വൈക്കം സത്യഗ്രഹത്തിന്റെ നൈതിക മൂല്യങ്ങൾ

മ​ഹാ​ത്മാ അ​യ്യ​ൻ​കാ​ളി​യു​ടെ​യും ശ്രീ​നാ​രാ​യ​ണ ഗു​രു​വി​ന്റെ​യും അ​ടി​സ്ഥാ​ന രാ​ഷ്ട്രീ​യ-​ധൈ​ഷ​ണി​ക പ്ര​വ​ർ​ത്ത​ന​ങ്ങ​ളു​ടെ​യും, ച​ട്ട​മ്പി​സ്വാ​മി​ക​ൾ, ക​ണ്ട​ൻ കു​മാ​ര​ൻ, ഡോ. ​പ​ൽ​പ്പു പൊ​യ്ക​യി​ൽ അ​പ്പ​ച്ച​ൻ തു​ട​ങ്ങി​യ​വ​രു​ടെ ഇ​ട​പെ​ട​ലു​ക​ളു​ടെ​യും നി​ല​പാ​ടു​ക​ളു​ടെ​യും ഫ​ല​മാ​യി രൂ​പം​കൊ​ണ്ട സാ​മൂ​ഹി​ക ഉ​ണ​ർ​വ് അ​തി​ന്റെ പ്രാ​യോ​ഗി​ക​മാ​യ വി​കാ​സ​പ​ഥ​ങ്ങ​ൾ ക​ണ്ടെ​ത്തി​യ ദ​ശ​ക​മാ​യി​രു​ന്നു തൊ​ള്ളാ​യി​ര​ത്തി ഇ​രു​പ​തു​ക​ൾ.

കൊ​ളോ​ണി​യ​ൽ ആ​ധു​നി​ക​ത​യും തെ​ക്ക​ൻ കേ​ര​ള​ത്തി​ൽ ശ​ക്ത​മാ​യി അ​ല​യ​ടി​ച്ച മ​ധ്യ​കാ​ല ജാ​തി​വി​രു​ദ്ധ​ത​യും ഒ​ന്നി​ച്ചു​ചേ​ർ​ന്ന് സൃ​ഷ്ടി​ച്ച വി​മോ​ച​ന​യു​ക്തി​യു​ടെ സാ​മൂ​ഹി​ക​ത ഏ​റ്റ​വും കൂ​ടു​ത​ൽ പി​ടി​ച്ചു​ല​ച്ച​ത് സ​വ​ർ​ണ ജാ​തി​വി​ഭാ​ഗ​ങ്ങ​ളെ​യാ​യി​രു​ന്നു. ന​മ്പൂ​തി​രി​മാ​രും ശൂ​ദ്ര​നാ​യ​ന്മാ​രും ത​മ്മി​ലു​ണ്ടാ​ക്കി​യ കേ​ര​ള​ത്തി​ലെ ജാ​തീ​യ​ഘ​ട​നാ​ക്ക​രാ​ർ ജാ​തി​വി​രു​ദ്ധ​പോ​രാ​ട്ട​ത്തി​ന്റെ മു​ദ്ര​ക​ൾ പേ​റു​ന്ന ന​വീ​നാ​ശ​യ​ങ്ങ​ളു​ടെ ആ​ത്മീ​യ​ത​ക്കും രാ​ഷ്ട്രീ​യാ​വ​ബോ​ധ​ത്തി​നും മു​ന്നി​ൽ പി​ടി​ച്ചു​നി​ൽ​ക്കാ​ൻ ക​ഴി​യാ​തെ ആ​ടി​യു​ല​യാ​ൻ തു​ട​ങ്ങി.

ജാ​തി​ശ്രേ​ണീ​പ​ര​മാ​യ അ​ടി​ച്ച​മ​ർ​ത്ത​ലു​ക​ളു​ടെ അ​നേ​കം നൂ​റ്റാ​ണ്ടു​ക​ൾ സ​ഹി​ച്ചു​പോ​ന്ന, സാ​മൂ​ഹി​ക​മാ​യി പി​റ​കി​ൽ​നി​ന്നി​രു​ന്ന, കീ​ഴാ​ള​വി​ഭാ​ഗ​ങ്ങ​ളി​ൽ രൂ​പം​കൊ​ണ്ട പോ​രാ​ട്ട​വീ​ര്യം സ്വ​ന്തം ആ​ഭ്യ​ന്ത​ര​വ്യ​വ​സ്ഥ​യു​ടെ വൈ​കൃ​ത​ങ്ങ​ളും വൈ​രു​ധ്യ​ങ്ങ​ളും സ​വ​ർ​ണ​രെ ബോ​ധ്യ​പ്പെ​ടു​ത്താ​ൻ പ​ര്യാ​പ്ത​മാ​യി​രു​ന്നു.

അവർ പകർന്ന തിരിച്ചറിവുകൾ

സ്വ​ന്തം സ​മു​ദാ​യ​ങ്ങ​ളു​ടെ അ​നു​ഷ്ഠാ​ന​മേ​ന്മ​ക​ൾ യ​ഥാ​ർ​ഥ​ത്തി​ൽ നൂ​റ്റാ​ണ്ടു​ക​ളാ​യി​ട്ടും മാ​റാ​ത്ത അ​ഴു​ക്കും ജീ​ർ​ണ​ത​യു​മാ​ണെ​ന്ന തി​രി​ച്ച​റി​വാ​ണ് ഗു​രു​വും അ​യ്യ​ൻ​കാ​ളി​യും അ​വ​ർ​ക്കു ന​ൽ​കി​യ​ത്. ആ ​തി​രി​ച്ച​റി​വി​നോ​ട് പ്ര​തി​ക​രി​ക്കാ​ൻ കൂ​ട്ടാ​ക്കാ​തെ ഒ​രു വി​ഭാ​ഗം പ​ഴ​യ​വ്യ​വ​സ്ഥ​യു​ടെ മ​ര​ത്തൂ​ണു​ക​ളി​ൽ സ്വ​യം കെ​ട്ടി​യി​ട്ട​പ്പോ​ൾ പി. ​കൃ​ഷ്ണ​പി​ള്ള​യെ​യും കെ.​പി. കേ​ശ​വ​മേ​നോ​നെ​യും കെ. ​കേ​ള​പ്പ​നെ​യും എ.​കെ. ഗോ​പാ​ല​നെ​യും വി.​ടി. ഭ​ട്ട​തി​രി​പ്പാ​ടി​നെ​യും ഇ.​എം.​എ​സ്. ന​മ്പൂ​തി​രി​പ്പാ​ടി​നെ​യും​പോ​ലെ നി​ര​വ​ധി പേ​ർ പ​ഴ​യ ജ​ന്മി​ത്ത​ത്തി​ന്റെ പ്ര​ത്യ​യ​ശാ​സ്ത്ര​ത്തെ വി​മ​ർ​ശി​ക്കാ​നും പു​തി​യ ദ​ലി​ത് അ​വ​ബോ​ധ​ത്തി​നു മു​ന്നി​ൽ അ​തു ത​ങ്ങ​ളെ എ​ത്ര അ​പ​ഹാ​സ്യ​രാ​ക്കു​ന്നു​വെ​ന്ന് മ​ന​സ്സി​ലാ​ക്കാ​നും തു​ട​ങ്ങി.

ഗു​രു​വും അ​യ്യ​ൻ​കാ​ളി​യും ക​ട​ഞ്ഞ ച​രി​ത്ര​ത്തി​ൽ​നി​ന്ന് ഉ​രു​ത്തി​രി​ഞ്ഞു​വ​ന്ന പു​തി​യ ജ​നാ​ധി​പ​ത്യ രാ​ഷ്ട്രീ​യ​ത്തി​ന്റെ അ​മ​ര​ത്ത് ഈ ​പു​തി​യ സ​വ​ർ​ണ ഉ​ൽ​പ​തി​ഷ്ണു വി​ഭാ​ഗ​മാ​ണ് ക​ട​ന്നു​വ​ന്ന​ത്. പ​ക്ഷേ, അം​ബേ​ദ്‌​ക​റി​സ്റ്റ് വീ​ക്ഷ​ണ​ത്തി​ന്റെ​യോ അ​യ്യ​ൻ​കാ​ളി​യു​ടെ​ത​ന്നെ​യോ വി​പ്ല​വാ​ത്മ​ക കാ​ഴ്ച​പ്പാ​ട് അ​വ​ർ പൂ​ർ​ണ​മാ​യും ഉ​ൾ​ക്കൊ​ണ്ടി​രു​ന്നി​ല്ല.

ഇ​തി​നു കാ​ര​ണം, കോ​ൺ​ഗ്ര​സും ഗാ​ന്ധി​യും മു​ന്നോ​ട്ടു​വെ​ച്ച കൊ​ളോ​ണി​യ​ൽ വി​രു​ദ്ധ സ​മ​ര​ത്തി​ന്റെ പ​ശ്ചാ​ത്ത​ല​മാ​യി​രു​ന്നു അ​വ​രു​ടെ പ്ര​ധാ​ന പ്ര​ചോ​ദ​ന​മാ​യി വ​ർ​ത്തി​ച്ച​ത് എ​ന്ന​താ​യി​രു​ന്നു. ഈ​ഴ​വ​രും ന്യൂ​ന​പ​ക്ഷ​വും ദ​ലി​ത് സ​മു​ദാ​യ​ങ്ങ​ളും പ​ക്ഷേ വ്യ​ത്യ​സ്ത​മാ​യ ഒ​രു ആ​ത്മീ​യ-​രാ​ഷ്ട്രീ​യ പാ​ത​യാ​ണ് പി​ന്തു​ട​ർ​ന്ന​ത്.

ക്ഷേ​ത്ര​പ്ര​വേ​ശ​നം​പോ​ലു​ള്ള അ​ജ​ണ്ട​ക​ൾ അ​ന്ന​ത്തെ സാ​ഹ​ച​ര്യ​ത്തി​ൽ വ​ള​രെ പ്ര​ധാ​ന​മാ​യി​രു​ന്ന​പ്പോ​ൾ​പോ​ലും ദ​ലി​ത്-​കീ​ഴാ​ള രാ​ഷ്ട്രീ​യ​ത്തി​ന്റെ സ്വ​കീ​യ​മാ​യ പ​രി​ഗ​ണ​ന​ക​ളി​ൽ അ​തി​നു മു​ഖ്യ​മാ​യ സ്ഥാ​ന​മു​ണ്ടാ​യി​രു​ന്നി​ല്ല എ​ന്ന​താ​ണ് യാ​ഥാ​ർ​ഥ്യം. വൈ​ക്കം സ​ത്യ​ഗ്ര​ഹ​ത്തെ​ക്കാ​ൾ പ്രാ​ധാ​ന്യം ശ്രീ​മൂ​ലം അ​സം​ബ്ലി​യി​ലെ പ്രാ​തി​നി​ധ്യ​ത്തി​നു​ണ്ടെ​ന്ന ബോ​ധ്യ​ത്തി​ൽ​നി​ന്നാ​ണ് അ​ക്കാ​ല​ത്ത് നി​വ​ർ​ത്ത​ന​പ്ര​ക്ഷോ​ഭം ഈ​ഴ​വ-​മു​സ്‌​ലിം-​ക്രൈ​സ്ത​വ സം​ഘ​ട​ന​ക​ൾ സം​യു​ക്ത​മാ​യി ആ​രം​ഭി​ക്കു​ന്ന​ത്.

ജാതിയുടെ പു​നഃ​പ്ര​തി​ഷ്ഠ

ക്ഷേ​ത്ര​പ്ര​വേ​ശ​ന​സ​മ​ര​ങ്ങ​ളു​ടെ കാ​ര്യ​ത്തി​ൽ ച​രി​ത്ര​പ​ര​മാ​യി ശ്ര​ദ്ധി​ക്കേ​ണ്ട ഒ​രു വ​സ്തു​ത​യു​ണ്ട്. മ​ത​പ​രി​വ​ർ​ത്ത​ന​ത്തി​ന്റെ ജ​ന​സം​ഖ്യാ​പ​ര​മാ​യ ‘പോ​സ്റ്റ് കൊ​ളോ​ണി​യ​ൽ​ഭീ​തി’​ക​ളാ​ൽ ആ​വേ​ശി​ത​രാ​യ സ​വ​ർ​ണ​നേ​തൃ​ത്വം അ​തി​ന്റെ വി​ഭാ​ഗീ​യ​മാ​യ മ​ത​താ​ൽ​പ​ര്യ​ങ്ങ​ളെ കോ​ൺ​ഗ്ര​സി​ന്റെ രാ​ഷ്ട്രീ​യ​വു​മാ​യി കോ​ർ​ത്തി​ണ​ക്കു​ന്ന സാ​ഹ​ച​ര്യം പ​ല​പ്പോ​ഴും ഈ ​സ​മ​ര​ങ്ങ​ളു​ടെ പ്രേ​ര​ക​ശ​ക്തി​യാ​യി​രു​ന്നു.

ഇ​ത് തി​രി​ച്ച​റി​ഞ്ഞ ദ​ലി​ത്-​കീ​ഴാ​ള രാ​ഷ്ട്രീ​യ​ത്തെ സം​ബ​ന്ധി​ച്ചി​ട​ത്തോ​ളം ഹി​ന്ദു​മ​തം കേ​വ​ലം പ​രി​ഷ്ക​ര​ണ​വി​ധേ​യ​മ​ല്ലാ​ത്ത ആ​ന്ത​രി​ക​യു​ക്തി​യാ​ൽ പ​രി​മി​ത​പ്പെ​ട്ട ഒ​രു അ​ധീ​ശ​വ്യ​വ​ഹാ​രം മാ​ത്ര​മാ​യി​രു​ന്നു. ബു​ദ്ധ​മ​തം, ഇ​സ്‌​ലാം, ക്രി​സ്തു​മ​തം, സി​ഖ് മ​തം തു​ട​ങ്ങി​യ ബ​ദ​ൽ മ​ത​ദാ​ർ​ശ​നി​ക​ത​ക​ൾ പ​ഠി​ക്കാ​നും ഉ​ൾ​ക്കൊ​ള്ളാ​നും പി​ന്തു​ട​രാ​നും അ​വ​രി​ൽ പ​ല​രും ത​യാ​റാ​യി​രു​ന്നു. എ​ന്നാ​ൽ, ഇ​താ​വ​ട്ടെ കോ​ൺ​ഗ്ര​സി​ലെ സ​വ​ർ​ണ​ധാ​ര ഒ​രി​ക്ക​ലും അം​ഗീ​ക​രി​ച്ചി​രു​ന്നി​ല്ല.

അ​വ​രു​ടെ അ​ജ​ണ്ട​യി​ൽ മ​ത​പ​രി​ഷ്ക​ര​ണ​മെ​ന്ന​ത് ജാ​തി​യെ നി​ല​നി​ർ​ത്തി​ക്കൊ​ണ്ടു​ത​ന്നെ ന​ട​പ്പാ​ക്കാ​ൻ ക​ഴി​യു​ന്ന ഒ​രു പ​ദ്ധ​തി​യാ​യി മാ​റി. ജാ​തി​യു​ടെ പൊ​തു​മ​ണ്ഡ​ല​ത്തി​ലെ ദൃ​ശ്യ​ത​ക​ളെ, ഉ​പ​രി​പ്ല​വ​മാ​യ അ​ട​യാ​ള​ങ്ങ​ളെ ഇ​ല്ലാ​താ​ക്കു​ക​യും കൂ​ടു​ത​ൽ അ​മൂ​ർ​ത്ത​മാ​യ സൂ​ക്ഷ്മ​ത​ല​ത്തി​ൽ ജാ​തി​യെ മ​നഃ​ശാ​സ്ത്ര​പ​ര​മാ​യി പു​നഃ​പ്ര​തി​ഷ്ഠി​ക്കു​ക​യും ചെ​യ്യു​ന്ന​തി​ന്റെ പു​തി​യ വ​ർ​ണ​യു​ക്തി​യാ​ണ് ഇ​തി​ലൂ​ടെ ഉ​ദ്ഘാ​ട​നം ചെ​യ്യ​പ്പെ​ട്ട​ത്.

എ​ന്നാ​ൽ, ക്ഷേ​ത്ര​പ്ര​വേ​ശ​ന​സ​മ​ര​ങ്ങ​ൾ ഹി​ന്ദു​മ​ത പു​ന​രു​ദ്ധാ​ര​ണ​ത്തി​ന്റെ പൊ​തു​യു​ക്തി​യി​ൽ മാ​ത്രം ഒ​തു​ങ്ങി​നി​ൽ​ക്കു​ന്ന​വ​യാ​യി​രു​ന്നി​ല്ല. അം​ബേ​ദ്‌​ക​ർ വൈ​ക്കം സ​ത്യ​ഗ്ര​ഹ​ത്തോ​ടു​ള്ള (1924) ഗാ​ന്ധി​യു​ടെ സ​മീ​പ​ന​ത്തെ വി​ശ​ക​ല​നം​ചെ​യ്യു​മ്പോ​ൾ പ​റ​യു​ന്ന​ത് അ​ത് കോ​ൺ​ഗ്ര​സി​ന്റെ നേ​തൃ​ത്വ​ത്തി​ൽ ഉ​ള്ള​താ​യ​തു​കൊ​ണ്ടാ​ണ് അ​ദ്ദേ​ഹം പി​ന്തു​ണ​ക്കു​ന്ന​ത് എ​ന്നും മ​ഹ​ദി​ലെ ജ​ല-​വി​ഭ​വാ​വ​കാ​ശ​സ​മ​ര​ത്തോ​ടും നാ​സി​ക്കി​ലെ ക്ഷേ​ത്ര​പ്ര​വേ​ശ​ന​സ​മ​ര​ത്തോ​ടും അ​ദ്ദേ​ഹ​ത്തി​ന്റെ നി​ല​പാ​ട് ഇ​ത​ല്ലാ​ത്ത​ത് അ​വ​യു​ടെ നേ​തൃ​ത്വം ദ​ലി​ത് സം​ഘ​ട​ന​ക​ൾ​ക്കാ​യ​തു​കൊ​ണ്ടാ​ണ് എ​ന്നു​മാ​യി​രു​ന്നു.

ഈ ​വേ​ർ​തി​രി​വ് അ​ക്കാ​ല​ത്ത് കേ​ര​ള​ത്തി​ലും പ്ര​ക​ട​മാ​യി​രു​ന്നു. സ്വ​ത​ന്ത്ര​മാ​യ കീ​ഴാ​ള സ്വാ​ധി​കാ​ര​സ​മ​ര​ങ്ങ​ളെ ഉ​ൾ​ക്കൊ​ള്ളാ​ൻ വി​സ​മ്മ​തി​ക്കു​ക​യും എ​ന്നാ​ൽ സ​വ​ർ​ണ മു​ൻ​കൈ​യി​ലു​ള്ള പ​രി​ലാ​ള​ന-​ര​ക്ഷാ​ധി​കാ​രി സ​മ​ര​ങ്ങ​ളെ ഉ​ദാ​ത്ത​വ​ത്ക​രി​ക്കു​ക​യും ചെ​യ്യു​ക എ​ന്ന​ത് ഒ​രു പൊ​തു​രീ​തി​യാ​യി മാ​റി.

അ​തു​കൊ​ണ്ടു​ത​ന്നെ അ​ധി​കാ​ര​ത്തി​ൽ പ​ങ്കു​തേ​ടി​യു​ള്ള കീ​ഴാ​ള-​ന്യൂ​ന​പ​ക്ഷ നേ​തൃ​ത്വ​ത്തി​ലു​ള്ള നി​വ​ർ​ത്ത​ന പ്ര​ക്ഷോ​ഭ​ത്തെ ന​ഖ​ശി​ഖാ​ന്തം എ​തി​ർ​ക്കു​മ്പോ​ൾ​ത​ന്നെ വൈ​ക്കം സ​ത്യ​ഗ്ര​ഹ​ജാ​ഥ ന​ട​ത്താ​ൻ മ​ന്ന​ത്തി​നും എ​ൻ.​എ​സ്.​എ​സി​നും മ​ടി​യോ ത​ട​സ്സ​മോ ഉ​ണ്ടാ​യി​രു​ന്നി​ല്ല.

മറക്കപ്പെട്ട പോരാളികൾ

വൈ​ക്കം ക്ഷേ​ത്ര​വു​മാ​യി ബ​ന്ധ​പ്പെ​ട്ട ആ​ദ്യ​ത്തെ ‘ക്ഷേ​ത്ര​പ്ര​വേ​ശ​ന സ​മ​രം’ 1806ൽ ​ക്ഷേ​ത്ര​ത്തി​നു മു​ന്നി​ലു​ള്ള പാ​ത​യി​ലൂ​ടെ സ​ഞ്ച​രി​ക്കാ​നും ക്ഷേ​ത്ര​ത്തി​ൽ പ്ര​വേ​ശി​ക്കാ​നു​മു​ള്ള അ​വ​കാ​ശ​ത്തി​നു​വേ​ണ്ടി ഈ​ഴ​വ​ർ ന​ട​ത്തി​യ സ​മ​ര​മാ​യി​രു​ന്നു. ആ ​സ​മ​ര​ത്തി​ൽ പ​ങ്കെ​ടു​ത്ത നൂ​റു​ക​ണ​ക്കി​ന് സ​ത്യ​ഗ്ര​ഹി​ക​ളെ വേ​ലു​ത്ത​മ്പി ദ​ള​വ​യു​ടെ നി​ർ​ദേ​ശ​പ്ര​കാ​രം വൈ​ക്കം പ​ത്മ​നാ​ഭ​പി​ള്ള​യെ​ന്ന കൂ​ലി​പ്പ​ട്ടാ​ള​ക്കാ​ര​ന്റെ നേ​തൃ​ത്വ​ത്തി​ൽ കൂ​ട്ട​ക്കൊ​ല ചെ​യ്യു​ക​യും ക്ഷേ​ത്ര​ത്തി​ന​ടു​ത്തു​ണ്ടാ​യി​രു​ന്ന പൊ​തു​കു​ള​ത്തി​ൽ കൂ​ട്ടി​യി​ട്ടു മൂ​ടു​ക​യു​മാ​ണു​ണ്ടാ​യ​ത്.

ദ​ള​വാ​ക്കു​ളം എ​ന്ന​റി​യ​പ്പെ​ടു​ന്ന ആ ​സ്ഥ​ലം ഇ​ന്ന് പ്രൈ​വ​റ്റ് ബ​സ് സ്റ്റാ​ൻ​ഡാ​യി ഉ​പ​യോ​ഗി​ക്കു​ന്നു. ഉ​ചി​ത​മാ​യ ഒ​രു സ്മാ​ര​ക​വും സ്മ​ര​ണ​യും ആ ​പോ​രാ​ളി​ക​ൾ​ക്കു​വേ​ണ്ടി ഇ​തു​വ​രെ​യും ഉ​ണ്ടാ​യി​ട്ടി​ല്ല.

ദ​ള​വാ​ക്കു​ളം കൂ​ട്ട​ക്കൊ​ല​യോ​ടു​ള്ള ന​മ്മു​ടെ സ​മീ​പ​നം ഇ​ത്ത​ര​ത്തി​ൽ നി​ന്ദാ​പ​ര​മാ​യി​രി​ക്കെ​ത്ത​ന്നെ വൈ​ക്കം സ​ത്യ​ഗ്ര​ഹ​സ​മ​ര​കാ​ല​ത്ത് അ​നു​ര​ഞ്ജ​ന​ത്തി​നു വ​ന്ന ഗാ​ന്ധി​യെ ഉ​ള്ളി​ലേ​ക്ക് ക​ട​ത്താ​തെ വ​രാ​ന്ത​യി​ൽ ഇ​രു​ത്തി​യ​വ​രു​ടെ ഇ​ണ്ട​ൻ​തു​രു​ത്തി​മ​ന എ.​ഐ.​ടി.​യു.​സി ഓ​ഫി​സാ​യ​തി​ൽ നാം ​അ​ഭി​മാ​നം​കൊ​ള്ളു​ക​യും ചെ​യ്യു​ന്നു. സ​വ​ർ​ണ​ര​ക്ഷാ​ധി​കാ​ര സ​ങ്ക​ൽ​പ​ത്തി​ൽ​നി​ന്നു പു​റ​ത്തു​ക​ട​ക്കാ​നു​ള്ള ശൂ​ദ്ര​രാ​ഷ്ട്രീ​യ​ത്തി​ന്റെ വൈ​മ​ന​സ്യ​ത്തി​ന്റെ മ​റ്റൊ​രു രൂ​പ​മാ​ണി​ത് എ​ന്ന കാ​ര്യം പ​റ​യാ​തെ വ​യ്യ.

എ​ന്നാ​ൽ, ഗു​രു​വി​ന്റെ​യും ഗാ​ന്ധി​യു​ടെ​യും പി​ന്തു​ണ വൈ​ക്കം സ​ത്യ​ഗ്ര​ഹ​ത്തി​ന് ഉ​ണ്ടാ​യി​രു​ന്നു എ​ന്ന​ത് വ​ള​രെ പ്ര​ധാ​ന​മാ​ണ്. ഗാ​ന്ധി​യു​ടെ പി​ന്തു​ണ​യാ​ണ് സ​മ​ര​ത്തെ ദേ​ശീ​യ​ത​ല​ത്തി​ൽ ശ്ര​ദ്ധാ​കേ​ന്ദ്ര​മാ​ക്കി​യ​ത്. പ​ക്ഷേ, അ​ത് സ​മ​ര​ത്തി​ന്റെ റി​മോ​ട്ട് നി​യ​ന്ത്ര​ണം ഏ​റ്റെ​ടു​ക്കു​ന്ന ത​ര​ത്തി​ലാ​യി​രു​ന്നു​വെ​ന്ന​ത് അ​ദ്ദേ​ഹ​ത്തി​ന്റെ പി​ന്തു​ണ​ക​ളു​ടെ ഒ​രു പൊ​തു​രീ​തി​യാ​യി​രു​ന്നു.

ആ​ര് സ​മ​ര​ത്തി​ൽ പ​ങ്കെ​ടു​ക്ക​ണം, പ​ങ്കെ​ടു​ക്കേ​ണ്ട എ​ന്നു​പോ​ലും ഗാ​ന്ധി തീ​രു​മാ​നി​ക്കു​ന്ന സ്ഥി​തി അ​ന്ന​ത്തെ ഇ​ന്ത്യ​ൻ രാ​ഷ്ട്രീ​യ​ത്തി​ലെ അ​ദ്ദേ​ഹ​ത്തി​ന്റെ പൊ​തു​നി​ല​പാ​ടു​ക​ളു​ടെ പ​ശ്ചാ​ത്ത​ല​ത്തി​ൽ അ​സാ​ധാ​ര​ണ​മാ​യി​രു​ന്നി​ല്ല. ജോ​ർ​ജ് ജോ​സ​ഫി​നെ​യും അ​കാ​ലി​ക​ളെ​യു​മൊ​ക്കെ സ​മ​ര​രം​ഗ​ത്തു​നി​ന്ന് മാ​റ്റി​നി​ർ​ത്തി​യ ഗാ​ന്ധി​യു​ടെ കൈ​യി​ൽ​ത്ത​ന്നെ​യാ​യി​രു​ന്നു ഒ​ര​ർ​ഥ​ത്തി​ൽ എ​ല്ലാ​യ്പോ​ഴും സ​മ​ര​ത്തി​ന്റെ ചു​ക്കാ​ൻ.

ഗു​രു​വാ​ക​ട്ടെ, സ​മ​ര​ത്തെ അ​തി​ന്റെ സ്വാ​ഭാ​വി​ക വി​കാ​സ​ത്തി​ന് വി​ട്ടു​കൊ​ടു​ക്ക​ണ​മെ​ന്ന അ​ഭി​പ്രാ​യ​മാ​ണ് വെ​ച്ചു​പു​ല​ർ​ത്തി​യ​ത്. അ​ദ്ദേ​ഹം ധ​ന​പ​ര​മാ​യി സം​ഭാ​വ​ന ചെ​യ്തു, വൈ​ക്ക​ത്തെ സ്വ​ന്തം ആ​ശ്ര​മം സ​ത്യ​ഗ്ര​ഹി​ക​ൾ​ക്കാ​യി വി​ട്ടു​കൊ​ടു​ത്തു, സ​മ​രം കൂ​ടു​ത​ൽ ഭ​ര​ണ​കൂ​ട​വി​രു​ദ്ധ​വും സം​ഘ​ർ​ഷാ​ത്മ​ക​വു​മാ​യ​പ്പോ​ൾ ആ ​വ​ഴി തെ​റ്റ​ല്ലെ​ന്ന ആ​ത്മ​വി​ശ്വാ​സം പ​ക​ർ​ന്നു​ന​ൽ​കി.

നേ​രി​ട്ട് സ​മ​ര​ഭൂ​മി​യി​ൽ വ​ന്ന​പ്പോ​ഴും പ്രാ​ർ​ഥ​ന​യ​ല്ലാ​തെ ത​ന്റേ​താ​യ യാ​തൊ​രു അ​ജ​ണ്ട​ക​ളും അ​ദ്ദേ​ഹം മു​ന്നോ​ട്ടു​വെ​ച്ചി​ല്ല. പ​ക്ഷേ, ഈ ​ര​ണ്ടു പി​ന്തു​ണ​ക​ളും സ​മ​ര​ത്തി​നു ന​ൽ​കി​യ ധാ​ർ​മി​കോ​ർ​ജം കേ​ര​ള​ത്തെ സം​ബ​ന്ധി​ച്ചി​ട​ത്തോ​ളം ദീ​ർ​ഘ​കാ​ലം സ​വ​ർ​ണ​രാ​ഷ്ട്രീ​യ​ത്തി​നു​ള്ളി​ലെ പു​ന​ർ​വി​ചാ​ര​ങ്ങ​ൾ​ക്കു പ്ര​ചോ​ദ​ന​മാ​യി എ​ന്ന​താ​ണ് പ്ര​ധാ​ന​മാ​യി​ട്ടു​ള്ള​ത്.

വൈ​ക്കം സ​ത്യ​ഗ്ര​ഹം അ​ങ്ങ​നെ വ​ള​രെ വേ​ഗം അ​തി​നെ​ക്കാ​ളേ​റെ പ​ഴ​ക്ക​മു​ള്ള ജാ​തി​വി​രു​ദ്ധ ജ്ഞാ​ന​രാ​ഷ്ട്രീ​യ പാ​ര​മ്പ​ര്യ​ത്തി​ന്റെ പ്ര​തീ​ക​മാ​യി മ​ന​സ്സി​ലാ​ക്ക​പ്പെ​ടാ​ൻ തു​ട​ങ്ങി. പി​ന്നീ​ട് ഗു​രു​വാ​യൂ​ർ സ​ത്യ​ഗ്ര​ഹ​ത്തെ​പ്പോ​ലെ (1931-32), സ​വ​ർ​ണ​ർ​ക്കി​ട​യി​ൽ ഒ​രു വ​ലി​യ വി​ഭാ​ഗ​ത്തെ കോ​ൺ​ഗ്ര​സി​ലേ​ക്കും പി​ന്നീ​ട് ക​മ്യൂ​ണി​സ്റ്റ് പാ​ർ​ട്ടി​യി​ലേ​ക്കും കൊ​ണ്ടു​വ​രു​ന്ന​തി​ൽ വൈ​ക്കം സ​ത്യ​ഗ്ര​ഹ​ത്തി​ന്റെ ഈ ​പ്ര​തീ​ക​മൂ​ല്യം വ​ഹി​ച്ച പ​ങ്ക് വ​ള​രെ വ​ലു​താ​ണ്.

സ​വ​ർ​ണ രാ​ഷ്ട്രീ​യ​ത്തി​ന്റെ ആ​ന്ത​രി​ക​യു​ക്തി​യി​ലും അ​തു​വ​ഴി കേ​ര​ള​ത്തി​ന്റെ പൊ​തു​ജ​നാ​ധി​പ​ത്യ​ബോ​ധ​ത്തി​ലും ഈ ​സ​മ​രം സൃ​ഷ്ടി​ച്ച പ​രി​വ​ർ​ത്ത​നം അ​തു​കൊ​ണ്ടു​ത​ന്നെ ജ​നാ​ധി​പ​ത്യ കേ​ര​ള​നി​ർ​മി​തി​യെ സം​ബ​ന്ധി​ച്ചി​ട​ത്തോ​ളം സു​പ്ര​ധാ​ന​മാ​യി​രു​ന്നു എ​ന്ന​താ​ണ് സ​മ​ര​ത്തി​ന്റെ നൂ​റാം വാ​ർ​ഷി​കം ക​ട​ന്നു​വ​രു​ന്ന ഈ ​സ​ന്ദ​ർ​ഭ​ത്തി​ൽ നാം ​ഓ​ർ​മി​ക്കേ​ണ്ട​ത്.