മ​ലി​യാ​ന കൂ​ട്ട​ക്കൊ​ല വി​ധി; നീ​തി​യു​ടെ നെഞ്ച് തുളക്കുന്ന വെടിയുണ്ടകൾ

നീ​തി​യു​ടെ ക്രൂ​ര​മാ​യ നി​ഷേ​ധം- 1987 മേ​യ് 23ന് ​യു.​പി​യി​ലെ മ​ലി​യാ​ന​യി​ൽ 72 മു​സ്‍ലിം​ക​ളെ കൂ​ട്ട​ക്കൊ​ല ചെ​യ്ത കേ​സി​ൽ ക​ഴി​ഞ്ഞ​യാ​ഴ്ച മീ​റ​ത്ത് കോ​ട​തി പു​റ​പ്പെ​ടു​വി​ച്ച വി​ധി​യെ ഇ​ങ്ങ​നെ​യ​ല്ലാ​തെ വി​ശേ​ഷി​പ്പി​ക്കാ​നാ​വി​ല്ല.

മൂ​ന്നു പ​തി​റ്റാ​ണ്ടി​നി​ട​യി​ൽ എ​ണ്ണൂ​റി​ലേ​റെ വാ​ദം​കേ​ൾ​ക്ക​ലു​ക​ൾ​ക്കൊ​ടു​വി​ലാ​ണ് കു​റ്റാ​രോ​പി​ത​രാ​യ നാ​ല്പ​തു​പേ​രെ​യും തെ​ളി​വു​ക​ളു​ടെ അ​ഭാ​വ​ത്തി​ൽ വെ​റു​തെ​വി​ടു​ന്നു​വെ​ന്ന് അ​ഡീ​ഷ​ന​ൽ ജി​ല്ലാ ജ​ഡ്ജി ല​ഖ്‍വീ​ന്ദ​ർ സി​ങ് സൂ​ദ് ക​ഴി​ഞ്ഞ വെ​ള്ളി​യാ​ഴ്ച വി​ധി​ച്ച​ത്.

കേ​സി​ൽ യ​ഥാ​ർ​ഥ​ത്തി​ൽ 93 കു​റ്റാ​രോ​പി​ത​രു​ണ്ടാ​യി​രു​ന്നു. 36 വ​ർ​ഷ​ക്കാ​ല​യ​ള​വി​നു​ള്ളി​ൽ അ​തി​ൽ പ​ല​രും മ​രി​ച്ചു, മ​റ്റു പ​ല​രെ​യും ‘ക​ണ്ടെ​ത്താ​ൻ ക​ഴി​യാ​തെ’ ആ​യി. അ​വ​ശേ​ഷി​ച്ച 40 പേ​രാ​ണ് വി​ചാ​ര​ണ നേ​രി​ട്ട​ത്.

പ്ര​ഥ​മ അ​ന്വേ​ഷ​ണ റി​പ്പോ​ർ​ട്ട് (എ​ഫ്.​ഐ.​ആ​ർ) സ​മ​ർ​പ്പി​ക്ക​പ്പെ​ട്ട നി​മി​ഷം മു​ത​ൽ കേ​സി​ലെ ഓ​രോ ഘ​ട്ട​ങ്ങ​ളും ഈ ​വി​ധി​പോ​ലെ​ത്ത​ന്നെ അ​തി​ക്രൂ​ര​വും അ​ന്യാ​യം നി​റ​ഞ്ഞ​തു​മാ​യി​രു​ന്നു.

1987ലെ ​മീ​റ​ത്ത് ക​ലാ​പം

ത​ർ​ക്ക​ത്തി​ലാ​യി​രു​ന്ന ബാ​ബ​രി മ​സ്ജി​ദ് തു​റ​ന്നു​കൊ​ടു​ക്കു​ന്ന​തു സം​ബ​ന്ധി​ച്ച് ഹി​ന്ദു-​മു​സ്‍ലിം സം​ഘ​ങ്ങ​ൾ ത​മ്മി​ലു​ണ്ടാ​യ ത​ർ​ക്കം വ​ള​ർ​ന്ന് 1987 മേ​യ് മാ​സം 17ന് ​യു.​പി​യി​ലെ മീ​റ​ത്ത് ജി​ല്ല​യി​ലു​ണ്ടാ​യ വ​ർ​ഗീ​യ ക​ലാ​പ​ത്തി​ന്റെ പ​ശ്ചാ​ത്ത​ല​ത്തി​ലാ​ണ് മാ​ലി​യാ​ന കൂ​ട്ട​ക്കൊ​ല ന​ട​മാ​ടു​ന്ന​ത്. ര​ണ്ടു നാ​ൾ​ക്കു ശേ​ഷം ന​ഗ​ര​ത്തി​ൽ ക​ർ​ഫ്യൂ പ്ര​ഖ്യാ​പി​ച്ച ഘ​ട്ട​ത്തി​ൽ പ്ര​ദേ​ശ​ത്ത് സ​മാ​ധാ​നം ഉ​റ​പ്പു​വ​രു​ത്തു​ന്ന​തി​ൽ ലോ​ക്ക​ൽ പൊ​ലീ​സി​നെ സ​ഹാ​യി​ക്കാ​നാ​യി സം​സ്ഥാ​ന സ​ർ​ക്കാ​ർ പ്രോ​വി​ൻ​ഷ്യ​ൻ ആം​ഡ് കോ​ൺ​സ്റ്റാ​ബു​ല​റി (​പി.​എ.​സി)​യു​ടെ സം​ഘ​ങ്ങ​ളെ​ക്കൂ​ടി അ​വി​ടേ​ക്ക് അ​യ​ച്ചു. എ​ന്നാ​ൽ, സ​മാ​ധാ​നം സ്ഥാ​പി​ക്കാ​ൻ ശ്ര​മി​ക്കു​ക​യ​ല്ല, ജി​ല്ല​യി​ലു​ട​നീ​ളം മു​സ്‍ലിം​ക​ൾ​ക്കെ​തി​രെ അ​ക്ര​മം അ​ഴി​ച്ചു​വി​ടു​ക​യാ​ണ് പി.​എ.​സി അം​ഗ​ങ്ങ​ൾ ചെ​യ്ത​തെ​ന്ന് ദേ​ശീ​യ-​പ്രാ​ദേ​ശി​ക മാ​ധ്യ​മ​ങ്ങ​ളും സ​ർ​ക്കാ​രേ​ത​ര സം​ഘ​ട​ന​ക​ളും ന​ട​ത്തി​യ വ​സ്തു​താ​ന്വേ​ഷ​ണ​ങ്ങ​ളി​ൽ വെ​ളി​പ്പെ​ട്ടു.

മേ​യ് 22ന് ​മീ​റ​ത്തി​ലെ ഹാ​ഷിം​പു​ര മൊ​ഹ​ല്ല​യി​ൽ വ​ന്നി​റ​ങ്ങി​യ സം​ഘം ആ​ളു​ക​ളെ കൂ​ട്ട​മാ​യി ട്ര​ക്കു​ക​ളി​ൽ ക​യ​റ്റി​ക്കൊ​ണ്ടു​പോ​വു​ക​യും വീ​ടു​ക​ളും ക​ട​ക​ളും കൊ​ള്ള​യ​ടി​ച്ച് കൊ​ള്ളി​വെ​ക്കു​ക​യു​മു​ണ്ടാ​യി. പി​ടി​ച്ചു​കൊ​ണ്ടു​പോ​യ​വ​രി​ൽ കു​റ​ച്ചു പേ​രെ മീ​റ​ത്തി​ലും ഫ​ത്തേ​ഗ​ഢി​ലു​മു​ള്ള ജ​യി​ലി​ല​ട​ച്ച​പ്പോ​ൾ 42 പേ​രെ ഗാ​സി​യാ​ബാ​ദ് മു​റാ​ദ്ന​ഗ​റി​ലെ അ​പ്പ​ർ ഗം​ഗാ ക​നാ​ലി​ന്റെ​യും യു.​പി-​ഡ​ൽ​ഹി അ​തി​ർ​ത്തി​യി​ലെ ഹി​ന്ദോ​ൺ ന​ദി​ക്ക​രി​കി​ലും കൊ​ണ്ടു​പോ​യി നി​ർ​ത്തി വെ​ടി​വെ​ച്ചു കൊ​ല്ലു​ക​യാ​യി​രു​ന്നു. അ​വ​രു​ടെ മൃ​ത​ദേ​ഹ​ങ്ങ​ൾ വെ​ള്ള​ത്തി​ൽ ഒ​ഴു​ക്കി​വി​ട്ടു. ജ​യി​ലു​ക​ളി​ല​ട​ക്ക​​പ്പെ​ട്ട​വ​രി​ൽ 11 പേ​ർ ക​സ്റ്റ​ഡി​യി​ൽ മ​ര​ണ​​​പ്പെ​ട്ടു.

പി​റ്റേ​ന്നാ​ൾ ഉ​ച്ച​ക്ക് ര​ണ്ട​ര​യോ​ടെ ക​മാ​ൻ​ഡ​ർ ആ​ർ.​ഡി. ​ത്രി​പാ​ഠി ഉ​ൾ​​പ്പെ​ടെ ഉ​ന്ന​ത ഉ​ദ്യോ​ഗ​സ്ഥ​രു​ടെ നേ​തൃ​ത്വ​ത്തി​ൽ മ​ലി​യാ​ന​യി​ലേ​ക്ക് വ​ന്ന പി.​എ.​സി സം​ഘം എ​ഴു​പ​തി​ലേ​റെ മു​സ്‍ലിം​ക​ളെ കൊ​ല​പ്പെ​ടു​ത്തി എ​ന്നാ​ണ് ദൃ​ക്സാ​ക്ഷി മൊ​ഴി. പ്ര​ദേ​ശ​​ത്തേ​ക്ക് ക​യ​റാ​നോ ഇ​റ​ങ്ങാ​നോ സാ​ധി​ക്കാ​ത്ത വി​ധം വ​ഴി​ക​ളെ​ല്ലാം അ​ട​ച്ചി​ട്ടാ​ണ് കൊ​ല​പാ​ത​കം ആ​രം​ഭി​ച്ച​ത്. പി.​എ.​സി സം​ഘ​ത്തോ​ടൊ​പ്പം തോ​ക്കു​ക​ളും വാ​ളു​ക​ളു​മേ​ന്തി എ​ത്തി​യ നൂ​റു​ക​ണ​ക്കി​ന് ​​പ്ര​ദേ​ശ​വാ​സി​ക​ളും അ​തി​ക്ര​മ​ങ്ങ​ളി​ൽ പ​ങ്കു​കൊ​ണ്ടു. സ്ത്രീ​ക​ളെ​യോ, കു​ഞ്ഞു​ങ്ങ​ളെ​യോ പോ​ലും അ​വ​ർ വെ​റു​തെ​വി​ട്ടി​ല്ല.

കു​റ്റ​കൃ​ത്യം നി​ർ​വ​ഹി​ച്ച​ത് നി​യ​മ​പാ​ല​ക​ർ​ത​ന്നെ​യാ​ണെ​ന്നി​രി​ക്കെ മു​ഖ്യ​മ​ന്ത്രി വീ​ർ ബ​ഹാ​ദൂ​ർ സി​ങ്ങി​നൊ​പ്പം അ​ന്ന​ത്തെ പ്ര​ധാ​ന​മ​ന്ത്രി രാ​ജീ​വ് ഗാ​ന്ധി സ്ഥ​ലം സ​ന്ദ​ർ​ശി​ക്കു​ന്ന​തു​വ​രെ കേ​സി​ൽ എ​ഫ്.​ഐ.​ആ​ർ പോ​ലും ഫ​യ​ൽ ചെ​യ്യ​പ്പെ​ട്ടി​ല്ല. അ​ന്വേ​ഷ​ണ​ങ്ങ​ളെ​ക്കു​റി​ച്ച് തി​ര​ക്കി​യ രാ​ജീ​വ് റി​പ്പോ​ർ​ട്ട് ആ​വ​ശ്യ​പ്പെ​ട്ട​തോ​ടെ അ​ക്ര​മ​ത്തി​ൽ ഗു​രു​ത​ര പ​രി​ക്കേ​റ്റ് ചി​കി​ത്സ​യി​ലി​രു​ന്ന യാ​ഖൂ​ബ് അ​ലി എ​ന്ന പ്ര​ദേ​ശ​വാ​സി​യെ​ക്കൊ​ണ്ട് പൊ​ലീ​സ് ഒ​രു രേ​ഖ​യി​ൽ ഒ​പ്പു​വെ​പ്പി​ച്ചു. അ​ത് എ​ഫ്.​ഐ.​ആ​ർ ആ​യി​രു​ന്നു​വെ​ന്ന് അ​യാ​ൾ​പോ​ലും വൈ​കി​യാ​ണ​റി​യു​ന്ന​ത്. ‘എ​ഫ്.​ഐ.​ആ​റി‘​ൽ 93 പ്ര​ദേ​ശ​വാ​സി​ക​ളു​ടെ പേ​രാ​ണു​ണ്ടാ​യി​രു​ന്ന​ത്, ഒ​രൊ​റ്റ പൊ​ലീ​സു​കാ​ര​നെ​ക്കു​റി​ച്ചും പ​രാ​മ​ർ​ശ​മി​ല്ലാ​യി​രു​ന്നു താ​നും.

ഒ​രു പ്ര​കോ​പ​ന​വു​മി​ല്ലാ​തെ നി​ർ​ദ​യം വ​ള​ഞ്ഞു​വെ​ച്ച് ആ​ക്ര​മി​ക്ക​പ്പെ​ട്ട അ​നേ​ക​രി​ൽ ഒ​രാ​ളാ​ണ് ഞാ​ൻ. ആ​ൾ​ക്കൂ​ട്ടം കൊ​ള്ള​യ​ടി​ക്കു​ക​യും ല​ഹ​ള ന​ട​ത്തു​ക​യും ചെ​യ്യു​മ്പോ​ൾ പി.​എ.​സി​ക്കാ​ർ വീ​ടു​ക​ൾ​ക്കു​നേ​രെ ആ​ക്ര​മ​ണം അ​ഴി​ച്ചു​വി​ടു​ക​യാ​യി​രു​ന്നു. വാ​രി​യെ​ല്ലു​ക​ൾ ഒ​ടി​ഞ്ഞ് ക​ടു​ത്ത വേ​ദ​ന​യി​ൽ ക​ഴി​യു​ക​യാ​യി​രു​ന്നു ഞാ​ൻ. എ​ന്താ​ണ് എ​ഴു​തി​യി​രി​ക്കു​ന്ന​ത് എ​ന്നു​പോ​ലു​മ​റി​യാ​തെ ആ ​ക​ട​ലാ​സു​ക​ളി​ൽ ഒ​പ്പു​വെ​ക്കേ​ണ്ടി​വ​രു​ക​യാ​യി​രു​ന്നു എ​നി​ക്ക്. 93 ഹി​ന്ദു​ക്ക​ൾ ചേ​ർ​ന്നാ​ണ് ആ​ക്ര​മ​ണം ന​ട​ത്തി​യ​ത് എ​ന്ന ഉ​ള്ള​ട​ക്ക​മൊ​ക്കെ വ​ള​രെ വൈ​കി​യാ​ണ് ഞാ​ൻ അ​റി​ഞ്ഞ​തു​ത​ന്നെ. പി.​എ.​സി​ക്കാ​രു​ടെ പ​ങ്കി​നെ​ക്കു​റി​ച്ച് പ​രാ​മ​ർ​ശം പോ​ലും അ​തി​ലു​ണ്ടാ​യി​രു​ന്നി​ല്ല -യാ​ഖൂ​ബ് അ​ലി പ​റ​യു​ന്നു.

93 കു​റ്റാ​രോ​പി​ത​ർ എ​ങ്ങ​നെ വ​ന്നു? പ്ര​ദേ​ശ​ത്തെ വോ​ട്ട​ർ​പ​ട്ടി​ക​യി​ൽ​നി​ന്നാ​ണ് ഈ ​പേ​രു​ക​ൾ എ​ടു​ത്തു ചേ​ർ​ത്ത​ത്. ഇ​വ​രി​ൽ കു​റ​ച്ചു​പേ​ർ കൂ​ട്ട​ക്കൊ​ല​യി​ൽ പ​ങ്കാ​ളി​ക​ളാ​ണെ​ങ്കി​ലും അ​തു​മാ​യി ബ​ന്ധ​മി​ല്ലാ​ത്ത​വ​രു​ടെ പേ​രും പ​ട്ടി​ക​യി​ൽ ചേ​ർ​ത്തി​രു​ന്നു. കു​റ്റാ​രോ​പി​ത​രെ അ​റ​സ്റ്റു ചെ​യ്യാ​ൻ പൊ​ലീ​സ് മു​ന്നോ​ട്ടു​വ​ന്ന​​പ്പോ​ഴാ​ണ​റി​യു​ന്ന​ത് പ​ട്ടി​ക​യി​ൽ പേ​രു​ള്ള പ​ല​രും കൂ​ട്ട​ക്കൊ​ല​ക്ക് എ​ത്ര​യോ കാ​ലം മു​മ്പേ മ​രി​ച്ച​വ​രാ​യി​രു​ന്നു.

36 പോ​സ്റ്റ്മോ​ർ​ട്ട​ങ്ങ​ൾ സം​ബ​ന്ധി​ച്ച വാ​ദം കേ​ൾ​ക്ക​ൽ ന​ട​ന്നി​ട്ടി​ല്ലെ​ന്നും, പ​ല കു​റ്റാ​രോ​പി​ത​രെ​യും ക്രി​മി​ന​ൽ ന​ട​പ​ടി​ച്ച​ട്ട​ത്തി​ലെ 313ാം വ​കു​പ്പ് പ്ര​കാ​രം കോ​ട​തി വി​സ്ത​രി​ച്ചി​ട്ടി​ല്ലെ​ന്നും ന​ട​പ​ടി​ക്ര​മ​ങ്ങ​ൾ തു​ട​രു​ന്ന​തി​നി​ടെ​യാ​ണ് വി​ധി പ്ര​സ്താ​വ​ന ന​ട​ന്നി​രി​ക്കു​ന്ന​തെ​ന്നും ഇ​ര​ക​ളു​ടെ കു​ടും​ബ​ങ്ങ​ളെ പ്ര​തി​നി​ധാ​നം​ചെ​യ്ത അ​ഡ്വ. അ​ലാ​വു​ദ്ദീ​ൻ സി​ദ്ദീ​ഖി പ​റ​യു​ന്നു. ദൃ​ക്സാ​ക്ഷി​ക​ളെ​പ്പോ​ലും കോ​ട​തി നേ​രാ​വ​ണ്ണം ചോ​ദ്യം ചെ​യ്തി​ല്ല. 35 സാ​ക്ഷി​ക​ളി​ൽ പ​ത്തി​ൽ താ​ഴെ​പ്പേ​രെ മാ​ത്ര​മാ​ണ് കോ​ട​തി വി​സ്ത​രി​ച്ച​ത്.

‘പൊ​ലീ​സ് പ്ര​തി​ക​ളു​ടെ തി​രി​ച്ച​റി​യ​ൽ പ​രേ​ഡ് ന​ട​ത്തി​യി​രു​ന്നി​ല്ല, കൂ​ട്ട​ക്കൊ​ല ന​ട​ക്കു​ന്ന​തി​ന് വ​ർ​ഷ​ങ്ങ​ൾ​ക്കു​മു​മ്പ് മ​രി​ച്ച​വ​രു​ൾ​പ്പെ​ടെ 93 ആ​ളു​ക​ളു​ടെ പേ​രു​ക​ൾ വോ​ട്ട​ർ​പ​ട്ടി​ക​യി​ൽ​നി​ന്ന് ഉ​ൾ​പ്പെ​ടു​ത്തി​യാ​ണ് പൊ​ലീ​സ് പ്ര​തി​പ്പ​ട്ടി​ക ത​യാ​റാ​ക്കി​യ​ത്, സം​ഭ​വ​സ്ഥ​ല​ത്തു​നി​ന്ന് ആ​യു​ധ​ങ്ങ​ളൊ​ന്നും പൊ​ലീ​സ് ക​ണ്ടെ​ടു​ത്തി​ല്ല’ -പ്ര​തി​ക​ൾ കു​റ്റ​മു​ക്ത​മാ​ക്ക​പ്പെ​ടു​ന്ന​തി​ലേ​ക്ക് ന​യി​ച്ച കാ​ര​ണ​ങ്ങ​ൾ അ​ഡീ​ഷ​ന​ൽ ജി​ല്ല കോ​ൺ​സ​ൽ മോ​ഹ​ൻ വി​ശ​ദീ​ക​രി​ക്കു​ന്ന​ത് ഇ​ങ്ങ​നെ. തു​ട​ർ​ന്ന്, സൈ​റ്റി​ൽ​നി​ന്ന് ആ​യു​ധ​ങ്ങ​ളൊ​ന്നും ക​ണ്ടെ​ടു​ത്തി​ല്ല.

അ​ന്വേ​ഷ​ണ​ത്തി​ലെ ദു​രൂ​ഹ​ത​ക​ൾ

കൂ​ട്ട​ക്കൊ​ല ന​ട​ന്ന് ദി​വ​സ​ങ്ങ​ൾ​ക്ക് ശേ​ഷം പ​ത്തു​പേ​ർ ​മ​രി​ച്ച​താ​യി മു​ഖ്യ​മ​ന്ത്രി വി​ർ ബ​ഹാ​ദു​ർ സി​ങ് പ്ര​ഖ്യാ​പി​ച്ചി​രു​ന്നു, 12 പേ​ർ കൊ​ല്ല​പ്പെ​ട്ട​താ​യി പി​റ്റേ ദി​വ​സം ജി​ല്ലാ മ​ജി​സ്ട്രേ​റ്റ് പ​റ​ഞ്ഞു. എ​ന്നാ​ൽ, 1987 ജൂ​ൺ ആ​ദ്യ​വാ​രം നി​ര​വ​ധി മൃ​ത​ദേ​ഹ​ങ്ങ​ൾ ഒ​രു കി​ണ​റ്റി​ൽ​നി​ന്ന് ക​ണ്ടെ​ടു​ക്ക​പ്പെ​ട്ട​തോ​ടെ 15 പേ​ർ കൊ​ല്ല​പ്പെ​ട്ടു​വെ​ന്ന് അ​ദ്ദേ​ഹം സ​മ്മ​തി​ച്ചു. ഒ​ടു​വി​ൽ 56 മ​ര​ണ​ങ്ങ​ളാ​ണ് അ​ധി​കൃ​ത​ർ സ്ഥി​രീ​ക​രി​ച്ച​ത്. അ​വ​രു​ടെ കു​ടും​ബാം​ഗ​ങ്ങ​ൾ​ക്ക് 20,000 രൂ​പ വീ​തം തു​ച്ഛ ന​ഷ്ട​പ​രി​ഹാ​രം ന​ൽ​കി. വ​ർ​ഷ​ങ്ങ​ൾ​ക്ക് ശേ​ഷം 20000 രൂ​പ കൂ​ടി അ​നു​വ​ദി​ക്ക​പ്പെ​ട്ടു.

സം​ഭ​വ​ത്തി​ൽ ജു​ഡീ​ഷ്യ​ൽ അ​ന്വേ​ഷ​ണം ന​ട​ത്തു​മെ​ന്ന് 1987 മേ​യ് 27ന് ​മു​ഖ്യ​മ​ന്ത്രി പ്ര​ഖ്യാ​പി​ച്ചു. അ​ല​ഹ​ബാ​ദ് ഹൈ​കോ​ട​തി​യി​ലെ റി​ട്ട. ജ​ഡ്ജി ജ​സ്റ്റി​സ് ജി.​എ​ൽ. ശ്രീ​വാ​സ്ത​വ​യെ ആ​ഗ​സ്റ്റ് 27ന് ​അ​ന്വേ​ഷ​ണ ക​മീ​ഷ​നാ​യി നി​യോ​ഗി​ച്ചു.

വെ​ടി​വെ​പ്പി​ന് ഉ​ത്ത​ര​വി​ട്ട പി.​എ.​സി ക​മാഡ​ന്റ് ആ​ർ.​ടി. ത്രി​പാ​ഠി​യെ സ​സ്പെ​ൻ​ഡ് ചെ​യ്യു​മെ​ന്നും സ​ർ​ക്കാ​ർ പ്ര​ഖ്യാ​പി​ച്ചു. 1982ലെ ​മീ​റ​ത്ത് ക​ലാ​പ​കാ​ല​ത്തും ആ​രോ​പ​ണ​വി​ധേ​യ​നാ​യ ആ​ളാ​ണ് ത്രി​പാ​ഠി. സ​ർ​വി​സി​ൽ​നി​ന്ന് വി​ര​മി​ക്കു​ന്ന​തു​വ​രെ പേ​ർ​ത്തും പേ​ർ​ത്തും സ്ഥാ​ന​ക്ക​യ​റ്റ​ങ്ങ​ൾ ന​ൽ​കി പു​ര​സ്ക​രി​ച്ചു​പോ​ന്നു സ​ർ​ക്കാ​ർ.

പി.​എ.​സി​യു​ടെ സാ​ന്നി​ധ്യം മൂ​ലം മ​ലി​യാ​ന​യി​ൽ​നി​ന്നു​ള്ള സാ​ക്ഷി​ക​ളു​ടെ വി​സ്താ​രം നി​ര​ന്ത​രം ത​ട​സ്സ​പ്പെ​ട്ടു.1988 ജ​നു​വ​രി​യി​ൽ പി.​എ.​സി​യെ നീ​ക്കം ചെ​യ്യാ​ൻ ക​മീ​ഷ​ൻ സ​ർ​ക്കാ​റി​നോ​ട് ഉ​ത്ത​ര​വി​ട്ടു. 70 മു​സ്‍ലിം​ക​ളും 14 ഹി​ന്ദു​ക്ക​ളും ഉ​ൾ​പ്പെ​ടെ 84 പൊ​തു​സാ​ക്ഷി​ക​ളെ​യും അ​ധി​കൃ​ത​രി​ൽ​നി​ന്ന് അ​ഞ്ച് സാ​ക്ഷി​ക​ളെ​യും ക​മീ​ഷ​ൻ വി​സ്ത​രി​ച്ചു. 1989 ജൂ​ലൈ 31ന് ​സ​മ​ർ​പ്പി​ക്ക​പ്പെ​ട്ട ക​മീ​ഷ​ൻ റി​പ്പോ​ർ​ട്ട് പ​ര​സ്യ​മാ​ക്ക​പ്പെ​ട്ട​തേ​യി​ല്ല.

ശ്രീ​വാ​സ്ത​വ ക​മീ​ഷ​ൻ നി​ല​നി​ൽ​ക്കെ​ത്ത​ന്നെ മീ​റ​ത്ത് ക​ലാ​പ​ത്തെ​ക്കു​റി​ച്ച് അ​ന്വേ​ഷി​ച്ച് 30 ദി​വ​സ​ത്തി​ന​കം റി​പ്പോ​ർ​ട്ട് ന​ൽ​കാ​ൻ ഒ​രു സ​മി​തി​യെ സ​ർ​ക്കാ​ർ നി​യോ​ഗി​ച്ചു. മു​ൻ സി.​എ.​ജി ഗ്യാ​ൻ പ്ര​കാ​ശ് അ​ധ്യ​ക്ഷ​നും അ​വ​ധ് സ​ർ​വ​ക​ലാ​ശാ​ല മു​ൻ വി.​സി ഗു​ലാം അ​ഹ്മ​ദ് ഐ.​എ.​എ​സ്, രാം​കി​ഷ​ൻ ഐ.​എ.​എ​സ് എ​ന്നി​വ​ർ അം​ഗ​ങ്ങ​ളു​മാ​യി സ​മി​തി​യു​ടെ ​അ​ന്വേ​ഷ​ണ​പ​രി​ധി​യി​ൽ​നി​ന്ന് മലി​യാ​ന കൂ​ട്ട​ക്കൊ​ല​യും മീ​റ​ത്ത്, ഫ​ത്തേ​ഗ​ഢ് ജ​യി​ലു​ക​ളി​ലെ ക​സ്റ്റ​ഡി മ​ര​ണ​വും ഒ​ഴി​വാ​ക്ക​പ്പെ​ട്ടി​രു​ന്നു. ഈ ​റി​പ്പോ​ർ​ട്ട് പ​ര​സ്യ​പ്പെ​ടു​ത്താ​നോ നി​യ​മ​സ​ഭ​യി​ൽ വെ​ക്കാ​നോ സ​ർ​ക്കാ​ർ കൂ​ട്ടാ​ക്കി​യി​ല്ല. കൊ​ൽ​ക്ക​ത്ത​യി​ൽ​നി​ന്ന് പ്ര​സി​ദ്ധീ​ക​രി​ക്കു​ന്ന ദ ​ടെ​ലി​ഗ്രാ​ഫ് റി​പ്പോ​ർ​ട്ടി​ന്റെ പൂ​ർ​ണ​രൂ​പം 1987 ന​വം​ബ​റി​ൽ പ്ര​സി​ദ്ധീ​ക​രി​ച്ചു. മേ​യ് 23ലെ ​സം​ഭ​വ​ങ്ങ​ളെ​ക്കു​റി​ച്ച് ഒ​രു പ​രാ​മ​ർ​ശ​വും അ​തി​ലു​ണ്ടാ​യി​രു​ന്നി​ല്ല.

നീ​തി​തേ​ടി പൊ​തു​താ​ൽ​പ​ര്യ ഹ​ര​ജി

ഇ​ര​ക​ൾ​ക്ക് നീ​തി ന​ൽ​കാ​നോ കു​റ്റ​വാ​ളി​ക​ൾ​ക്കെ​തി​രെ എ​ന്തെ​ങ്കി​ലും ന​ട​പ​ടി​ക്കോ ഒ​രു നീ​ക്ക​വും ഉ​ണ്ടാ​വാ​ഞ്ഞ​തോ​ടെ 2021 ഏ​പ്രി​ൽ 19ന് ​ഈ ലേ​ഖ​ക​നും യു.​പി പൊ​ലീ​സ് മു​ൻ ഡി.​ജി.​പി വി​ഭൂ​തി നാ​രാ​യ​ൻ റാ​യും ചേ​ർ​ന്ന് അ​ല​ഹ​ബാ​ദ് ഹൈ​കോ​ട​തി​യു​ടെ ഡി​വി​ഷ​ൻ ബെ​ഞ്ച് മു​മ്പാ​കെ പൊ​തു​താ​ൽ​പ​ര്യ ഹ​ര​ജി സ​മ​ർ​പ്പി​ച്ചു.

കൂ​ട്ട​ക്കൊ​ല​യി​ൽ 11 കു​ടും​ബാം​ഗ​ങ്ങ​ളെ ന​ഷ്ട​പ്പെ​ട്ട ഇ​സ്മാ​യി​ൽ, മീ​റ​ത്ത് വി​ചാ​ര​ണ കോ​ട​തി​യി​ൽ ഇ​ര​ക​ൾ​ക്ക് വേ​ണ്ടി വാ​ദി​ച്ച അ​ഡ്വ. എം.​എ. റാ​ഷി​ദ് എ​ന്നി​വ​രാ​യി​രു​ന്നു ഞ​ങ്ങ​ളു​ടെ സ​ഹ​പ​രാ​തി​ക്കാ​ർ.

എ​ഫ്.​ഐ.​ആ​ർ ഉ​ൾ​പ്പെ​ടെ കേ​സ് രേ​ഖ​ക​ൾ ദു​രൂ​ഹ​മാം​വി​ധ​ത്തി​ൽ ന​ഷ്ട​മാ​യി​രി​ക്കു​ന്നു​വെ​ന്നും സാ​ക്ഷി​ക​ളെ​യും ഇ​ര​ക​ളെ​യും യു.​പി പൊ​ലീ​സും പി.​എ.​സി അ​ധി​കൃ​ത​രും ഭീ​ഷ​ണി​പ്പെ​ടു​ത്തു​ന്ന​തി​നാ​ൽ മൊ​ഴി ന​ൽ​കാ​ൻ അ​വ​ർ മു​ന്നോ​ട്ടു​വ​രു​ന്നി​ല്ലെ​ന്നും പൊ​തു​താ​ൽ​പ​ര്യ ഹ​ര​ജി​യി​ൽ ഞ​ങ്ങ​ൾ ചൂ​ണ്ടി​ക്കാ​ട്ടി. ശ്രീ​വാ​സ്ത​വ ക​മീ​ഷ​ൻ റി​പ്പോ​ർ​ട്ട് പ​ര​സ്യ​പ്പെ​ടു​ത്തു​ക​യോ സീ​ലു​വെ​ച്ച ക​വ​റി​ൽ റി​പ്പോ​ർ​ട്ടി​ന്റെ പ​ക​ർ​പ്പ് ജ​ഡ്ജി​മാ​ർ വാ​ങ്ങു​ക​യോ വേ​ണ​മെ​ന്നും ഞ​ങ്ങ​ൾ ആ​വ​ശ്യ​പ്പെ​ട്ടു.

സം​ഭ​വം അ​ന്വേ​ഷി​ക്കു​ന്ന​തി​ന് പ്ര​ത്യേ​ക അ​ന്വേ​ഷ​ണ​സം​ഘ​ത്തെ നി​യോ​ഗി​ക്ക​ണ​മെ​ന്നും നീ​തി​യു​ക്ത​വും വേ​ഗ​ത്തി​ലു​ള്ള​തു​മാ​യ വി​ചാ​ര​ണ ന​ട​ത്ത​ണ​മെ​ന്നും ഇ​ര​ക​ളു​ടെ കു​ടും​ബ​ത്തി​ന് മ​തി​യാ​യ ന​ഷ്ട​പ​രി​ഹാ​രം ന​ൽ​ക​ണ​മെ​ന്നും ഞ​ങ്ങ​ൾ വാ​ദി​ച്ചു. ഹാ​ഷിം​പു​ര കൂ​ട്ട​ക്കൊ​ല​ക്കേ​സി​ൽ 16 പൊ​ലീ​സു​കാ​ർ കു​റ്റ​ക്കാ​രാ​ണെ​ന്ന് ക​ണ്ടെ​ത്തി​യ​തി​നെ​ത്തു​ട​ർ​ന്ന് അ​വി​ടെ കൊ​ല്ല​പ്പെ​ട്ട 42 പേ​രു​ടെ കു​ടും​ബ​ങ്ങ​ൾ​ക്ക് 20 ല​ക്ഷം രൂ​പ വീ​തം ന​ഷ്ട​പ​രി​ഹാ​രം ന​ൽ​കാ​ൻ ഉ​ത്ത​ര​വു വ​ന്നു. എ​ന്നാ​ൽ, യാ​ഖൂ​ബ് അ​ലി​യെ​ക്കൊ​ണ്ട് പൊ​ലീ​സ് ഒ​പ്പു​വെ​പ്പി​ച്ച എ​ഫ്.​ഐ.​ആ​റി​ൽ പൊ​ലീ​സു​കാ​രു​ടെ ആ​രു​ടെ​യും പേ​ര് ചേ​ർ​ക്കാ​ഞ്ഞ​തി​നാ​ൽ മ​ലി​യാ​ന​യി​ലെ ഇ​ര​ക​ളി​ലാ​ർ​ക്കും ത​ന്നെ ഇ​വ്വി​ധ​മൊ​രു ന​ഷ്ട​പ​രി​ഹാ​രം ല​ഭി​ക്കു​ക​യു​ണ്ടാ​യി​ല്ല.

പൊ​തു​താ​ൽ​പ​ര്യ ഹ​ര​ജി​യി​ൽ വാ​ദം​കേ​ട്ട അ​ന്ന​ത്തെ ആ​ക്ടി​ങ് ചീ​ഫ്ജ​സ്റ്റി​സ് സ​ഞ്ജ​യ് യാ​ദ​വും ജ​സ്റ്റി​സ് പ്ര​കാ​ശ് പാ​ദി​യ​യും എ​തി​ർ​സ​ത്യ​വാ​ങ്മൂ​ല​വും വി​ശ​ദ​മാ​യ മ​റു​പ​ടി​യും ന​ൽ​കാ​ൻ സ​ർ​ക്കാ​റി​നോ​ട് ഉ​ത്ത​ര​വി​ട്ടു.

പ്ര​മു​ഖ മ​നു​ഷ്യാ​വ​കാ​ശ പ്ര​വ​ർ​ത്ത​ക​നും മു​തി​ർ​ന്ന സു​പ്രീം​കോ​ട​തി അ​ഭി​ഭാ​ഷ​ക​നു​മാ​യ കോ​ളി​ൻ ഗോ​ൻ​സാ​ൽ​വ​സാ​ണ് ഞ​ങ്ങ​ൾ​ക്കാ​യി കോ​ട​തി​യി​ൽ ഹാ​ജ​രാ​യ​ത്. ഹ​ര​ജി ഇ​പ്പോ​ഴും കോ​ട​തി​യു​ടെ പ​രി​ഗ​ണ​ന​യി​ലാ​ണ്. മീ​റ​ത്ത് കോ​ട​തി​യു​ടെ വി​ധി​വ​ന്ന പ​ശ്ചാ​ത്ത​ല​ത്തി​ൽ കേ​സ് അ​വ​സാ​നി​പ്പി​ക്ക​ണ​മെ​ന്ന് സ​ർ​ക്കാ​ർ കോ​ട​തി​യോ​ട് ആ​വ​ശ്യ​പ്പെ​ടാ​നും സാ​ധ്യ​ത​യേ​റെ.

മേ​യ് 31ലെ ​കോ​ട​തി​വി​ധി മ​ലി​യാ​ന​യി​ലെ ഇ​ര​ക​ൾ​ക്ക് അം​ഗീ​ക​രി​ക്കാ​നാ​വു​ന്ന​ത​ല്ല, മേ​ൽ​ക്കോ​ട​തി​യി​ൽ അ​തി​നെ ചോ​ദ്യം ചെ​യ്യാ​​നൊ​രു​ങ്ങു​ക​യാ​ണ​വ​ർ.