90 മിനിറ്റ് വരെ രണ്ടുഗോളിന് പിന്നിൽ; അവിശ്വസനീയ ജയം നേടി മുംബൈ സിറ്റി

ഗോവ:  ഇ​തി​നെ​ക്കാ​ൾ വ​ലി​യ തി​രി​ച്ചു​വ​ര​വ് സ്വ​പ്ന​ങ്ങ​ളി​ലെ​ന്ന പോ​ലൊ​രു ക​ളി​യി​ൽ ഇ​ഞ്ച്വ​റി സ​മ​യ​ത്ത് പി​റ​ന്ന മൂ​ന്നു ഗോ​ളു​ക​ളി​ൽ ഗോ​വ​യെ ക​ട​ന്ന് മും​ബൈ. ഇ​രു പ​കു​തി​ക​ളി​ലാ​യി അ​ടി​ച്ചു​ക​യ​റ്റി​യ ര​ണ്ടു ഗോ​ളു​ക​ളു​മാ​യി ക​ളി കാ​ലി​ലെ​ടു​ത്ത എ​തി​രാ​ളി​ക​ളെ ആ​റു മി​നി​റ്റി​ന്റെ ഇ​ട​വേ​ള​യി​ൽ മൂ​ന്നു​വ​ട്ടം തോ​ൽ​പി​ച്ചാ​ണ് മും​ബൈ​ക്കാ​ർ ​ക​ലാ​ശ​പ്പോ​രി​ലേ​ക്ക് ഒ​രു ചു​വ​ട് അ​രി​കെ​യെ​ത്തി​യ​ത്. ഐ.​എ​സ്.​എ​ൽ സെ​മി ആ​ദ്യ പാ​ദ​ത്തി​​ൽ ക​ഴി​ഞ്ഞ ദി​വ​സം നി​ല​വി​ലെ ചാ​മ്പ്യ​ന്മാ​രാ​യ മോ​ഹ​ൻ ബ​ഗാ​നെ​തി​രെ ഒ​ഡി​ഷ ജ​യം നേ​ടി​യി​രു​ന്നു.

16ാം മി​നി​റ്റി​ൽ ഗോ​വ​ക്കാ​യി ബോ​റി​സ് സി​ങ് ആ​ണ് അ​ക്കൗ​ണ്ട് തു​റ​ന്ന​ത്. ര​ണ്ടാം പ​കു​തി​യി​ൽ ബ്രാ​ൻ​ഡ​ൺ ഫെ​ർ​ണാ​ണ്ട​സും വ​ല കു​ലു​ക്കി. പ​ന്ത​ട​ക്ക​ത്തി​ൽ മു​ന്നി​ൽ നി​ൽ​ക്കു​ക​യും ഗോ​ള​വ​സ​ര​ങ്ങ​ളി​ൽ ഒ​പ്പം നി​ൽ​ക്കു​ക​യും ചെ​യ്തി​ട്ടും മും​ബൈ ഒ​രു​വ​ട്ടം പോ​ലും മ​ട​ക്കാ​തെ ക​ളി ഇ​ഞ്ചു​റി സ​മ​യ​ത്തേ​ക്ക്. തോ​ൽ​വി​യു​റ​പ്പി​ച്ച് പാ​തി​യ​ട​ച്ച ക​ണ്ണു​ക​ളു​മാ​യി അ​ദ്ഭു​തം കാ​ത്തി​രു​ന്ന ഗാ​ല​റി​യെ സ്ത​ബ്ധ​രാ​ക്കി ഇ​ഞ്ച്വ​റി സ​മ​യ​ത്തി​ന്റെ ഒ​ന്നാം മി​നി​റ്റി​ലാ​യി​രു​ന്നു മും​ബൈ താ​രം ചാ​ങ്തെ ആ​ദ്യ വെ​ടി​പൊ​ട്ടി​ച്ച​ത്.

മ​ധ്യ​നി​ര​യി​ൽ​നി​ന്ന് കി​ട്ടി​യ പ​ന്തു​മാ​യി കു​തി​ച്ച ജ​യേ​ഷ് റാ​ണ ന​ൽ​കി​യ ഹൃ​ദ​യ​ഹാ​രി​യാ​യ പാ​സ് എ​ത്തി​യ​ത് ചാ​ങ്തെ​യു​ടെ കാ​ലു​ക​ളി​ൽ. ആ​ദ്യ ട​ച്ചി​ൽ എ​തി​ർ ഗോ​ളി ധീ​ര​ജി​നെ നി​സ്സ​ഹാ​യ​നാ​ക്കി​യ താ​രം വ​ല കു​ലു​ക്കി. പ്ര​തീ​ക്ഷ​യു​ടെ നേ​രി​യ വെ​ട്ടം വീ​ണ മും​ബൈ ക്യാ​മ്പ് നി​യ​ന്ത്ര​ണം വി​ട്ടോ​ടി​യ അ​ടു​ത്ത മി​നി​റ്റി​ൽ പി​ന്നെ​യും ഗോ​ൾ പി​റ​ന്നു. പ​ക​ര​ക്കാ​ര​ൻ ഗു​ർ​കി​ര​ത് ഓ​ടി​യെ​ടു​ത്ത് പാ​യി​ച്ച ഷോ​ട്ട് ധീ​ര​ജ് ത​ടു​ത്തി​ട്ടെ​ങ്കി​ലും വീ​ണു​കി​ട്ടി​യ​ത് വി​ക്ര​മി​ന്റെ കാ​ലു​ക​ളി​ൽ. അ​വ​സ​രം പാ​ഴാ​​ക്കാ​തെ വി​ക്രം പ​ന്ത് വ​ല​യി​ലെ​ത്തി​ച്ചു. ഞെ​ട്ടി​യു​ണ​ർ​ന്ന ഗാ​ല​റി ആ​ർ​ത്തു​വി​ളി​ച്ച അ​ദ്ഭു​ത നി​മി​ഷ​ങ്ങ​ളാ​യി​രു​ന്നു പി​ന്നെ.

ഇ​രു ടീ​മും ര​ണ്ട് ഗോ​ൾ വീ​ത​മ​ടി​ച്ച ഒ​പ്പ​മെ​ത്തി​യ പോ​രാ​ട്ടം അ​വി​ടെ അ​വ​സാ​നി​ക്കു​മെ​ന്നേ മും​ബൈ ആ​രാ​ധ​ക​ർ പ്ര​തീ​ക്ഷി​ച്ചു​ള്ളൂ. റ​ഫ​റി അ​വ​സാ​ന വി​സി​ലി​ന് ഒ​രു​ങ്ങി നി​ൽ​ക്കെ ആ ​ഗോ​ളു​മെ​ത്തി. ജ​യേ​ഷ് റാ​ണ​യെ​ന്ന മ​ധ്യ​നി​ര അ​തി​കാ​യ​നാ​യി​രു​ന്നു ഇ​ത്ത​വ​ണ​യും ഹീ​റോ. വ​ല​യം ചെ​യ്തു​നി​ന്ന എ​തി​ർ​പ്ര​തി​രോ​ധ​ത്തെ വെ​ട്ടി​യൊ​ഴി​ഞ്ഞ് പോ​സ്റ്റി​നു മു​ന്നി​ൽ ചാ​ങ്തെ​ക്ക് പ​ന്ത് കൈ​മാ​റു​ന്നു. ഇ​ടം​കാ​ല​ൻ ട​ച്ചി​ൽ പ​ന്ത് വ​ല കു​ലു​ക്കു​ന്നു.

ശ​രി​ക്കും വീ​ണു​പോ​യ ഗോ​വ ഗോ​ളി​യും താ​ര​ങ്ങ​ളും സാ​ക്ഷി​നി​ൽ​ക്കെ മും​ബൈ അ​ല​ക​ട​ലാ​യി ആ​ഘോ​ഷ​ത്തി​ലേ​ക്ക്. ക​ളി അ​വ​സാ​നി​രി​ക്കെ ന​ട​ത്തി സ​ബ്സ്റ്റി​റ്റ്യു​ഷ​നു​ക​ളു​മാ​യി കോ​ച്ച് പീ​റ്റ​ർ ക്രാ​റ്റ്കി ന​ട​ത്തി​യ മാ​റ്റ​ങ്ങ​ളാ​ണ് ശ​രി​ക്കും ഗോ​വ​യെ തു​ണ​ക്കു​മാ​യി​രു​ന്ന ഫ​ലം മും​ബൈ​ക്ക് അ​നു​കൂ​ല​മാ​ക്കി മാ​റ്റി​യ​ത്.