മ​തം നോ​ക്കാ​തെ ന​ട​പ​ടി എ​ന്നു തു​ട​ങ്ങും?

അ​ടി​യ​ന്ത​രാ​വ​സ്ഥ​ക്കാ​ല​ത്ത് ഒ​രു ക​വി​സ​മ്മേ​ള​ന​ത്തി​ൽ ആ​ല​പി​ച്ച ക​വി​ത​യു​ടെ പേ​രി​ൽ പ്ര​മു​ഖ ക​വി റാ​ഹ​ത് ഇ​ൻ​ഡോ​രിയെ പൊ​ലീ​സ് ചോ​ദ്യം​ചെ​യ്യാ​ൻ വി​ളി​പ്പി​ച്ചു.
‘ഇ​ന്ന​ലെ ക​വി​സ​മ്മേ​ള​ന​ത്തി​ൽ സ​ർ​ക്കാ​ർ ക​ള്ള​ന്മാ​രാ​ണെ​ന്ന് പാ​ടി​യോ നി​ങ്ങ​ൾ?
ഉ​വ്വ്, പ​ക്ഷേ അ​ത് ഇ​ന്ത്യ​യി​ലെ​യാ​ണോ പാ​കി​സ്താ​നി​ലെ​യാ​ണോ അ​മേ​രി​ക്ക​യി​ലെ​യാ​ണോ ബ്രി​ട്ട​നി​ലെ​യാ​ണോ എ​ന്ന് പ​റ​ഞ്ഞി​ല്ലെ​ന്ന് ക​വി.
പൊ​ലീ​സ​ധി​കാ​രി പ്ര​തി​വ​ചി​ച്ചു: ആ​ഹാ, ഞ​ങ്ങ​ളെ​ല്ലാം മ​ണ്ട​ന്മാ​രാ​ണെ​ന്ന് ക​രു​തി​യോ, ഏ​തു സ​ർ​ക്കാ​റാ​ണ് ക​ള്ള​ന്മാ​രെ​ന്ന് ഞ​ങ്ങ​ൾ​ക്ക​റി​യാം!

പ്ര​ഖ്യാ​പി​ത അ​ടി​യ​ന്ത​രാ​വ​സ്ഥ​യി​ലെ ഈ ​സം​ഭ​വം ഇ​പ്പോ​ൾ ഓ​ർ​മ​യി​ലെ​ത്തി​ച്ച​ത് മ​റ്റൊ​രു പൊ​ലീ​സ് ന​ട​പ​ടി​യാ​ണ്. ഗു​ജ​റാ​ത്തി​ലെ ജു​ന​ഗ​ഡി​ൽ പ്ര​ഭാ​ഷ​ണ​ത്തി​ടെ ഫ​ല​സ്തീ​നി​ലു​ൾ​പ്പെ​ടെ ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ൽ മു​സ്‍ലിം സ​മൂ​ഹം അ​നു​ഭ​വി​ക്കു​ന്ന പ്ര​യാ​സ​ങ്ങ​ൾ വി​വ​രി​ച്ച് അ​തി​നെ​ല്ലാം അ​ന്ത്യം വ​രാ​നി​രി​ക്കു​ന്നു​വെ​ന്ന് ക​വി​ത ചൊ​ല്ലി​യ മ​ത​പ്ര​ഭാ​ഷ​ക​നെ വി​ദ്വേ​ഷ പ്ര​സം​ഗ കു​റ്റം ചു​മ​ത്തി അ​റ​സ്റ്റ് ചെ​യ്തി​രി​ക്കു​ന്നു. ഗു​ജ​റാ​ത്ത് പൊ​ലീ​സി​ന്റെ തീ​വ്ര​വാ​ദ വി​രു​ദ്ധ സ്ക്വാ​ഡാ​ണ് മു​ഫ്തി സ​ൽ​മാ​ൻ അ​സ്ഹ​രി എ​ന്ന പ്ര​ഭാ​ഷ​ക​നെ മും​ബൈ​യി​ലെ ഘാ​ട്കോ​പ്പ​റി​ലെ​ത്തി അ​റ​സ്റ്റ് ചെ​യ്ത​ത്. ജ​നു​വ​രി 31ന് ​ന​ട​ത്തി​യ പ്ര​ഭാ​ഷ​ണ​ത്തി​ന്റെ ഭാ​ഗ​ങ്ങ​ൾ സ​മൂ​ഹ​മാ​ധ്യ​മ​ങ്ങ​ളി​ൽ പ​ങ്കു​വെ​ച്ച് ന​ട​പ​ടി ആ​വ​ശ്യ​പ്പെ​ട്ട​ത് വി​ദ്വേ​ഷ പ്ര​സം​ഗ​ങ്ങ​ൾ​ക്കും വ്യാ​ജ​വാ​ർ​ത്ത​ക​ൾ​ക്കും കു​പ്ര​സി​ദ്ധ​നാ​യ സു​ദ​ർ​ശ​ൻ ടി.​വി മേ​ധാ​വി സു​രേ​ഷ് ച​വാ​ങ്കേ​യ​ട​ക്ക​മു​ള്ള വ​ല​തു​പ​ക്ഷ നി​ല​യ​വി​ദ്വാ​ന്മാ​രാ​ണ്. വാ​ട്സ്ആ​പ് വ​ഴി പ്ര​ച​രി​ക്കു​ന്ന പ്ര​സം​ഗ​ത്തി​ന്റെ ചെ​റു​ശ​ക​ലം കേ​ട്ടു​നോ​ക്കി​യാ​ൽ റാ​ഹ​ത് ഇ​ൻ​ഡോ​രി​യു​ടേ​തു​പോ​ലെ സ​ര​സ​മൊ​ന്നു​മ​ല്ല ഇ​ദ്ദേ​ഹം ചൊ​ല്ലി​യ ക​വി​ത. അ​തി​ലെ ഒ​രു വ​രി ‘ആ​ജ് കു​ത്തോം കാ ​വ​ഖ്ത് ഹേ, ​ക​ൽ ഹ​മാ​രാ ദൗ​റ് ആ​യേ​ഗാ’ (ഇ​ന്ന് നാ​യ്ക്ക​ളു​ടെ കാ​ല​മാ​ണ്, നാ​ളെ ന​മ്മു​ടെ ഊ​ഴം വ​രും) എ​ന്നാ​ണ്. താ​ൻ പ​റ​ഞ്ഞ​ത് ഫ​ല​സ്തീ​നി​ലെ​യും യ​മ​നി​ലെ​യു​മൊ​ക്കെ കാ​ര്യ​മാ​ണെ​ന്ന് മു​ഫ്തി സ​ൽ​മാ​ൻ വി​ശ​ദീ​ക​രി​ക്കു​ന്നു​ണ്ടെ​ങ്കി​ലും പൊ​ലീ​സ് അ​തൊ​ന്നും മു​ഖ​വി​ല​ക്കെ​ടു​ത്തി​ട്ടി​ല്ല. അ​റ​സ്റ്റ് വി​വ​ര​മ​റി​ഞ്ഞ് സ്റ്റേ​ഷ​ൻ വ​ള​പ്പി​ൽ അ​നു​യാ​യി​ക​ൾ ത​ടി​ച്ചു​കൂ​ടി​യെ​ങ്കി​ലും പൊ​ലീ​സ് ന​ൽ​കി​യ മൈ​ക്കി​ലൂ​ടെ അ​സ്ഹ​രി അ​ഭ്യ​ർ​ഥി​ച്ച​തി​ൻ പ്ര​കാ​രം അ​വ​ർ പി​രി​ഞ്ഞു​പോ​യി. പ്ര​ഭാ​ഷ​ണ പ​രി​പാ​ടി സം​ഘ​ടി​പ്പി​ച്ച​വ​രെ​യും പി​ടി​കൂ​ടി​യ പൊ​ലീ​സ് വി​പു​ല​മാ​യ അ​ന്വേ​ഷ​ണം തു​ട​രു​ക​യാ​ണ്.

വി​ദ്വേ​ഷ പ്ര​സം​ഗം രാ​ജ്യ​ത്ത് എ​വി​ടെ ന​ട​ന്നാ​ലും അ​ടി​യ​ന്ത​ര​മാ​യി ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് പ​ര​മോ​ന്ന​ത നീ​തി​പീ​ഠം ആ​വ​ർ​ത്തി​ച്ചാ​വ​ർ​ത്തി​ച്ച് ന​ൽ​കി​യി​രി​ക്കു​ന്ന നി​ർ​ദേ​ശം. ആ​രാ​ധ​നാ​ല​യ സം​ര​ക്ഷ​ണ നി​യ​മ​ത്തി​ന് ക​ട​ക​വി​രു​ദ്ധ​മാ​യി ഗ്യാ​ൻ​വാ​പി മ​സ്ജി​ദി​ന്റെ താ​ഴ്ത്ത​ട്ടി​ൽ പൂ​ജ ചെ​യ്യാ​ൻ സൗ​ക​ര്യ​മൊ​രു​ക്ക​ണ​മെ​ന്ന് വാ​രാ​ണ​സി ജി​ല്ലാ കോ​ട​തി വി​ധി​ച്ച​യു​ട​നെ അ​ത് ന​ട​പ്പി​ൽ​വ​രു​ത്താ​ൻ ശു​ഷ്കാ​ന്തി കാ​ണി​ച്ച​തു​പോ​ലെ സു​പ്രീം​കോ​ട​തി നി​ർ​ദേ​ശം പാ​ലി​ക്കാ​ൻ ഉ​ണ​ർ​ന്ന് പ്ര​വ​ർ​ത്തി​ച്ച​താ​ണ് അ​ധി​കൃ​ത​രെ​ങ്കി​ൽ വ​ള​രെ ന​ല്ല കാ​ര്യം. പ​ക്ഷേ, പ്ര​ഭാ​ഷ​ക​രു​ടെ മ​തം നോ​ക്കാ​തെ ന​ട​പ​ടി​യെ​ടു​ക്ക​ണ​മെ​ന്ന നി​ർ​ദേ​ശം അ​വ​ർ അ​വ​ഗ​ണി​ക്കു​ന്നു​വെ​ന്ന് ചൂ​ണ്ടി​ക്കാ​ട്ടാ​തി​രി​ക്കാ​നാ​വി​ല്ല. നി​യ​മ​നി​ർ​മാ​ണ സ​ഭ​ക​ളി​ലെ പ്ര​തി​നി​ധി​ക​ള​ട​ക്ക​മു​ള്ള ബി.​ജെ.​പി-​ആ​ർ.​എ​സ്.​എ​സ് നേ​താ​ക്ക​ളും സ​ന്യാ​സ വേ​ഷ​ധാ​രി​ക​ളും ക​ടു​ത്ത വ​ർ​ഗീ​യ-​വി​ദ്വേ​ഷ പ​രാ​മ​ർ​ശ​ങ്ങ​ളാ​ണ് പാ​ർ​ല​മെ​ൻ​റി​ലും സ​ഭ​ക​ളി​ലും പൊ​തു​വേ​ദി​ക​ളി​ലു​മെ​ല്ലാം തൊ​ടു​ത്തു​വി​ടു​ന്ന​ത്. സ്വ​കാ​ര്യ ച​ട​ങ്ങു​ക​ളി​ലും ക്യാ​മ്പു​ക​ളി​ലും ന​ട​ത്തി​യ വി​ഷ​ലി​പ്ത പ്ര​സം​ഗ​ങ്ങ​ളു​ടെ വി​ഡി​യോ​ക​ളും എ​മ്പാ​ടും പു​റ​ത്തു​വ​രു​ന്നു​ണ്ട്. ഇ​വി​ടെ പ​ക​ർ​ത്തി​യെ​ഴു​താ​ൻ പോ​ലും അ​റ​പ്പ് തോ​ന്നു​ന്ന പ​രാ​മ​ർ​ശ​ങ്ങ​ൾ ന​ട​ത്തു​ന്ന ഈ ​പ്രാ​സം​ഗി​ക​ർ​ക്ക് ഹി​ന്ദു​ത്വ വ​ർ​ഗീ​യ സം​ഘ​ട​ന​ക​ളു​മാ​യു​ള്ള ബ​ന്ധം അ​റ​സ്റ്റ് ഉ​ൾ​പ്പെ​ടെ നി​യ​മ​ന​ട​പ​ടി​ക​ൾ​ക്കു​മേ​ൽ പ്ര​തി​രോ​ധ ക​വ​ച​മാ​യി പ്ര​വ​ർ​ത്തി​ക്കു​ന്നു​വെ​ന്ന​ത് അ​ത്യ​ന്തം അ​പ​ക​ട​ക​ര​മാ​ണ്. ഇ​ത്ത​രം വി​ദ്വേ​ഷ ഭാ​ഷ​ണ​ങ്ങ​ളു​ടെ അ​ന​ന്ത​ര​ഫ​ല​മാ​ണ് രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ അ​ര​ങ്ങേ​റു​ന്ന ആ​ൾ​ക്കൂ​ട്ട കൊ​ല​പാ​ത​ക​ങ്ങ​ൾ. യാ​ത്ര​ക്കാ​രു​ടെ ജീ​വ​നും സ്വ​ത്തി​നും കാ​വ​ൽ നി​ൽ​ക്കേ​ണ്ട റെ​യി​ൽ​വേ സു​ര​ക്ഷാ സേ​നാം​ഗം ഓ​ടി​ക്കൊ​ണ്ടി​രി​ക്കു​ന്ന ട്രെ​യി​നി​ൽ വേ​ഷ​വും പേ​രും നോ​ക്കി യാ​ത്ര​ക്കാ​രെ കൂ​ട്ട​ക്കു​രു​തി ചെ​യ്ത​തു​പോ​ലും അ​തി​ന്റെ ഭാ​ഗ​മാ​യി​വേ​ണം കാ​ണാ​ൻ. ഇ​ന്ത്യ​ൻ ജ​നാ​ധി​പ​ത്യ​ത്തി​ന്റെ ശ്രീ​കോ​വി​ലെ​ന്ന് വി​ശേ​ഷി​പ്പി​ക്ക​പ്പെ​ടു​ന്ന പാ​ർ​ല​മെ​ൻ​റി​ൽ സ​മ്മേ​ള​ന​മ​ധ്യേ ന്യൂ​ന​പ​ക്ഷ സ​മു​ദാ​യ​ത്തി​ൽ​നി​ന്നു​ള്ള ഒ​രു പാ​ർ​ല​മെ​ന്റ് അം​ഗ​ത്തി​നു​നേ​രെ അ​തീ​വ നി​ന്ദ്യ​മാ​യ ഭാ​ഷ​യി​ൽ വി​ദ്വേ​ഷ​പ്പെ​യ്ത്ത് ന​ട​ത്തി​യ ബി.​ജെ.​പി നേ​താ​വി​ന് പ്ര​തീ​കാ​ത്മ​ക​മാ​യ അ​റ​സ്റ്റ് പോ​ലും അ​നു​ഭ​വി​ക്കേ​ണ്ടി വ​ന്നി​ല്ല. മാ​സ​ങ്ങ​ൾ​ക്ക് ശേ​ഷ​മാ​ണ് ഇ​യാ​ൾ സ​ഭാ​സ​മി​തി മു​മ്പാ​കെ നാ​മ​മാ​ത്ര ഖേ​ദ​മെ​ങ്കി​ലും പ്ര​ക​ടി​പ്പി​ച്ച​ത്.

വി​ല​ക്ക​യ​റ്റ​വും തൊ​ഴി​ലി​ല്ലാ​യ്മ​യും സ്ത്രീ​ക​ൾ​ക്കും ന്യൂ​ന​പ​ക്ഷ സ​മൂ​ഹ​ങ്ങ​ൾ​ക്കു​മെ​തി​രാ​യ അ​തി​ക്ര​മ​ങ്ങ​ളു​മു​ൾ​പ്പെ​ടെ നൂ​റു​നൂ​റ് നീ​റു​ന്ന പ്ര​ശ്ന​ങ്ങ​ളി​ൽ​നി​ന്ന് ശ്ര​ദ്ധ​തെ​റ്റി​ച്ച് ജ​ന​ങ്ങ​ളെ വ​ർ​ഗീ​യ​മാ​യി ധ്രു​വീ​ക​രി​ച്ചും സ​മാ​ധാ​ന ജീ​വി​തം ക​ലു​ഷി​ത​മാ​ക്കി​യും രാ​ഷ്ട്രീ​യ നേ​ട്ട​മു​ണ്ടാ​ക്കാ​നു​ള്ള ഫാ​ഷി​സ​ത്തി​ന്റെ ടൂ​ൾ കി​റ്റി​ലെ സു​പ്ര​ധാ​ന ഉ​പ​ക​ര​ണ​ങ്ങ​ളി​ലൊ​ന്നാ​ണ് വി​ദ്വേ​ഷ പ്ര​സം​ഗ​ങ്ങ​ൾ. അ​വ​ക്കെ​തി​രെ ക​ർ​ശ​ന​മാ​യ പ്ര​യോ​ഗ​ങ്ങ​ൾ ന​ട​ത്തി​യ പ​ര​മോ​ന്ന​ത നീ​തി​പീ​ഠം ഉ​ത്ത​ര​വു​ക​ൾ പ​ക്ഷ​പാ​ത​ര​ഹി​ത​മാ​യി പ്ര​യോ​ഗ​വ​ത്ക​രി​ക്ക​പ്പെ​ടു​ന്നു​ണ്ടെ​ന്ന് ഉ​റ​പ്പു​വ​രു​ത്താ​ൻ മു​ന്നോ​ട്ടു​വ​രാ​തെ ഇ​തി​ന് അ​റു​തി​വ​രു​ത്താ​നാ​വി​ല്ല.