മാഞ്ചസ്റ്റർ യുനൈറ്റഡ്- എവർട്ടൻ മത്സരത്തിൽ മുൻ ചാമ്പ്യന്മാർക്ക് സമനില കുരുങ്ങിയതിനേക്കാൾ ചർച്ചചെയ്യപ്പെട്ടത് മറ്റൊരു കാര്യമായിരുന്നു. ആന്‍റണി മാർഷ്യലിന്‍റെ ഗോളിൽ മുന്നിലെത്തിയ മാഞ്ചസ്റ്റർ യുനൈറ്റഡിനെതിരെ, എവർട്ടൻ ആൻഡ്രോസ് ടൗൺസെൻഡിലൂടെ (65ാം മിനിറ്റിൽ) അടിപൊളി ഗോളിൽ തിരിച്ചടിച്ചു. പന്തു വലയിലെത്തിയപാടെ ഇംഗ്ലണ്ടിന്‍റെ എവർട്ടൻതാരം ടൗൺസെൻഡ് മൈതാനത്തിന്‍റെ മൂലയിലേക്ക് നീങ്ങി ഒന്നാന്തരമൊരു സെലിബ്രേഷൻ നടത്തി. അതുകണ്ട് മാഞ്ചസ്റ്റർ യുനൈറ്റഡ് ആരാധകർ മൂക്കത്തു വിരൽവച്ചുപോയി.
Andros Townsend really hit Cristiano Ronaldo's Siuuuu at Old Trafford 😳 pic.twitter.com/pqdGVDV6UB
— Goal (@goal) October 2, 2021
തങ്ങളുടെ എല്ലാമെല്ലാമായ സാക്ഷാൽ ക്രിസ്റ്റ്യോനോ റൊണാൾഡോയുടെ ട്രേഡ്മാർക്കായ ക്ലാസിക് സെലിേബ്രഷൻ ! മൈതാനത്തിന്‍റെ അങ്ങേ അറ്റത്തുനിന്നും അതു കണ്ടിരിക്കാനായിരുന്നു ക്രിസ്റ്റ്യാനോയുെട യോഗം.
ഇതോടെ, സൂപ്പർ താരത്തെ അവഹേളിച്ചുവെന്ന് സമൂഹമാധ്യമങ്ങളിൽ ചൂടേറിയ ചർച്ചയായി. എന്നാൽ മത്സരം അവസാനിച്ചതോടെ ആ വിവാദം കെട്ടടങ്ങി. അവസാന വിസിൽ മുഴങ്ങിയതോടെ ടൗൺസെന്‍റ് സൂപ്പർ താരത്തോട് ജഴ്‌സി ചോദിച്ചു വാങ്ങിയതോടെയാണ് ക്രിസ്റ്റ്യാനോയെ കളിയാക്കിയതല്ലെന്ന് വന്നത്.
Amazing shift from the boys and away support. Could/should have had all 3 points but will take the point and regroup ⚽️🙏🏽 @Everton pic.twitter.com/s1w3vkrqJR
— Andros Townsend (@andros_townsend) October 2, 2021
താൻ ക്രിസ്റ്റ്യാനോയെ പരിഹസിച്ചിട്ടില്ലെന്നും ആഘോഷം തന്‍റെ ആരാധനയായി കണ്ടാല്‍ മതിയെന്നും ടൗൺസെന്‍റ് പ്രതികരിക്കുകയും ചെയ്തതോടെ വിവാദം കെട്ടടങ്ങി. 'അദ്ദേഹം എന്‍റെ ഹീറോയാണ്. ഞാൻ അനുകരിക്കുകയായിരുന്നില്ല. എന്‍റെ ജീവിതത്തെ സ്വാധീനിച്ച താരത്തോടുള്ള ആരാധനയായി കണ്ടാൽ മതി. ക്രിസ്റ്റ്യാനോയുടെ കളി കണ്ടാണ് വളർന്നത്- 30കാരനായ ടൗൺസെന്‍റ് പറഞ്ഞു.
Andros Townsend took Cristiano Ronaldo's shirt home and expressed his admiration via Instagram. pic.twitter.com/W1nyS1tI0r
— TCR. (@TeamCRonaldo) October 2, 2021
പിന്നാലെ ക്രിസ്റ്റ്യാനോ സമ്മാനിച്ച ജഴ്‌സിയുടെ ചിത്രങ്ങൾ ഇൻസ്റ്റഗ്രാമിൽ പങ്കുവച്ച് 'ഗോട്ടിനോട് ആദരം മാത്രം' എന്ന അടിക്കുറിപ്പും ചേർത്തതോടെ സി.ആർ 7 ആരാധകർക്ക് രോമാഞ്ചമായി. മത്സരത്തിൽ സൈഡ് ബെഞ്ചിലായിരുന്ന ക്രിസ്റ്റ്യാനോ റൊണാൾഡോ 57ാം മിനിറ്റിൽ പകരക്കാരനായാണ് കളത്തിലിറങ്ങിയത്. 1-1നാണ് മത്സരം അവസാനിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.