കൊച്ചി: ഏജസ് ഫെഡറൽ ലൈഫ് ഇൻഷുറൻസ് ദ്രോണാചാര്യ അവാർഡ്ജേതാവും ഇന്ത്യൻ പാരാ ബാഡ്മിന്റൺ ടീമിന്റെ ദേശീയ പരിശീലകനുമായ ഗൗരവ് ഖന്നയുമായി സഹകരിച്ച് രാജ്യത്തെ ആദ്യത്തെ പാരാ ബാഡ്മിന്റൺ അക്കാദമി തുറന്നു.
ലഖ്നോവിലെ അത്യാധുനിക ഉപകരണങ്ങളും സൗകര്യങ്ങളുമുള്ള പരിശീലനകേന്ദ്രം 2024ലെ പാരാലിമ്പിക്സിൽ ഇന്ത്യയുടെ മെഡൽ സാധ്യതകൾ മെച്ചപ്പെടുത്താനാണ് ലക്ഷ്യമിടുന്നത്. പ്രഖ്യാപന ചടങ്ങിൽ 2028, 2032 പാരാലിമ്പിക്‌സുകളിൽ പുതിയ പ്രതിഭകളെ കണ്ടെത്താനും പരിപോഷിപ്പിക്കാനുമുള്ള ഏജസ് ഫെഡറൽ 'ക്വസ്റ്റ് ഫോർ ഫിയർലെസ് ഷട്ടിൽസ്' പരിപാടിയുടെ അനാച്ഛാദനവും ഗൗരവ് ഖന്ന നിർവഹിച്ചു.
ടോക്യോ പാരാലിമ്പിക്സ് മെഡൽ ജേതാക്കളായ പ്രമോദ് ഭഗത്, കൃഷ്ണനാഗർ, സുഹാസ് യതിരാജ്, മനോജ് സർക്കാർ എന്നിവരുൾപ്പെടെ 50 താരങ്ങൾ അക്കാദമിയിൽ പരിശീലനം നടത്തുമെന്ന് ഗൗരവ് ഖന്ന അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.