കോഴിക്കോട്: കരിപ്പൂർ വിമാന ദുരന്തത്തിൽ മരിച്ചവർക്ക് അനുശോചനമറിയിച്ച് ക്രിക്കറ്റ് താരങ്ങളായ സചിൻ തെണ്ടുൽക്കറും വിരാട് കോഹ്ലിയും. അപകടത്തിലുൾപ്പെട്ടവരുടെ സുരക്ഷക്കായി പ്രാർഥിക്കുന്നുവെന്നും ഇരുവരും ട്വീറ്റ് ചെയ്തു.
കോഴിക്കോട് വിമാനത്താവളത്തിൽ അപകടത്തിൽപെട്ട യാത്രികരുടെ സുരക്ഷക്കായി പ്രാർഥിക്കുന്നു. ദുരന്തത്തിൽ ഉറ്റവരെ നഷ്ടപ്പെട്ട കുടുംബങ്ങളെ അനുശോചനമറിയിക്കുന്നു -സചിൻ ഇന്നലെ രാത്രി ട്വീറ്റ് ചെയ്തു.
Praying for the safety of everyone onboard the #AirIndia Express Aircraft that's overshot the runway at Kozhikode Airport, Kerala.
— Sachin Tendulkar (@sachin_rt) August 7, 2020
Deepest condolences to the families who have lost their near ones in this tragic accident.
കോഴിക്കോട് മെഡിക്കൽ കോളജിലും കൊണ്ടോട്ടി ആശുപത്രിയിലും പ്രവേശിപ്പിക്കപ്പെട്ടവർക്ക് രക്തം ആവശ്യപ്പെട്ടുകൊണ്ടുള്ള ബ്ലഡ് ഡോണേർസ് ഇന്ത്യയുടെ ട്വീറ്റും സചിൻ പങ്കുവെച്ചിട്ടുണ്ട്.
അപകടത്തിൽ പെട്ടവർക്കായി പ്രാർഥിക്കുന്നുവെന്നും പ്രിയപ്പെട്ടവർ നഷ്ടമായവരെ അനുശോചനം അറിയിക്കുന്നുവെന്നും വിരാട് കോഹ്ലി ട്വീറ്റ് ചെയ്തു.
Praying for those who have been affected by the aircraft accident in Kozhikode. Deepest condolences to the loved ones of those who have lost their lives. 🙏🏼
— Virat Kohli (@imVkohli) August 7, 2020
ദുബൈയിൽനിന്ന് 191 പേരുമായെത്തിയ എയർ ഇന്ത്യ എക്സ്പ്രസ് എ.എക്സ്.ബി 1344-ബി 737 വിമാനമാണ് വെള്ളിയാഴ്ച രാത്രി 7.41ന് കരിപ്പൂരിൽ അപകടത്തിൽപ്പെട്ടത്. വിമാനം റൺവേയിൽനിന്ന് തെന്നിമാറി പിളർന്നുണ്ടായ അപകടത്തിൽ 18 പേർ മരിച്ചു. നിരവധി പേർക്ക് പരിക്കേറ്റു. പത്തോളം പേരുടെ നില ഗുരുതരമാണ്. പുലർച്ചെയോടെയാണ് രക്ഷാപ്രവർത്തനം പൂർത്തിയായത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.