മുംൈബ: മുൻ ക്രിക്കറ്റ് താരവും പ്രശസ്ത പരിശീലകനുമായിരുന്ന വാസൂ പരഞ്ജപെ അന്തരിച്ചു. 82 വയസ്സായിരുന്നു. ബറോഡക്കും മുംബൈക്കും വേണ്ടി 29 ഫസ്റ്റ്ക്ലാസ് മത്സരങ്ങളിൽ കളത്തിലിറങ്ങിയിട്ടുണ്ട്.
സുനിൽ ഗവാസ്കർ, ദിലീപ് വെങ്സാർക്കർ, സചിൻ ടെണ്ടുൽകർ, രാഹുൽ ദ്രാവിഡ്, രോഹിത് ശർമ തുടങ്ങിയ പ്രമുഖ താരങ്ങളുടെ പരിശീലകൻ എന്ന നിലയിൽ ഇന്ത്യൻ ക്രിക്കറ്റിൽ ഏറെ അറിയപ്പെട്ടിരുന്ന വ്യക്തിയാണ് വാസൂ പരഞ്ജപെ.
1956 മുതൽ 70 വരെ നീണ്ട ഫസ്റ്റ്ക്ലാസ് കരിയറിൽ 29 മത്സരങ്ങളിൽനിന്നായി രണ്ടു വീതം സെഞ്ച്വറിയും അർധസെഞ്ച്വറിയുമടക്കം 785 റൺസ് നേടിയ വാസൂ പരഞ്ജപെ ഒമ്പതു വിക്കറ്റും സ്വന്തമാക്കിയിട്ടുണ്ട്. മുൻ ഇന്ത്യൻ താരവും ദേശീയ സെലക്ടറുമായ ജതിൻ പരഞ്ജ്പെ മകനാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.