ഫ്ലോറിഡ: എം.എൽ.എസ് പ്രീ സീസണിലെ തുടർച്ചയായ രണ്ടാം മത്സരത്തിലും വിജയിക്കാനാകാതെ ഇന്റർമയാമി. ലയണൽ മെസ്സിയും ലൂയിസ് സുവാരസുമടങ്ങുന്ന വമ്പൻ താരങ്ങൾ അണിനിരന്നിട്ടും എഫ്.സി ഡല്ലാസുമായുള്ള സൗഹൃദ പോരാട്ടത്തിൽ ഒരു ഗോളിന് കീഴടങ്ങി. പ്രീ സീസണിലെ ആദ്യ മത്സരത്തിൽ എൽസാൽവഡോറുമായി ഗോൾ രഹിത സമനിലയിലായിരുന്നു.
ഡല്ലാസിന്റെ തട്ടകമായ കോട്ടൺ ബൗൾ സ്റ്റേഡിയത്തിൽ നടന്ന മത്സരത്തിൽ മൂന്നാം മിനിറ്റിൽ ജീസസ് ഫെരേറയാണ് ഡല്ലാസിനെ മുന്നിലെത്തിക്കുന്നത്. തുടർന്ന് 90 മിനിറ്റും കളംനിറഞ്ഞ് കളിച്ചിട്ടും ഡല്ലാസിന്റെ വലകുലുക്കാൻ മയാമിക്കായില്ല.
മെസ്സി, സുവാരസ്, ജോഡി ആൽബ, സെർജിയോ ബുസ്ക്വറ്റ്സ് തുടങ്ങിയ വൻതാരനിര ആദ്യ ഇലവനിൽ ഉണ്ടായിട്ടും മയാമിയെ FC Dallas 1-0 Inter Miami CF. മയാമിയുടെ അടുത്ത പ്രീ സീസൺ സൗഹൃദ പോരാട്ടം ഈ മാസം 29 ന് സൗദി കരുത്തരായ അൽഹിലാലുമായാണ്. ഫെബ്രുവരി ഒന്നിനാണ് ക്രിസ്റ്റ്യാനോ റൊണാൾഡോയുടെ അൽ നസ്റുമായുള്ള പോരാട്ടം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.