ക​ണ്ടെ​ത്ത​ണം ഭീ​ഷ​ണി ബോം​ബു​ക​ളു​ടെ പ​ണി​ശാ​ല

ക​ടു​ത്ത ആ​ശ​ങ്ക​യു​ടെ മു​ൾ​മു​ന​യി​ലാ​ണ് ഇ​ന്ത്യ​യി​ലെ വി​മാ​ന​യാ​ത്രി​ക​രും വി​മാ​ന​ക്ക​മ്പ​നി​ക​ളും. വി​വി​ധ റൂ​ട്ടു​ക​ളി​ലേ​ക്കു​ള്ള ആഭ്യ​ന്ത​ര, അ​ന്താ​രാ​ഷ്ട്ര വി​മാ​ന​ങ്ങ​ളി​ൽ ബോം​ബ് വെ​ച്ചി​ട്ടു​ണ്ടെ​ന്ന ഭീ​ഷ​ണി ക​ഴി​ഞ്ഞ പ​ത്തു ദി​വ​സം കൊ​ണ്ട് ​അ​റു​നൂ​റ് കോ​ടി​യി​ലേ​റെ രൂ​പ​യു​ടെ​ ബിസിനസ്സും വി​ല​യി​ടാ​നാ​വാ​ത്ത മ​ന​സ്സ​മാ​ധാ​ന​വു​മാ​ണ് ക​വ​ർ​ന്നെ​ടു​ത്തി​രി​ക്കു​ന്ന​ത്. കേ​ര​ള​ത്തി​ൽ നി​ന്നു​ള്ള​വ​യു​ൾ​പ്പെ​ടെ ഇ​രു​നൂ​റി​ലേ​റെ വി​മാ​ന​ങ്ങ​ൾ വൈ​കു​ക​യോ വ​ഴി​തി​രി​ച്ചി​റ​ക്കു​ക​യോ റ​ദ്ദാ​ക്കു​ക​യോ ചെ​യ്തു; ഇ​ന്ന​ലെ മാ​ത്രം 85 ഇ​ന്ത്യ​ൻ വി​മാ​ന​ങ്ങ​ളെ ബോം​ബ് ഭീ​ഷ​ണി ബാ​ധി​ച്ചു.

ക​ർ​ണാ​ട​ക​യി​ലെ ബ​ല​ഗാ​വി വി​മാ​ന​ത്താ​വ​ള​ത്തി​ൽ ബോം​ബ് വെ​ച്ച​താ​യ സ​ന്ദേ​ശ​വും ഇ​തി​​നി​ടെ ഉ​യ​ർ​ന്നി​രു​ന്നു. ഭാ​ഗ്യ​ത്തി​ന് ഭീ​ഷ​ണി​ക​ളെ​ല്ലാം വ്യാ​ജ​മാ​യി​രു​ന്നു. പ​ക്ഷേ, അ​ത് ഭീ​ഷ​ണി​യു​ടെ​യും അ​തി​ന് പി​ന്നി​ൽ പ്ര​വ​ർ​ത്തി​ക്കു​ന്ന​വ​രു​ടെ ഗൂ​ഢ​ല​ക്ഷ്യ​ങ്ങ​ളു​ടെ​യും ഗൗ​ര​വം കു​റ​ക്കു​ന്നി​ല്ല. ഭീ​ഷ​ണി ഉ​റ​പ്പാ​ക്കാ​തെ വി​മാ​ന​ങ്ങ​ൾ നി​ല​ത്തി​റ​ക്കു​ക​യോ വ​ഴി​തി​രി​ച്ചു​വി​ടു​ക​യോ വേ​ണ്ട​തി​ല്ലെ​ന്ന ബോം​ബ് ത്രെ​ട്ട് അ​സ​സ്മെ​ന്റ് ക​മ്മി​റ്റി​യു​ടെ പ്രോ​ട്ടോ​​കോ​ൾ പ്ര​യോ​ഗ​ത്തി​ൽ വ​ന്നെ​ങ്കി​ലും ഭീ​ഷ​ണി നി​ഴ​ലി​ൽ ഒ​രു യാ​ത്ര​ക്ക് ടി​ക്ക​റ്റെ​ടു​ക്കു​ക​യെ​ന്ന സാ​ഹ​സ​ത്തി​ന് മു​തി​രാ​ൻ യാ​ത്ര​ക്കാ​ർ, വി​ശി​ഷ്യാ വി​ദേ​ശ സ​ഞ്ചാ​രി​ക​ൾ മ​ടി​ച്ചേ​ക്കു​മെ​ന്ന​തും കാ​ണാ​തി​രി​ക്കാ​നാ​വി​ല്ല.

വി​മാ​ന​ങ്ങ​ൾ​ക്ക് ബോം​ബ് ഭീ​ഷ​ണി ഉ​യ​രു​ന്ന​ത് പു​തി​യ കാ​ര്യ​മ​ല്ല. നാ​ട്ടി​ലെ സ്വൈ​ര​വും സ​മാ​ധാ​ന​വും ത​ക​ർ​ക്കാ​ൻ ശ്ര​മി​ക്കു​ന്ന വി​വി​ധ ഭീ​ക​ര​വാ​ദ കൂ​ട്ടാ​യ്മ​ക​ളും വ്യ​ക്തി​ക​ളു​മെ​ല്ലാം കാ​ല​ങ്ങ​ൾ​ക്കു​മു​മ്പ് ത​ന്നെ ഇ​പ്പ​ണി ചെ​യ്യാ​റു​ണ്ട്. എ​ന്നാ​ൽ, ക​ഴി​ഞ്ഞ പ​ത്തു ദി​വ​സ​മാ​യി മു​ഴ​ങ്ങു​ന്ന ഭീ​ഷ​ണി​യു​ടെ പാ​റ്റേ​ൺ മു​മ്പ് ക​ണ്ടി​ട്ടു​ള്ള​തി​ൽ നി​ന്ന് വ്യ​ത്യ​സ്ത​മാ​ണ്. അ​തു​കൊ​ണ്ടു​ത​ന്നെ കേ​സു​ക​ൾ ര​ജി​സ്റ്റ​ർ ചെ​യ്യു​ക​യും ഉ​ത്ത​ര​വാ​ദി​ക​ളെ​ന്ന് സം​ശ​യി​ക്കു​ന്ന ചു​രു​ക്കം ചി​ല​രി​ലേ​ക്ക് എ​ത്തി​ച്ചേ​രു​ക​യും ചെ​യ്തു​വെ​ന്നതൊഴി​ച്ചാ​ൽ അ​ന്വേ​ഷ​ണ ഏ​ജ​ൻ​സി​ക​ളും ഇ​രു​ട്ടി​ൽ​ത്ത​പ്പു​ക​യാ​ണ്.

സ​മൂ​ഹ മാ​ധ്യ​മ​ങ്ങ​ളി​ലൂ​ടെ, മു​ഖ്യ​മാ​യും എ​ക്സി​ലൂ​ടെ (പ​ഴ​യ ട്വി​റ്റ​ർ) യാ​ണ് ഭീ​ഷ​ണി സ​ന്ദേ​ശ​ങ്ങ​ൾ പ്ര​ത്യ​ക്ഷ​പ്പെ​ടു​ന്ന​ത്. ബം​ഗ​ളൂ​രു-​ഡ​ൽ​ഹി അ​കാ​സ വി​മാ​ന​ത്തി​ൽ ബോം​ബ് വെ​ച്ചി​ട്ടു​ണ്ടെ​ന്ന് ഒ​ക്ടോ​ബ​ർ 16ന് ​എ​ക്സി​ലൂ​ടെ വ​ന്ന ഭീ​ഷ​ണി സ​ന്ദേ​ശ​ത്തി​ന്റെ ഉ​റ​വി​ടം തേ​ടി ഡ​ൽ​ഹി പൊ​ലീ​സ് സ​മൂ​ഹ​മാ​ധ്യ​മ ക​മ്പ​നി​ക്ക് ക​ത്തെ​ഴു​തി​യി​ട്ട് നാ​ളി​തു​വ​രെ അ​ത് ക​ണ്ടെ​ത്താ​നാ​യി​ട്ടി​ല്ല. ഐ.​പി വി​ലാ​സം ക​ണ്ടെ​ത്താ​തി​രി​ക്കാ​ൻ വി.​പി.​എ​ൻ പോ​ലു​ള്ള സ​​ങ്കേ​ത​ങ്ങ​ൾ ഉ​പ​യോ​ഗി​ച്ചാ​ണ് ഭീ​ഷ​ണി അ​ക്കൗ​ണ്ടു​ക​ൾ പ്ര​വ​ർ​ത്തി​പ്പി​ക്കു​ന്ന​ത്. ഭീ​ഷ​ണി സ​ന്ദേ​ശ​മ​യ​ച്ച സ​മൂ​ഹ​മാ​ധ്യ​മ അ​ക്കൗ​ണ്ടു​ക​ളെ​ല്ലാം വ്യാ​ജ​മാ​ണെ​ന്ന് ഉ​റ​പ്പി​ച്ച​തി​നെ​ത്തു​ട​ർ​ന്ന് വ്യാ​ജ ഐ.​ഡി​ക​ൾ​ക്ക് പി​ന്നി​ൽ ഒ​ളി​ച്ചി​രി​ക്കു​ന്ന​താ​രെ​ന്ന് ക​ണ്ടെ​ത്താ​ൻ സ​മൂ​ഹ​മാ​ധ്യ​മ ക​മ്പ​നി​ക​ളെ സ​മീ​പി​ച്ചെ​ങ്കി​ലും അ​വ​ർ അ​ന്വേ​ഷ​ണ​വു​മാ​യി സ​ഹ​ക​രി​ക്കു​ന്നി​ല്ലെ​ന്ന ആ​ക്ഷേ​പം കേ​ന്ദ്ര​സ​ർ​ക്കാ​റി​നു​ണ്ട്. വ്യാ​ജ സ​ന്ദേ​​ശം പ​ര​ത്തു​ന്ന അ​ക്കൗ​ണ്ടു​ക​ളെ ക​ണ്ടെ​ത്തി നി​യ​ന്ത്രി​ക്കാ​ത്ത പ​ക്ഷം കു​റ്റ​കൃ​ത്യ​ത്തി​ന് കൂ​ട്ടു​നി​ൽ​ക്കു​ന്ന​താ​യി ക​ണ​ക്കാ​ക്കു​മെ​ന്ന മു​ന്ന​റി​യി​പ്പും കേ​ന്ദ്ര ഐ.​ടി മ​ന്ത്രാ​ല​യം ന​ൽ​കി.

ലോ​ക​ത്തെ മി​ക​വു​റ്റ ര​ഹ​സ്യാ​ന്വേ​ഷ​ണ സം​ഘ​ങ്ങ​ളി​ലൊ​ന്നാ​ണ് ന​മു​ക്കു​ള്ള​തെ​ന്നാ​ണ് സ​ർ​ക്കാ​റും അ​ധി​കാ​രി​ക​ളും അ​വ​കാ​ശ​പ്പെ​ടാ​റ്. സൈ​ബ​ർ കു​റ്റ​കൃ​ത്യ​ങ്ങ​ൾ ക​ണ്ടെ​ത്തു​ന്ന​തി​ൽ മി​ക​വു​ള്ള അ​ന്വേ​ഷ​ണ വി​ദ​ഗ്ധ​രും ഒ​ട്ടേ​റെ​യു​ണ്ട്. സ​മൂ​ഹ​മാ​ധ്യ​മ ക​മ്പ​നി​ക​ൾ സ​ഹ​ക​രി​ക്കു​ന്നി​ല്ല എ​ന്ന​തോ ഭീ​തി വി​ത​ക്കു​ന്ന​വ​ർ വി.​പി.​എ​ൻ ഉ​പ​യോ​ഗി​ക്കു​ന്നു​വെ​ന്ന​തോ കു​റ്റ​വാ​ളി​ക​ളെ ക​ണ്ടെ​ത്തു​ന്ന​തി​ലെ കാ​ല​വി​ളം​ബ​ത്തി​ന് ന്യാ​യീ​ക​ര​ണ​മ​ല്ല.

സ​മൂ​ഹ മാ​ധ്യ​മ​ങ്ങ​ളി​ലൂ​ടെ ഏ​തെ​ങ്കി​ലും വ്യ​ക്തി​ക​ൾ​ക്കും ജ​ന​വി​ഭാ​ഗ​ങ്ങ​ൾ​ക്കു​മെ​തി​രെ ഭീ​ഷ​ണി​ക​ളും വി​ദ്വേ​ഷ പ​രാ​മ​ർ​ശ​ങ്ങ​ളും മു​ഴ​ക്കു​ന്ന​വ​രെ ക​ണ്ടെ​ത്തി വേ​ണ്ട​വി​ധ​ത്തി​ൽ നി​യ​മ​ത്തി​ന് മു​ന്നി​ൽ കൊ​ണ്ടു​വ​രു​ന്ന​തി​ൽ കു​റ്റാ​ന്വേ​ഷ​ണ ഏ​ജ​ൻ​സി​ക​ൾ കു​റ​ച്ചു​കാ​ല​മാ​യി പു​ല​ർ​ത്തി​വ​രു​ന്ന നി​സ്സം​ഗ​ത ഇ​ത്ത​ര​ത്തി​ലെ നി​കൃ​ഷ്ട​കൃ​ത്യ​ങ്ങ​ൾ ചെ​യ്താ​ലും അ​ശി​ക്ഷി​ത​രാ​യി ന​ട​ക്കാ​മെ​ന്ന പ്ര​തീ​തി സ​മൂ​ഹ​ത്തി​ൽ സൃ​ഷ്ടി​ച്ചി​ട്ടു​ണ്ടോ എ​ന്നും സം​ശ​യി​ക്കേ​ണ്ട​തു​ണ്ട്.

മു​ൻ​കാ​ല​ങ്ങ​ളി​ലെ ബോം​ബ് ഭീ​ഷ​ണി​ക​ളു​ടെ ഉ​ത്ത​ര​വാ​ദി​ക​ളെ ക​ണ്ടെ​ത്തി​യാ​ൽ​ത്ത​ന്നെ​യും പ്ര​തി​ക​ളു​ടെ മ​ത​വും ജാ​തി​യും നോ​ക്കി തരം പോലെ കു​റ്റ​വാ​ളി​യാ​യും മ​നോ​രോ​ഗി​യാ​യും പ്ര​ഖ്യാ​പി​ക്കു​ന്ന പ​തി​വും ന​മ്മു​ടെ പൊ​ലീ​സ് സേ​ന​ക​ൾ​ക്കു​ണ്ടാ​യി​രു​ന്നു​വ​ല്ലോ. സ​ർ​ക്കാ​റി​നെ വി​മ​ർ​ശി​ക്കു​ന്ന​വ​രെ​യും ക​ർ​ഷ​ക സ​മ​ര​ത്തെ പി​ന്തു​ണ​ക്കു​ന്ന​വ​രെ​യും നേ​രി​ടു​ന്ന​തി​ന് സ​മൂ​ഹ​മാ​ധ്യ​മ ക​മ്പ​നി​ക​ൾ​ക്കു​മേ​ൽ ചെ​ലു​ത്തി​യ സ​മ്മ​ർ​ദ​ത്തി​ന്റെ ഒ​രം​ശം പോ​ലും രാ​ജ്യ​ത്തി​ന്റെ വി​മാ​ന സ​ർ​വി​സു​ക​ളെ​യും ജ​ന​ജീ​വി​ത​ത്തെ​ത്ത​ന്നെ​യും ഭീ​ഷ​ണി​യി​ലാ​ഴ്ത്തു​ന്ന കു​റ്റ​വാ​ളി​ക​ളെ ക​ണ്ടെ​ത്തു​ന്നതിന് ന​ട​ത്തി​യി​ട്ടു​ണ്ടോ എ​ന്ന് അ​ധി​കാ​രി​ക​ൾ സ്വ​യം ചോ​ദി​ച്ചു​നോ​ക്കേ​ണ്ട​തു​ണ്ട്.

കോ​വി​ഡ് മ​ഹാ​മാ​രി മൂ​ല​മു​ണ്ടാ​യ ആ​കാ​ശ യാ​ത്രാ നി​രോ​ധ​ന​വും അ​തി​ന് തു​ട​ർ​ച്ച​യാ​യ ആ​ഗോ​ള വ്യാ​പാ​ര-​സാ​മ്പ​ത്തി​ക മാ​ന്ദ്യ​വും സൃ​ഷ്ടി​ച്ച ക​ടു​ത്ത ആ​ഘാ​ത​ത്തി​ൽ നി​ന്ന് മു​ക്ത​മാ​വു​ന്ന​തി​നാ​യി മെ​ല്ലെ​മെ​ല്ലെ ചി​റ​കു​വി​രി​ച്ചു​വ​രു​ന്ന​തി​നി​ട​യി​ലാ​ണ് ഇ​ന്ത്യ​ൻ വ്യോ​മ​യാ​ന മേ​ഖ​ല തു​ട​രെ​ത്തു​ട​രെ​യു​ള്ള ബോം​ബ് ഭീ​ഷ​ണി​യു​ടെ ചു​ഴി​യി​ൽ​പ്പെ​ടു​ന്ന​ത്. ഇ​തി​നു പി​ന്നി​ൽ പ്ര​വ​ർ​ത്തി​ക്കു​ന്ന​വ​രെ മ​നോ​രോ​ഗി​ക​ളെ​ന്നോ സൈ​ബ​ർ വി​കൃതികളെന്നോ ല​ഘൂ​ക​രി​ച്ച് അ​വ​ഗ​ണി​ച്ചു​കൂ​ടാ. വ്യോ​മ​യാ​ന വ്യ​വ​സാ​യ രം​ഗ​ത്തെ ത​ക​ർ​ക്കു​ന്ന ഈ ​ഭീ​തി​യു​ടെ വ്യാ​പാ​രി​ക​ളാ​​രാ​ണെ​ന്നും അ​വ​രു​ടെ താ​ൽ​പ​ര്യ​ങ്ങ​ളെ​ന്തൊ​ക്കെ​യെ​ന്നും അ​ടി​യ​ന്ത​ര​മാ​യി​ത്ത​ന്നെ ക​ണ്ടെ​ത്തേ​ണ്ടി​യി​രി​ക്കു​ന്നു. സു​ര​ക്ഷ​യി​ൽ വി​ട്ടു​വീ​ഴ്ച ചെ​യ്തു​കൊ​ണ്ട് യാ​ത്ര ചെ​യ്യാ​ൻ ജ​ന​ങ്ങ​ളെ നി​ർ​ബ​ന്ധി​ത​മാ​ക്കു​ന്ന സാ​ഹ​ച​ര്യം അ​ത്ര​മാ​ത്രം ആ​പ​ത്ക​ര​മാ​ണ്, അ​പ​മാ​ന​ക​ര​മാ​ണ്.