ഭി​ന്ന​ശേ​ഷി സൗ​ഹൃ​ദ​മോ കേ​ര​ളം?

കേരളം ഭിന്നശേഷി സൗഹൃദ സുന്ദര നാടെന്ന് എഴുതിയും പറഞ്ഞും നാം ഏറെ മുന്നോട്ടുപോയിരിക്കുന്നു! എന്നാൽ, അവരുടെ ജീവിതങ്ങളിലേക്ക് അന്വേഷിച്ചിറങ്ങുമ്പോൾ കഠിനമാണ് കാര്യങ്ങൾ.. ഭി​ന്ന​ശേ​ഷി നി​യ​മ​ങ്ങ​ൾ​ക്കും നി​ർ​ദേ​ശ​ങ്ങ​ൾ​ക്കും വി​ല​യി​ല്ലാ​ത്ത കാ​ഴ്ച കേ​ര​ള​ത്തി​ലെ​വി​ടെ​യും കാ​ണാം. 

മ​നു​ഷ്യ​ജീ​വി​ത​ത്തി​ൽ ആ​ർ​ക്കും സം​ഭ​വി​ക്കാ​വു​ന്ന, ജ​ന്മ​നാ​ലോ, അ​ല്ലെ​ങ്കി​ൽ ജീ​വി​ത​ത്തി​ന്റെ ഏ​തെ​ങ്കി​ലും ഘ​ട്ട​ത്തി​ലോ ക​ട​ന്നു​വ​രു​ന്ന വൈ​ക​ല്യ​ങ്ങ​ളെ സ​ഹാ​നു​ഭൂ​തി​യോ​ടെ മ​ന​സ്സി​ലാ​ക്കി, ആ ​അ​വ​സ്ഥ​യി​ൽ ജീ​വി​ക്കു​ന്ന​വ​രെ സ​മൂ​ഹ​ത്തി​ന്റെ ഭാ​ഗ​മാ​യി ഉ​ൾ​ക്കൊ​ള്ളാ​ൻ നാം ​ഇ​നി​യും ഏ​റെ സ​ഞ്ച​രി​ക്കാ​നു​ണ്ട് എ​ന്ന് ‘ലോ​ക ഭി​ന്ന​ശേ​ഷി ദി​നം’ ന​മ്മെ ഓ​ർ​മി​പ്പി​ക്കു​ന്നു. ഓ​രോ മ​നു​ഷ്യ​ജീ​വി​യി​ലും ജ​ന്മം കൊ​ണ്ട് വ​ന്നു​ചേ​രു​ന്ന, അ​ടി​സ്ഥാ​ന മ​നു​ഷ്യാ​വ​കാ​ശം എ​ന്ന മ​ഹ​ത്താ​യ ആ​ശ​യ​ത്തെ അ​വ​ഗ​ണി​ക്കു​ന്ന സ​മീ​പ​ന​മാ​ണ് പ​ല​പ്പോ​ഴും ഭി​ന്ന​ശേ​ഷി വി​ഷ​യ​ത്തി​ൽ സ​മൂ​ഹ​വും ഭ​ര​ണ​കൂ​ട​വും പി​ന്തു​ട​രു​ന്ന​ത്. 

എ​ന്തു​കൊ​ണ്ട് ഭി​ന്ന​ശേ​ഷി അ​വ​കാ​ശ​നി​യ​മം

2006 ൽ ​ഐ​ക്യ​രാ​ഷ്ട്ര സ​ഭ, ഭി​ന്ന​ശേ​ഷി​ക്കാ​രു​ടെ അ​വ​കാ​ശ സം​ര​ക്ഷ​ണ​ത്തി​നാ​യി സം​ഘ​ടി​പ്പി​ച്ച അ​ന്താ​രാ​ഷ്ട്ര ഉ​ട​മ്പ​ടി അം​ഗീ​ക​രി​ച്ച് 2007-ൽ ​ഇ​ന്ത്യ​ൻ പാ​ർ​ല​മെ​ന്റ് പാ​സാ​ക്കി​യ​താ​ണ് വി​ക​ലാം​ഗ​രു​ടെ അ​വ​കാ​ശ​നി​യം (RPWD ACT 2016). 2016 ലെ ​നി​യ​മം ന​ട​പ്പി​ലാ​ക്കാ​ൻ സ​ർ​ക്കാ​ർ തീ​രു​മാ​നി​ച്ച​തി​ന് കാ​ര​ണം, 1995 ലെ RPWD ACT ​സ​ർ​ക്കാ​ർ ഉ​ദ്യോ​ഗ​സ്ഥ​രും പൊ​തു​ജ​ന​ങ്ങ​ളും ഫ​ല​പ്ര​ദ​മാ​യി പി​ന്തു​ട​രാ​തി​രു​ന്ന​തി​നാ​ലാ​ണ്. ഈ ​നി​യ​മ​ത്തി​ൽ ഭി​ന്ന​ശേ​ഷി​ക്കാ​ർ​ക്കാ​യു​ള്ള അ​വ​കാ​ശ​ങ്ങ​ളെ​ക്കു​റി​ച്ച് പ്ര​തി​പാ​ദി​ക്കു​ന്നു​ണ്ട്. ഭി​ന്ന​ശേ​ഷി​ക്കാ​രു​ടെ പ്ര​ത്യേ​ക അ​വ​കാ​ശ​ങ്ങ​ളു​ടെ ഭാ​ഗ​മാ​ണ് ഭി​ന്ന​ശേ​ഷി സൗ​ഹൃ​ദ സാ​മൂ​ഹി​ക ജീ​വി​തം അ​വ​ർ​ക്കാ​യി ഒ​രു​ക്കി​ക്കൊ​ടു​ക്കു​ക എ​ന്നു​ള്ള​ത്. അ​ത് കേ​വ​ലം ഭൗ​തി​ക​മാ​യ സൗ​ക​ര്യ​ങ്ങ​ളി​ൽ മാ​ത്രം ഒ​തു​ങ്ങു​ന്ന​ത​ല്ല. ഒ​രു മ​നു​ഷ്യ​ന്റെ ഇ​ട​പെ​ട​ലു​ക​ളി​ൽ സ്വാ​ധീ​നം ചെ​ലു​ത്താ​ൻ സാ​ധ്യ​മാ​കു​ന്ന എ​ല്ലാ ത​ല​ങ്ങ​ളും ഭി​ന്ന​ശേ​ഷി സൗ​ഹൃ​ദ​മാ​വേ​ണ്ട​താ​ണ്.

കേ​ര​ള​ത്തി​ലെ ‘സൗ​ഹൃ​ദ’ കാ​ഴ്ച​ക​ൾ

ഭി​ന്ന​ശേ​ഷി ദി​നാ​ച​ര​ണം പൊ​തു​ജ​ന​ങ്ങ​ളി​ൽ ഭി​ന്ന​ശേ​ഷി അ​നു​കൂ​ല മ​നോ​ഭാ​വം വ​ള​ർ​ത്തി​യെ​ടു​ക്കാ​ൻ സ​ഹാ​യ​ക​മാ​വു​മെ​ങ്കി​ലും അ​വ​ർ​ക്ക് സ​മൂ​ഹ​ത്തി​ന്റെ എ​ല്ലാ തു​റ​ക​ളി​ലേ​ക്കു​മു​ള്ള പ്ര​വേ​ശ​നം ഉ​റ​പ്പു​വ​രു​ത്തു​ന്ന പ്ര​വ​ർ​ത്ത​ന​ങ്ങ​ൾ ഇ​നി​യും ഉ​ണ്ടാ​വേ​ണ്ട​തു​ണ്ട്. കൃ​ത്യ​മാ​യ മാ​ർ​ഗ നി​ർ​ദേ​ശ​മു​ണ്ടാ​യി​ട്ടും ന​ട​പ്പാ​ക്കു​ന്ന​തി​ൽ സ​ർ​ക്കാ​റു​ക​ൾ ഇ​ന്നും വീ​ഴ്ച​വ​രു​ത്തു​ന്നു. ഇ​തി​ലൊ​രു വി​പ്ല​വ​ക​ര​മാ​യ വീ​ണ്ടു​വി​ചാ​രം ഉ​ണ്ടാ​യി​ട്ടി​ല്ലെ​ങ്കി​ൽ കൂ​ടു​ത​ൽ അ​രി​കു​വ​ത്ക​രി​ക്ക​പ്പെ​ട്ട്, ഭി​ന്ന​ശേ​ഷി​ക്കാ​ർ മു​ഖ്യ​ധാ​ര​യി​ൽ​നി​ന്ന് അ​പ്ര​ത്യ​ക്ഷ​മാ​കു​ന്ന കാ​ഴ്ച വി​ദൂ​ര​മ​ല്ല. സാ​​ങ്കേ​തി​ക​വി​ദ്യ ഇ​ത്ര​യ​ധി​കം വി​ക​സി​ച്ച ഇ​ന്ന​ത്തെ കാ​ല​ഘ​ട്ട​ത്തി​ൽ, ഭി​ന്ന​ശേ​ഷി സൗ​ഹൃ​ദ​മാ​യ നി​ർ​മാ​ണ​ങ്ങ​ൾ ഉ​റ​പ്പു​വ​രു​ത്താ​നും മ​റ്റു സേ​വ​ന​ങ്ങ​ളി​ൽ അ​വ​ർ​ക്കു​കൂ​ടി പ്ര​വേ​ശ​നം ല​ഭി​ക്കു​ന്ന​തി​നും വ​ള​രെ എ​ളു​പ്പ​വു​മാ​ണ്. എ​ന്നി​ട്ടും പ​ല സ​ർ​ക്കാ​ർ സ്ഥാ​പ​ന​ങ്ങ​ളി​ലും ഭി​ന്ന​ശേ​ഷി സൗ​ഹൃ​ദ സം​വി​ധാ​ന​ങ്ങ​ൾ ശൈ​ശ​വ ദ​ശ​യി​ലോ തീ​ർ​ത്തും ഇ​ല്ലാ​ത്ത​വി​ധ​മോ ആ​ണ്.

സ​ർ​ക്കാ​ർ ഓ​ഫി​സു​ക​ൾ

ഭി​ന്ന​ശേ​ഷി​ക്കാ​ർ​ക്കാ​യു​ള്ള വി​വി​ധ സ​ർ​ക്കാ​ർ​ത​ല പ​ദ്ധ​തി​ക​ളും പ്രോ​ഗ്രാ​മു​ക​ളും കൃ​ത്യ​മാ​യി ല​ഭി​ക്കു​ന്ന​തി​നും മ​റ്റു നി​ര​വ​ധി സ​ർ​ക്കാ​ർ സേ​വ​ന​ങ്ങ​ൾ​ക്കു​മാ​യി ഓ​ഫി​സു​ക​ളെ ആ​ശ്ര​യി​ക്കേ​ണ്ട​വ​രാ​ണ് ഭി​ന്ന​ശേ​ഷി വി​ഭാ​ഗ​ക്കാ​ർ. മാ​ത്ര​വു​മ​ല്ല, അ​വ​ർ​ക്ക​ർ​ഹ​മാ​യ സം​വ​ര​ണ സം​വി​ധാ​ന​ത്തി​ലൂ​ടെ ജോ​ലി​ക്ക് അ​ർ​ഹ​രാ​വു​ന്ന​വ​രു​മു​ണ്ട്. എ​ന്നാ​ൽ, ഭി​ന്ന​ശേ​ഷി വി​ഭാ​ഗ​ക്കാ​ർ​ക്ക് അ​പ്രാ​പ്യ​മാ​യ നി​ർ​മാ​ണ​രീ​തി​യി​ൽ​ത​ന്നെ തു​ട​ർ​ന്ന്, സേ​വ​ന സ​ന്ന​ദ്ധ​ത വി​ളം​ബ​രം ചെ​യ്യു​ന്ന വി​രോ​ധാ​ഭാ​സ​മാ​ണ് ഒ​ട്ടു​മി​ക്ക പ​ഞ്ചാ​യ​ത്ത് ഓ​ഫി​സു​ക​ളി​ലും വി​ല്ലേ​ജ് ഓ​ഫി​സു​ക​ളി​ലും മ​റ്റ​നേ​കം സ​ർ​ക്കാ​ർ കെ​ട്ടി​ട​ങ്ങ​ളി​ലും കാ​ണു​ന്ന​ത്. നി​ർ​മാ​ണ​ത്തി​ൽ ശ്ര​ദ്ധി​ക്കേ​ണ്ട കാ​ര്യ​ങ്ങ​ളി​ൽ കൃ​ത്യ​മാ​യ മാ​ർ​ഗ​നി​ർ​ദേ​ശ​ങ്ങ​ൾ ല​ഭി​ച്ചി​ട്ടും അ​വ​യെ​ല്ലാം വി​സ്മ​രി​ച്ച് ത​ങ്ങ​ളു​ടേ​താ​യ നി​യ​മ​ങ്ങ​ൾ ന​ട​പ്പി​ലാ​ക്കു​ന്ന രീ​തി​യാ​ണ് മി​ക്ക സ​ർ​ക്കാ​ർ ഓ​ഫി​സു​ക​ളി​ലും ദൃ​ശ്യ​മാ​വു​ന്ന​ത്. സ​ർ​ക്കാ​ർ ജോ​ലി​ക്കാ​വ​ശ്യ​മാ​യ യോ​ഗ്യ​ത​യു​ള്ള പ​ല ഭി​ന്ന​ശേ​ഷി​ക്കാ​രും ത​ങ്ങ​ൾ​ക്ക​നു​യോ​ജ്യ​മാ​യ സാ​ഹ​ച​ര്യ​ങ്ങ​ളു​ടെ അ​ഭാ​വം​മൂ​ലം അ​തി​ന് ത​യാ​റാ​വാ​ത്ത അ​വ​സ്ഥ​യു​ണ്ട്. സ​ർ​ക്കാ​ർ ഓ​ഫി​സു​ക​ളി​ൽ​പോ​ലും ഇ​ത്ത​ര​ത്തി​ൽ വി​വേ​ച​ന​പ​ര​മാ​യ സ​മീ​പ​ന​മാ​ണെ​ങ്കി​ൽ മ​റ്റു സ്വ​കാ​ര്യ സ്ഥാ​പ​ന​ങ്ങ​ളു​ടെ അ​വ​സ്ഥ ഇ​തി​ലും മോ​ശ​മാ​ണ്.

ആ​ശു​​പ​ത്രി​ക​ൾ

ആ​രോ​ഗ്യ പ​രി​ര​ക്ഷ ഏ​തൊ​രാ​ൾ​ക്കും ല​ഭ്യ​മാ​ക്കു​ന്ന​തി​നാ​യി സ​ർ​ക്കാ​ർ ആ​ശു​പ​ത്രി​ക​ൾ സ​ദാ സ​ജ്ജ​മാ​യി നി​ൽ​ക്കു​ന്ന നാ​ടാ​ണ് കേ​ര​ളം. അ​വി​ടെ​യും ഭി​ന്ന​ശേ​ഷി​ക്കാ​​രെ പ​രി​ഗ​ണി​ക്കു​ന്ന കാ​ര്യ​ത്തി​ൽ പ​രാ​ജ​യ​പ്പെ​ട്ട അ​വ​സ്ഥ​യു​ണ്ട്. സ്വ​കാ​ര്യ ആ​ശു​പ​ത്രി​ക​ളി​ലും അ​വ​സ്ഥ​ക്ക് മാ​റ്റ​മൊ​ന്നു​മി​ല്ല. ഭി​ന്ന​ശേ​ഷി സൗ​ഹൃ​ദ ശു​ചി​മു​റി​ക​ളും അ​വ​രു​ടെ വാ​ഹ​ന​ങ്ങ​ൾ പാ​ർ​ക്ക് ചെ​യ്യു​ന്ന​തി​നാ​വ​ശ്യ​മാ​യ സ​ജ്ജീ​ക​ര​ണ​ങ്ങ​ളും ബ്രെ​യ്‍ലി ലി​പി​യി​ലു​ള്ള സൂ​ച​നാ ബോ​ർ​ഡു​ക​ളും ഇ​ന്നും മി​ക്ക ആ​ശു​പ​ത്രി​ക​ളി​ലെ​യും കാ​ണാ​ക്കാ​ഴ്ച​യാ​ണ്. ആ​രോ​ഗ്യ​രം​ഗ​ത്തെ മേ​ന്മ അം​ഗീ​ക​രി​ക്ക​പ്പെ​ടു​ന്ന​ത്, അ​ത് അ​ർ​ഹ​രാ​യ​വ​ർ​ക്കും​കൂ​ടി പ്ര​യോ​ജ​ന​പ്പെ​ടു​മ്പോ​ൾ മാ​ത്ര​മാ​ണ്.

വി​നോ​ദ​സ​ഞ്ചാ​ര കേ​ന്ദ്ര​ങ്ങ​ൾ

നാ​ടി​ന്റെ മു​ക്കും മൂ​ല​യും മോ​ടി​പി​ടി​പ്പി​ച്ച് സ​ഞ്ചാ​രി​ക​ളെ ആ​ക​ർ​ഷി​ക്കാ​ൻ സം​വി​ധാ​ന​ങ്ങ​ൾ ഒ​രു​ക്കി​നി​ർ​ത്തി കാ​ത്തി​രി​ക്കു​ക​യാ​ണ് സ​ർ​ക്കാ​ർ​ കേ​ന്ദ്ര​ങ്ങ​ളും സ്വ​കാ​ര്യ വ്യ​ക്തി​ക​ളും. എ​ല്ലാ മ​നു​ഷ്യ​ർ​ക്കും ആ​സ്വാ​ദ്യ​ക​ര​മാ​യ രീ​തി​യി​ൽ സ​മ​വി​ധാ​ന​ങ്ങ​ൾ ക്ര​മീ​ക​രി​ക്കാ​ൻ ഇ​ന്നും സാ​ധി​ച്ചി​ട്ടി​ല്ല എ​ന്ന​ത് മ​റ്റൊ​രു വ​സ്തു​ത​യാ​ണ്. മാ​ന​സി​കോ​ല്ലാ​സ​ത്തി​നു​ള്ള അ​വ​സ​രം എ​ല്ലാ മ​നു​ഷ്യ​ർ​ക്കും പ്ര​ധാ​ന​മാ​ണെ​ന്ന യാ​ഥാ​ർ​ഥ്യം വി​സ്മ​രി​ക്ക​​പ്പെ​ട്ടി​രി​ക്കു​ന്ന, ന​മ്മു​ടെ വി​നോ​ദ​സ​ഞ്ചാ​ര ​കേ​ന്ദ്ര​ങ്ങ​ൾ.

ആ​രാ​ധ​നാ​ല​യ​ങ്ങ​ൾ

ആ​രാ​ധ​നാ​ല​യ​ങ്ങ​ളി​ലെ അ​വ​സ്ഥ​യും വ്യ​ത്യ​സ്ത​മ​ല്ല. വി​വി​ധ​രീ​തി​യി​ലു​ള്ള പ്ര​യാ​സ​ങ്ങ​ൾ അ​നു​ഭ​വി​ക്കു​ന്ന ഭി​ന്ന​ശേ​ഷി​ക്കാ​ർ​ക്ക് വി​ല​ക്ക് ഏ​ർ​പ്പെ​ടു​ത്തി​യ രീ​തി​യി​ലാ​ണ് ഇ​ന്നും ബ​ഹു​ഭൂ​രി​പ​ക്ഷം ആ​രാ​ധ​നാ​ല​യ​ങ്ങ​ളും. ഭി​ന്ന​ശേ​ഷി​ക്കാ​രു​ടെ അ​വ​കാ​ശ​ത്തെ ഒ​രു​ത​ര​ത്തി​ലും പ​രി​ഗ​ണി​ക്കാ​തെ​യു​ള്ള, ആ​ധു​നി​ക രീ​തി​യി​ലു​ള്ള സൗ​ക​ര്യ​ങ്ങ​ൾ ഏ​ർ​പ്പെ​ടു​ത്തു​ന്ന​തി​നാ​യി മ​ത്സ​രി​ക്കു​ന്ന കാ​ഴ്ച​യാ​ണ് കാ​ണാ​ൻ സാ​ധി​ക്കു​ക. നി​ര​ന്ത​രം ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ ന​ട​ത്തി​ക്കൊ​ണ്ടി​രി​ക്കു​ന്ന ആ​രാ​ധ​നാ​ല​യ​ങ്ങ​ൾ ഭി​ന്ന​ശേ​ഷി സൗ​ഹൃ​ദ​യി​ട​മാ​യി മാ​റ്റി​യെ​ടു​ക്കാ​ൻ സാ​ധി​ക്ക​ട്ടെ എ​ന്ന് പ്രാ​ർ​ഥി​ക്കാം.

സ​മൂ​ഹ​ത്തി​ന്റെ ‘ക​രു​ത​ൽ’

‘എ​ന്താ​ണ് നി​ങ്ങ​ളു​ടെ കു​ട്ടി​യു​ടെ പ്ര​ത്യേ​ക ക​ഴി​വ്?’ ഇ​ത്ത​രം ചോ​ദ്യ​ങ്ങ​ളി​ലൂ​ടെ ര​ക്ഷി​താ​ക്ക​ളെ സ​മ്മ​ർ​ദ​ത്തി​ലാ​ക്കു​ന്ന സ​മൂ​ഹ​ത്തെ​ക്കു​റി​ച്ചും പ​റ​യേ​ണ്ടി വ​രും. ‘ഭി​ന്ന​ശേ​ഷി’ എ​ന്ന പ​ദം സൂ​ചി​പ്പി​ക്കു​ന്ന​തു​പോ​ലെ ബ​ഹു​ഭൂ​രി​പ​ക്ഷം വ​രു​ന്ന​വ​രും എ​ന്തെ​ങ്കി​ലും പ്ര​ത്യേ​ക ക​ഴി​വു​ള്ള​വ​ര​ല്ല. ഉ​ള്ള​വ​ർ​ത​ന്നെ ത​ങ്ങ​ളു​ടെ ക​ഠി​നാ​ധ്വാ​ന​ത്തി​ന്റെ ഫ​ല​മാ​യി ആ​ർ​ജി​ച്ചെ​ടു​ത്ത​തു​മാ​ണ്. എ​ന്നാ​ൽ, ഇ​ത് എ​ല്ലാ​വ​രി​ലും ഒ​രേ​പോ​ലെ​യു​ണ്ട് എ​ന്ന മി​ഥ്യാ​ധാ​ര​ണ​യി​ൽ അ​ത് ക​​ണ്ടെ​ത്താ​നു​ള്ള നി​ർ​ദേ​ശ​ങ്ങ​ളി​ലും പ​രി​ശീ​ല​ന​ങ്ങ​ളി​ലു​മാ​ണ് സ​മൂ​ഹം. ഭി​ന്ന​ശേ​ഷി​ക്കാ​ര​നാ​യ കു​ഞ്ഞി​ന്റെ ര​ക്ഷി​താ​വ് ഒ​രി​ക്ക​ൽ പ​റ​യു​ക​യു​ണ്ടാ​യി ‘എ​ന്റെ പാ​ര​ന്റി​ങ്ങി​ന്റെ കു​ഴ​പ്പം കൊ​ണ്ടാ​ണ് കു​ട്ടി​യി​ലെ പ്ര​ത്യേ​ക ക​ഴി​വ് ക​ണ്ടെ​ത്താ​ൻ സാ​ധി​ക്കാ​തി​രു​ന്ന​തെ​ന്ന് ബ​ന്ധു​ക്ക​ൾ എ​പ്പോ​ഴും കു​റ്റ​പ്പെ​ടു​ത്തും’. മ​റ്റൊ​രു ര​ക്ഷി​താ​വ് വ​ർ​ഷ​ങ്ങ​ളോ​ളം ത​ന്റെ കു​ട്ടി​യി​ലെ പ്ര​ത്യേ​ക ക​ഴി​വ് അ​ന്വേ​ഷി​ച്ച് പ​രാ​ജ​യ​പ്പെ​ട്ട് പ്ര​യാ​സ​ത്തി​ലാ​യ കാ​ഴ്ച​യു​മു​ണ്ട്. സ​മൂ​ഹ​ത്തി​ന്റെ ഇ​ത്ത​ര​ത്തി​ലു​ള്ള ‘ക​രു​ത​ൽ’ ഒ​ഴി​വാ​ക്ക​പ്പെ​ടേ​ണ്ട​താ​ണ്. ഓ​രോ ര​ക്ഷി​താ​വും ത​ങ്ങ​ളു​ടെ കു​ട്ടി​ക്കാ​യി എ​ല്ലാം ത്യ​ജി​ച്ച് സം​ര​ക്ഷ​ണം ന​ൽ​കി​വ​രു​മ്പോ​ൾ, വ​ള​രെ കു​റ​ച്ച് പേ​രി​ൽ മാ​ത്രം കാ​ണു​ന്ന പ്ര​ത്യേ​ക ക​ഴി​വു​ക​ൾ ചൂ​ണ്ടി​ക്കാ​ട്ടി, അ​വ​രെ കൂ​ടു​ത​ൽ പ്ര​യാ​സ​ത്തി​ലാ​ക്കു​ന്ന സ്ഥി​തി​യി​ലേ​ക്ക് സ​മൂ​ഹം മാ​റ​രു​ത്. അ​തു​പോ​ലെ​ത​ന്നെ മാ​ന​സി​ക വെ​ല്ലു​വി​ളി​ക​ൾ നേ​രി​ടു​ന്ന കു​ട്ടി​ക​ളോ​ട് കാ​ണി​ക്കു​ന്ന സ​ഹ​താ​പം നി​റ​ഞ്ഞ നോ​ട്ട​ങ്ങ​ളും സം​സാ​ര​ങ്ങ​ളും അ​വ​രു​ടെ ര​ക്ഷി​താ​ക്ക​ൾ​ക്ക് അ​രോ​ച​ക​മാ​യ കാ​ര്യ​മാ​ണ്.

മ​നു​ഷ്യാ​വ​കാ​ശ പ്ര​ശ്ന​മോ?

ഇ​ന്ത്യ​യി​ൽ ജീ​വി​ക്കു​ന്ന ഓ​രോ പൗ​ര​നും ഭ​ര​ണ​ഘ​ട​ന ഉ​റ​പ്പു​ന​ൽ​കു​ന്ന അ​ടി​സ്ഥാ​ന മ​നു​ഷ്യാ​വ​കാ​ശം എ​ന്തു​കൊ​ണ്ട് ഭി​ന്ന​ശേ​ഷി​ക്കാ​രു​ടെ കാ​ര്യ​ത്തി​ൽ പ്ര​യോ​ഗി​ക്ക​പ്പെ​ടു​ന്നി​ല്ല എ​ന്ന​ത് അ​ത്ഭു​ത​മാ​ണ്. നി​ര​വ​ധി മ​നു​ഷ്യാ​വ​കാ​ശ ലം​ഘ​ന​ങ്ങ​ൾ നാ​ട്ടി​ൽ ന​ട​ക്കു​മ്പോ​ൾ ചോ​ദ്യം ചെ​യ്യു​ന്ന സ​മൂ​ഹ​വും അ​തി​ൽ ന​ട​പ​ടി​യെ​ടു​ക്കു​ന്ന ഭ​ര​ണ​കൂ​ട​വും ഭി​ന്ന​ശേ​ഷി അ​വ​കാ​ശ​ത്തി​ന്റെ കാ​ര്യ​ത്തി​ൽ ഈ ​രൂ​പ​ത്തി​ൽ ഇ​ട​പെ​ടു​ന്നി​ല്ല. അ​വ​ർ​ക്ക് സ​ഞ്ച​രി​ക്കാ​നു​ള്ള അ​വ​കാ​ശം നി​ര​ന്ത​രം നി​ഷേ​ധി​ക്ക​പ്പെ​ടു​മ്പോ​ൾ അ​വ ഉ​യ​ർ​ത്തി​ക്കൊ​ണ്ടു​വ​രാ​നും അ​തി​നെ​തി​രെ സ്ഥാ​പ​ന​ങ്ങ​ൾ​ക്കും പൊ​തു​യി​ട​ങ്ങ​ൾ​ക്കും വാ​ഹ​ന​ങ്ങ​ൾ​ക്കു​മെ​തി​രെ നി​യ​മ​ന​ട​പ​ടി​യെ​ടു​ക്കു​ന്നി​ല്ല. ഇ​ത് മ​നു​ഷ്യാ​വ​കാ​ശ ലം​ഘ​ന​മാ​ണെ​ന്ന രീ​തി​യി​ലു​ള്ള സ​മീ​പ​നം​പോ​ലും സ​മൂ​ഹ​ത്തി​ൽ​നി​ന്ന് ഉ​യ​ർ​ന്നു​വ​രു​ന്നി​ല്ല. പ​ക​രം, ഭി​ന്ന​ശേ​ഷി​ക്കാ​ർ​ക്ക് ന​ൽ​കു​ന്ന​ത് മു​ഴു​വ​ൻ ഒ​രു ‘പ്ര​ത്യേ​ക’ സൗ​ക​ര്യ​ങ്ങ​ൾ എ​ന്ന നി​ല​ക്ക് ക​ണ്ടു​കൊ​ണ്ട് അ​തി​ന്റെ അ​ഭാ​വ​മു​ള്ള ഇ​ട​ങ്ങ​ളെ ചോ​ദ്യം​ചെ​യ്യ​പ്പെ​ടു​ന്ന​തി​ൽ​നി​ന്ന് സൗ​ക​ര്യ​പൂ​ർ​വം മാ​റ്റി​നി​ർ​ത്തു​ക​യാ​ണ്. ഒ​ന്നും​ത​ന്നെ ‘പ്ര​ത്യേ​ക’ സൗ​ക​ര്യ​മ​ല്ല. എ​ല്ലാ മ​നു​ഷ്യ​ർ​ക്കും എ​ന്ന​പോ​ലെ​യു​ള്ള മ​നു​ഷ്യാ​വ​കാ​ശ​മാ​ണെ​ന്ന തി​രി​ച്ച​റി​വ് ഇ​നി​യെ​ങ്കി​ലും സ​മൂ​ഹ​ത്തി​ൽ ഉ​ണ്ടാ​വേ​ണ്ട​താ​ണ്.

ഭി​ന്ന​ശേ​ഷി സൗ​ഹൃ​ദ​മ​ല്ല കേ​ര​ളം’’

‘കേ​ര​ളം ഭി​ന്ന​ശേ​ഷി സൗ​ഹൃ​ദ സം​സ്ഥാ​ന​മാ​ണോ എ​ന്ന ചോ​ദ്യ​ത്തി​ന് ഒ​രു​ത്ത​ര​മേ ന​ൽ​കാ​നു​ള്ളൂ.. അ​ത് അ​ല്ല! എ​ന്ന് ത​ന്നെ​യാ​ണ്. വ​ർ​ഷം​തോ​റും ന​ട​ക്കു​ന്ന ദി​നാ​ച​ര​ണ​ത്തി​ലൂ​ടെ ഞ​ങ്ങ​ളു​ടെ യ​ഥാ​ർ​ഥ പ്ര​ശ്ന​ങ്ങ​ൾ പ​രി​ഗ​ണി​ക്ക​പ്പെ​ടാ​തെ പോ​കു​ന്നു. വീ​ൽ​ചെ​യ​റു​ക​ൾ​ക്ക് സു​ഗ​മ​മാ​യി ക​ട​ന്നു​പോ​വാ​ൻ സാ​ധി​ക്കു​ന്ന വ​ഴി​ക​ളും കെ​ട്ടി​ട​ങ്ങ​ളും ഇ​ന്നും അ​ന്യ​മാ​ണ്. പ​ല സ​ർ​ക്കാ​ർ സ്ഥാ​പ​ന​ങ്ങ​ൾ​പോ​ലും ഭി​ന്ന​ശേ​ഷി സ​ഞ്ചാ​ര സ്വാ​ത​ന്ത്ര്യ​ത്തെ പ​രി​ഗ​ണി​ക്കാ​ത്ത അ​വ​സ്ഥ​യാ​ണ്. ആ​രാ​ധ​നാ​ല​യ​ങ്ങ​ളി​ലു​മു​ണ്ട് ഇ​ത്ത​രം വി​വേ​ച​നം. അ​തി​ന് പ​രി​ഹാ​ര​മെ​ന്നോ​ണം വി​വി​ധ മ​ത​വി​ഭാ​ഗ​ങ്ങ​ൾ​ക്ക് പ്ര​ത്യേ​ക നി​വേ​ദ​നം ന​ൽ​കി, മാ​റ്റ​ത്തി​നാ​യി കാ​ത്തി​രി​ക്ക​യാ​ണ്. ഏ​തൊ​രു കെ​ട്ടി​ട​ത്തി​നും അ​നു​മ​തി ല​ഭി​ക്ക​ണ​മെ​ങ്കി​ൽ അ​ത് ഭി​ന്ന​ശേ​ഷി സൗ​ഹൃ​ദ​മാ​യി​രി​ക്ക​ണം. പ​ക്ഷേ, അ​ത്ത​ര​മൊ​രു സൗ​ക​ര്യം ഇ​നി​യും കെ​ട്ടി​ട​ങ്ങ​ളി​ൽ​നി​ന്ന് ല​ഭി​ക്കു​ന്നി​ല്ലെ​ങ്കി​ലും അ​നു​മ​തി ന​ൽ​കു​ന്ന​തി​ൽ ഭ​ര​ണ​കൂ​ടം ഒ​രു വീ​ഴ്ച​യും വ​രു​ത്തി​യി​ട്ടി​ല്ല. ആ​ശു​പ​ത്രി​ക​ളി​ലേ​ക്ക് നോ​ക്കി​യാ​ൽ, കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ​പോ​ലും ഭി​ന്ന​ശേ​ഷി സൗ​ഹൃ​ദ ശു​ചി​മു​റി​ക​ൾ ഇ​ല്ല. ഹോ​സ്പി​റ്റ​ലി​ൽ പാ​ർ​ക്കി​ങ്ങി​നാ​യി പ്ര​ത്യേ​ക സം​വ​ര​ണം വേ​ണ​മെ​ന്നി​രി​ക്കെ, അ​ത്ത​ര​മൊ​രു കാ​ര്യം കേ​ട്ടു​കേ​ൾ​വി പോ​ലു​മി​ല്ല എ​ന്ന നി​ല​പാ​ടാ​ണ് അ​ധി​കൃ​ത​ർ​ക്ക്. ചി​ല​രാ​വ​ട്ടെ, കെ​ട്ടി​ട​ത്തി​ന് അ​നു​മ​തി കി​ട്ടാ​നാ​യി ഉ​പ​കാ​ര​പ്ര​ദ​മ​ല്ലാ​ത്ത രീ​തി​യി​ൽ റാ​മ്പു​ക​ൾ നി​ർ​മി​ച്ച് ക​ബ​ളി​പ്പി​ക്കു​ന്നു​മു​ണ്ട്. കേ​വ​ലം ദി​നാ​ച​ര​ണ​ങ്ങ​ളി​ൽ ഒ​തു​ക്കി​നി​ർ​ത്തേ​ണ്ട​വ​ര​ല്ല ഞ​ങ്ങ​ളും ഞ​ങ്ങ​ൾ മു​ന്നോ​ട്ടു​വെ​ക്കു​ന്ന പ്ര​തി​സ​ന്ധി​ക​ളും’.

ഭി​ന്ന​ശേ​ഷി​ക്കാ​ർ എ​ന്ന പ​ദം നൽകുന്നതും പ്ര​യാ​സം’’

ഇ​ട​യ്ക്കെ​പ്പ​ഴോ ക​ട​ന്നു​കൂ​ടി​യ വി​ഷാ​ദ​ത്തി​ന്റെ നാ​ളു​ക​ളി​ൽ, അ​ത്‌ ക​ര​ക​യ​റാ​നാ​യി പ​ല​ത​ര​ത്തി​ലു​ള്ള മോ​ട്ടി​വേ​ഷ​ൻ വീ​ഡി​യോ​ക​ളു​മാ​യ് ‘സ​ഹാ​യി’​ച്ച​വ​രു​ണ്ടാ​യി​രു​ന്നു. ഞ​ങ്ങ​ൾ​ക്ക് ഇ​ത്ത​ര​ത്തി​ൽ വി​ഷാ​ദം പി​ടി​പെ​ടാ​ൻ പാ​ടി​ല്ല എ​ന്ന നി​ല​പാ​ടാ​ണ് പ​ല​ർ​ക്കും. മ​റ്റൊ​ന്ന് ഒ​രി​ക്ക​ൽ ഒ​രു ഓ​ഫീ​സി​ലെ ഉ​ദ്യോ​ഗ​സ്ഥ​ൻ, അ​വ​ർ ഒ​രു​ക്കി​ത്ത​രു​ന്ന പ്ര​ത്യേ​ക റാ​മ്പു ക​ളെ​കു​റി​ച്ചു വാ​ചാ​ല​നാ​വു​ക​യു​ണ്ടാ​യി. എ​ന്നാ​ൽ അ​വി​ടു​ത്തെ ഗോ​വ​ണി​ക​ളും, ലി​ഫ്റ്റു​ക​ളും ‘പ്ര​ത്യേ​ക’ സൗ​ക​ര്യ​മാ​വാ​ത്തി​ട​ത്തോ​ളം കാ​ലം റാ​മ്പു​ക​ളും സ്പെ​ഷ്യ​ൽ അ​ല്ല എ​ന്ന് സ്നേ​ഹ​ത്തോ​ടെ അ​ദ്ദേ​ഹ​ത്തെ തി​രു​ത്തു​ക​യു​ണ്ടാ​യി.

ഭി​ന്ന​ശേ​ഷി​ക്കാ​ർ എ​ന്ന പ​ദം ത​ന്നെ ഒ​രു ത​ര​ത്തി​ൽ ഞ​ങ്ങ​ളെ​പ്പോ​ലെ​യു​ള്ള​വ​ർ​ക്ക് പ്ര​യാ​സം സൃ​ഷ്ടി​ക്കു​ന്നു​ണ്ട്. പ​ല വെ​ല്ലു​വി​ളി​ക​ളും നേ​രി​ടു​ന്ന​വ​രി​ൽ വ​ള​രെ കു​റ​ഞ്ഞ ശ​ത​മാ​ന​മേ പ്ര​ത്യേ​ക ത​ര​ത്തി​ലു​ള്ള ക​ഴി​വു​ക​ൾ പ്ര​ക​ടി​പ്പി​ക്കു​ന്നു​ള്ളു, അ​ത്ത​ര​മൊ​രു സാ​ഹ​ച​ര്യ​ത്തി​ൽ മു​ഴു​വ​ൻ ആ​ളു​ക​ളി​ലും ഇ​ത്ത​ര​ത്തി​ലു​ള്ള ക​ഴി​വു​ക​ൾ പ്ര​തീ​ക്ഷി​ക്കു​ന്ന പോ​ലെ​യു​ള്ള പ​ദ​പ്ര​യോ​ഗ​ങ്ങ​ൾ പ​ല​പ്പോ​ഴും ഞ​ങ്ങ​ളെ സം​ഘ​ർ​ഷ​ത്തി​ലാ​ക്കാ​റാ​ണു​ള്ള​ത്. ഒ​ന്നാ​മ​താ​യി, കേ​ര​ള സ​ർ​ക്കാ​ർ, ഭി​ന്ന​ശേ​ഷി വി​ഭാ​ഗ​ത്തി​ലു​ള്ള ആ​ളു​ക​ളു​ടെ കൃ​ത്യ​മാ​യ ക​ണ​ക്കെ​ടു​പ്പ് ന​ട​ത്തു​ക​യും, അ​വ​ർ ഏ​തൊ​ക്കെ ത​ര​ത്തി​ലു​ള്ള വെ​ല്ലു​വി​ളി​ക​ളാ​ണ് നേ​രി​ടു​ന്ന​തെ​ന്നും കൃ​ത്യ​മാ​യി രേ​ഖ​പ്പെ​ടു​ത്ത​ണം. എ​ങ്കി​ലേ അ​വ​രു​ടെ പ്ര​ത്യേ​ക ആ​വ​ശ്യ​ങ്ങ​ൾ​ക്ക​നു​സൃ​ത​മാ​യ ഉ​പ​ക​ര​ണ​ങ്ങ​ളും മ​റ്റും ഉ​പ​യോ​ഗി​ക്കാ​ൻ സാ​ധി​ക്കു​ക​യു​ള്ളു. അ​ത്ത​രം ക​ണ​ക്കെ​ടു​പ്പി​ന്റെ ആ​വ​ശ്യ​ക​ത തെ​ളി​യി​ക്കു​ന്ന​താ​ണ്, പ​ഞ്ചാ​യ​ത്ത​ടി​സ്ഥാ​ന​ത്തി​ൽ വി​ത​ര​ണം ചെ​യ്യു​ന്ന വീ​ൽ​ചെ​യ​റു​മാ​യി ബ​ന്ധ​പ്പെ​ട്ട പ്ര​ശ്ന​ങ്ങ​ൾ. അ​വ ഓ​രോ​രു​ത്ത​ർ​ക്കും ഓ​രോ​ത​ര​ത്തി​ലു​ള്ള​താ​ണ് ആ​വ​ശ്യം.​അ​ത്‌ മ​ന​സ്സി​ലാ​ക്കാ​തെ​യു​ള്ള ഇ​ത്ത​രം ന​ട​പ​ടി​ക​ൾ തീ​ർ​ത്തും പ​രാ​ജ​യം ത​ന്നെ​യാ​ണ്. പി​ന്നെ ഞ​ങ്ങ​ൾ​ക്ക് ത​രു​ന്ന​തെ​ല്ലാം ‘സ്പെ​ഷ്യ​ൽ’ ആ​ണെ​ന്ന സ​മൂ​ഹ​ത്തി​ന്റെ, ഭ​ര​ണ​കൂ​ട​ത്തി​ന്റെ മ​നോ​ഭാ​വ​ത്തി​ൽ മാ​റ്റം വ​ര​ണം.

വി​ജ​യി​ച്ച ഭി​ന്ന​ശേ​ഷി​ക്കാ​ർ മാ​ത്ര​മ​ല്ല ഇ​വി​ടെ​യു​ള്ള​ത്’’

‘മാ​ന​സി​ക​മാ​യും ബു​ദ്ധി​പ​ര​മാ​യും വെ​ല്ലു​വി​ളി നേ​രി​ടു​ന്ന​വ​രു​ടെ പ്ര​യാ​സ​ങ്ങ​ളും പ്ര​തി​സ​ന്ധി​ക​ളും തീ​ർ​ത്തും വ്യ​ത്യ​സ്ത​മാ​ണ്. ഒ​ന്നാ​മ​താ​യി, അ​വ​ർ​ക്ക് അ​വ​രെ​ക്കു​റി​ച്ച് സം​സാ​രി​ക്കാ​ൻ സാ​ധി​ക്കി​ല്ല. ആ​വ​ശ്യ​ങ്ങ​ളും അ​വ​കാ​ശ​ങ്ങ​ളും പ​റ​യാ​നും അ​ത് നേ​ടി​യെ​ടു​ക്കാ​നാ​വ​ശ്യ​മാ​യ പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടാ​ൻ സാ​ധി​ക്കാ​ത്ത അ​വ​ർ​ക്കു​വേ​ണ്ടി, ഭ​ര​ണ​കൂ​ടം​ത​ന്നെ നാ​വാ​യി മാ​റേ​ണ്ട​തു​ണ്ട്. അ​വ​ർ​ക്കാ​യി നി​ല​കൊ​ള്ളു​ന്ന ര​ക്ഷി​താ​ക്ക​ളും പ​രി​ഗ​ണി​ക്ക​പ്പെ​ടാ​തെ​യാ​വ​രു​ത്. അ​വ​രു​ടെ മാ​ന​സി​കാ​രോ​ഗ്യ​വും അ​തി​പ്ര​ധാ​ന​മാ​ണ്. സ​മൂ​ഹ​ത്തി​ൽ​നി​ന്ന് പ​ല​പ്പോ​ഴും ഉ​യ​ർ​ന്നു​വ​രു​ന്ന ചോ​ദ്യ​മാ​ണ് കു​ട്ടി​ക​ളു​ടെ എ​ക്സ്ട്രാ ക​ഴി​വു​ക​ളെ സം​ബ​ന്ധി​ച്ചു​ള്ള​ത്. അ​ത് സ​മൂ​ഹം നി​ര​ന്ത​രം ആ​വ​ർ​ത്തി​ക്കു​ന്ന​തി​ലൂ​ടെ ആ​ത്മ​വി​ശ്വാ​സ​മി​ല്ലാ​ത്ത വി​ഭാ​ഗ​മാ​യി ര​ക്ഷി​താ​ക്ക​ൾ മാ​റു​ക​യാ​ണ്. അ​തു​പോ​ലെ​ത​ന്നെ എ​ങ്ങ​നെ​യാ​ണ് ഭി​ന്ന​ശേ​ഷി​ക്കാ​രോ​ട് ഇ​ട​​പ​ഴ​കേ​ണ്ട​തെ​ന്നും, അ​വ​ർ നേ​രി​ടു​ന്ന വെ​ല്ലു​വി​ളി​ക​ൾ എ​ത്ത​ര​ത്തി​ലു​ള്ള​താ​ണെ​ന്നും വ​ള​ർ​ന്നു​വ​രു​ന്ന ത​ല​മു​റ​ക്ക് മ​ന​സ്സി​ലാ​ക്കി​യെ​ടു​ക്കാ​ൻ പാ​ഠ്യ​പ​ദ്ധ​തി​യി​ൽ ഇ​ത്ത​രം കാ​ര്യ​ങ്ങ​ൾ ഉ​ൾ​പ്പെ​ടു​ത്തേ​ണ്ട​ത് അ​നി​വാ​ര്യ​മാ​ണ്. അ​തു​പോ​ലെ, സ​മൂ​ഹ​ത്തി​ൽ വി​ജ​യി​ച്ച ഭി​ന്ന​ശേ​ഷി​ക്കാ​രെ​ക്കു​റി​ച്ച് മാ​ത്രം ച​ർ​ച്ച ചെ​യ്യു​മ്പോ​ൾ തോ​റ്റു​പോ​യ​വ​രെ​ക്കു​റി​ച്ചു​ള്ള വാ​ർ​ത്ത​ക​ൾ ച​ർ​ച്ച​യാ​വു​ന്നി​ല്ല എ​ന്ന​തും അ​വ​രെ വി​സ്മ​രി​ക്കാ​ൻ ഇ​ട​യാ​ക്കി​യി​ട്ടു​ണ്ട്. ഭി​ന്ന​ശേ​ഷി ദി​ന​ത്തി​ൽ ഇ​ത്ത​രം ച​ർ​ച്ച​ക​ൾ സ​ജീ​വ​മാ​യി നി​ല​നി​ർ​ത്തി​ക്കൊ​ണ്ട് മാ​റ്റ​ങ്ങ​ൾ സാ​ധ്യ​മാ​വ​ട്ടെ​യെ​ന്ന് പ്ര​ത്യാ​ശി​ക്കു​ന്നു.’

ഔ​ദാ​ര്യ​മ​ല്ല, അ​വ​കാ​ശ​മാ​ണ്

ഭി​ന്ന​ശേ​ഷി അ​വ​കാ​ശ​വു​മാ​യി ബ​ന്ധ​പ്പെ​ട്ട രാ​ജീ​വ് ര​തൂ​രി vs യൂ​നി​യ​ൻ ഓ​ഫ് ഇ​ന്ത്യ കേ​സി​ലെ സു​പ്രീം കോ​ട​തി ഉ​ത്ത​ര​വ്, ഭി​ന്ന​ശേ​ഷി​ക്കാ​രു​ടെ അ​വ​കാ​ശ​ങ്ങ​ൾ നേ​ടി​ക്കൊ​ടു​ക്കു​ന്ന​തി​ൽ നി​ർ​ണാ​യ​ക ചു​വ​ടു​വെ​പ്പാ​ണ്. പൊ​തു​സ്ഥ​ല​ങ്ങ​ളി​ലേ​ക്ക് ഭി​ന്ന​ശേ​ഷി​ക്കാ​ർ​ക്ക് ശ​രി​യാ​യ​തും മ​തി​യാ​യ​തു​മാ​യ പ്ര​വേ​ശ​ന​ത്തി​ന് സൗ​ക​ര്യ​മൊ​രു​ക്കു​ന്ന വി​ധി​കൂ​ടി​യാ​യി​രു​ന്നു അ​ത്. ‘RPWD നി​യ​മം 2016’ പ്ര​കാ​രം വി​വേ​ച​ന​ര​ഹി​ത​മാ​യ പ്ര​വേ​ശ​നം ന​ൽ​കു​ന്ന​തി​നാ​യി സം​സ്ഥാ​ന​ങ്ങ​ളോ​ട് കോ​ട​തി ചി​ല ഉ​ത്ത​ര​വു​ക​ൾ മു​ന്നോ​ട്ടു​വെ​ച്ചു. ഇ​വ​യാ​ണ​ത്:

• പൊ​തു​സ്ഥ​ല​ങ്ങ​ളി​ലേ​ക്കു​ള്ള പ്ര​വേ​ശ​ന ക​വാ​ട​ങ്ങ​ൾ, ഗേ​റ്റു​ക​ൾ തു​ട​ങ്ങി​യ​വ ആ​വ​ശ്യ​മാ​യ വി​സ്തൃ​തി​യു​ള്ള​തും വീ​ൽ​ചെ​യ​ർ എ​ളു​പ്പ​ത്തി​ൽ ക​ട​ന്നു​പോ​കാ​ൻ അ​നു​വ​ദി​ക്കു​ന്ന​തും ആ​യി​രി​ക്ക​ണം. കൂ​ടാ​തെ അ​ക​ത്ത് ക​യ​റി​യ​ശേ​ഷം വീ​ൽ​ചെ​യ​റു​ക​ൾ​ക്ക് തി​രി​യാ​ൻ സ്ഥ​ല​വും ഉ​ണ്ടാ​യി​രി​ക്ക​ണം.
• കോ​ണി​പ്പ​ടി​ക​ളി​ൽ മ​ഞ്ഞ​വ​ര​കൊ​ണ്ടു​ള്ള അ​ട​യാ​ള​ങ്ങ​ൾ ഉ​ണ്ടാ​യി​രി​ക്ക​ണം. കാ​ഴ്ച വൈ​ക​ല്യ​മു​ള്ള​വ​ർ​ക്ക് ഗ്രേ​ഡി​യ​ന്റി​ലു​ള്ള വ്യ​ത്യാ​സം മ​ന​സ്സി​ലാ​ക്കാ​നാ​ണി​ത്.
• വി​മാ​ന​ത്താ​വ​ളം, റെ​യി​ൽ​വേ സ്റ്റേ​ഷ​ൻ എ​ന്നി​വി​ട​ങ്ങ​ളി​ൽ ഭി​ന്ന​ശേ​ഷി യാ​ത്ര​ക്കാ​ർ​ക്ക് ത​ങ്ങ​ളു​ടെ വാ​ഹ​ന​ത്തി​നെ​ക്കു​റി​ച്ചും യാ​ത്ര സം​ബ​ന്ധ​മാ​യ വി​വ​ര​ങ്ങ​ളെ​ക്കു​റി​ച്ചും കൃ​ത്യ​മാ​യ പൊ​തു അ​റി​യി​പ്പ് സം​വി​ധാ​നം വ​ഴി നി​ർ​ദേ​ശ​ങ്ങ​ൾ കൈ​മാ​റ​ണം.
• പ്ര​വേ​ശ​ന ക​വാ​ട​ത്തി​ന് സ​മീ​പം കു​റ​ഞ്ഞ​ത് മൂ​ന്നു മു​ത​ൽ അ​ഞ്ചു വ​രെ പാ​ർ​ക്കി​ങ് സ്ഥ​ല​ങ്ങ​ൾ ഭി​ന്ന​ശേ​ഷി​ക്കാ​ർ​ക്കാ​യി സം​വ​ര​ണം ചെ​യ്തി​രി​ക്ക​ണം. അ​ത് വ്യ​ക്ത​മാ​യി അ​വ​ർ​ക്ക് മ​ന​സ്സി​ലാ​ക്കി കൊ​ടു​ക്കു​ക​യും വേ​ണം.
• ഭി​ന്ന​ശേ​ഷി​ക്കാ​ർ വ​രു​ന്ന വ​ഴി​ക​ളി​ലു​ള്ള എ​ല്ലാ ത​ട​സ്സ​വും നീ​ക്ക​ചെ​യ്യേ​ണ്ട​താ​ണ്. എ​ല്ലാ വ​ഴി​ക​ളും പ്ര​വേ​ശ​ന യോ​ഗ്യ​മാ​യി​രി​ക്ക​ണം. മാ​ത്ര​വു​മ​ല്ല, വ്യ​ക്ത​മാ​യ സൂ​ച​നാ ബോ​ർ​ഡു​ക​ളും ബ്രെ​യ്‍ലി ലി​പി​ക്ക് ത​ത്തു​ല്യ​മാ​യ അ​ട​യാ​ള​ങ്ങ​ളും സ്ഥാ​പി​ക്ക​ണം.
• എ​ലി​വേ​റ്റ​റു​ക​ൾ​ക്ക് വ്യ​ക്ത​മാ​യ ബ്രെ​യി​ലി അ​ട​യാ​ള​ങ്ങ​ളും ഓ​ഡി​റ്റ​റി ഫീ​ഡ്ബാ​ക്കും വേ​ണം. എ​ലി​വേ​റ്റ​റു​ക​ളി​ൽ സ്ഥാ​പി​ച്ചി​ട്ടു​ള്ള ബ​ട്ട​ണു​ക​ൾ വീ​ൽ​ചെ​യ​റു​ക​ളി​ൽ​നി​ന്ന് ഉ​പ​യോ​ഗ​പ്പെ​ടു​ത്താ​ൻ ക​ഴി​യു​ന്ന​താ​യി​രി​ക്ക​ണം. എ​ലി​വേ​റ്റ​റു​ക​ൾ​ക്കും ശൗ​ച്യാ​ല​യ​ങ്ങ​ൾ​ക്കും സ​മീ​പം ചി​ത്ര​ലി​പി​ക​ൾ (Pictograms) സ്ഥാ​പി​ക്ക​ണം.
• പൊ​തു​സ്ഥ​ല​ങ്ങ​ളി​ൽ ജോ​ലി​ചെ​യ്യു​ന്ന ജീ​വ​ന​ക്കാ​ർ​ക്ക് ആ​വ​ശ്യ​മാ​യ സൗ​ക​ര്യ​ങ്ങ​ൾ ല​ഭ്യ​മാ​ക്ക​ണം. ഭി​ന്ന​ശേ​ഷി​ക്കാ​ർ നേ​രി​ടു​ന്ന സ​വി​ശേ​ഷ​മാ​യ വെ​ല്ലു​വി​ളി​ക​ൾ മ​ന​സ്സി​ലാ​ക്കാ​നും അ​ത​നു​സ​രി​ച്ച് പെ​രു​മാ​റാ​നും സ​ഹ​പ്ര​വ​ർ​ത്ത​ക​ർ​ക്ക് സാ​ധ്യ​മാ​വു​ന്ന പ​രി​ശീ​ല​ന​ങ്ങ​ൾ ന​ൽ​ക​ണം. അ​വ​രോ​ട് ശ​രി​യാ​യ രീ​തി​യി​ൽ ഇ​ട​പ​ഴ​കാ​നു​ള്ള പ്ര​വ​ർ​ത്ത​ന​ങ്ങ​ൾ അ​റി​യി​ച്ച് കൊ​ടു​ക്ക​ണം.
• വീ​ൽ​ചെ​യ​റു​ക​ളും മൊ​ബി​ലി​റ്റി സ്കൂ​ട്ട​റു​ക​ളും എ​ല്ലാ പൊ​തു​സ്ഥ​ല​ങ്ങ​ളി​ലും വേ​ണം.
• പ്ര​ധാ​ന സ​ർ​ക്കാ​ർ കെ​ട്ടി​ട​ങ്ങ​ൾ, അ​ന്താ​രാ​ഷ്ട്ര വി​മാ​ന​ത്താ​വ​ള​ങ്ങ​ൾ, റെ​യി​ൽ​വേ സ്റ്റേ​ഷ​നു​ക​ൾ മു​ത​ലാ​യ​വ​യു​ടെ ഭി​ന്ന​ശേ​ഷി സൗ​ഹൃ​ദ പ്ര​വേ​ശ​ന​ക്ഷ​മ​ത​യി​ൽ കൃ​ത്യ​മാ​യ ഓ​ഡി​റ്റ് ന​ട​ത്ത​ണം.

ഇതെല്ലാം ഇവിടെ നടപ്പാകു​ന്നുണ്ടോ?

പാലക്കാട്; അത്ര സൗഹൃദമല്ല, ജില്ലയിലെ സർക്കാർ ഓഫിസുകൾ

പാലക്കാട്: ഭിന്നശേഷി സൗഹൃദ സർക്കാർ ഓഫീസുകൾ എന്ന് പറയുന്നുണ്ടെങ്കിലും അത്ര സൗഹൃദത്തിലല്ല സർക്കാർ ഓഫീസുകൾ. കൃഷിഭവൻ, പഞ്ചായത്ത്, വില്ലേജ്, മാവേലി സ്റ്റോർ ,പട്ടികവർഗ്ഗ ഓഫീസ്, തൊഴിലുറപ്പ് തുടങ്ങി ജില്ലയിലെ വിവിധ സർക്കാർ ഓഫീസുകൾ ഭിന്ന ശേഷിക്കാർക്ക് എളുപ്പത്തിലെത്താനാകുന്നില്ല. സർക്കാർ ഓഫീസുകൾ ഭിന്ന ശേഷി സൗഹൃദത്തിൽ ആക്കണമെന്നുള്ള ആവശ്യം ഇതുവരെ നടപ്പായിട്ടില്ല. പലയിടങ്ങളിലും ലിഫ്റ്റുകൾ സ്ഥാപിച്ചിട്ടുണ്ടെങ്കിലും പ്രവർത്തന രഹിതമാണ്. പാലക്കാട് കെ.എസ്.ഇ.ബി ഇലക്ട്രിക്കൽ ഡിവിഷന് കീഴിലെ കൽപാത്തി, പത്തിരിപ്പാല, എലപ്പുള്ളി, കോങ്ങാട് സബ്ഡിവിഷൻ ഓഫിസുകൾ ഭിന്നശേഷി സൗഹൃദങ്ങളല്ല. മിക്കതും ഒന്നാംനിലയിലും മറ്റുമാണ് പ്രവർത്തിക്കുന്നത്.

കൊല്ലങ്കോട്

ഗ്രാമപഞ്ചായത്തിൽ ഓഫീസിനകത്തേക്ക് കയറുവാൻ റാമ്പ് സംവിധാനം നിർമ്മിച്ചിട്ടുണ്ടെങ്കിലും കവാടം അടച്ചിട്ട നിലയിലാണ്. കൊല്ലങ്കോട് ട്രൈബൽ എക്സ്റ്റൻ ഷൻ ഓഫീസ് കൊല്ലങ്കോട് ബ്ലോക്ക് ഓഫീസിലെ ഏറ്റവും പിറകിൽ ഒന്നാമത്തെ നില യിലാണ്. കൊല്ലങ്കോട് ബ്ലോ ക്ക് പഞ്ചായത്തിൽ തൊഴിലുറപ്പ് ഓഫീസും ഒന്നാം നിലയിൽ തന്നെയാണ്. കൊല്ലങ്കോട് ,പുതുനഗരം, കൊടു വായൂർ പഞ്ചായത്തുകളിലെ കൃഷിഭവനുകൾ ഒന്നാം നിലയിലാണ് . ഭിന്നശേഷിക്കാരായ കർഷകർക്ക് കൃഷി ഓഫീസറെ കാണണമെന്നുണ്ടെ ങ്കിൽ ഫോൺ നമ്പർ ഉണ്ടെങ്കിൽ വിളിച്ച് സംസാരിക്കേണ്ട അവസ്ഥയാണ് .

മണ്ണാര്‍ക്കാട്

സിവില്‍ സ്റ്റേഷന്റെ രണ്ട് നിലകളിലേക്ക് ഭിന്നശേഷിക്കാര്‍ക്ക് എത്തണമെങ്കില്‍ പടിക്കെട്ടുകള്‍ കയറാതെ മറ്റുമാര്‍ഗമില്ല. അണ്ടര്‍ ഗ്രൗണ്ട് ഫ്‌ളോറില്‍ എംപ്ലോയ്‌മെന്റ് ഓഫിസും, എ്കസൈസ് ഓഫിസും പ്രവര്‍ത്തിക്കുന്നു. താലൂക്ക് ഓഫിസ് പ്രവര്‍ത്തിക്കുന്ന ഗ്രൗണ്ട് ഫ്‌ളോറില്‍ മാത്രമേ റാംപുള്ളൂ. സുപ്രധാന ഓഫിസുകളായ ജോയിന്റ് ആര്‍.ടി.ഒ, താലൂക്ക് സപ്ലൈ ഓഫിസ്, ഭക്ഷ്യസുരക്ഷാ ഓഫിസ്, എ.ആര്‍. ഓഫിസ്, സ്റ്റാറ്റിക്‌സ് ഓഫിസുകള്‍ പ്രവര്‍ത്തിക്കുന്നത് ഒന്നാം നിലയിലാണ്. ജി.എസ്.ടി ഓഫിസ്, കാര്‍ഷികാദായ ഓഫിസ്, വ്യവസായ ഓഫിസ് തുടങ്ങിയ രണ്ടാം നിലയിലാണ് പ്രവര്‍ത്തിക്കുന്നത്. മുകള്‍ നിലയിലെ ഓഫിസുകളിലേക്കെത്താന്‍ പടിക്കെട്ടുകള്‍ കയറിയെത്തേണ്ട സ്ഥിതിയാണ്.

തൃത്താല

ഭിന്നശേഷിക്കാര്‍ അല്ലാത്തവർക്കു വരെ പഞ്ചായത്ത്, കൃഷിഭവന്‍, എ.ഇ.ഒ എന്നിവിടങ്ങളിലെത്താൻ പടികൾ താണ്ടണം. സ്വന്തം കെട്ടിടത്തിലാണ് പഞ്ചായത്ത് ഓഫീസ്. താഴെ നിലകളില്‍ വ്യാപാര വാണിജ്യസ്ഥാപനങ്ങളാണ്. തൊട്ടടുത്ത് പഞ്ചായത്തിന്‍റെ തന്നെ കെട്ടിടത്തിന്‍റെ ഒന്നാം നിലയിലാണ് കൃഷിഭവന്‍ പ്രവര്‍ത്തിക്കുന്നത്. റോഡിന്‍റെ മറുവശത്തായായി സ്വകാര്യ കെട്ടിടത്തിലാണ് തൃത്താല ഉപജില്ല വിദ്യാഭ്യാസ ഓഫീസ്. ഇവിടേക്ക് എത്താനും ഗോവണികള്‍ കയറണം. പ്രായമായവർക്ക് പോലും കയറാൻ കഴിയാത്ത വിധത്തിലാണ് സ്വകാര്യ ഷോപ്പിംഗ് കോപ്ലക്സിന്റെ ഒന്നാം നിലയിൽ പ്രവർത്തിക്കുന്ന വടക്കഞ്ചേരി പോസ്റ്റ് ഓഫീസ്.

പട്ടാമ്പി

മിനി സിവിൽ സ്റ്റേഷൻ ഭിന്നശേഷിക്കാർക്ക് ബാലികേറാ മലയാണ്. മോട്ടോർ വാഹന വകുപ്പിന്റെ ഓഫീസ് രണ്ടാം നിലയിലാണ്. ഒന്നാം നിലയിലെ കോൺഫറൻസ് ഹാളിലാണ് ലേണിങ് ടെസ്റ്റ് നടന്നിരുന്നത്. താഴെ ഒരു ചെറിയ മുറി മോട്ടോർ വാഹന ടെസ്റ്റിന് മാത്രമായി ഒരുക്കിയിട്ടുണ്ട്. ജോ.ആർ.ടി.ഓ ഓഫീസിനു പുറമേ ജി.എസ്.ടി ,ഫുഡ് ആൻഡ് സേഫ്റ്റി,എക്സൈസ് ,റീ-സർവേ ഓഫീസുകളും രണ്ടാം നിലയിലാണ്. ഉപ ജില്ല വിദ്യാഭ്യാസ ഓഫീസ്,വാട്ടർ അതോറിറ്റി ഓഫീസ്,ഐ.സി.ഡി.എസ്. ഓഫിസ് ,ക്ഷീരവികസന ഓഫീസ് എന്നിവയാണ് ഒന്നാം നിലയിലുള്ളത്. രജിസ്ട്രാർ ഓഫീസിലെത്തുന്നവർക്ക് വീൽ ചെയർ സൗകര്യമുണ്ട്.

ഷൊർണൂർ

ഷൊർണൂർ നഗരസഭ ഓഫീസിലേക്ക് കയറുന്നതിന് റാമ്പ് സൗകര്യം പോലുമില്ല. നഗരസഭ കൗൺസിൽ ഹാൾ, സെക്രട്ടറിയുടെ ഓഫീസ്, ആരോഗ്യ വിഭാഗം എന്നിവ മുകളിലെ നിലയിലാണ് പ്രവർത്തിക്കുന്നത്. ഇപ്പോൾ പണിയുന്ന പുതിയ കെട്ടിടത്തിന്റെ മുകളിലേക്ക് പോകാൻ റാമ്പ് സൗകര്യമില്ല. നഗരസഭയുടെ ഷൊർണൂരിലും കുളപ്പുള്ളിയിലുമുള്ള ബസ് സ്റ്റാന്റ് കെട്ടിടങ്ങളുടെയും സ്ഥിതി മറിച്ചല്ല. ഷൊർണൂർ ബസ്സ്റ്റാൻഡ് കെട്ടിടത്തിലെ ഒന്നാം നിലയിലാണ് സബ്ട്രഷറിയുള്ളത്. പബ്ലിക് ലൈബ്രറിയും ഇവിടെ പ്രവർത്തിക്കുന്നു.