ദോഹ ലൈവ്: ഖ​ത്ത​ർ ഓ​ടി തീ​ർ​ത്ത ഷ​കീ​റി​ന് ഇ​നി യു.​എ.​ഇ​യും കീ​ഴ​ട​ക്ക​ണം

 ഷ​കീ​ർ ചീ​രാ​യി ഗി​ന്ന​സ്​ വേ​ൾ​ഡ്​ റെ​ക്കോ​ഡ്​ സ​ർ​ട്ടി​ഫി​ക്ക​റ്റു​മാ​യി

ഖ​ത്ത​റി​ലെ പ്ര​വാ​സി​ക​ൾ​ക്ക് സു​പ​രി​ചി​ത​നാ​ണ് ത​ല​ശ്ശേ​രി സ്വ​ദേ​ശി​യാ​യ ഓ​ട്ട​ക്കാ​ര​ൻ ഷ​കീ​ർ ചീ​രാ​യി. ദോ​ഹ ബാ​ങ്കി​ലെ ജീ​വ​ന​ക്കാ​ര​നാ​യ ഷ​ക്കീ​ർ താ​മ​സ സ്ഥ​ല​ത്തു നി​ന്നും ഓ​ഫീ​സി​ലേ​ക്കും തി​രി​കെ​യു​മു​ള്ള യാ​ത്ര​യെ ദീ​ർ​ഘ​ദൂ​ര ഓ​ട്ട​മാ​ക്കി​മാ​റ്റി​യാ​ണ് പ്ര​വാ​സി​ക​ൾ​ക്കി​ട​യി​ലെ പ്രി​യ​പ്പെ​ട്ട ഓ​ട്ട​ക്കാ​ര​നാ​ക്കി മാ​റ്റി​യ​ത്. ഖ​ത്ത​റി​ലെ വി​വി​ധ മാ​ര​ത്ത​ൺ ചാ​മ്പ്യ​ൻ​ഷി​പ്പു​ക​ളി​ൽ പ​​ങ്കെ​ടു​ത്ത് ഒ​രു​പി​ടി മെ​ഡ​ലു​ക​ൾ സ്വ​ന്ത​മാ​ക്കി​യ ഷ​കീ​ർ, ക​ഴി​ഞ്ഞ ഫെ​ബ്രു​വ​രി​യി​ലാ​യി​രു​ന്നു ഗി​ന്ന​സ് ബു​ക്സ് ഓ​ഫ് വേ​ൾ​ഡ്റെ​ക്കോ​ഡി​ലേ​ക്ക് ഓ​ടി​ക​യ​റി​യ​ത്. ഖ​ത്ത​റി​ന്റെ ഒ​ര​റ്റ​ത്തു നി​ന്നും മ​റ്റൊ​രു അ​റ്റ​ത്തേ​ക്ക് 30 മ​ണി​ക്കൂ​ർ 34 മി​നി​റ്റ് 09 സെ​ക്ക​ൻ​ഡി​ൽ ഓ​ടി​യെ​ത്തി ഫി​നി​ഷ് ചെ​യ്ത് ച​രി​ത്രം കു​റി​ച്ച് ഈ ​പ്ര​വാ​സി മ​ല​യാ​ളി​ സ്ഥാ​പി​ച്ച റെ​ക്കോ​ഡി​ന്റെ സാ​ക്ഷ്യ​പ​ത്ര​മാ​യി ക​ഴി​ഞ്ഞ ദി​വ​സ​മാ​ണ് ഗി​ന്ന​സ് സ​ർ​ട്ടി ഫി​ക്ക​റ്റ് ദോ​ഹ​യി​ൽ തേ​ടി​യെ​ത്തി​യ​ത്.

ഖ​ത്ത​ർ ദേ​ശീ​യ ദി​ന​ത്തി​ലാ​യി​രു​ന്നു ത​ണു​പ്പും കാ​റ്റും ഉ​ൾ​പ്പെ​ടെ പ്ര​തി​കൂ​ല​മാ​യ സാ​ഹ​ച​ര്യ​ങ്ങ​ളെ തോ​ൽ​പി​ച്ചു​കൊ​ണ്ട് ഷ​കീ​റി​​ന്റെ ഓ​ട്ടം. ഫെ​ബ്രു​വ​രി 17ന് ​രാ​വി​ലെ ആ​റു മ​ണി​ക്ക് അ​ബു സം​റ അ​തി​ർ​ത്തി​യി​ൽ നി​ന്നും തു​ട​ക്കം കു​റി​ച്ച ഓ​ട്ടം, 192.14 കി​ലോ​മീ​റ്റ​ർ ദൂ​രം പി​ന്നി​ട്ട് ഒ​രു പ​ക​ലും രാ​ത്രി​യും നീ​ണ്ട കു​തി​പ്പി​നൊ​ടു​വി​ൽ അ​ടു​ത്ത ദി​വ​സം ഉ​ച്ച​യോ​ടെ അ​ൽ റു​വൈ​സ് പോ​ർ​ട്ടി​ൽ ഫി​നി​ഷ് ചെ​യ്യു​ക​യാ​യി​രു​ന്നു. ശ​ക്താ​മ​യ പൊ​ടി​ക്കാ​റ്റും, വീ​ശി​യ​ടി​ച്ച ത​ണു​പ്പി​നെ​യു​മെ​ല്ലാം മ​റി​ക​ട​ന്ന് ഫി​നി​ഷ് ചെ​യ്ത​പ്പോ​ൾ ഖ​ത്ത​ർ മ​ണ്ണി​ൽ ഒ​രു മ​ല​യാ​ളി​യു​ടെ കു​തി​പ്പ് ച​രി​ത്ര​മാ​യി മാ​റി.

ഷ​കീ​ർ ചീ​രാ​യി​യു​ടെ ഗി​ന്ന​സ്​ റെ​ക്കോ​ഡ്​ പ്ര​ക​ട​നം

ഗി​ന്ന​സ് നേ​ട്ട​ത്തി​ന്റെ സാ​ക്ഷ്യ​പ​ത്രം അ​ധി​കൃ​ത​രി​ൽ നി​ന്നും ക​ഴി​ഞ്ഞ ദി​വ​സം ഏ​റ്റു​വാ​ങ്ങി. ഗ​ൾ​ഫ് മാ​ധ്യ​മം ഖ​ത്ത​ർ റ​ൺ, മീ​ഡി​യ വ​ണ ദോ​ഹ റ​ൺ, ദോ​ഹ ബാ​ങ്ക് ഗ്രീ​ൻ റ​ൺ, ദു​ബൈ മാ​ര​ത്ത​ൺ, ഖ​ത്ത​ർ റ​ണ്ണി​ങ് സീ​രീ​സ് എ​ന്നി​വ​യി​ലെ​ല്ലാം തു​ട​ർ​ച്ച​യാ​യ പ​​ങ്കെ​ടു​ത്ത് മെ​ഡ​ൽ അ​ണി​യു​ന്ന ഷ​കീ​ർ ഇ​പ്പോ​ൾ അ​ടു​ത്ത ഓ​ട്ട​ത്തി​നു​ള്ള ത​യ്യാ​റെ​ടു​പ്പി​ലാ​ണ്.

ഖ​ത്ത​റി​ന്റെ തെ​ക്കു​വ​ട​ക്ക് ഓ​ടി​ത്തീ​ർ​ത്ത കാ​ലു​ക​ളു​മാ​യി ഇ​നി യു.​എ.​ഇ​യു​ടെ ഒ​ര​റ്റം മു​ത​ൽ മ​റ്റൊ​ര​റ്റം വ​രെ അ​തി​സാ​ഹ​സി​ക ദൗ​ത്യ​ത്തി​നു​ള്ള ഒ​രു​ക്ക​ത്തി​ലാ​ണ് ഈ ​ത​ല​ശ്ശേ​രി​കാ​ര​ൻ.

അ​ൽ ഗു​വൈ​ഫാ​തി​ൽ തു​ട​ങ്ങി ഫു​ജൈ​റ​യി​ൽ അ​വ​സാ​നി​ക്കു​ന്ന ഓ​ട്ടം 650ഓ​ളം കി​ലോ​മീ​റ്റ​ർ ദൈ​ർ​ഘ്യം വ​രും. ഏ​ഴ് എ​മി​റേ​റ്റു​ക​ളും ക​ട​ന്ന് അ​ഞ്ചു ദി​വ​സം കൊ​ണ്ട് വെ​ല്ലു​വി​ളി പൂ​ർ​ത്തി​യാ​ക്ക​ണ​മെ​ന്നാ​ണ് സ്വ​പ്നം. നി​ല​വി​ൽ ഏ​ഴു ദി​വ​സം കൊ​ണ്ട് ഓ​ടി​തീ​ർ​ത്ത ബ്രി​ട്ടീ​ഷു​കാ​ര​ന്റെ റെ​ക്കോ​ഡ് മ​റി​ക​ട​ക്കു​ക​യാ​ണ് ല​ക്ഷ്യം. അ​തി​ന് ആ​വ​ശ്യ​മാ​യ സ്​​പോ​ൺ​സ​റെ കൂ​ടി ല​ഭി​ച്ചാ​ൽ, ഫി​റ്റ്ന​സ് നി​ല​നി​ർ​ത്തി യു.​എ.​ഇ ഓ​ടി​തീ​ർ​ക്കു​ന്ന കാ​ലം അ​തി​വി​ദൂ​ര​മ​ല്ലെ​ന്ന് ഷ​കീ​ർ പ​റ​യു​ന്നു.