നോർത്ത് സൗണ്ട് (ആന്റിഗ്വ): ഇംഗ്ലണ്ട് അണ്ടർ 19 ലോകകപ്പ് സെമിയിലെത്തുന്ന ആദ്യ ടീമായി. ക്വാർട്ടർ ഫൈനലിൽ ദക്ഷിണാഫ്രിക്കയെ ആറു വിക്കറ്റിന് തകർത്താണ് ഇംഗ്ലണ്ടിന്റെ ഫൈനൽ പ്രവേശനം. ആദ്യം ബാറ്റുചെയ്ത ദക്ഷിണാഫ്രിക്ക 43.4 ഓവറിൽ 209ന് ഓൾഔട്ടായപ്പോൾ ഇംഗ്ലണ്ട് 31.2 ഓവറിൽ നാലു വിക്കറ്റ് നഷ്ടത്തിൽ ലക്ഷ്യത്തിലെത്തി.
42 പന്തിൽ രണ്ടു സിക്സും 16 ബൗണ്ടറിയുമായി 88 റൺസടിച്ച ജേക്കബ് ബെതെൽ ആണ് ഇംഗ്ലണ്ടിന് അനായാസ ജയം സമ്മാനിച്ചത്. നേരത്തേ നാലു വിക്കറ്റെടുത്ത രെഹാൻ അഹ്മദ് ആണ് ദക്ഷിണാഫ്രിക്കയെ ഒതുക്കിയത്. ക്വാർട്ടറിൽ ഇന്ന് ആസ്ട്രേലിയ പാകിസ്താനെയും നാളെ ഇന്ത്യ ബംഗ്ലാദേശിനെയും നേരിടും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.