ലണ്ടൻ: ഏതായാലും ഇംഗ്ലണ്ടിലാണ്. അപ്പോൾ പിന്നെ വെംബ്ലിയിൽ യൂറോകപ്പിലെ നിർണായക മത്സരം നടക്കുേമ്പാൾ എങ്ങനെ കാണാതിരിക്കും. യൂറോ പ്രീക്വാർട്ടറിൽ ഇംഗ്ലണ്ടും ജർമനിയും ഏറ്റുമുട്ടുേമ്പാൾ സുഹൃത്തുക്കൾക്കൊപ്പം ഗാലറിയിൽ ആസ്വദിച്ച് ഇന്ത്യൻ വിക്കറ്റ് കീപ്പർ റിഷഭ് പന്തും ഉണ്ടായിരുന്നു. മാസ്കോ സാമൂഹിക അകലമോ ഇല്ലാതെയായിരുന്നു പന്ത് പങ്കെടുത്തത്.
താൻ ഏത് ടീമിനെയാണ് പിന്തുണക്കുന്നതെന്ന് റിഷഭ് പന്ത് വ്യക്തമാക്കിയില്ല.പന്തിെൻറ സുഹൃത്തുക്കൾ ഇംഗ്ലണ്ട് ജഴ്സി അണിഞ്ഞാണ് എത്തിയത്. 'നല്ല അനുഭവമായിരുന്നു' എന്ന തലക്കെട്ടിൽ ഗാലറിയിലെ ചിത്രങ്ങളും പന്ത് പങ്കുവെച്ചു. ലോക ടെസ്റ്റ് ചാമ്പ്യൻഷിപ് ഫൈനലിനായി ഇംഗ്ലണ്ടിലെത്തിയ ഇന്ത്യൻ താരങ്ങൾ അവിടെ തുടരുകയാണ്. ഓഗസ്റ്റ് നാലുമുതലാണ് ഇന്ത്യ-ഇംഗ്ലണ്ട് ടെസ്റ്റ് മത്സരങ്ങൾ ആരംഭിക്കുന്നത്.
ശ്രീലങ്കയുമായുള്ള മത്സരം വേഗം തീർത്ത ശേഷം ഫുട്ബാൾ കാണുന്ന ഇംഗ്ലീഷ് ക്രിക്കറ്റ് ടീമംഗങ്ങളുടെ വിഡിയോ വൈറലായിരുന്നു. ഗോളടിച്ചപ്പോൾ താരങ്ങൾ തുള്ളിച്ചാടുന്ന വിഡിയോയും ഇംഗ്ലീഷ് ക്രിക്കറ്റിെൻറ ഔദ്യോഗിക പേജിൽ പങ്കുവെച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.