ഫാ​ഷി​സ​ത്തി​ന്‍റെ പൊ​ളി അ​ജ​ണ്ട

ഫാ​ഷി​സം ദം​ഷ്ട്ര നീ​ട്ടി​ത്തു​ട​ങ്ങി​യാ​ൽ എ​വി​ടം​വ​രെ എ​ന്ന​തി​ന്‍റെ സൂ​ച​ന​ക​ളാ​ണ്​ ഉ​ത്ത​ർ​പ്ര​ദേ​ശി​ലെ ബു​ൾ​ഡോ​സ​ർ ഭ​ര​ണം ന​ൽ​കു​ന്ന​ത്. ഭ​ര​ണ​ക്കാ​രു​ടെ പ്ര​തി​ലോ​മ നി​ല​പാ​ടു​ക​ൾ​ക്കും ന​ട​പ​ടി​ക​ൾ​ക്കു​മെ​തി​രെ പ്ര​തി​ഷേ​ധി​ക്കു​ന്ന​വ​​രു​ടെ കു​ഴി​തോ​ണ്ടു​ന്ന ആ​സു​ര​രീ​തി പ്ര​വ​ർ​ത്ത​ന​പ​രി​പാ​ടി​യാ​ക്കി​യി​രി​ക്കു​ക​യാ​ണ്​ ​വി​വി​ധ സം​സ്ഥാ​ന​ങ്ങ​ളി​ലെ ഹി​ന്ദു​ത്വ സ​ർ​ക്കാ​റു​ക​ൾ. ജ​ന​ത​യെ വം​ശീ​യ​മാ​യി ചേ​രി​തി​രി​ച്ച്​ ദു​ര​ന്ത​ത്തി​ലേ​ക്ക്​ ആ​ട്ടി​ത്തെ​ളി​ക്കു​ന്ന​തി​ന്​ വി​വി​ധ പ​രി​പാ​ടി​ക​ളാ​ണ് ​അ​വ​ർ കൊ​ണ്ടു​ന​ട​ത്തു​ന്ന​ത്. അ​തി​ന്‍റെ ഭാ​ഗ​മാ​യി വേ​ണം പ്ര​വാ​ച​ക​നി​ന്ദ​ക്കെ​തി​രെ പ്ര​തി​ഷേ​ധ​വു​മാ​യി ​തെ​രു​വി​ലി​റ​ങ്ങി​യ​തി​ന്‍റെ പേ​രി​ൽ യു.​പി​യി​ലെ പ്ര​യാ​ഗ്​​രാ​ജി​ൽ വെ​ൽ​ഫെ​യ​ർ പാ​ർ​ട്ടി ഓ​ഫ്​ ഇ​ന്ത്യ നേ​താ​വ്​ ജാ​വേ​ദ്​ അ​ഹ്​​മ​ദി​ന്‍റെ വീ​ട് അ​ന​ധി​കൃ​ത​മെ​ന്ന്​ ആ​രോ​പി​ച്ച്​ ഇ​ടി​ച്ചു​നി​ര​പ്പാ​ക്കി​യ കി​രാ​ത​ന​ട​പ​ടി​യെ കാ​ണാ​ൻ.

ഭ​ര​ണ​കൂ​ട​ത്തി​നെ​തി​രാ​യ പ്ര​തി​ക​ര​ണ​ങ്ങ​ളെ ഒ​തു​ക്കാ​ൻ ക​രി​നി​യ​മ​ങ്ങ​ളു​ണ്ടാ​ക്കു​ക​യാ​ണ്​ പ​ല ബി.​ജെ.​പി ഭ​ര​ണ​കൂ​ട​ങ്ങ​ളും. യു.​പി​യി​ൽ യോ​ഗി​സ​ർ​ക്കാ​ർ 2020 ആ​ഗ​സ്റ്റി​ൽ,​ ​പൊ​തു​സ്വ​കാ​ര്യ സ്വ​ത്തു​ക്ക​ൾ ന​ശി​പ്പി​ക്കു​ന്ന​വ​രി​ൽ​നി​ന്നു ന​ഷ്​​ട​പ​രി​ഹാ​ര​ത്തു​ക വീ​​ണ്ടെ​ടു​ക്കു​ന്ന​തി​ന്​ നി​യ​മം കൊ​ണ്ടു​വ​ന്നു. അ​ത​നു​സ​രി​ച്ച്​ ഹ​ർ​ത്താ​ൽ, ബ​ന്ദ്, പൊ​തു പ്ര​തി​ഷേ​ധ​പ​രി​പാ​ടി​ക​ൾ എ​ന്നി​വ​മൂ​ലം നാ​ശ​ന​ഷ്ടം സം​ഭ​വി​ച്ച സ​ർ​ക്കാ​ർ സം​വി​ധാ​ന​ങ്ങ​ൾ​ക്കോ സ്വ​കാ​ര്യ സം​രം​ഭ​ങ്ങ​ൾ​ക്കോ മൂ​ന്നു മാ​സ​ത്തി​ന​കം ക്ലെ​യിം​സ്​ ട്രൈ​ബ്യൂ​ണ​ൽ മു​മ്പാ​കെ പ​രാ​തി ബോ​ധി​പ്പി​ക്കാം. കേ​സ്​ അ​ന്വേ​ഷി​ക്കാ​നും ശി​ക്ഷ വി​ധി​ക്കാ​നു​മു​ള്ള അ​ന്തി​മാ​ധി​കാ​രം ട്രൈ​ബ്യൂ​ണ​ലി​നാ​യി​രി​ക്കും. ഈ ​നി​യ​മ​മ​നു​സ​രി​ച്ച്​ പൗ​ര​ത്വ​നി​യ​മ ഭേ​ദ​ഗ​തി​ക്കെ​തി​രാ​യ സ​മ​ര​ത്തി​ൽ അ​ണി​നി​ര​ന്ന​വ​രു​ടെ പേ​രി​ൽ ല​ക്ഷ​ങ്ങ​ളു​ടെ ന​ഷ്ട​പ​രി​ഹാ​രം ചു​മ​ത്തി. നി​യ​മ​വ്യ​വ​സ്ഥ​ക്കു ചേ​രാ​ത്ത ഈ ​ന​ട​പ​ടി ത​ള്ളി​യ സു​പ്രീം​കോ​ട​തി ന​ഷ്ട​പ​രി​ഹാ​രം ഈ​ടാ​ക്കി​യ​ത്​ തി​രി​ച്ചു​ന​ൽ​കാ​ൻ ഉ​ത്ത​ര​വി​ട്ടു. എ​ങ്കി​ലും നി​യ​മ​വു​മാ​യി മു​ന്നോ​ട്ടു​പോ​കാ​ൻ സു​​​പ്രീം​കോ​ട​തി അ​നു​മ​തി ന​ൽ​കി. അ​ത്​ യോ​ഗി​യു​ടെ യു.​പി​യും പി​ന്നാ​ലെ ഹ​രി​യാ​ന​യും ക​ർ​ണാ​ട​ക​യും മ​ധ്യ​പ്ര​ദേ​ശു​മൊ​ക്കെ ഉ​പ​യോ​ഗ​പ്പെ​ടു​ത്തു​ക​യാ​ണ്. അ​തി​നൊ​പ്പം പ്ര​ക്ഷോ​ഭ​ങ്ങ​ൾ​ക്ക്​ ഇ​റ​ങ്ങി​ത്തി​രി​ക്കു​ന്ന​വ​രു​ടെ സ്വ​ത്തു​ക്ക​ൾ ത​ക​ർ​ത്തു​ക​ള​യു​ന്ന ബു​ൾ​ഡോ​സ​ർ രാ​ജു​മാ​യി ബി.​​ജെ.​പി ഭ​ര​ണ​കൂ​ട​ങ്ങ​ൾ രം​ഗ​ത്തെ​ത്തി. മ​ധ്യ​പ്ര​ദേ​ശി​ൽ തു​ട​ങ്ങി​യ പ​രീ​ക്ഷ​ണം മാ​സ​ങ്ങ​ൾ​ക്കു​മു​മ്പ്​ ഡ​ൽ​ഹി​യി​ലെ​ത്തി​യ​പ്പോ​ൾ സു​പ്രീം​കോ​ട​തി ഇ​ട​പെ​ട്ടു. സ​മാ​ന രീ​തി​യി​ലാ​ണ്​ പൗ​ര​ത്വ​നി​യ​മ ഭേ​ദ​ഗ​തി​ക്കെ​തി​​രാ​യ പ്ര​ക്ഷോ​ഭ​ത്തി​നു മു​ന്നി​ലു​ണ്ടാ​യി​രു​ന്ന യു.​പി​യി​ലെ മു​സ്​​ലിം ആ​ക്ടി​വി​സ്റ്റ്​ അ​ഫ്രീ​ന ഫാ​ത്തി​മ​യു​ടെ പ്ര​യാ​ഗ്​​രാ​ജി​ലെ വീ​ട്​ ഇ​ടി​ച്ചു​നി​ര​ത്തി​യ​ത്. ഡ​ൽ​ഹി​യി​ലെ ജ​ഹാം​ഗീ​ർ​പു​രി​യി​ൽ ചെ​യ്ത​തു​പോ​ലെ കു​റ​ഞ്ഞ സ​മ​യ​ത്തി​നു നോ​ട്ടീ​സ്​ ന​ൽ​കി നി​യ​മ​പ​രി​ര​ക്ഷ​ക്കു വ​ഴി​തേ​ടാ​നു​ള്ള അ​വ​സ​ര​മെ​ന്ന സാ​മാ​ന്യ​നീ​തി​പോ​ലും ല​ഭ്യ​മാ​ക്കാ​തെ​യാ​ണ്​ ജാ​വേ​ദി​നെ​യും കൂ​ട്ടു​കാ​രെ​യും അ​റ​സ്റ്റ്​ ചെ​യ്തു ജ​യി​ലി​ല​ട​ച്ച ശേ​ഷം വീ​ട്​ ത​ക​ർ​ത്തു ത​രി​പ്പ​ണ​മാ​ക്കി​യ​ത്.

പ്ര​വാ​ച​ക​നി​ന്ദ​ക്കെ​തി​രാ​യി വെ​ള്ളി​യാ​ഴ്ച യു.​പി​യു​ടെ വി​വി​ധ ഭാ​ഗ​ങ്ങ​ളി​ൽ ന​ട​ന്ന പ്ര​തി​ഷേ​ധ​പ്ര​ക​ട​ന​ങ്ങ​ളി​ൽ അ​ങ്ങി​ങ്ങാ​യി സം​ഘ​ർ​ഷ​മു​ണ്ടാ​യി​രു​ന്നു. അ​തി​ന്‍റെ പേ​രി​ൽ കാ​ൺ​പു​ർ, സ​ഹാ​റ​ൻ​പു​ർ, പ്ര​യാ​ഗ്​ രാ​ജ്, ല​ഖ്​​നോ, അ​ലീ​ഗ​ഢ്​ എ​ന്നി​വി​ട​ങ്ങ​ളി​ൽ നൂ​റു​ക​ണ​ക്കി​നാ​ളു​ക​ളെ പി​ടി​കൂ​ടി. നി​യ​മ​ത്തി​ന്‍റെ വ​ഴി​യി​ൽ ന​ട​ത്തു​ന്ന​തി​നു​പ​ക​രം വം​ശീ​യ അ​ജ​ണ്ട​യോ​ടെ ത​ങ്ങ​ൾ ത​യാ​റാ​ക്കി​യ പു​തി​യ ഭീ​ക​ര​നി​യ​മ​ങ്ങ​ൾ അ​വ​ർ​ക്കെ​തി​രെ ചു​മ​ത്തു​ക​യാ​ണ്​ ചെ​യ്ത​ത്. പ്ര​തി​ഷേ​ധ​ക്കാ​രു​ടെ വ​രു​മാ​ന​മാ​ർ​ഗ​ങ്ങ​ൾ സ്തം​ഭി​പ്പി​ക്കു​ക, സ്വ​ത്തു​ക്ക​ൾ ക​ണ്ടു​കെ​ട്ടു​ക, കേ​സു​വി​സ്താ​ര​വും വി​ചാ​ര​ണ​യും ശി​ക്ഷാ​വി​ധി​യു​മൊ​ന്നും കാ​ത്തു​നി​ൽ​ക്കാ​തെ സ്വ​ത്തു​വ​ക​ക​ൾ ത​ക​ർ​ത്തു​ക​ള​യു​ക എ​ന്നി​ങ്ങ​നെ ​ബ്രി​ട്ടീ​ഷ്​​വാ​ഴ്ച​യെ അ​തി​ശ​യി​പ്പി​ക്കു​ന്ന മ​നു​ഷ്യ​ത്വ​ര​ഹി​ത​മാ​യ നി​യ​മ​വ്യ​വ​സ്ഥ​ക​ളാ​ണി​പ്പോ​ൾ യു.​പി​യ​ട​ക്കം ബി.​ജെ.​പി ഭ​രി​ക്കു​ന്ന സം​സ്ഥാ​ന​ങ്ങ​ൾ ന​ട​പ്പാ​ക്കി​വ​രു​ന്ന​ത്. ഇ​ക്ക​ഴി​ഞ്ഞ ഏ​പ്രി​ലി​ൽ മ​ധ്യ​പ്ര​ദേ​ശി​ൽ രാ​മ​ന​വ​മി ആ​ഘോ​ഷ​ങ്ങ​ൾ സം​ഘ്​​പ​രി​വാ​ർ സം​ഘ​ട​ന​ക​ൾ സം​ഘ​ർ​ഷ​ത്തി​ലെ​ത്തി​ച്ച​തി​നെ തു​ട​ർ​ന്നു​ണ്ടാ​യ സം​ഭ​വ​വി​കാ​സ​ങ്ങ​ളി​ൽ പ്ര​തി​രോ​ധ​ത്തി​നു ചെ​ന്ന മു​സ്​​ലിം, ബ​ഹു​ജ​ൻ വി​ഭാ​ഗ​ങ്ങ​ളി​ൽ​പെ​ട്ട​വ​രെ കേ​സി​ൽ​​പെ​ടു​ത്തി അ​വ​രു​ടെ വീ​ടു​ക​ൾ പൊ​ളി​ച്ചു​ക​ള​ഞ്ഞു. 'ബു​ൾ​ഡോ​സ​ർ മാ​മാ' എ​ന്ന പേ​രു​വീ​ണ മ​ധ്യ​പ്ര​ദേ​ശി​ലെ ശി​വ​രാ​ജ്​ സി​ങ്​ ചൗ​ഹാ​ൻ ഗ​വ​ൺ​മെ​ന്‍റ്​ ക​ഴി​ഞ്ഞ അ​ഞ്ചു​വ​ർ​ഷ​മാ​യി ഈ ​നി​യ​മ​ത്തി​ന്‍റെ മ​റ​വി​ൽ അ​ത്യാ​ചാ​ര​ങ്ങ​ൾ തു​ട​ർ​ന്നു​വ​രു​ന്നു. അ​വി​ടെ​യ​ട​ക്കം നാ​ലു സം​സ്ഥാ​ന​ങ്ങ​ളി​ൽ ഈ ​അ​തി​ക്ര​മ​ത്തി​നു ഇ​ര​യാ​യ​ത്​ മു​സ്​​ലിം​ക​ളാ​ണെ​ന്ന്​ സു​പ്രീം​കോ​ട​തി ജ​സ്റ്റി​സ്​ ആ​യി​രു​ന്ന മ​ദ​ൻ ലോ​കു​ർ വെ​ളി​പ്പെ​ടു​ത്തി​യി​ട്ടു​ണ്ട്. ക​ഴി​ഞ്ഞ ദി​വ​സം ജാ​വേ​ദി​ന്‍റെ വീ​ടു പൊ​ളി​ക്കു​മ്പോ​ൾ 'ഓ​രോ വെ​ള്ളി​യാ​ഴ്ച​ക്കു ശേ​ഷ​വും ഒ​രു ശ​നി​യാ​ഴ്ച​യു​ണ്ടാ​കു​മെ​ന്ന്​ തെ​മ്മാ​ടി​ക​ൾ ഓ​ർ​ക്ക​ണം' എ​ന്ന്​ യു.​പി മു​ഖ്യ​മ​ന്ത്രി​യു​ടെ ഉ​പ​ദേ​ഷ്ടാ​വ്​ മൃ​ത്യു​ഞ്ജ​യ്കു​മാ​ർ ട്വി​റ്റ​റി​ലൂ​ടെ ഔ​ദ്യോ​ഗി​ക​മാ​യി വെ​ളി​പ്പെ​ടു​ത്തി​യ​തും ഈ ​മു​സ്​​ലിം​വി​രു​ദ്ധ വം​ശീ​യ​വെ​റി ത​ന്നെ.

സം​ഘ്​​പ​രി​വാ​ർ സം​ഘ​ട​ന​ക​ളു​ടെ​യും സ​ർ​ക്കാ​റു​ക​ളു​ടെ​യും പ്ര​തി​കാ​ര രാ​ഷ്ട്രീ​യ​ത്തി​നെ​തി​രാ​യ മു​സ്​​ലിം പ്ര​തി​ഷേ​ധം ഒ​തു​ക്കാ​ൻ നി​യ​മ​ത്തെ മ​റി​ക​ട​ക്കു​ക​യാ​ണ്​ ബി.​ജെ.​പി. അ​ന​ധി​കൃ​ത നി​ർ​മാ​ണ​ത്തെ നേ​രി​ടാ​ൻ ത​ഹ​സി​ൽ​ദാ​ർ​മാ​ർ​ക്ക്​ അ​ധി​കാ​രം ന​ൽ​കു​ന്ന ഭൂ​നി​യ​മ​ങ്ങ​ൾ, ന​ഗ​ര​ങ്ങ​ളി​ൽ മു​നി​സി​പ്പ​ൽ കോ​ർ​പ​റേ​ഷ​ന്‍റെ​യും ന​ഗ​രാ​സൂ​ത്ര​ണ​വി​ഭാ​ഗ​ത്തി​ന്‍റെ​യു​മൊ​ക്കെ നി​യ​മ​ന​ട​പ​ടി​ക​ൾ എ​ല്ലാം ഉ​ണ്ട്. അ​തു​പോ​ലെ സം​ഘ​ർ​ഷ​ങ്ങ​ളി​ൽ പ​​ങ്കെ​ടു​ക്കു​ന്ന​വ​രെ പി​ടി​കൂ​ടാ​നും ശി​ക്ഷി​ക്കാ​നും ഇ​ന്ത്യ​ൻ ശി​ക്ഷാ​നി​യ​മ​ത്തി​ൽ 146, 153 എ ​തു​ട​ങ്ങി​യ വ​കു​പ്പു​ക​ളു​ണ്ട്. ഇ​​തൊ​ന്നും വ്യ​വ​സ്ഥാ​പി​ത​മാ​യി പി​ന്തു​ട​രാ​തെ ത​ങ്ങ​ൾ​ക്കു തോ​ന്നി​യ​ത്​ ചെ​യ്യു​ക​യും അ​തി​നു നി​യ​മ​ത്തെ മ​റ​യാ​ക്കു​ക​യും ചെ​യ്യു​ന്ന അ​രാ​ജ​ക നി​ല​പാ​ടാ​ണ്​ ബി.​ജെ.​പി ഭ​ര​ണ​കൂ​ട​ങ്ങ​ളു​ടേ​ത്.

നി​യ​മം ത​രം​പോ​ലെ കൈ​യി​ലെ​ടു​ക്കു​ന്ന​തും ആ​ൾ​ക്കൂ​ട്ട ശി​ക്ഷ​ക്ക്​ നി​യ​മ​വ്യ​വ​സ്ഥ​യെ വി​ട്ടു​കൊ​ടു​ക്കു​ന്ന​തും ജ​നാ​ധി​പ​ത്യ​ക്ര​മ​ത്തി​നു യോ​ജി​ച്ച​ത​ല്ല. എ​ന്നാ​ൽ, ജ​നാ​ധി​പ​ത്യ​ത്തി​ന്‍റെ ഈ ​നാ​ട്ടു​ന​ട​പ്പു​ക​ളൊ​ന്നും പ്ര​തി​യോ​ഗി​ക​ൾ​ക്കെ​തി​രെ എ​ന്തും ചെ​യ്യാ​നു​ള്ള 'ആ​പ​ദ്​ ധ​ർ​മ'​യി​ൽ വി​ശ്വ​സി​ക്കു​ന്ന ഹി​ന്ദു​ത്വ വം​ശീ​യ​വാ​ദി​ക​ൾ​ക്ക്​ ബാ​ധ​ക​മ​ല്ല​ല്ലോ. മു​പ്പ​തു​ക​ൾ​ക്കൊ​ടു​വി​ൽ ജ​ർ​മ​നി​യി​ൽ നാ​സി ഫാ​ഷി​സ​ത്തി​ന്‍റെ ബു​ൾ​ഡോ​സ​റു​ക​ൾ ചെ​യ്ത​തും ഇ​പ്പോ​ഴും അ​ധി​നി​വി​ഷ്​​ട ഫ​ല​സ്തീ​നി​ൽ ഇ​സ്രാ​യേ​ലി​ന്‍റെ സ​യ​ണി​സ്റ്റ്​ വം​ശീ​യ ഭ​ര​ണ​കൂ​ട​ത്തി​ന്‍റെ മ​ണ്ണു​മാ​ന്തി​ക​ൾ ചെ​യ്തു​കൊ​ണ്ടി​രി​ക്കു​ന്ന​തും ഇ​തേ വി​ധ്വം​സ​ന​പ്ര​തി​കാ​ര​മാ​ണ്. അ​ത്​ രാ​ജ്യ​ത്തെ എ​വി​ടെ​ക്കൊ​ണ്ടെ​ത്തി​ക്കു​മെ​ന്ന​റി​യാ​നും ഭൂ​ത​ത്തി​ലും വ​ർ​ത്ത​മാ​ന​ത്തി​ലു​മു​ള്ള ആ ​അ​നു​ഭ​വ​ങ്ങ​ൾ നോ​ക്കി​യാ​ൽ മ​തി.