ഇന്ത്യൻ എ ടീം നായിക പദവി മലയാളികൾ ആഘോഷമാക്കിയപ്പോൾ അന്താരാഷ്ട്രതാരതാരത്തിന്റെ വീട്ടിൽ എല്ലാം പതിവുപോലെ

ക​ൽ​പ​റ്റ: രാ​വി​ലെ മു​റി​ച്ചു​കൊ​ണ്ടു​വ​ന്ന പു​ല്ല്, തൊ​ഴു​ത്തി​ൽ കെ​ട്ടി​യ പാ​റു​വി​നും അ​മ്മി​ണി​ക്കും കി​ങ്ങി​ണി​ക്കും കൊ​ടു​ക്കാ​നു​ള്ള തി​ര​ക്കി​ലാ​ണ് വ​സ​ന്ത. ത​ന്റെ അ​രു​മ​യാ​യ പ​ശു​ക്കി​ടാ​ങ്ങ​ളെ ത​ഴു​കി നി​ൽ​ക്കു​മ്പോ​ഴും ഇ​ന്ത്യ​ൻ വ​നി​ത ക്രി​ക്ക​റ്റ് ടീ​മി​നെ ന​യി​ക്കു​ന്ന നാ​യി​ക​യു​ടെ അ​മ്മ​യാ​ണെ​ന്ന താ​ര​പ​രി​വേ​ഷം ഒ​ട്ടു​മി​ല്ല ഇ​വ​ർ​ക്ക്. മി​ന്നു മ​ണി​യി​ലൂ​ടെ ആ​ദ്യ​മാ​യി മ​ല​യാ​ളി​താ​രം ഇ​ന്ത്യ​ൻ എ ​ടീ​മി​ന്റെ ക്യാ​പ്റ്റ​ൻ പ​ദ​വി​യി​ലെ​ത്തി​യ​ത് കാ​യി​ക​ലോ​കം ആ​ഘോ​ഷി​ക്കു​മ്പോ​ഴും പ​തി​വു​പോ​ലെ പി​താ​വ് മ​ണി പാ​ട​ത്തും മാ​താ​വ് വ​സ​ന്ത പ​ശു​ക്ക​ളെ പ​രി​പാ​ലി​ക്കു​ന്ന​തി​ലും അ​നു​ജ​ത്തി മി​മി​ത കോ​ള​ജി​ലും മു​ത്ത​ശ്ശി ശ്രീ​ദേ​വി അ​ടു​ക്ക​ള​യി​ലും തി​ര​ക്കി​ലാ​യി​രു​ന്നു.

ശ​നി​യാ​ഴ്ച മി​ന്നു ന​യി​ക്കു​ന്ന ടീം ​മും​ബൈ​യി​ൽ പോ​കാ​ൻ ഒ​രു​ങ്ങു​മ്പോ​ൾ മാ​ന​ന്ത​വാ​ടി അ​മ്പൂ​ത്തി എ​ട​പ്പെ​ടി ചോ​യി​മൂ​ല​യി​ൽ കൈ​പ്പാ​ട്ട് മാ​വും​ക​ണ്ടി വീ​ട്ടി​ൽ എ​ല്ലാം പ​തി​വു​പോ​ലെ. ഇ​ന്ത്യ എ ​വ​നി​ത ക്രി​ക്ക​റ്റ് ടീം ​ക്യാ​പ്റ്റ​നാ​യി മി​ന്നു മ​ണി​യെ തി​ര​ഞ്ഞെ​ടു​ത്ത വാ​ർ​ത്ത​യ​റി​ഞ്ഞ​തോ​ടെ വെ​ള്ളി​യാ​ഴ്ച രാ​ത്രി മു​ത​ൽ പ​രി​ച​യ​ക്കാ​രും ബ​ന്ധു​ക്ക​ളും സ​ന്തോ​ഷം പ​ങ്കി​ടാ​ൻ ഫോ​ണി​ലൂ​ടെ വി​ളി​ച്ചു​വെ​ന്ന​ല്ലാ​തെ വീ​ട്ടി​ൽ മ​റ്റ് ആ​ര​വ​ങ്ങ​ളൊ​ന്നു​മു​ണ്ടാ​യി​ല്ല.

മ​ക​ൾ എ​ത്ര ഉ​യ​ർ​ന്ന നി​ല​യി​ലാ​യാ​ലും പ്ര​ശ​സ്തി നേ​ടി​യാ​ലും അ​തി​ലെ​ല്ലാം സ​​ന്തോ​ഷ​മു​ണ്ടെ​ന്നും ഉ​പ​ജീ​വ​ന​മാ​ർ​ഗ​മാ​യ പ​ശു​വും നെ​ൽ​കൃ​ഷി​യു​മാ​യി ഇ​ങ്ങ​നെ ജീ​വി​ക്കു​ന്ന​താ​ണ് കൂ​ടു​ത​ൽ സ​ന്തോ​ഷ​മെ​ന്നും മ​ണി പ​റ​യു​ന്നു. നാ​ടും കൃ​ഷി​യും കൂ​ട്ടു​കു​ടും​ബ​വു​മെ​ല്ലാം ത​രു​ന്ന സ​ന്തോ​ഷ​ത്തി​​നൊ​പ്പം മ​ക​ളു​ടെ വ​ള​ർ​ച്ച​യും ഏ​റെ അ​ഭി​മാ​നം ന​ൽ​കു​ന്നു​ണ്ടെ​ന്നും പി​താ​വ് കൂ​ട്ടി​ച്ചേ​ർ​ത്തു. വാ​ർ​ത്ത വ​രാ​ൻ തു​ട​ങ്ങി​യ​പ്പോ​ൾ​ത​ന്നെ മി​ന്നു എ​റ​ണാ​കു​ള​ത്തു​നി​ന്ന് വി​ളി​ച്ചി​രു​ന്നു. ഔ​ദ്യോ​ഗി​ക​മാ​യി പ്ര​ഖ്യാ​പി​ക്കാ​ത്ത​തു​കൊ​ണ്ട് ആ​രോ​ടും സ​ന്തോ​ഷം പ​ങ്കു​വെ​ക്കാ​ൻ ക​ഴി​യാ​ത്ത ആ​ശ​ങ്ക​യാ​ണ് മ​ക​ൾ പ​ങ്കു​വെ​ച്ച​തെ​ന്ന് മ​ണി പ​റ​ഞ്ഞു.

14ന് ​ബം​ഗ​ളൂ​രു​വി​ൽ ഇ​ന്ത്യ ടെ​സ്റ്റ് ക്യാ​മ്പി​ന് മി​ന്നു​മ​ണി പോ​യി​രു​ന്നു. 20ന് ​വീ​ട്ടി​ലേ​ക്ക് മ​ട​ങ്ങി. സെ​ല​ക്ഷ​ൻ കി​ട്ടി​യി​ല്ലെ​ന്നാ​ണ് അ​ന്നു പ​റ​ഞ്ഞ​ത്. വി​ഷ​മം ഒ​ന്നും ഇ​ല്ലാ​യി​രു​ന്നു. അ​ടു​ത്ത​തി​ൽ പി​ടി​ക്കും എ​ന്ന ആ​ത്മ​വി​ശ്വാ​സ​മാ​യി​രു​ന്നു. ആ ​വി​ശ്വാ​സ​വും ഒ​ന്ന് ന​ഷ്ട​പ്പെ​ടു​മ്പോ​ൾ നി​രാ​ശ​പ്പെ​ടാ​തെ മു​ന്നോ​ട്ടു​പോ​കാ​നു​ള്ള പ​രി​ശ്ര​മ​വു​മാ​ണ് മി​ന്നു​വി​ന്റെ ഓ​രോ വി​ജ​യ​ത്തി​നു പി​ന്നി​ലു​മെ​ന്ന് മ​ണി പ​റ​യു​ന്നു. പി​ന്നെ​യാ​ണ് ഇ​ന്ത്യ എ ​ടീ​മി​ൽ സെ​ല​ക്ഷ​ൻ കി​ട്ടി​യ​താ​യി അ​റി​യു​ന്ന​ത്.

ബി.​സി.​സി.​ഐ പു​റ​ത്തു​വി​ട്ട വി​വ​രം മാ​ത്ര​മേ അ​റി​യൂ​വെ​ന്നും ആ​രോ​ടും പ​റ​യ​രു​തെ​ന്നു​മാ​ണ് മി​ന്നു പ​റ​ഞ്ഞ​ത്. പി​ന്നീ​ട് ഇം​ഗ്ല​ണ്ട് എ ​ടീ​മി​നെ​തി​രെ മും​ബൈ​യി​ൽ 29ന് ​ന​ട​ക്കു​ന്ന ട്വ​ന്റി 20 പ​ര​മ്പ​ര​യി​ൽ ഇ​ന്ത്യ​ൻ ടീ​മി​നെ ന​യി​ക്കാ​ൻ അ​വ​സ​രം കി​ട്ടി​യ​ത് ഔ​ദ്യോ​ഗി​ക​മാ​യി അ​റി​യി​പ്പ് കി​ട്ടി​യ ശേ​ഷം കു​ടും​ബ​ത്തെ അ​റി​യി​ച്ചു. അ​തോ​ടെ നാ​ടും വീ​ടും ആ​ഹ്ലാ​ദ​ത്തി​ലാ​യി. ഏ​ത് പ്ര​തി​സ​ന്ധി​യി​ലും ത​ണ​ലാ​യി അ​ച്ഛ​നു​ണ്ടെ​ന്ന വി​ശ്വാ​സ​മാ​ണ് എ​ല്ലാ പ്ര​തി​സ​ന്ധി​ക​ളും ത​ര​ണം​ചെ​യ്യാ​ൻ പ്രാ​പ്ത​യാ​ക്കി​യ​തെ​ന്ന് മി​ന്നു ത​ന്നെ പ​ല​പ്പോ​ഴും പ​റ​യാ​റു​ണ്ട്. നാ​ട്ടി​ൽ അ​റി​യ​പ്പെ​ടു​ന്ന കു​ടും​ബ​മാ​യി മാ​വും​ക​ണ്ടി വീ​ട് മാ​റി​യി​ട്ടും എ​ന്നും നാ​ട്ടി​ൻ​പു​റ​ത്തു​കാ​രാ​യി ജീ​വി​ക്കാ​നാ​ണ് ഈ ​കു​ടും​ബ​ത്തി​ന് താ​ൽ​പ​ര്യം.

ഒ​രു​പാ​ട് ന​ന്ദി​യും സ​ന്തോ​ഷ​വും -മി​ന്നു മ​ണി

ക​ൽ​പ​റ്റ: ദൈ​വ​ത്തി​ന് ന​ന്ദി. ഗു​രു​ക്ക​ന്മാ​ർ​ക്കും മാ​താ​പി​താ​ക്ക​ൾ​ക്കും ഒ​രു​പാ​ട് ന​ന്ദി... ക്യാ​പ്റ്റ​നാ​യി തി​ര​ഞ്ഞെ​ടു​ക്ക​പ്പെ​ട്ട ശേ​ഷം ‘മാ​ധ്യ​മ’​ത്തോ​ട് സം​സാ​രി​ക്കു​ക​യാ​യി​രു​ന്നു മി​ന്നുമ​ണി. ഒ​രു​പാ​ട് സ​ന്തോ​ഷ​മു​ണ്ട്. ക്യാ​പ്റ്റ​നാ​യി ഔ​ദ്യോ​ഗി​ക പ്ര​ഖ്യാ​പ​നം വ​ന്ന​പ്പോ​ൾ ഞെ​ട്ടി​പ്പോ​യി. ഇ​ങ്ങ​നെ ഒ​രു കാ​ര്യം ഉ​ണ്ടാ​കു​മെ​ന്ന് ഒ​രി​ക്ക​ലും പ്ര​തീ​ക്ഷി​ച്ചി​ല്ല. തീ​ർ​ച്ച​യാ​യും വ​ള​രെ​യ​ധി​കം സ​ന്തോ​ഷ​വും ആ​കാം​ക്ഷ​യും എ​ല്ലാ​മു​ണ്ട്. മി​ക​ച്ച പ്ര​ക​ട​നം ന​ട​ത്താ​നാ​കു​മെ​ന്ന ആ​ത്മ​വി​ശ്വാ​സ​മു​ണ്ടെ​ന്നും മി​ന്നു മ​ണി പ​റ​ഞ്ഞു.