ബംഗളൂരു: വനിത പ്രീമിയർ ലീഗിൽ തുടർച്ചയായ രണ്ടാം ജയവുമായി റോയൽ ചലഞ്ചേഴ്സ് ബാംഗ്ലൂർ ഒന്നാം സ്ഥാനത്ത്. ഗുജറാത്ത് ജയന്റ്സിനെ എട്ടു വിക്കറ്റിനാണ് തോൽപിച്ചത്. ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഗുജറാത്ത് നിശ്ചിത 20 ഓവറിൽ ഏഴു വിക്കറ്റിന് 107 റൺസിലൊതുങ്ങി.
ബാംഗ്ലൂർ 12.3 ഓവറിൽ രണ്ടു വിക്കറ്റിന് ലക്ഷ്യംകണ്ടു. ക്യാപ്റ്റനും ഓപണറുമായ സ്മൃതി മന്ദാന 27 പന്തിൽ 43 റൺസെടുത്തു. സബ്ബിനേനെ മേഘന 28 പന്തിൽ 36ഉം എല്ലിസ് പെറി 14 പന്തിൽ 23ഉം റൺസുമായി പുറത്താവാതെ നിന്നു.
നേരത്തേ, പുറത്താവാതെ 25 പന്തിൽ 31 റൺസടിച്ച് ദയാലൻ ഹേമലത ഗുജറാത്ത് ടോപ് സ്കോററായി. ഓപണർ ഹർലീൻ ഡിയോൾ 31 പന്തിൽ 22 റൺസ് ചേർത്തു. മറ്റൊരു ഓപണറും ക്യാപ്റ്റനുമായ ബെത്ത് മൂണി (8), ഫീബ് ലിച്ച്ഫീൽഡ് (5), വേദ കൃഷ്ണമൂർത്തി (9), ആഷ് ലി ഗാർഡ്നർ (7), കാതറിൻ ബ്രേസ് (3), സ്നേഹ് റാണ (12) എന്നിവരെല്ലാം വേഗം മടങ്ങി. ഗുജറാത്തിനായി സോഫി മോളിനൂസ് മൂന്നും രേണുക സിങ് രണ്ടും വിക്കറ്റെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.