ചെന്നൈ സുപ്പർ കിങ്സ് മുൻ നായകനും സൂപ്പർതാരവുമായ മഹേന്ദ്ര സിങ് ധോണിക്ക് എത്ര കാലം വേണമെങ്കിലും ചെന്നൈ സൂപ്പർ കിങ്സിന് വേണ്ടി കളിക്കാമെന്ന് ടീമിന്‍റെ സിഇഒ പറഞ്ഞു. താരത്തിന് വേണ്ടി സി.എസ്കെയുടെ വാതിൽ എപ്പോഴും തുറന്നിരിക്കുകയാണ് എന്നാണ് അദ്ദേഹം പറഞ്ഞത്.
'എം.എസ്. ധോണിക്ക് എത്ര കാലം കളിക്കണോ അത്രയും കാലം സി.എസ്.കെയുടെ വാതിലുകൾ തുറന്ന് തന്നെയിരിക്കും. അദ്ദേഹത്തിന്‍റെ കമ്മിറ്റ്മെന്‍റ്, ഡെഡിക്കേഷൻ എല്ലാം കാണുമ്പോൾ അറിയാം ശരിയായ തീരുമാനം മാത്രമേ അദ്ദേഹം എടുക്കുകയുള്ളൂ. സി.എസ്.കെയെ സംബന്ധിച്ചിടത്തോളം അദ്ദേഹം കുറെ കാലം കൂടി കളിക്കുമെന്ന് ഞാൻ പ്രതീക്ഷിക്കുന്നു,' സി.ഇ.ഓ പറഞ്ഞു.
ഈ വർഷം വീണ്ടും നിലവിൽ വന്ന അൺക്യാപ്ഡ് റൂൾ മുതലാക്കിക്കൊണ്ട് ധോണിയെ നാല് കോടിക്ക് ചെന്നൈ സൂപ്പർ കിങ്സ് നിലനിർത്തിയിരുന്നു. സി.എസ്.കെയെ അഞ്ച് ഐ.പി.എൽ കിരീടത്തിലേക്ക് നയിച്ച ധോണി സി.എസ്.കെയുടെ എക്കാലത്തേയും വലിയ താരമാണ്. ഇന്ത്യൻ ക്രിക്കറ്റ് നായകനായിരുന്ന അദ്ദേഹത്തിന്‍റെ ബ്രാൻഡ് വാല്യുവും ടീമിൽ നിലനിർത്തുന്നതിൽ പ്രധാന പങ്കുവഹിക്കുന്നുണ്ട്.
ധോണിയെ കൂടാതെ ക്യാപ്റ്റൻ ഋതുരാജ് ഗെയ്ക്വാദ്, രവീന്ദ്ര ജഡേജ, ശിവം ദുബെ, മതീഷ പതിരാന എന്നിവരെയാണ് ഐ.പി.എൽ മേഗാ ലേലത്തിന് മുന്നോടിയായി ചെന്നൈ സൂപ്പർ കിങ്സ് നിലനിർത്തിയ താരങ്ങൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.