ബാർബഡോസ്: അർജന്റീന ഇതിഹാസം ലയണൽ മെസ്സി ലോകകിരീടം നെഞ്ചോട് ചേർത്ത് കിടന്നുറങ്ങുന്നതിന്റെ ദൃശ്യങ്ങൾ ലോകംമുഴുവൻ ആഘോഷിക്കപ്പെട്ടതാണ്.
സമാനമായ ഒരു ചിത്രമാണ് ട്വന്റി 20 ലോകകപ്പ് കിരീടം നേടിയ ഇന്ത്യൻ ക്രിക്കറ്റ് ടീം നാകയൻ രോഹിത് ശർമ ഇസ്റ്റഗ്രാമിൽ പങ്കുവെച്ചത്. ലോകകിരീടം അരികിൽവെച്ച് ഉറക്കമുണർന്ന് സുപ്രഭാതം നേരുന്ന ചിത്രമാണ് ഇൻസ്റ്റ സ്റ്റോറിയാക്കിയത്.
17 വർഷം നീണ്ട കാത്തിരിപ്പിന് ശുഭാന്ത്യം കുറിച്ചാണ് കരീബിയയിലെ ബാർബഡോസിൽ കുട്ടിക്രിക്കറ്റ് കിരീടം ഇന്ത്യ സ്വന്തമാക്കിയത്. ഫൈനലിൽ ദക്ഷിണാഫ്രിക്കയെ ഏഴു റൺസിന് കീഴടക്കിയാണ് രോഹിതും സംഘവും ഇന്ത്യയുടെ രണ്ടാമത്തെ ട്വന്റി20 ലോകകീരിടം ഷോക്കേസിലെത്തിച്ചത്.
ആദ്യം ബാറ്റു ചെയ്ത ഇന്ത്യ ഏഴു വിക്കറ്റ് നഷ്ടത്തിൽ 176 റസെടുത്തപ്പോൾ പ്രോട്ടീസ് ചെറുത്തുനിൽപ് എട്ടു വിക്കറ്റ് നഷ്ടത്തിൽ 169 റൺസിൽ അവസാനിച്ചു. വിജയത്തിന് പിന്നാലെ നായകൻ രോഹിതും സൂപ്പർ താരം വിരാട് കോഹ്‍ലിയും ട്വന്റി 20 യിൽ നിന്ന് വിരമിക്കൽ പ്രഖ്യാപിക്കുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.