പോർച്ചുഗൽ സൂപ്പർ താരം ക്രിസ്റ്റ്യാനോ റൊണാൾഡോ സൗദി ക്ലബ്ബായ അൽ-നസ്റിന് വേണ്ടി കളത്തിലിറങ്ങുന്നത് കാണാനായി കാത്തിരിക്കുകയാണ് ലോകമെമ്പാടുമുള്ള ആരാധകർ. അൽനസ്റുമായി ഒരു വർഷം 214,078,000 ഡോളർ (1,770 കോടിയിലേറെ രൂപ) കരാറിലാണ് ക്രിസ്റ്റ്യാനോ ഒപ്പുവെച്ചത്. രണ്ടര വർഷത്തേക്കാണ് കരാർ.
കഴിഞ്ഞ ദിവസം സൗദി പ്രോ-ലീഗിൽ അൽ തഈക്കെതിരെ നടന്ന മത്സരത്തിൽ ക്ലബിനായി അരങ്ങേറ്റം കുറിക്കാൻ ക്രിസ്റ്റ്യാനോക്ക് സാധിച്ചിരുന്നില്ല. മാഞ്ചസ്റ്റർ യുനൈറ്റഡിൽ കളിക്കുമ്പോൾ ഫുട്ബാൾ അസോസിയേഷൻ ഏർപ്പെടുത്തിയ വിലക്കാണ് താരത്തിന് തിരിച്ചടിയായത്.
മത്സരത്തിൽ അൽ നസ്ർ ഗോളടിച്ചപ്പോൾ ട്രെയിനിങ് റൂമിലിരുന്ന് കളി കാണുകയായിരുന്നു ക്രിസ്റ്റ്യാനോ. ടീമിന്‍റെ ഗോൾ നേട്ടം ആഘോഷിക്കുന്ന ദൃശ്യങ്ങൾ അൽ നസ്ർ ട്വിറ്ററിലൂടെയാണ് പുറത്തുവിട്ടത്. മത്സരത്തിൽ 2-0ന് ആയിരുന്നു അൽ നസ്റിന്‍റെ ജയം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.