ക്രിക്കറ്റിൽ ഫീൽഡിങ്ങിന്‍റെ പ്രാധാന്യം അനുദിനം വർധിച്ചുകൊണ്ടിരിക്കുകയാണ്. തകർപ്പൻ സേവുകളും ക്യാച്ചുകളുമെല്ലാം അനുദിനം അരങ്ങുവാഴുന്ന കളിക്കളത്തിൽ ഇന്ന് ചർച്ചയായത് നെതർലൻഡ് താരം ലോഗൻ വാൻ ബീക്കിന്‍റെ തകർപ്പൻ ക്യാച്ചാണ്.
ന്യൂസിലൻഡിലെ സൂപ്പർ സ്മാഷ് ക്രിക്കറ്റ് ടൂർണമെന്‍റിനിടെയാണ് സംഭവം. നോർതർ നൈറ്റ്സും വെല്ലിങ്ടണും തമ്മിലുള്ള മത്സരത്തിനിടെ പത്താംഓവറിലായിരുന്നു സംഭവം. നൈറ്റ്സിന്‍റെ ബ്രെറ്റ് ഹാംപ്റ്റൺ ഉയർത്തിയടിച്ച പന്ത് അതിവേഗത്തിൽ ഓടിയെത്തി വാർബീക് പറന്നുപിടിക്കുകയായിരുന്നു.
സഹതാരങ്ങളും കമന്‍ററിയുമെല്ലാം വാൻബീകിനെ അഭിനന്ദനം കൊണ്ട് മൂടി. ഇംഗ്ലണ്ട് സൂപ്പർ താരം ബെൻസ്റ്റോക്സ് അതിഗംഭീരമാണെന്നാണ് ക്യാച്ചിനെ വിശേഷിപ്പിച്ചത്.
മത്സരത്തിൽ ആദ്യം ബാറ്റുചെയ്ത വെല്ലിങ്ടൺ ഉയർത്തിയ 185 റൺസ് വിജയലക്ഷ്യം പിന്തുടർന്നിറങ്ങിയ നോർതേൺ നൈറ്റ്സിന് 15.2 ഓവറിൽ 105 റൺസ് എടുക്കാനേ സാധിച്ചുള്ളൂ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.