പേശീവലിവിനെ തുടർന്ന് പുറത്തിരിക്കുന്ന സൺറൈസേഴ്സ് ഹൈദരാബാദ് താരം വാഷിങ്ടൺ സുന്ദറിന് ഐ.പി.എൽ സീസണിൽ തുടർന്നുള്ള മത്സരങ്ങളിൽ ഇറങ്ങാനാകില്ല. പരിക്ക് ഗുരുതരമായതിനാൽ ഉടൻ തിരിച്ചുവരവ് സാധ്യമല്ലാത്തതാണ് വില്ലനായത്.
ഈ സീസണിൽ മൂന്ന് മത്സരങ്ങളിൽ ഇറങ്ങിയ താരം 15 ശരാശരിയിൽ 60 റൺസ് എടുത്തിട്ടുണ്ട്. മൂന്നു വിക്കറ്റും. 8.25 കോടി മുടക്കിയാണ് താരത്തെ ടീം സ്വന്തമാക്കിയിരുന്നത്.
പോയിന്റ് നിലയിൽ പിറകിലുള്ള ഹൈദരാബാദിന് വാഷിങ്ടൺ സുന്ദറുടെ മടക്കം വലിയ ആഘാതമാകും. അഞ്ചു കളികളിൽ രണ്ടു ജയം മാത്രമുള്ള ടീം നാലു പോയിന്റുമായി ഏറ്റവും അവസാനക്കാരാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.