പാ​ളി​പ്പോ​യ ‘ക​ര​ടി​പ്പി​ടി​ത്തം’

അ​മേ​രി​ക്ക​ൻ പ്ര​സി​ഡ​ൻറ് ജോ ​ബൈ​ഡ​ൻ ഇ​സ്രാ​യേ​ലി​ലേ​ക്ക് പ​റ​ന്നുചെ​ന്ന് നെ​ത​ന്യാ​ഹു​വി​നെ കെ​ട്ടി​പ്പി​ടി​ച്ച​ത് എ​ന്തി​നാ​യി​രു​ന്നു? അ​തുകൊ​ണ്ട് എ​ന്തു ഫ​ല​മാ​ണ് നേ​ടാ​നാ​യ​ത്?

ക​ഴി​ഞ്ഞ ദി​വ​സം ‘ജൂ​ത രാ​ഷ്ട്ര’​ത്തി​ലേ​ക്ക് ജോ ​ബൈ​ഡ​ൻ ന​ട​ത്തി​യ യാ​ത്ര അ​തി​ന്റെ സ​ത്ത​യും പ്ര​തീ​കാ​ത്മ​ക​ത​യും വെ​ച്ച് നോ​ക്കു​മ്പോ​ൾ ഈ ​വ​ർ​ഷം ആ​ദ്യം യു​ദ്ധ​ത്തി​ൽ ത​ക​ർ​ന്ന യു​ക്രെ​യ്നി​ലേ​ക്ക് അ​ദ്ദേ​ഹം ന​ട​ത്തി​യ യാ​ത്ര​യു​മാ​യി പൊ​രു​ത്ത​പ്പെ​ടേ​ണ്ട​താ​യി​രു​ന്നു. യു.​എ​സ്. സേ​ന​യു​ടെ നി​യ​ന്ത്ര​ണ​ത്തി​ല​ല്ലാ​ത്ത ഒ​രു യു​ദ്ധ​മേ​ഖ​ല​യി​ലേ​ക്ക് ഒ​രു അ​മേ​രി​ക്ക​ൻ പ്ര​സി​ഡ​ന്റ് സ​ന്ദ​ർ​ശ​നം ന​ട​ത്തു​ന്ന​ത് ഇ​ത് ര​ണ്ടാം ത​വ​ണ​യാ​ണ്.

കി​ഴ​ക്ക​ൻ യൂ​റോ​പ്പി​ലേ​ക്ക് ന​ട​ത്തി​യ യാ​​ത്ര​ക്കി​ടെ പോ​ള​ണ്ടി​ലെ​ത്തി നാ​റ്റോ രാ​ജ്യ​ങ്ങ​ളെ റ​ഷ്യ​ക്കെ​തി​രെ വി​ജ​യ​ക​ര​മാ​യി ഒ​രു​മി​ച്ച് അ​ണി​നി​ര​ത്തി​ക്കാ​ൻ ബൈ​ഡ​ന് ക​ഴി​ഞ്ഞി​രു​ന്നു​വെ​ങ്കി​ൽ അ​ഞ്ഞൂ​റോ​ളം ഫ​ല​സ്തീ​നി​ക​ളെ അ​റു​കൊ​ല ചെ​യ്ത് ഗ​സ്സ​യി​ലെ അ​ൽ അ​ഹ്‍ലി ആ​ശു​പ​ത്രി​ക്ക് നേ​രെ ന​ട​ന്ന ബോം​ബാ​ക്ര​മ​ണ​ത്തെ തു​ട​ർ​ന്ന് ജോ​ർ​ഡ​നി​ൽ നി​ശ്ച​യി​ച്ചി​രു​ന്ന അ​റ​ബ്-​അ​മേ​രി​ക്ക​ൻ ഉ​ച്ച​കോ​ടി റ​ദ്ദാ​ക്ക​പ്പെ​ട്ട​തോ​ടെ അ​ദ്ദേ​ഹ​ത്തി​ന്റെ ഈ ​യാ​ത്ര​യു​ടെ വി​ല​യി​ടി​ഞ്ഞു​.

ഗ​സ്സ​യി​ൽ ഇ​സ്രാ​യേ​ൽ ന​ട​ത്തു​ന്ന ബോം​ബാ​ക്ര​മ​ണ​ത്തെ അ​പ​ല​പി​ച്ച അ​റ​ബ് നേ​താ​ക്ക​ൾ ഫ​ല​സ്തീ​നി​ക​ളെ അ​വ​രു​ടെ മാ​തൃ​രാ​ജ്യ​ത്ത് നി​ന്ന് നി​ഷ്കാ​സി​ത​രാ​ക്കു​ന്ന​തി​ലേ​ക്ക് ന​യി​ക്കു​ന്ന ‘മാ​നു​ഷി​ക ഇ​ട​നാ​ഴി’ എ​ന്ന അ​മേ​രി​ക്ക​യു​ടെ നി​ർ​ദേ​ശം ത​ള്ളു​ക​യും ചെ​യ്തു.

ഫെ​ബ്രു​വ​രി​യി​ൽ വാ​ർ​സോ​യി​ൽ ബൈ​ഡ​ന് വേ​ണ്ടി ആ​ർ​പ്പു​വി​ളി​ച്ച വ​ൻ​ജ​ന​ക്കൂ​ട്ട​ത്തി​ൽ​നി​ന്ന് വ്യ​ത്യ​സ്ത​മാ​യി, ജോ​ർ​ഡാ​നി​ക​ൾ ഈ ​ആ​ഴ്ച ഇ​സ്രാ​യേ​ലി​നും അ​മേ​രി​ക്ക​ക്കു​മെ​തി​രെ ശ​ക്ത​മാ​യ പ്ര​ക​ട​ന​ങ്ങ​ൾ ന​ട​ത്തി.

അ​തി​നും പു​റ​മെ, ല​ബ​നീ​സ് ഹി​സ്ബു​ല്ല​യും ഇ​സ്രാ​യേ​ൽ സൈ​ന്യ​വും ത​മ്മി​ലെ അ​തി​ർ​ത്തി സം​ഘ​ർ​ഷം രൂ​ക്ഷ​മാ​കു​ക​യും ഇ​സ്രാ​യേ​ൽ സി​റി​യ​യി​ലെ ര​ണ്ട് വി​മാ​ന​ത്താ​വ​ള​ങ്ങ​ളി​ൽ ബോം​ബി​ടു​ക​യും ചെ​യ്ത​തോ​ടെ ഗ​സ്സ യു​ദ്ധം വ്യാ​പി​പ്പി​ക്കു​ന്ന​തി​നെ​തി​രെ ബൈ​ഡ​ൻ ന​ൽ​കി​യ മു​ന്ന​റി​യി​പ്പു​ക​ളും ബ​ധി​ര​ക​ർ​ണ​ങ്ങ​ളി​ൽ ചെ​ന്ന് വീ​ണു.

പ്രാ​ദേ​ശി​ക​മാ​യ തി​രി​ച്ച​ടി​ക​ൾ ബൈ​ഡ​ന്റെ യാ​ത്ര​യു​ടെ നി​റം മ​ങ്ങി​ച്ചു, ഒ​പ്പം യു​ക്രെ​യ്നും ഇ​സ്രാ​യേ​ലും ത​മ്മി​ലെ കേ​ന്ദ്ര വ്യ​ത്യാ​സം എ​ടു​ത്തു കാ​ണി​ക്കു​ക​യും ചെ​യ്തു.

ഇ​രു​രാ​ജ്യ​ങ്ങ​ളും അ​മേ​രി​ക്ക​യു​ടെ സ​ഖ്യ​ക​ക്ഷി​ക​ളാ​ണെ​ങ്കി​ലും, യു​ക്രെ​യ്നെ​തി​രാ​യി ന​ട​ന്ന​ത് റ​ഷ്യ​യു​ടെ ക്രൂ​ര​മാ​യ അ​ധി​നി​വേ​ശ​മാ​ണ്, നേ​രേ​മ​റി​ച്ച് ഇ​സ്രാ​യേ​ൽ എ​ന്ന അ​പാ​ർ​തൈ​റ്റ് രാ​ഷ്ട്രം ഫ​ല​സ്തീ​നി​ക​ൾ​ക്ക് മേ​ൽ പ​തി​റ്റാ​ണ്ടു​ക​ളാ​യി അ​ധി​നി​വേ​ശ ക്രൂ​ര​ത അ​ഴി​ച്ചു​വി​ടു​ക​യാ​ണ്. അ​മേ​രി​ക്ക​യു​ടെ സ്വ​ന്ത​ക്കാ​രാ​ണെ​ന്ന​തി​ന്റെ പേ​രി​ൽ മാ​ത്രം ഇ​രു​രാ​ജ്യ​ങ്ങ​ളെ​യും ഇ​ര​ക​ളാ​യി ചി​ത്രീ​ക​രി​ക്കു​ന്ന​ത് അ​ന്യാ​യ കാ​പ​ട്യ​മാ​ണ്.

എ​ന്നു​വെ​ച്ച്, പ​ശ്ചി​മേ​ഷ്യ​യി​ലെ രോ​ഷ​മൊ​ന്നും പ്ര​സി​ഡ​ന്റി​നെ ത​ള​ർ​ത്തി​യി​ല്ല. അ​ദ്ദേ​ഹം നീ​തി​മാ​നാ​യ ഇ​സ്രാ​യേ​ലി​നാ​യു​ള്ള സ്തു​തി​ക​ൾ ആ​വ​ർ​ത്തി​ച്ചും ഐ​സി​സ് പോ​ലു​ള്ള ഹ​മാ​സി​ന്റെ തി​ന്മ​യെ ​പ്ര​തി​രോ​ധി​ക്കാ​നു​ള്ള അ​വ​രു​ടെ അ​വ​കാ​ശ​ത്തെ ഉ​യ​ർ​ത്തി​പ്പി​ടി​ച്ചും ത​ന്റെ നി​ല​പാ​ടി​ൽ ഉ​റ​ച്ചു​നി​ന്നു. നെ​ത​ന്യാ​ഹു സ​ർ​ക്കാ​റി​നു​ള്ള അ​മേ​രി​ക്ക​യു​ടെ അ​സ​ന്ദി​ഗ്ധ​മാ​യ പി​ന്തു​ണ ഉ​റ​പ്പി​ച്ചു പ​റ​ഞ്ഞ ബൈ​ഡ​ൻ ആ​ശു​പ​ത്രി​ക്ക് നേ​രെ ന​ട​ന്ന ബോം​ബാ​ക്ര​മ​ണ​ത്തി​ന് ഫ​ല​സ്തീ​നി​ക​ളെ​യാ​ണ് കു​റ്റ​പ്പെ​ടു​ത്തി​യ​ത്.

സ​മ​യ​വും, അ​ധ്വാ​ന​വും ​പാ​ഴാ​ക്കാ​തെ, റി​സ്കു​ക​ളെ​ല്ലാം ഒ​ഴി​വാ​ക്കി ബൈ​ഡ​ന് ഈ ​പ്ര​സ്താ​വ​ന​ക​ൾ വൈ​റ്റ്ഹൗ​സി​ലി​രു​ന്ന് പു​റ​പ്പെ​ടു​വി​ച്ചാ​ൽ മ​തി​യാ​യി​രു​ന്നു എ​ന്നി​രി​ക്കെ ഇ​ത്ര ക​ഷ്ട​പ്പെ​ട്ട് ക​ട​ൽ​ക​ട​ന്ന് വ​ന്ന് ക​ണ്ട് ഇ​സ്രാ​യേ​ലി​ക​ളെ ആ​ശ്ലേ​ഷി​ച്ച​ത് എ​ന്തി​നാ​വും എ​ന്ന ചോ​ദ്യ​മു​യ​രു​ന്നു.

ബൈ​ഡ​ൻ ഒ​രു വ​ല്ലാ​ത്ത കെ​ട്ടി​പ്പി​ടി​ത്ത​ക്കാ​ര​നാ​ണ് എ​ന്ന​താ​ണ് കാ​ര​ണം. ഇ​സ്രാ​യേ​ലി​ൽ കാ​ലു​കു​ത്തി​യ​പാ​ടെ ​ത​ന്നെ അ​ദ്ദേ​ഹം ഉ​ത്ക​ണ്ഠാ​കു​ല​നാ​യ പ്ര​ധാ​ന​മ​ന്ത്രി​യേ​യും പ്ര​സി​ഡ​ന്റി​നേ​യും കെ​ട്ടി​പ്പി​ടി​ക്കാ​നോ​ടി. സ​ഹ സ​യ​ണി​സ്റ്റു​ക​ൾ ത​മ്മി​ലെ ഊ​ഷ്മ​ള​മാ​യ, സ്‌​നേ​ഹ​നി​ർ​ഭ​ര​മാ​യ ആ​ലിം​ഗ​ന​വും ഹ​സ്ത​ദാ​ന​വും ന​ട​ന്നു.

ആ ​ക്ലാ​സി​ക് ആ​ലിം​ഗ​ന​ത്തി​ലും വൈ​കാ​രി​ക​മാ​യ ആ​ശം​സ​യി​ലും മ​യ​ങ്ങി​യ മാ​ധ്യ​മ​ങ്ങ​ൾ അ​തി​നെ വി​കാ​ര തീ​വ്ര​ത​യോ​ടെ ത​ന്നെ അ​വ​ത​രി​പ്പി​ച്ചു. പ​ക്ഷേ, ഒ​രു അ​മേ​രി​ക്ക​ൻ പ്ര​സി​ഡ​ന്റി​ന്റെ ആ​ലിം​ഗ​നം ഒ​രി​ക്ക​ലും നി​ഷ്ക​ള​ങ്ക​മാ​യി​രി​ക്കി​ല്ല.

യു​ക്രെ​യ്നോ ഇ​സ്രാ​യേ​ലോ ആ​വ​ട്ടെ, ​​ഞെ​ട്ട​ലി​ലും ന​ടു​ക്ക​ത്തി​ലും നി​ൽ​ക്കു​ന്ന ഒ​രു ദു​ർ​ബ​ല​മാ​യ സ​ഖ്യ​ക​ക്ഷി​യെ ഒ​രു വ​ൻ​ശ​ക്തി ആ​ലിം​ഗ​നം ചെ​യ്യു​മ്പോ​ൾ അ​തി​ന​ർ​ഥം അ​വ​ർ​ക്ക് അ​ഭ​യം ന​ൽ​കു​ന്നു എ​ന്ന് മാ​ത്ര​മ​ല്ല, അ​വ​രു​ടെ സ്വ​ഭാ​വം ത​ങ്ങ​ൾ​ക്ക​നു​സൃ​ത​മാ​യി രൂ​പ​പ്പെ​ടു​ത്തു​ന്നു എ​ന്നു കൂ​ടി​യാ​ണ്. അ​താ​യ​ത് ക്ലാ​സി​ക്ക​ൽ ആ​യി തോ​ന്നി​യ ബൈ​ഡ​ന്റെ കെ​ട്ടി​പ്പി​ടി​ത്തം ത​ന്ത്ര​പ​ര​മാ​യ ഒ​രു ‘ക​ര​ടി​പ്പി​ടി​ത്തം’ ത​ന്നെ​യാ​യി​രു​ന്നു.

ബൈ​ഡ​ൻ ഇ​സ്രാ​യേ​ലി​ന് വ്യ​ക്ത​മാ​യ പി​ന്തു​ണ ന​ൽ​കി, കി​ഴ​ക്ക​ൻ മെ​ഡി​റ്റ​റേ​നി​യ​നി​ലേ​ക്ക് ര​ണ്ട് വി​മാ​ന​വാ​ഹി​നി​ക്ക​പ്പ​ലു​ക​ൾ അ​യ​ച്ചു​കൊ​ടു​ത്തു, ഇ​സ്രാ​യേ​ലി സ​ഹ​ന​ങ്ങ​ളോ​ട് സ​ഹാ​നു​ഭൂ​തി പ്ര​ക​ടി​പ്പി​ച്ചു, വാ​ർ​ഷി​ക സൈ​നി​ക സ​ഹാ​യ​മാ​യ നാ​ല് ബി​ല്യ​ൺ ഡോ​ള​റി​ന്റെ സ്ഥാ​ന​ത്ത് 14 ബി​ല്യ​ൺ ഡോ​ള​റി​ന്റെ അ​ധി​ക സ​ഹാ​യം വാ​ഗ്ദാ​നം ചെ​യ്തു.

എ​ന്നാ​ൽ 9/11 ന് ​ശേ​ഷം രോ​ഷം​പൂ​ണ്ട് യു.​എ​സ് വ​രു​ത്തി​വെ​ച്ച പി​ഴ​വു​ക​ൾ ആ​വ​ർ​ത്തി​ക്ക​രു​തേ​യെ​ന്ന് ഇ​സ്രാ​യേ​ലി​ന് മു​ന്ന​റി​യി​പ്പ് ന​ൽ​കി, ഗ​സ്സ വീ​ണ്ടും പി​ടി​ച്ച​ട​ക്കു​ക എ​ന്ന ‘വ​ൻ​തെ​റ്റി’​ നെ​തി​രെ താ​ക്കീ​തും ന​ൽ​കി. ഫ​ല​സ്തീ​നി സി​വി​ലി​യ​ന്മാ​രെ ഉ​പ​ദ്ര​വി​ക്കു​ന്ന​ത് ഒ​ഴി​വാ​ക്ക​ണ​മെ​ന്നും ഗ​സ്സ​യി​ലേ​ക്ക് മാ​നു​ഷി​ക സ​ഹാ​യം എ​ത്തി​ക്കാ​ൻ അ​നു​വ​ദി​ക്ക​ണ​മെ​ന്നും ഇ​സ്രാ​യേ​ലി​നോ​ട് അ​ഭ്യ​ർ​ഥി​ച്ചു.

അ​തു​കൊ​ണ്ടൊ​ന്നും ഒ​രു പ്ര​യോ​ജ​ന​വു​മി​ല്ല. ച​രി​ത്ര​പ​ര​മാ​യ വി​ശ​ക​ല​നം ന​ട​ത്തു​മ്പോ​ൾ, ഇ​പ്പോ​ൾ നെ​ത​ന്യാ​ഹു​വി​ന് ആ​വ​ശ്യ​മു​ള്ള​തെ​ല്ലാം അ​മേ​രി​ക്ക​ൻ പ്ര​സി​ഡ​ന്റി​ൽ​നി​ന്ന് ല​ഭി​ച്ച സ്ഥി​തി​ക്ക് ഒ​രു മു​ന്ന​റി​യി​പ്പും അ​ദ്ദേ​ഹം പാ​ലി​ക്കാ​ൻ സാ​ധ്യ​ത​യി​ല്ല, അ​താ​യ​ത് മ​റ്റൊ​രു പ​ശ്ചി​മേ​ഷ്യ​ൻ യു​ദ്ധ​ത്തി​ലേ​ക്ക് അ​മേ​രി​ക്ക​യെ വ​ലി​ച്ചി​ഴ​ക്കാ​ൻ അ​ദ്ദേ​ഹം മ​ടി​ക്കി​ല്ല. ക​ര​ടി ആ​ലിം​ഗ​ന ത​ന്ത്ര​ത്തി​ന്റെ പോ​രാ​യ്മ​ക​ൾ​ക്ക് ഇ​ത് അ​ടി​വ​ര​യി​ടു​ന്നു.

സ​ത്യ​ത്തി​ൽ, ആ​ലിം​ഗ​ന ത​ന്ത്ര​ത്തി​ന്റെ പ്ര​ധാ​ന പോ​രാ​യ്മ ഇ​സ്രാ​യേ​ലി​ന്റെ സ​വി​ശേ​ഷ​മാ​യ ധാ​ര്‍ഷ്‌​ട്യ​വു​മാ​യി ബ​ന്ധ​പ്പെ​ട്ടി​രി​ക്കു​ന്നു. ഇ​സ്രാ​യേ​ലി നേ​താ​ക്ക​ൾ, പ്ര​ത്യേ​കി​ച്ച് വ​ല​തു​പ​ക്ഷ​ക്കാ​ർ ദേ​ശ​സു​ര​ക്ഷ​യു​ടെ കാ​ര്യ​ത്തി​ൽ യു.​എ​സ് ര​ക്ഷാ​ക​ർ​തൃ​ത്വം വ​ക​വെ​ക്കാ​ത്ത അ​തി​ദേ​ശീ​യ​താ​വാ​ദി​ക​ളാ​ണ്.

ഏ​റെ​ക്കാ​ല​മാ​യി ഇ​സ്രാ​യേ​ലി​ക​ൾ അ​മേ​രി​ക്ക​യു​ടെ പ​ണ​വും പ​ട​ക്കോ​പ്പു​ക​ളും പി​ന്തു​ണ​യും സ്വീ​ക​രി​ച്ചു​പോ​രു​ന്നു, എ​ന്നാ​ൽ ഫ​ല​സ്തീ​നെ​യും പ​ശ്ചി​മേ​ഷ്യ​യെ​യും സം​ബ​ന്ധി​ച്ച അ​വ​രു​ടെ ഉ​പ​ദേ​ശം പൊ​തു​വെ നി​ര​സി​ക്കു​ന്നു.

ഇ​തേ നെ​ത​ന്യാ​ഹു പ​ണ്ട് ഒ​ബാ​മ​യു​ടെ​യും ബൈ​ഡ​ന്റെ​യും ക​ര​ടി ആ​ലിം​ഗ​ന ത​ന്ത്ര​ത്തി​ന് തു​ര​ങ്കം വെ​ച്ചി​ട്ടു​ണ്ട്. 2013 മാ​ർ​ച്ചി​ൽ ത​ന്റെ ആ​ദ്യ സ​ന്ദ​ർ​ശ​ന​ത്തി​നാ​യി ഇ​സ്രാ​യേ​ലി​ൽ ചെ​ന്നി​റ​ങ്ങി​യ ഉ​ട​ൻ ഒ​ബാ​മ നെ​ത​ന്യാ​ഹു​വി​ന് ആ​ലിം​ഗ​നം ന​ൽ​കി, ഇ​സ്രാ​യേ​ലി​നോ​ടു​ള്ള ത​ന്റെ സ്നേ​ഹം പ്ര​ക​ടി​പ്പി​ച്ചു.

അ​ദ്ദേ​ഹ​ത്തി​ന്റെ സു​പ്ര​ധാ​ന സ​ന്ദ​ർ​ശ​ന ശേ​ഷം 10 വ​ർ​ഷം കൊ​ണ്ട് 38 ബി​ല്യ​ൺ ഡോ​ള​റി​ന്റെ സൈ​നി​ക സ​ഹാ​യ​ത്തി​ന് പു​റ​മേ, അ​ത്യാ​ധു​നി​ക യു​ദ്ധ​വി​മാ​ന​ങ്ങ​ളും ന​ൽ​കി. ഇ​തു​കൊ​ണ്ടൊ​ന്നും ഫ​ല​സ്തീ​നി​ലെ അ​ന​ധി​കൃ​ത ക​ട​ന്നു​ക​യ​റ്റം വ്യാ​പി​പ്പി​ക്കു​ന്ന​തി​ൽ​നി​ന്ന് ഇ​സ്രാ​യേ​ലി​നെ ത​ടു​ത്തു​നി​ർ​ത്താ​ൻ സാ​ധി​ച്ചി​ല്ല. അ​ത​ല്ലെ​ങ്കി​ൽ ഇ​റാ​ൻ ആ​ണ​വ​ക​രാ​റി​നോ​ടു​ള്ള ഉ​ഗ്ര​മാ​യ എ​തി​ർ​പ്പ് കു​റ​ക്കാ​ൻ പോ​ലും സ​ഹാ​യി​ച്ചി​ല്ല.

അ​മേ​രി​ക്ക​ൻ ക​ര​ടി​പ്പി​ടി​ത്ത​ത്തി​ന്റെ മ​റ്റൊ​രു പ്ര​ശ്നം ഇ​സ്രാ​യേ​ലി​ന്റെ അ​തി​പ്ര​ബ​ല​മാ​യ യു.​എ​സ് ലോ​ബി​യി​ലാ​ണ്. അ​മേ​രി​ക്ക​ക്ക് അ​തി​ന്റെ ത​ന്ത്ര​പ​ര​വും സാ​മ്പ​ത്തി​ക​വു​മാ​യ സ്വാ​ധീ​നം ചെ​റു​തോ വ​ലു​തോ സ​മ്പ​ന്ന​രോ ദ​രി​ദ്ര​രോ ആ​യ ഏ​തൊ​രു സ​ഖ്യ​ക​ക്ഷി​ക്കു മേ​ലും ചു​മ​ത്താ​ൻ ക​ഴി​ഞ്ഞേ​ക്കും, എ​ന്നാ​ൽ ഇ​സ്രാ​യേ​ലി​ന്മേ​ൽ യ​ഥാ​ർ​ഥ സ​മ്മ​ർ​ദം നി​ല​നി​ർ​ത്താ​ൻ അ​തി​ന് സാ​ധി​ക്കി​ല്ല, അ​മേ​രി​ക്ക​ൻ പാ​ർ​ല​മെ​ന്റി​ന്റെ ഇ​രു​സ​ഭ​ക​ളും അ​വ​ർ​ക്ക് പി​ന്നി​ൽ ശ​ക്ത​മാ​യി നി​ല​കൊള്ളുന്നു​ണ്ട്.

വാ​ഗ്ദ​ത്ത ഭൂ​മി എ​ന്ന പു​സ്ത​ക​ത്തി​ൽ ഒ​ബാ​മ എ​ഴു​തി​യ​തു​പോ​ലെ: ‘‘ഇ​സ്രാ​യേ​ലി​ന് അ​മേ​രി​ക്ക​യു​ടെ അ​ച​ഞ്ച​ല​മാ​യ പി​ന്തു​ണ ഉ​റ​പ്പാ​ക്കാ​ൻ സ​മ​ർ​പ്പി​ത​മാ​യ ഉ​ഭ​യ​ക​ക്ഷി ലോ​ബി​യി​ങ് സം​ഘ​ട​ന​യാ​യ അ​മേ​രി​ക്ക​ൻ ഇ​സ്രാ​യേ​ൽ പ​ബ്ലി​ക് അ​ഫ​യേ​ഴ്‌​സ് ക​മ്മി​റ്റി​യെ മ​റി​ക​ട​ക്കു​ന്ന​തി​ൽ ഇ​രു പാ​ർ​ട്ടി​ക​ളി​ലെ​യും അം​ഗ​ങ്ങ​ൾ ആ​ശ​ങ്കാ​കു​ല​രാ​ണ്’’.

മാ​ത്ര​മ​ല്ല, ഈ ​ക​ര​ടി ആ​ലിം​ഗ​നം അ​മേ​രി​ക്ക ഇ​സ്രാ​യേ​ലി​ന്റെ കീ​ശ​യി​ലാ​ണെ​ന്ന പ്ര​തീ​തി പ​ക​രു​ന്നു, പ്ര​ത്യേ​കി​ച്ചും യു.​എ​സി​ലെ ജ​ന​പ്ര​തി​നി​ധി​ക​ൾ ഇ​സ്രാ​യേ​ലി​നോ​ടു​ള്ള ത​ങ്ങ​ളു​ടെ സ്നേ​ഹം പ്ര​ക​ടി​പ്പി​ക്കാ​ൻ മ​ത്സ​രി​ക്കു​ന്ന സാ​ഹ​ച​ര്യ​ത്തി​ൽ. ബൈ​ഡ​ൻ ഈ ​ആ​ഴ്ച ട്രം​പി​നെ പോ​ലും നാ​ണി​പ്പി​ച്ചി​ട്ടു​ണ്ടാ​വും.

ഗ​സ്സ​യു​ടെ നാ​ശ​ത്തെ ന്യാ​യീ​ക​രി​ച്ച​ത് അ​റ​ബി​ക​ളെ പ്ര​കോ​പി​പ്പി​ക്കു​ക​യും അ​വ​ർ​ക്കി​ട​യി​ലെ യു.​എ​സ് അ​നു​കൂ​ല നേ​താ​ക്ക​ളെ പോ​ലും ഈ ​പ്ര​ക്രി​യ​യി​ൽ​നി​ന്ന് അ​ക​റ്റി​ക്ക​ള​യു​ക​യും ചെ​യ്തു. പ​ര​സ്യ​മാ​യി പ​റ​ഞ്ഞ​തി​നേ​ക്കാ​ൾ വ്യ​ക്ത​മാ​യ സ്വ​ര​ത്തി​ൽ ബൈ​ഡ​ൻ ഇ​സ്രാ​യേ​ലി​ക​ളോ​ട് സ്വ​കാ​ര്യ​സം​സാ​രം ന​ട​ത്തു​ന്നു​ണ്ടാ​വാം, എ​ന്നി​രി​ക്കി​ലും രാ​ഷ്ട്രീ​യ​മെ​ന്നാ​ൽ പ്ര​ത്യ​ക്ഷ​ബോ​ധ​മാ​ണ്.

എ​ല്ലാ​ത്തി​നു​മു​പ​രി, ഈ ​ജൂ​നി​യ​ർ സ​ഖ്യ​ക​ക്ഷി​യോ​ട് വ​ർ​ഷ​ങ്ങ​ളാ​യി അ​മേ​രി​ക്ക തു​ട​ർ​ന്നു പോ​രു​ന്ന പ്രീ​ണ​നം അ​തി​ന്റെ ന​യം രൂ​പ​പ്പെ​ടു​ത്തു​ന്ന​തി​ൽ പ​രാ​ജ​യ​മാ​യി​രു​ന്നു; അ​തേ​സ​മ​യം അ​ന്ത്യ​ശാ​സ​ന​ങ്ങ​ളും ഭീ​ഷ​ണി​ക​ളും മി​ക​ച്ച ഫ​ലം സൃ​ഷ്ടി​ച്ചു.

മ​ട​ങ്ങി​യെ​ത്തി​യ ശേ​ഷം ന​ട​ത്തി​യ പ്ര​സം​ഗ​ത്തി​ലും ബൈ​ഡ​ൻ ഇ​സ്രാ​യേ​ലി​നു​ള്ള നി​രു​പാ​ധി​ക പി​ന്തു​ണ ആ​വ​ർ​ത്തി​ച്ചു. ത​ന്ത്രം പാ​ളു​ക​യും പ​ശ്ചി​മേ​ഷ്യ വീ​ണ്ടും പൊ​ട്ടി​ത്തെ​റി​ക്കു​ക​യും ചെ​യ്ത​ത​തോ​ടെ കാ​ര്യ​മാ​യ ഒ​രു നേ​ട്ടം പോ​ലും എ​ടു​ത്തു​കാ​ട്ടാ​ൻ അ​ദ്ദേ​ഹ​ത്തി​ന് സാ​ധി​ക്കാ​തെ പോ​യി.

(ലേ​ഖ​ക​ൻ അ​ൽ ജ​സീ​റ​യു​ടെ മു​തി​ർ​ന്ന രാ​ഷ്ട്രീ​യ നി​രീ​ക്ഷ​ക​നാ​ണ്)