​യു​ടെ കേ​ര​ള സ​ന്ദ​ർ​ശ​ന​വേ​ള​യി​ൽ ചി​റ​യി​ൻ​കീ​ഴി​ൽ ട്രെ​യി​ൻ നി​ർ​ത്തി​യ​പ്പോ​ൾ ഖാ​ദ​ർ വ​മ്പി​ച്ച ജ​ന​ക്കൂ​ട്ട​ത്തി​നി​ട​യി​ൽ​കൂ​ടി പ​ട്ടാ​ള​സം​ഘ​ത്തെ മ​റി​ക​ട​ന്ന് ഗാ​ന്ധി​ജി​ക്ക് ചും​ബ​നം ന​ൽ​കി​യ സം​ഭ​വം ച​രി​ത്ര​പ്ര​സി​ദ്ധ​മാ​ണ്. അ​തോ​ടെ ത​ന്നെ ഇ​ദ്ദേ​ഹം ബ്രി​ട്ടീ​ഷ് പ​ട്ടാ​ള​ത്തി​ന്റെ നോ​ട്ട​പ്പു​ള്ളി​യാ​യി. അ​വ​ർ നി​ര​ന്ത​രം ഖാ​ദ​റി​നെ​യും കു​ടും​ബാം​ഗ​ങ്ങ​ളെ​യും വേ​ട്ട​യാ​ടി​ക്കൊ​ണ്ടി​രു​ന്നു. തി​ക​ച്ചും സ​ങ്കീ​ർ​ണ​മാ​യ ഈ ​സാ​ഹ​ച​ര്യ​ത്തി​ൽ ഖാ​ദ​റി​നെ മ​ലേ​ഷ്യ​യി​ലേ​ക്ക് അ​യ​ക്കാ​ൻ പി​താ​വ് തീ​രു​മാ​നി​ച്ചു. അ​ങ്ങ​നെ ഖാ​ദ​റി​ന് 21 വ​യ​സ്സു​ള്ള​പ്പോ​ൾ മ​ലേ​ഷ്യ​യി​ൽ എ​ത്തി. അ​വി​ടെ പൊ​തു​മ​രാ​മ​ത്ത് വ​കു​പ്പി​ൽ ഓ​വ​ർ​സി​യ​റാ​യി ജോ​ലി​യി​ൽ പ്ര​വേ​ശി​ച്ചെ​ങ്കി​ലും ഉ​റ​ച്ചു​നി​ന്നി​ല്ല. സ്വാ​ത​ന്ത്ര്യ​സ​മ​ര ചി​ന്ത​യി​ൽ തി​ള​ച്ചു​കൊ​ണ്ടി​രു​ന്ന ഖാ​ദ​ർ വേ​ഗ​ത്തി​ൽ​ത​ന്നെ ത​ന്റെ ത​ട്ട​കം ക​ണ്ടെ​ത്തി. ഇ​ന്ത്യ​ൻ സ്വാ​ത​ന്ത്ര്യ​സ​മ​ര​ത്തി​ൽ പോ​രാ​ടി​ക്കൊ​ണ്ടി​രു​ന്ന ഇ​ന്ത്യ​ൻ ഇ​ൻ​ഡി​പെ​ൻ​ഡ​ൻ​സ് ലീ​ഗി​ൽ വ​ള​ന്റിയ​റാ​യി ചേ​ർ​ന്നു. ഐ.​എ​ൻ.​എ ഭ​ട​ന്മാ​ർ​ക്ക് പ്ര​ത്യേ​ക പ​രി​ശീ​ല​നം ന​ൽ​കാ​ൻ സ്ഥാ​പി​ച്ച സ്വ​രാ​ജ് ഇ​ൻ​സ്റ്റി​റ്റ്യൂ​ട്ടി​ൽ പ​രി​ശീ​ല​നം പൂ​ർ​ത്തി​യാ​ക്കി ആ​ത്മ​ഹ​ത്യാ സ്​​ക്വാ​ഡി​ന്റെ നേ​താ​വു​മാ​യി മാ​റി. നേ​താ​ജി സു​ഭാ​ഷ് ച​ന്ദ്ര ബോ​സി​ന്റെ നേ​തൃ​ത്വ​ത്തി​ൽ ബ​ർ​ലി​നി​ൽ സ്ഥാ​പി​ച്ച ആ​സാ​ദ് ഹി​ന്ദ് ഗ​വ​ണ്മെ​ന്റി​ന്റെ നി​യ​ന്ത്ര​ണ​ത്തി​ലൂ​ള്ള റേ​ഡി​യോ​യി​ൽ 1942 ഫെ​ബ്രു​വ​രി 19ന് ​ബോ​സ് ചെ​യ്ത വി​കാ​രോ​ജ്ജ്വ​ല​മാ​യ പ്ര​സം​ഗം ഇ​ന്ത്യ​ൻ ജ​ന​ത​യെ ആ​ക​മാ​നം ഇ​ള​ക്കി​മ​റി​ച്ചു. 1942 സെ​പ്റ്റം​ബ​ർ 18 രാ​ത്രി 10 മ​ണി​ക്കാ​ണ് ഖാ​ദ​റി​ന്റെ നേ​തൃ​ത്വ​ത്തി​ലു​ള്ള സം​ഘം സിം​ഗ​പ്പൂ​രി​ൽ​നി​ന്ന് അ​ന്ത​ർ​വാ​ഹി​നി​യി​ൽ ഇ​ന്ത്യ​യി​ലേ​ക്ക് തി​രി​ച്ച​ത്. ഒ​മ്പ​തു ദി​വ​സ​ത്തി​ന് ശേ​ഷം ക​ട​ലി​ന​ടി​യി​ലെ ഭീ​ക​ര​മാ​യ അ​നു​ഭ​വ​ങ്ങ​ളും ക​ഠി​ന​മാ​യ ത്യാ​ഗ​ത്തി​നും ശേ​ഷം മ​ല​ബാ​റി​ലെ താ​നൂ​ർ ക​ട​ൽ​തീ​ര​ത്തെ​ത്തി​യ ഖാ​ദ​റി​നെ​യും സം​ഘ​ത്തെ​യും ബ്രി​ട്ടീ​ഷ് പ​ട്ടാ​ളം പി​ടി​കൂ​ടി. അ​തി​ക്രൂ​ര​മാ​യ മ​ർ​ദ​ന​ത്തി​ൽ തി​ക​ച്ചും അ​വ​ശ​രാ​യ അ​വ​രെ ച​ങ്ങ​ല​കൊ​ണ്ട് കെ​ട്ടി​വ​ലി​ച്ച് ട്രെ​യി​നി​ൽ ക​യ​റ്റി മ​ദ്രാ​സ് സെ​ൻ​ട്ര​ൽ ജ​യി​ലി​ലേ​ക്ക് കൊ​ണ്ടു​പോ​യി. അ​വി​ടെ പ​ട്ടാ​ള​ക്കോ​ട​തി തൂ​ക്കി​ക്കൊ​ല്ലാ​ൻ വി​ധി​ച്ചു. അ​ങ്ങ​നെ 1943 സെ​പ്റ്റം​ബ​ർ 10ന് ​തൂ​ക്കി​ലേ​റ്റ​പ്പെ​ട്ടു. തി​ക​ഞ്ഞ ആ​ത്മ​വി​ശ്വാ​സ​ത്തോ​ടെ പു​ഞ്ചി​രി​ച്ച് കൊ​ല​ക്ക​യ​റി​ലേ​ക്ക് ന​ട​ന്ന ഖാ​ദ​റി​​ന്റെ ഒ​രേ ഒ​രു അ​ന്ത്യാ​ഭി​ലാ​ഷം, ത​ന്നെ ഒ​രു ഹി​ന്ദു സ​ഹോ​ദ​ര​നോ​ടൊ​പ്പം തൂ​ക്കി​ലേ​റ്റ​ണ​മെ​ന്ന് മാ​ത്ര​മാ​യി​രു​ന്നു. അ​തി​ന​നു​സ​രി​ച്ച് ഖാ​ദ​റി​നെ​യും കൂ​ട്ടു​പ്ര​തി​യാ​യി​രു​ന്ന അ​ന​ന്ത​ൻ നാ​യ​രെ​യും ഒ​ന്നി​ച്ചാ​ണ് തൂ​ക്കി​ലേ​റ്റി​യ​ത്. കേ​ര​ള​ത്തി​ന്റെ പ്രി​യ​പു​ത്ര​ൻ നാ​ടി​​ന്റെ സ്വാ​ത​ന്ത്ര്യ​ത്തി​നു​വേ​ണ്ടി ജീ​വ​ൻ ന​ൽ​കി​യി​ട്ട്​ ഇ​ന്നേ​ക്ക്​ 79 വ​ർ​ഷം പൂ​ർ​ത്തി​യാ​വു​ന്നു. ച​രി​ത്ര​ത്തെ തേ​ച്ചു​മാ​യ്​​ക്കാ​നും വ​ള​ച്ചൊ​ടി​ക്കാ​നും ശ്ര​മി​ക്കു​ന്ന സ​ത്യ​ത്തി​​ന്റെ ശ​ത്രു​ക്ക​ളെ വ​ക്കം ഖാ​ദ​റി​​ന്റെ ഓ​ർ​മ​ക​ൾ ഇ​പ്പോ​ഴും ഭ​യ​പ്പെ​ടു​ത്തു​ന്നു​ണ്ടാ​വും. ആ ​ആ​ദ​ർ​ശ​ത്തി​ൽ അ​ടി​യു​റ​ച്ചു​നി​ൽ​ക്കു​മെ​ന്നും അ​നേ​ക​ർ ജീ​വ​ൻ ന​ൽ​കി നേ​ടി​ത്ത​ന്ന സ്വാ​തന്ത്ര്യം സം​ര​ക്ഷി​ക്കു​മെ​ന്നും മ​ന​സ്സി​ലു​റ​പ്പി​ക്കേ​ണ്ട ഒ​രു സ​ന്ദ​ർ​ഭം കൂ​ടി​യാ​ണ്​ ഈ ​ഓ​ർ​മ ദി​നം.

( കേ​ര​ള മു​സ്‍ലിം ജ​മാ​അ​ത്ത് ഫെ​ഡ​റേ​ഷ​ൻ
ജ​ന​റ​ൽ സെ​ക്ര​ട്ട​റി​യാ​ണ്​ ലേ​ഖ​ക​ൻ)