ടെസ്റ്റ് റാങ്കിങ്ങിൽ സ്ഥാനം മെച്ചപ്പെടുത്തി ഇന്ത്യൻ വിക്കറ്റ് കീപ്പർ ഋഷഭ് പന്ത്. അഞ്ച് സ്ഥാനങ്ങൾ മെച്ചപ്പെടുത്തി ആറാം സ്ഥാനത്തേക്കാണ് ഋഷഭ് പന്ത് ഉയർന്നത്. എന്നാൽ, ഇപ്പോഴും യശ്വസി ജയ്സ്വാളിന് താഴെ തന്നെയാണ് പന്തിന്റെ റാങ്കിങ്. ഒരു സ്ഥാനം താഴേക്കിറങ്ങി നാലാം സ്ഥാനത്താണ് ജയ്സ്വാളുള്ളത്.
ന്യൂസിലാൻഡിനെതിരായ ടെസ്റ്റ് പരമ്പരയിലെ അവസാന മത്സരത്തിലെ രണ്ട് ഇന്നിങ്സുകളിലും ഋഷഭ് പന്ത് അർധ സെഞ്ച്വറി നേടിയിരുന്നു. ആദ്യ ഇന്നിങ്സിൽ 60 റൺസും രണ്ടാം ഇന്നിങ്സിൽ 64 റൺസും പന്ത് നേടിയിരുന്നു. എന്നാൽ, പരമ്പര 3-0ത്തിന് ഇന്ത്യ വിജയിക്കുകയായിരുന്നു.
ന്യൂസിലാൻഡിനെതിരായ ടെസ്റ്റ് പരമ്പരയിൽ 200ന് മുകളിൽ റൺസ് നേടിയ ഏക ബാറ്റ്സ്മാൻ ഋഷഭ് പന്താണ്. അവസാന ആറ് മത്സരങ്ങളിൽ 43.5 ശരാശരിയോടെ 261 റൺസാണ് പന്ത് നേടിയത്. ബംഗ്ലാദേശിനെതിരായ പരമ്പരയിൽ രണ്ട് ഇന്നിങ്സുകളിൽ നിന്നും 161 റൺസ് പന്ത് നേടിയിരുന്നു.
കരിയറിലെ ഏറ്റവും മികച്ച റേറ്റിങ്ങിന് സമീപത്താണ് ഋഷഭ് പന്ത് ഇപ്പോഴുള്ളത്. ന്യൂസിലാൻഡ് സീരിസിന് ശേഷം 750 പോയിന്റിലേക്ക് പന്തിന്റെ റേറ്റിങ് എത്തിയിരുന്നു. വൈകാതെ കരിയറിലെ തന്നെ ഏറ്റവും മികച്ച റേറ്റിങ്ങായ 801 പോയിന്റിലേക്ക് പന്ത് എത്തുമെന്നാണ് പ്രതീക്ഷിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.