തലശ്ശേരിയിൽ നടക്കുന്ന കോടിയേരി ബാലകൃഷ്ണൻ സ്മാരക
അഖില കേരള വനിത ക്രിക്കറ്റ് ടൂർണമെന്റിൽ ഞായറാഴ്ച നടന്ന
മത്സരത്തിൽനിന്ന്
തലശ്ശേരി: ജില്ല ക്രിക്കറ്റ് അസോസിയേഷന്റെ സഹകരണത്തോടെ ബി.കെ 55 ക്രിക്കറ്റ് ക്ലബിന്റെയും ടെലിച്ചറി ടൗണ് ക്രിക്കറ്റ് ക്ലബിന്റെയും സംയുക്താഭിമുഖ്യത്തില് കോണോര് വയല് ക്രിക്കറ്റ് സ്റ്റേഡിയത്തില് നടക്കുന്ന കോടിയേരി ബാലകൃഷ്ണന് സ്മാരക അഖില കേരള വുമന്സ് ടി 20 ക്രിക്കറ്റ് ടൂര്ണമെന്റിൽ ഞായറാഴ്ച നടന്ന ആദ്യമത്സരത്തിൽ തലശ്ശേരി കിങ്സ് വാലി 27 റൺസിന് ആലക്കോട് ഹിൽ വാലിയെ പരാജയപ്പെടുത്തി.
ആദ്യം ബാറ്റ് ചെയ്ത കിങ്സ് വാലി നിശ്ചിത 20 ഓവറിൽ അഞ്ച് വിക്കറ്റ് നഷ്ടത്തിൽ 116 റൺസ് നേടി. കിങ്സ് വാലിക്ക് വേണ്ടി ഐ.വി. ദൃശ്യ പുറത്താകാതെ 67 റൺസ് നേടി. മറുപടിയായി ആലക്കോട് ഹിൽ വാലി 19.3 ഓവറിൽ 89 റൺസിന് എല്ലാവരും പുറത്തായി.
ആലക്കോട് ഹിൽ വാലിക്ക് വേണ്ടി ജിഷ ജൈമോനും എസ്. ഗായത്രിയും 12 റൺസ് വീതം നേടി. കിങ്സ് വാലിക്ക് വേണ്ടി സി.കെ. നന്ദന 21 റൺസിന് മൂന്ന് വിക്കറ്റുകൾ നേടി. കളിയിലെ താരമായി കിങ്സ് വാലിയിലെ ഐ.വി. ദൃശ്യയെയും (പുറത്താകാതെ 67 റൺസ്) ഇമ്പാക്ട് താരമായി കിങ്സ് വാലി താരം സി.കെ. നന്ദനയെയും (മൂന്ന് വിക്കറ്റ്) തെരഞ്ഞെടുത്തു.
രണ്ടാമത്തെ മത്സരത്തിൽ ടെലിച്ചറി ടൗൺ ക്രിക്കറ്റ് ക്ലബ് ബി.കെ 55 തലശ്ശേരിയെ 24 റൺസിന് പരാജയപ്പെടുത്തി. ആദ്യം ബാറ്റ് ചെയ്ത ടെലിച്ചറി ടൗൺ സി.സി നിശ്ചിത 20 ഓവറിൽ ഏഴു വിക്കറ്റ് നഷ്ടത്തിൽ 117 റൺസ് നേടി. ടെലിച്ചറി ടൗൺ സി.സിക്ക് വേണ്ടി കെ.എസ്. സായൂജ്യ 23 റൺസും ദേവിക ബിനോയ് 20 റൺസും നേടി.
ബി.കെ 55 തലശ്ശേരിക്ക് വേണ്ടി ആർ. ആര്യ 17 റൺസിന് രണ്ട് വിക്കറ്റും മാനസ് വി. പോറ്റി 33 റൺസിന് രണ്ട് വിക്കറ്റും നേടി. മറുപടിയായി ബി.കെ 55 തലശ്ശേരി 19 ഓവറിൽ 93 റൺസിന് എല്ലാവരും പുറത്തായി. ബി.കെ 55 തലശ്ശേരിക്കുവേണ്ടി മാനസ് വി. പോറ്റി 24 റൺസും അശ്വതി ബാബു 18 റൺസും നേടി.
ടെലിച്ചറി ടൗൺ സി.സിക്കു വേണ്ടി അലീന ആൻ ജോയ് 11 റൺസിന് നാല് വിക്കറ്റും ടി. ഷാനി 24 റൺസിന് രണ്ട് വിക്കറ്റും നേടി. കളിയിലെ താരമായി ടെലിച്ചറി ടൗൺ സി.സി താരം അലീന ആൻ ജോയിയെയും (നാല് വിക്കറ്റ്) ഇമ്പാക്ട് താരമായി ടെലിച്ചെറി ടൗൺ സി.സി താരം ടി. ഷാനിയെയും (രണ്ട് വിക്കറ്റ്) തെരഞ്ഞെടുത്തു .
ശനിയാഴ്ച നടന്ന ആദ്യ മത്സരത്തിൽ ഫ്ലാമിങ്ങോ വേരിയേഴ്സ് ഏഴു വിക്കറ്റിന് എക്സ്ട്രീം സ്പോർട്സിനെ പരാജയപ്പെടുത്തി. രണ്ടാമത്തെ മത്സരത്തിൽ ചാമ്പ്യൻസ് എസ്.സി ആറ് വിക്കറ്റിന് എം.ആർ.സി ഹോട്ട് പോട്ടിനെയും പരാജയപ്പെടുത്തി. തിങ്കളാഴ്ച നടക്കുന്ന ആദ്യ മത്സരത്തിൽ എം.ആർ.സി ഹോട്ട് പോട്ട് ടീം ഫ്ലാമിങ്ങോ വാരിയേഴ്സിനെ നേരിടും. ഉച്ചക്ക് ശേഷം നടക്കുന്ന മത്സരത്തിൽ ചാമ്പ്യൻസ് എസ്.സി എക്സ്ട്രീം സ്പോർട്സിനെ നേരിടും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.